教育王國

標題: 長沙灣協和開心學習嗎？ [打印本頁]

作者: tamama765 時間: 16-9-10 10:55 標題: 長沙灣協和開心學習嗎？

聽完學校小一簡介會，校長強調生活學習開心學校。但介紹課程時小學已有本唐詩背文學學習英文要背生字。好以好谷咁又要提高專注力。又音樂又體育要比賽要贏。到底學校係點？又話開心又谷。一年要睇三十幾本要讀。又要求上網自學，做高楷解難題，中英數常。要上網做功課溫書。聽到都好大壓力！請問現家長就咪都有壓力跟小朋友早常測驗功課？

作者: vinvintwins 時間: 16-9-10 15:48

學校提供這些網上學習平台給學生是好事；比賽方面，學校都是選精英去比賽，當然希望贏，但冇講一定要贏。
龍頭學校，谷是必然；茘天，瑪神谷吾谷，吾谷都是騙人。

作者: snsn 時間: 16-9-10 21:54 標題: 回覆：vinvintwins 的帖子

十分同意

作者: michellelee1979 時間: 16-9-12 00:23 標題: 回覆：vinvintwins 的帖子

谷就一定，唔谷點成績好，升中好，說唔谷你也不信，40網首3名龍頭之一。

作者: bbq2008 時間: 16-9-19 15:34

但我覺得學校會補底，呢方便做得幾好，唔係只顧成績好的學生。大部份老師都很有愛心和耐性的。我女幸好從一年級已遇到好老師，現在三年級都很開心返學。

作者: Yvonnehoney 時間: 16-9-28 05:50

學校也是谷的，但我囝也是開心番學的一群

作者: oil_oil 時間: 16-9-30 02:05 標題: 回覆：tamama765 的帖子

旦白講，一年級唔谷，二年級開始分精英2班開始有要求，三年級精英班會谷，但入得精英班既小朋友又係谷得一樣讀得開心。非精英班好輕鬆開心。

作者: chaknok 時間: 16-10-15 19:06

tamama765 發表於 16-9-10 10:55
聽完學校小一簡介會，校長強調生活學習開心學校。但介紹課程時小學已有本唐詩背文學學習英文要背生字 ...

死谷! 功課勁多!!

作者: mianyang_99 時間: 16-10-25 15:00

唔覺谷

作者: vinvintwins 時間: 16-10-27 03:20

我小朋友在此校讀得很開心。

作者: 豬油妹 時間: 16-11-7 16:39

小一好開心。二年班開始見真章，功課係明顯多咗，但2個鐘內(做吓抖吓)都一定完成。見個個小朋友都好鍾意返學。學校幾注重自主學習同閱讀。syllabus同其他小學無乜太大分別，谷唔谷好主觀。

作者: CCCM 時間: 16-11-22 17:28

一年級好輕鬆, 二年級整體唔算谷, 精英班, 最多兩個鐘做完功課, 有導修堂, 自學課程無壓力, 日日有時間玩和睇書, 囝囝鍾意長協多過之前間幼園

作者: 小小山 時間: 16-12-14 23:56

一年班, 好得閒, 好開心; 之後就之後先算.

作者: AD媽 時間: 16-12-16 14:15

協和生應該大部分都返學返得開心吧？

因學校會因材施教，
成績好又谷得既就入精英班(自願性質)，呢d小朋友應該遇強越強，會越學越開心吧？
對學習不太積極的，又會被編去小班，讓老師容易照顧，功課要求亦無咁高，有時老師會於堂上同佢地一齊做較難的功課，減少挫敗感。

另外學校亦有大量補底班，幫助學生較弱的科目，增加返自信。

我諗，唯一返得唔開心的，係d比較曳的學生吧？因長協對學生品行的要求出名高(是其他學校的老師咁講的)，曳學生會經常被訓導主任罰同見家長的。
講笑咁講，如果自己小朋友行為有問題，真係唔好入長協，因為家長會有幾年好忙

歡迎光臨教育王國 (/)