教育王國

標題: 求意見自閉特徵會變化嗎? [打印本頁]

作者: JNF 時間: 16-8-24 17:01 標題: 求意見自閉特徵會變化嗎?

請教大家俾少少意見: 小朋友13個月大左右開始留意到中左好多自閉特徵 (知道個時可能太細，但中左好多點所以搵人睇過後覺得機會大安排轉介跟進):
當時情況 - 如唔親父母(無分離焦慮)、鍾意望轉轉、間中打頭、眼神好差(企前面唔望要好得意先望)、唔會手指指同bye bye、叫名唔應、唔模仿成人行為、唔明指令

諗起個陣真係好擔心，基本上checklist上都中了8-9成，因為咁細已經中咁多，之後過左兩個月後，至現在18個月好多行為消失左:

現時情況 - 親爸爸(有分離焦慮)，在家我地去邊都跟住白掛我地做咩、都鍾意望轉轉但會被其他事分散唔會望好耐、沒有打頭、眼神好左(白掛周圍望多，會望人不過無其他小朋友咁耐)、會手指指同bye bye、模仿成人行為、明少少指令 (如餵媽媽食飯、俾俾)。
佢就一向都無玩車轆、腳尖行同排一行既情況，同埋係好會笑同好奇既小朋友(咩都摸同搞)，不過有幾點仲未消失: 叫名近8-9成唔應、言語好差，最多古怪音但唔主動叫任何爸媽、奶奶; 鍾意玩水/沙/千秋但怕摸滑野、極之鍾意指住小動物同建築物，唔知係固執行為定正常小朋友表現 - 唔食水果同上playgroup坐唔定周圍走、物件認知差
問過老師建議: 佢地覺較自我、愛自由，眼神同言語差少少，但見佢都會學野同有笑唔會自己坐一邊，唔會突然大叫，話唔多似

呢情況自閉機會高? 唔好意思太長因為我知道現在可能仍然太早下結論，但一方面見到好多行為自己改善左好開心，一方面又諗其他仲有既行為其實係咪好重要既指標，同埋聽講24個月後好多行為會明顯? 會我呢個情況嗎? (先好左再差返)
而家搵學校唔知點選擇好...

謝大家!

作者: mo515 時間: 16-8-24 17:55 標題: 引用：請教大家俾少少意見:+小朋友13個月大左右開

原帖由 JNF 於 16-08-24 發表
請教大家俾少少意見: 小朋友13個月大左右開始留意到中左好多自閉特徵 (知道個時可能太細，但中左好多點所以 ...

自閉特徵是會變，如果叫名9成唔應，其實機會都好大，我仔都是懷疑自閉，佢上playgroup 坐唔定，加上佢感統有問題，playgroup 老師都叫我同佢評估，我仔當時18個月語言勁差，但老師叫佢名，佢會應及舉手，但佢現在24個月，之前是上playgroup 及自閉playgroup 才有d 改善，我現仍等CAC 評估

作者: 奀珠 時間: 16-8-24 22:23 標題: 回覆：mo515 的帖子

我勸兩位都係唔好等，去私家做評估。18月起可以做，不過兩歲大做會準啲。唔好等CAC，只會消耗咗你黃金期訓練時間。

作者: girlsc 時間: 16-8-25 08:19 標題: 回覆：求意見自閉特徵會變化嗎?

係呀，我仔都係20個月大就去做咗評估。如果唔好彩中咗，都可以早D排到政府服務。

作者: KCHK 時間: 16-8-25 09:22 標題: 回覆：求意見自閉特徵會變化嗎?

樓主好明顯係你小朋友的感統出左問題（我應該之前同你講過，呢d 野就係障礙佢正常的社交, 如果有訓練的係會改善的。自閉特徵係會在不同年紀而變化的，但係都有共通點的。但由於小朋友太細，又未懂表達你才唔知道佢是否興趣改變了。如果認知同言語都係差的就要盡快評估。

作者: bape0060 時間: 16-8-25 11:16 標題: 回覆：JNF 的帖子

做評估啦，普通人答左你係or唔係有用咩？我地唔係專家唔係醫生，你為佢好就應該去評估而幫佢及早治療!

作者: JNF 時間: 16-8-25 12:01 標題: 回覆：bape0060 的帖子

好都等緊評估了

作者: ahyu_0805 時間: 16-8-27 03:06 標題: 回覆：奀珠的帖子

唔好意思，請問咩叫CAC?

作者: KCHK 時間: 16-8-27 08:19 標題: 回覆：求意見自閉特徵會變化嗎?

CAC = 兒童評估中心

歡迎光臨教育王國 (/)