教育王國

標題: 第一日N班放學歸來，小朋友自言自語話老師講你唔好咁煩喔 [打印本頁]

作者: Ericapbxu27 時間: 16-8-18 15:52 標題: 第一日N班放學歸來，小朋友自言自語話老師講你唔好咁煩喔

如題，今個禮拜二我女女第一日翻N班，當然系喊到七彩啦。但系中午翻到屋企食飯的時候嫲嫲話聽到阿女自言自語系度講老師話：你唔好咁煩喔！心裡一驚，好震驚，因我覺得我女仲未識講煩呢個字！於是昨日下午致電學校問情況。班主任同我講話阿女好大力扭計，然後會不停甘問距我爹地媽咪呢？一遍又一遍甘問。仲問我地平時出門去返工時距會唔會喊。唔知系咪即系暗示我距好煩。。。但系我又唔憤氣！話曬兩歲人仔第一次甘樣長時間自己一人返學，仲系開學第一日，點都唔可以甘講掛。媽媽們覺得我應該點做？？請賜教！

作者: creambun 時間: 16-8-18 16:42 標題: 引用：如題，今個禮拜二我女女第一日翻N班，當然

原帖由 Ericapbxu27 於 16-08-18 發表
如題，今個禮拜二我女女第一日翻N班，當然系喊到七彩啦。但系中午翻到屋企食飯的時候嫲嫲話聽到阿女自言自 ...

如果係我，我會觀察多幾日先算。2歲班一開學，班房一定噪到拆天，好多小朋友喊，問心，老師對住咁多喊嘅小朋友，唔心煩就假。其實投訴都無乜幫助，不如諗下點幫自己小朋友盡快適應返學重實際。

作者: sailormercury 時間: 16-8-18 16:58 標題: 回覆：第一日N班放學歸來，小朋友自言自語話老師講你唔好咁煩喔

其實老師唔應該話小朋友煩（尤其2歲咁細！），點都應該安慰小朋友或用其他嘢令小朋友暫時忘記哭。小朋友應該過幾日就唔會喊，最緊要你令她覺得有安全感（例如解釋你唔系唔要佢，返學只係每日一小陣 etc ）

作者: isobelkaka 時間: 16-8-18 17:15

適應期沒有家長陪上？

作者: vpo0615 時間: 16-8-18 17:20

就咁睇字眼上係過火咗, 不過都要考慮埋老師講嘅時候個語氣同表情.....而呢D係不在場嘅人無法知道嘅.....同埋老師有無承認過有講過呢? 我諗, 家長同老師都要一齊合作幫小朋友適應返學, 樓主而家密切留意吓小朋友嘅情緒, 俾多D鼓勵佢.

作者: kappapeach 時間: 16-8-18 17:24

正常應該幼稚園做好充足準備去俾2歲小朋友開學, 不停喊, 都應該係預期之內既事, 唔應該覺得煩!

我都試過俾呀女上另一間學校, 呀女好唔鐘意番學, 成日話老師叫佢 go home, go away, 佢直程係越番越驚, 我唯有退學~

宜家呀女番新學校, 一開始有小小喊, 但第3,4日已經無事, 好開心~

我估家長都係要觀察一排, 睇下小朋友既情緒發展再決定下一步~

作者: 大埔之友 時間: 16-8-19 00:12 標題: 回覆：第一日N班放學歸來，小朋友自言自語話老師講你唔好咁煩喔

如果是老師講又唔多啱, 因為小朋友喊同煩是正常, 特別是新入學. 但又想講小朋友, 有時真的唔可靠, 講既野未必真. 考過N 同K 就明, 小朋友形容的interview 內容可以同實際有出入. 而且老師會否講一次, 小朋友就記入腦? 有無可能是她從其他小朋友身上學的m

作者: lamkwan 時間: 16-8-19 08:25 標題: 引用：如題，今個禮拜二我女女第一日翻N班，當然

提示: 作者被禁止或刪除內容自動屏蔽

作者: Ericapbxu27 時間: 16-8-19 13:32

回覆 creambun 的帖子

多謝你的建議，我都再嘗試多d同小朋友溝通！

作者: Ericapbxu27 時間: 16-8-19 13:34

回覆 creambun 的帖子

都有機會，準備再觀察多兩日

作者: Ericapbxu27 時間: 16-8-19 13:37

回覆 kappapeach 的帖子

阿女呢兩日翻到屋企情緒都比較差，搞到我都有林過唔繼續讀！不過準備再觀察多一個禮拜，再同老師溝通下先再做打算。我都系甘話，兩歲人仔返學，我覺得距地都應該預做喊啦，如果老師真系講佐d甘既野，我都對間學校幾失望咯。。。。

作者: Ericapbxu27 時間: 16-8-19 13:40

回覆 vpo0615 的帖子

你講的非常岩，我下禮拜都想打個電話去學校問問情況，同看下我地做家長既可以點樣配合。都系想入學呢段時間可以順利度過，唔好驚佐學校

作者: Ericapbxu27 時間: 16-8-19 13:41

回覆 isobelkaka 的帖子

有噶

作者: Ericapbxu27 時間: 16-8-19 13:41

回覆 sailormercury 的帖子

Yes！

作者: creambun 時間: 16-8-19 13:44 標題: 引用：回覆+creambun+的帖子 [size=12.0pt]都有

原帖由 Ericapbxu27 於 16-08-19 發表
回覆 creambun 的帖子

都有機會，準備再觀察多兩日

不用擔心，有些小朋友喊足頭星期。有些小朋友頭星期無事，第二星期先開始扭計喊。可以試下放學後去公園玩下，或者食下雪糕，等小朋友放鬆下，咁可能幫到佢無咁怕返學！加油！

作者: Ericapbxu27 時間: 16-8-19 13:47

回覆 creambun 的帖子

唔該晒啊！加油加油！

作者: clarachingching 時間: 16-8-19 14:07

回覆 Ericapbxu27 的帖子

我諗老師真係有咁講過。小朋友好直接，如果你無教過佢用煩這個字，佢無理由識用。或者你親自去一次學校了解一下，有啲嘢當面問會好啲。有好多老師人前人後兩個樣。介唔介意講下係邊間N呀？

作者: Ericapbxu27 時間: 16-8-19 14:33

回覆 clarachingching 的帖子

我PM你啦！~

作者: konew720 時間: 16-8-19 20:10 標題: 引用：如題，今個禮拜二我女女第一日翻N班，當然

原帖由 Ericapbxu27 於 16-08-18 發表
如題，今個禮拜二我女女第一日翻N班，當然系喊到七彩啦。但系中午翻到屋企食飯的時候嫲嫲話聽到阿女自言自 ...

觀察多一排先。如果2-3個月後，囡囡都係唔鍾意返學，好大機會係老師態度問題。

作者: target4 時間: 16-8-23 19:25 標題: 引用：如題，今個禮拜二我女女第一日翻N班，當然

原帖由 Ericapbxu27 於 16-08-18 發表
如題，今個禮拜二我女女第一日翻N班，當然系喊到七彩啦。但系中午翻到屋企食飯的時候嫲嫲話聽到阿女自言自 ...

轉校

歡迎光臨教育王國 (/)