教育王國

標題: 播道書院好唔好我未知,但校車服務離譜!未解決! [打印本頁]

作者: martin13 時間: 16-9-4 13:06 標題: 播道書院好唔好我未知,但校車服務離譜!未解決!

我上了EK很多年了,當中有過很多問題,但我都只做旁觀者,但今日終於要開個account吐下苦水了,簡單講:我孩子是乘校車番放學的，而我們的上落車地點是我大厦前二十米的行人路中心，起初我是覺得沒有問題的,但大家也知道開學這兩天下大雨,我哋就在無遮無擋下等校車,第一日等到襪子也濕了，人等校車天公地道,但可否有個更好的地方上落車呢?於是我打去校車公司隆X旅運有限公司,我不是投訴,只是給予意見,而且態度接近乞求,因為孩子始終在他們手中,但那個姓廖的女士竟然答我:不只你們在行人路等,現在就只有你先有意見,你話落雨先有問題,我想問你,唔會日日都落雨掛,而且路線一早和學校傾好,即使經過我哋都唔會停,因為做完播道後要趕做其他學。我很無奈,我問可否再向上級反映,她這樣說:我很多野做的,我會同我老細講,你想揾佢你憑乜呀!你唔鍾意可以唔搭,多你一個唔多。我想再講,cut線了。嬲爆，但算數吧!希望日日天x啦

作者: miujoey 時間: 16-9-6 09:45

明白家長的苦況, 不過校車都係一位難求, 我校有d 人連校長都無位
試下跟學校反映下, 不過我想都無咩用

作者: miujoey 時間: 16-9-6 09:45

我校有d 人連校車都無位

作者: cow1230 時間: 16-9-6 12:12 標題: 回覆：martin13 的帖子

你可以同學校反映
通告說2星期會同校車公司開會

作者: martin13 時間: 16-9-6 16:00 標題: 回覆：播道書院好唔好我未知,但校車服務離譜!未解決!

可能真係求過於供，所以校車服務先可以為所欲為，我知道同學校講也沒用，所以只求日日天晴，可惜，開學到而家日日下雨，求好天相信容易過有改善吧！

作者: AgnesPoon 時間: 16-9-7 08:28 標題: 回覆：martin13 的帖子

學校老師的非常有愛心，校車公司好似沒有什麼愛心，但冇辦法只能屈服因為我們需要她的幫忙但收費不平。

作者: martin13 時間: 16-9-7 11:48 標題: 回覆：AgnesPoon 的帖子

不知幾時換一次校車公司？

作者: wilwinbb 時間: 16-9-7 14:09

回覆 martin13 的帖子

真的超串, 冇法啦, 60人大車都full, 佢咪越來越大支野囉, 其實我地家長可以同學校反映, 不是改善態度而是要求換第二間公司,
(人地梁x華校車同區都係收440), 因我開學時睇住架車行緊, 竟然要我小朋友行去四五行去換位坐, 再者, 每次上車真係上完即走, 一眼都吾望下, 我覺得起碼望一望有冇人行緊過來上車都好ar, 我小朋友第一天放學留了書包在坐位, 好采落車時自己發現, 否則都几麻煩.
我一定會同學校講, 收費太貴, 安全意識差!
大家要自己努力為小朋友爭取, 團結是力量, 加上EC係一間很有愛心同接愛意見學校!

作者: martin13 時間: 16-9-7 16:13 標題: 回覆：wilwinbb 的帖子

你講開又的確係，校長EE 真係上落車一眼也沒望過家長，落車我未行埋去小朋友已落了車，真係有冇好接都得，跟著即刻開車，似趕收工一樣，好呀，我哋集合一齊做啲野

作者: biqutz 時間: 16-9-10 01:06 標題: 回覆：播道書院好唔好我未知,但校車服務離譜!未解決!

努力！

作者: Tan07To13 時間: 16-9-19 10:31

努力！

作者: llam1210 時間: 16-9-22 10:22 標題: 回覆：播道書院好唔好我未知,但校車服務離譜!未解決!

是否無校車過海？

作者: 豬婆 時間: 16-9-27 13:24

我諗只係個別校車司機和嬸嬸的問題吧 .....我兩個小朋友已坐校車三年幾, 換過兩次司機和嬸嬸 , 無論駛駕態度同對小朋友都好好 , 好多時上晒人知有小朋友未到都會等(三幾分鐘都照等), 有一次奶奶趕唔切接個女,佢地都無即時送亞女返學校,打完比我重等埋奶奶黎接佢先走

,身邊唔同區的同學仔都覺得校車服務唔錯,所以真係睇彩數吧 ! 至於車費就真心覺得貴,一個地鐵站嘅車程收八百幾蚊

歡迎光臨教育王國 (/)