教育王國
標題: 家道中落 公主病女兒怨父母 [打印本頁]
作者: elbar 時間: 16-8-18 08:55 標題: 家道中落 公主病女兒怨父母
本帖最後由 elbar 於 16-8-18 08:56 編輯
【晴報專訊】如何培養子女成才，是每個家長頭痛的課題。有網民指親戚信奉富養對女兒有益，讓寶貝女過公主式生活，但後來因家道中落無力再富養，反惹女兒埋怨。有親子理財專家指，父母應坦承公開財政狀況，教育子女「花無百日紅」道理。
坊間流行「窮養男孩、富養女孩」論，指可磨練男孩骨氣及減少女孩受物質誘惑。但有網民在討論區發帖，質疑理論或養出一堆「反骨仔女」。帖文指：「叔仔本是中產，但夫妻接連被裁員減薪，不能再供女兒享受公主式生活，結果他讀中四的女兒變得很情緒化，成日埋怨父母。」
小學生不願坐巴士 打駡父母
網民透露，涉事家庭本來一年最少外遊3次，每次最少花3萬至5萬元，亦愛光顧酒店自助餐和下午餐，慨嘆「富養」或造成其女心理不平衡：「本身過開優質生活，突然間失去，或自立後無法有同樣享受，直頭有機會行差踏錯。」
帖文引起網友熱議。有人稱曾目擊小學生對父母打罵，主因竟是：「搭開的士不願屈就搭巴士。」另有人指朋友讀小學時，每天有100元零用錢，升中後家道中落，令朋友「接受不了現實，唔認老竇。」
親子理財顧問李錦指，很多父母忘記提醒子女「花無百日紅」的道理，令子女不明白家庭經濟轉差會改變生活模式：「有國際學校高中男生每月的興趣已花費近萬元，但父親失業後無力負擔歐遊等開銷，男生反而質疑父母不再愛他，未將資源優先放在他身上。」
李稱，家長拿捏「窮養富養」時切忌過火，毋須側重任何一邊：「外出食飯可選茶餐廳，也可選自助餐，最重要教識子女要珍惜，物質享受並非老奉。」他建議，如家庭遇財政困難，父母應開誠布公，列出家庭收支，與子女商議哪些開支要削減，讓孩子理解環境有變。
遇財政困難 父母應坦白
女青家庭健康促進中心督導主任伍偉湛指，現今不少父母愛用物質來衡量愛錫子女程度，令子女亦「有樣學樣」，結果家境變差時，子女即覺得不再被愛：「其實愛惜子女不用錢，反而要花時間和心思觀察，關懷孩子的需要。」
作者: Cheeselover 時間: 16-8-19 06:32 標題: 回覆：家道中落 公主病女兒怨父母
為何只有小孩有病？習慣富裕生活，當折墮時，家中每個人都可能出現病徵，皇帝病、皇后病、公主和王子分分鐘也病發。孩子知道什麼原因折墮嗎？知道什麼是能屈能伸嗎？知道什麼是命運弄人嗎？知道什麼是經濟衰退而失業嗎? 無聊新聞！
作者: moodymok 時間: 16-8-19 09:54
皇帝病、皇后病
new terms
作者: nintendo 時間: 16-8-19 12:33
人有三衰六旺，如果一向家教好，小朋友好快適應。
窮家小孩也不見得個個品格優良。
這些文章，看似是建議父母要好好教仔女，但其實是有點 "抵你折墮" 心態。
三幾個例，可以代表乜？
我有朋友，父母當年十分有錢，因為有親人唔生性，佢父母要賣家當還錢，我朋友英國讀讀下 boarding school 都要返香港。之後要出去工作，好釆遇到好老闆，再進修，而家係專業人的士。
估人地家庭突然冇錢，仔女會點接受唔到。
即係點？而家有錢都繼續日日逼巴士？明明負擔得起都唔住大屋 ？
BK 大海都有好多人日日批評人地消費模式，
講到中學生用 iphone 就係縱，比小朋友讀私校十分多餘。
總之，講到有錢仔個個冇家教，但窮人仔女個個乖。
擔心有錢佬家道中落？
不如叫低下層唔好日日開口埋口要學中產去歐洲遊學，話冇搭過飛機好慘。
公主病只係屋企人受，發窮惡先係社會大問題。
作者: skkeung 時間: 16-8-21 21:46 標題: 引用：人有三衰六旺，如果一向家教好，小朋友好快
原帖由 nintendo 於 16-08-19 發表
人有三衰六旺，如果一向家教好，小朋友好快適應。
窮家小孩也不見得個個品格優良。
這些文章，看似是建議父 ...
作者: Jane1983 時間: 16-8-21 23:30
仔女只可以共富貴，唔搭的士會打父母，唔旅行、食buffet，會埋怨父母無用，呢個係果。
自己基因、自己一手調教，教成咁有乜好講 
作者: skkeung 時間: 16-8-22 07:40 標題: 引用：仔女只可以共富貴，唔搭的士會打父母，唔旅
原帖由 Jane1983 於 16-08-21 發表
仔女只可以共富貴，唔搭的士會打父母，唔旅行、食buffet，會埋怨父母無用，呢個係果。
自己基因、自己一手 ...
作者: DreamKid 時間: 16-8-23 12:28 標題: 回覆：nintendo 的帖子
非常同意！我唔明點解而家啲本地學校成日去遊學。
作者: like_travel 時間: 16-8-23 12:46
回覆 DreamKid 的帖子
我地以前最多去烏溪沙
作者: ANChan59 時間: 16-8-23 12:53 標題: 引用：非常同意！我唔明點解而家啲本地學校成日去
原帖由 DreamKid 於 16-08-23 發表
非常同意！我唔明點解而家啲本地學校成日去遊學。
作者: DreamKid 時間: 16-8-23 19:20 標題: 回覆：ANChan59 的帖子
我聽個啲係日本、紐西蘭等先進國家。我都唔明會有咩得着。
作者: DreamKid 時間: 16-8-23 19:22 標題: 回覆：like_travel 的帖子
以前去烏溪沙真係好開心架！
作者: Cheeselover 時間: 16-8-23 22:47 標題: 引用：非常同意！我唔明點解而家啲本地學校成日去
原帖由 DreamKid 於 16-08-23 發表
非常同意！我唔明點解而家啲本地學校成日去遊學。
作者: himching 時間: 16-8-24 09:52
nintendo 發表於 16-8-19 12:33 
人有三衰六旺，如果一向家教好，小朋友好快適應。
窮家小孩也不見得個個品格優良。
這些文章，看似是建議父 ...
| 歡迎光臨 教育王國 (/) |
Powered by Discuz! X1.5 |
