教育王國

標題: 三歲好叻，但固執及大庳氣 [打印本頁]

作者: beautytiny 時間: 16-9-9 00:37 標題: 三歲好叻，但固執及大庳氣

他三歲，好叻，有老師及很多朋友話他資優，未做評估，問題係他非常固執及有時大卑氣，請問可以點做？

作者: 小曳人 時間: 16-9-9 08:57

本帖最後由小曳人於 16-9-9 15:55 編輯

試試用故事書幫手

有d關於發脾氣嘅，亦有教同理心、品德嘅書，小朋友仲細，慢慢教

作者: babadogcat 時間: 16-9-9 10:21 標題: 回覆：三歲好叻，但固執及大庳氣

本帖最後由 babadogcat 於 16-9-9 10:58 編輯

可以順便問下？若以大家見咁多資優來說，這是資優？

朋友圈內也有一位四歳小朋友，口齒靈俐，反應快，記性好(去過地方會記得），例如佢知道什麼叫無線上網之類，各人也認為小孩十分聰明，可是脾氣十分大，
因為每次去玩時, 我女兒也給她女兒打, 當我說要跟孩子好好溝通時, 朋友說孩子十分聰明, 只是脾氣不好, 叫我女兒就下佢便好了. 她說家人也很將就的.

作者: 小曳人 時間: 16-9-9 16:01

babadogcat 發表於 16-9-9 10:21
可以順便問下？若以大家見咁多資優來說，這是資優？

朋友圈內也有一位四歳小朋友，口齒靈俐，反應快，記性 ...

就咁，唔可以下定論
我响度諗：同一樣事情，有無發生喺我身上呢？！
可能都有，但我會好唔好意思，好無奈咁講

作者: Jane1983 時間: 16-9-11 15:45

本帖最後由 Jane1983 於 16-9-11 15:49 編輯

重覆

作者: Jane1983 時間: 16-9-11 15:48

回覆 babadogcat 的帖子

小朋友叻、靚、屋企有錢...等等都唔係亂咁打人和脾氣臭，然後叫人將就的理由。

唔識教、唔想教，要別人埋單，係唔可以接受的行為。

作者: babadogcat 時間: 16-9-11 21:50 標題: 回覆：Jane1983 的帖子

又何止這事例
另一朋友兒子語文很叻（程度超越正常程度很多），朗誦比賽, 音樂節是得獎常客
可是兒子脾氣異常激動，老師曾叫他冷靜，反而被他大駡說要殺死她......兒子亦喜歡打人，我們曽多次和她傾，換來是：我兒子是資優，脾氣會火爆因為你地冇人明白，而且更冇人明白作為母親的我！

聰明的人大把，資優也不少！將來出來社會工作是否可以填上我是特別聰明，而要大家讓路？

作者: babadogcat 時間: 16-9-11 21:58 標題: 回覆：babadogcat 的帖子

其實逐漸多人了解資優小朋友和家人可遇到的問題，有時好難教，但也要慢慢講，每次態度只是資優就係咁既，要人接受，sorry 這種人只會讓更多朋友遠離

作者: pamelaywy 時間: 16-9-11 22:26

我成日教兩個仔，「能力越大，責任越大」
不論你如何能幹，作為一個有能力的人，應該解決別人問題多於為別人製造問題

作者: lui 時間: 16-9-12 03:20 標題: 引用：又何止這事例另一朋友兒子語文很叻（程度

原帖由 babadogcat 於 16-09-11 發表
又何止這事例
另一朋友兒子語文很叻（程度超越正常程度很多），朗誦比賽, 音樂節是得獎常客
可是兒子脾氣異 ...

資優是人口3%（130以上計），正知你說周街也是。你的朋友們真奇怪，咁散教小朋友

作者: evajyn 時間: 16-9-12 07:39 標題: 回覆：pamelaywy 的帖子

作者: babadogcat 時間: 16-9-12 10:24 標題: 回覆：lui 的帖子

咁好彩身邊真有數個！而且父母也冇符

作者: 小曳人 時間: 16-9-12 11:39

babadogcat 發表於 16-9-11 21:50
又何止這事例
另一朋友兒子語文很叻（程度超越正常程度很多），朗誦比賽, 音樂節是得獎常客
可是兒子脾氣異 ...

其實，呢番說話令我反思...
事實："明白"好多時係解決資優兒情緒問題嘅key
但明白，唔等於放任！我明白你嘅感受，然後，你都要明白其他人嘅感受，從而希望改變到佢嘅態度
佢地唔會隨便"聽話"，一定要認同你講嘅嘢，先會跟隨，呢樣嘢令教規矩/禮儀變得好難教

所以，嗰位家長無錯，我唔清楚當時嘅語氣，在我，外人好難明白對住一個(或以上)資優兒嘅家長，每日EQ大挑戰有幾辛苦，幾無助！

點解大眾願意接受自閉症嘅孩子唔打招呼、讀寫障礙嘅孩子做卷比人慢，但會指控過度活躍或者資優嘅家長唔識教仔？！
其實，佢地真係唔識教！(唔係唔想教好) 社會有無幫過佢地？有無人體諒過佢地？！老師可以去上堂學教SEN，仲有上過兒童心理學，但一句推說一班3x人就可以話無能為力，咁家長呢？！ "教"嘅責任無得推，頂硬上！

我個人唔會隨便同人講"因為資優"所以要人就，我好多時會直接講：佢性格比較自我，無同埋心，比較敏感，所以出現脾氣過激嘅情況...唔好意思。

我家有兩個孩子，次子係普通人，照顧佢嘅散慢，唔集中，記性唔好，係會勞氣，但相對應付哥哥嘅情緒/性格問題，簡直係小事！所以，大家唔好以為資優兒家長好易做，個天俾咗件好嘢你，其實上天俾咗個好大嘅考驗呢班家長，特別係嗰班雙重特殊嘅家長，就係每日嘔到一地血，成日自己走埋一邊喊...

作者: 小曳人 時間: 16-9-12 14:02

https://www.youtube.com/watch?v=OtzBEF8kR8k&feature=youtu.be

RTHK鏗鏘集知優 2011 11 20

作者: s.andp 時間: 16-9-12 15:50 標題: 引用：Quote:babadogcat+發表於+16-9-11+21:50+又

提示: 作者被禁止或刪除內容自動屏蔽

作者: babadogcat 時間: 16-9-12 16:11 標題: 回覆：小曳人的帖子

可能係有冇影響到別人的問題，讀障咪自己慢，分數低之類
其實咩都好，不要太影響到他人，而家長肯教，終有一天是可以慢慢改善過來。

作者: 小曳人 時間: 16-9-12 16:13

s.andp 發表於 16-9-12 15:50
請問你有為哥哥安排情緒訓練嗎？有無推介?

有，遊戲治療。
覺得幫到小朋友講心事，同引導佢控制情緒，治療師同孩子建立到好好嘅關係

唔敢推介，咁啱今日見到佢俾生果做新聞

我地當初問過教授級心理學家，老一派嘅覺得遊戲治療無用，我自己就覺得起碼係一個放鬆可以發洩嘅空間，成效一般要10堂或以上先會見到，亦幾貴...

作者: 小曳人 時間: 16-9-12 16:33

babadogcat 發表於 16-9-12 16:11
可能係有冇影響到別人的問題，讀障咪自己慢，分數低之類
其實咩都好，不要太影響到他人，而家長肯教，終有 ...

正確，就係有無影響到其他人。
但到底係孩子先被影響，還是旁人被影響先？
點解有時會出現不受控制情況？主因係孩子未能處理外來嘅刺激，包括孩子們不體貼嘅一句戲言，敏感嘅人仔會理解成其他嘢...
當然，我唔會怪其他小朋友，亦不敢怪激化問題嘅老師，只能夠默默希望佢唔好"出事"，默默承受反被怪責嘅壓力...

上個學年在學校都發生咗d事，有時個心真係好唔甘心：你個受訓嘅老師一句3x人照顧唔到，搞到個仔嬲到爆，折磨佢超過一個月，仲要向我投訴N次，要我執手尾！點解成年人唔願意退後半步，刺激佢少d，了解佢多d，就少d問題，大家都容易過日子啦~

對唔住，呢排太多人話資優家長"老馮"，實在....好委屈

作者: 小曳人 時間: 16-9-12 16:42

其實，我覺得所謂"就"，應該叫包容
响有問題出現之前，先體貼佢地嘅需要，而唔係出咗問題時，話人點解唔"就"你！
就好似讀寫障礙，你預知佢做功課做卷慢，所以安排少d功課，長d哂測考時間，而唔係考得唔好，要人加分或照升班。

資優兒都可以係咁，預早知道佢地情緒波動大，性格敏感，說教時小心用字，唔好講刺激性字詞，而唔係到佢發哂脾氣，先叫人包容

作者: babadogcat 時間: 16-9-12 17:25 標題: 回覆：小曳人的帖子

我明白你的難處，也知道你會是肯帶領孩子走向更正面的位置。我所以想傾下係我認為之前遇過，那個小朋友坐車坐我後面，腳不斷踢我椅子，維持了約20分鐘，之後我同佢說，請不要踢，阿姨覺得不好受，然後他說，我係鍾意踢呀！佢媽媽沒有阻止他，反而休佢。我諗之所以攪成咁，家長不教真是個最關鍵的問題！

作者: iamadc 時間: 16-9-12 20:53 標題: 引用：其實，我覺得所謂"就"，應該叫包容响有問題

原帖由 小曳人 於 16-09-12 發表
其實，我覺得所謂"就"，應該叫包容
响有問題出現之前，先體貼佢地嘅需要，而唔係出咗問題時，話人點解唔"就 ...

我都想share 小小。有時有些比較敏感的小朋友情緒失控的原因，可能跟一般人，包括老師或其他家長的想像不一樣，但有時不包容/理解的老師可能已經先罵了才算。我過去幾年都唔多唔少有這些經歷，抱住個仔係球場哭 - 唔知點幫佢，亦唔知佢升小學會點。

我會不斷問人/社工/老師，點去處理佢的情緒，有時壓力太大會打去家長熱線，講下我的concern. 我唔想個仔無朋友，比人標籤，佢自己都在進步當中，慢慢可以控制情緒。

但你話踢椅背這些應該係管教問題！

作者: akys 時間: 16-9-13 01:03

回覆小曳人的帖子

『亦不敢怪激化問題嘅老師，只能夠默默希望佢唔好"出事"，
點解成年人唔願意退後半步，刺激佢少d，了解佢多d，就少d問題，大家都容易過日子啦~』

呢兩句完全明白。有時我心諗，老師你不如趕佢出班房，唔好不停刺激佢，根本就唔會有咁多事。好多人唔明佢哋諗嘢嘅方法係同一般人唔同嘅，咁細亦唔識逆來順受，唯有不停『哦』佢，『哦』到佢大啦！

作者: 小曳人 時間: 16-9-13 11:14

iamadc 發表於 16-9-12 20:53
但你話踢椅背這些應該係管教問題！

我估：孩子年齡日長，佢發現某些能力以往無用過，而現時用的話，會有發洩作用當然，我唔响現場，我真係唔知係咪佢動作大，所以踢到張櫈，而唔係老師所講嘅"有意"，佢自己就話無意，因為佢事後嘅憤怒係老師屈佢

作者: Jane1983 時間: 16-9-13 18:57

回覆 babadogcat 的帖子

「要人將就/ 讓路」的 mentality係有問題的，細個都勉強過到關，第日長大左，係社會點樣生存呢，邊個會睇佢台戲？
情況好嚴重，教唔到，係好慘，但唔教/唔想教，或者覺得自己高人一等，要別人遷就，真係害死小朋友，職場、情路和朋友圈都行唔通。

作者: BabyCTY 時間: 16-9-14 13:26 標題: 回覆：Jane1983 的帖子

教佢地處世係好唔容易，好氣餒，但係必須的。

作者: 964000 時間: 16-9-14 13:33 標題: 引用：回覆+babadogcat+的帖子「要人將就/+讓路

原帖由 Jane1983 於 16-09-13 發表
回覆 babadogcat 的帖子

「要人將就/ 讓路」的 mentality係有問題的，細個都勉強過到關，第日長大左，係社 ...

要教，不停哦，希望哦到佢開竅，大D比D有關EQ的書佢睇可能有點幫助

作者: SallyChan2012 時間: 16-9-15 23:34

pamelaywy 發表於 16-9-11 22:26
我成日教兩個仔，「能力越大，責任越大」
不論你如何能幹，作為一個有能力的人，應該解決別人問題多於為別 ...

Spider-Man

作者: chowyikwan 時間: 16-9-23 03:28

babadogcat 發表於 16-9-11 21:58
其實逐漸多人了解資優小朋友和家人可遇到的問題，有時好難教，但也要慢慢講，每次態度只是資優就係咁既，要 ...

同意。我都覺得自己小朋友好叻！但我再觀察其他小朋友，原來他們在其它方面都好叻！

如果自己小朋友叻及資優，係開心的事。但如果小朋友脾氣差，冇朋友，我希望自己小朋友是普通人。

作者: 964000 時間: 16-9-23 10:51

chowyikwan 發表於 16-9-23 03:28
同意。我都覺得自己小朋友好叻！但我再觀察其他小朋友，原來他們在其它方面都好叻！

如果自己小朋友叻及 ...

本帖最後由 964000 於 17-4-30 02:37 編輯

又脾氣差，又超敏感

歡迎光臨教育王國 (/)