教育王國
標題: 請問康協會出左評估，要等幾耐先有位？住東區 [打印本頁]
作者: wongmarkmark 時間: 16-8-10 15:05 標題: 請問康協會出左評估，要等幾耐先有位？住東區
本帖最後由 wongmarkmark 於 16-8-10 15:22 編輯
請問康協會話排評估要6-8星期，出評估報告要3個星期，仲要有咩程序？政府認可嗎？是否要社工跟進？要等幾耐先有位？佢地訓練收費如何？因為屋企低收入，有咩機構可以評估平D同訓練係平D呀？小朋友剛發現很多種有自閉特徵，很迷網又唔識。住東區，謝謝幫忙!!!
作者: lawwct 時間: 16-8-10 15:40
回覆 wongmarkmark 的帖子
你們小朋友幾大?
作者: wongmarkmark 時間: 16-8-10 17:17
本帖最後由 wongmarkmark 於 16-8-10 17:19 編輯
21個月，實在好無助感，機構係好多咁，但下下都話幾千蚊
作者: Sask999 時間: 16-8-10 18:05 標題: 回覆：請問康協會出左評估，要等幾耐先有位？住東區
可以直接返健康院轉介去CAC 做評估。
作者: wongmarkmark 時間: 16-8-10 23:41
已排緊CAC評估，已等左3個月，仲要等多8個月呀，出年4月先有得睇
作者: Yukiruirui888 時間: 16-8-10 23:48 標題: 回覆：wongmarkmark 的帖子
評估最平係政府的，但妳要等上6-9月，會浪費左d時間等，協康的價錢算比較平了，有左認可的評估報告先就可以排E I S位，排呢d位都要等年幾兩年，有經濟困難可以申請關愛基金的訓練，但前提都是要評估左，有左排位的號碼
作者: Yukiruirui888 時間: 16-8-10 23:51 標題: 引用：已排緊CAC評估，已等左3個月，仲要等多8個
原帖由 wongmarkmark 於 16-08-10 發表
已排緊CAC評估，已等左3個月，仲要等多8個月呀，出年4月先有得睇
作者: KCHK 時間: 16-8-11 09:29 標題: 回覆：請問康協會出左評估，要等幾耐先有位？住東區
評估應該無得平了, 協康呢個都算平的了, 另外, 在協康評估完之後就立刻佢地會收小朋友排隊私人訓練了, 份報告係只用來比政府安排I/E/S位。問下協康有無資助， 通常都有d 一次過好似6000元資助，唔知現在仲有無， 因為有時睇你好唔好運， 有funding返來。另外報告出到就找社會福利署(近你屋企的)， 打電話問要約社工, 我小朋友咩情況, 之後會有社工找你了。如果你唔怕遠， 就周圍打電話問下其他有提供治療的機構，睇下有咩可以上， 又問下攞唔攞到資助， 現在就算私人的都好多人排隊等做治療的。
作者: wongmarkmark 時間: 16-8-12 19:19
多謝你們的回覆！有邊個機構比較平同好，可以在排期時上住先？
作者: Yukiruirui888 時間: 16-8-12 22:47 標題: 引用：多謝你們的回覆！有邊個機構比較平同好，可
原帖由 wongmarkmark 於 16-08-12 發表
多謝你們的回覆！有邊個機構比較平同好，可以在排期時上住先？
作者: ahyu_0805 時間: 16-8-27 03:24 標題: 回覆：KCHK 的帖子
請問打去社署揾社工黎做咩？社署有訓練班？thx~~
作者: KCHK 時間: 16-8-27 08:17 標題: 回覆：請問康協會出左評估，要等幾耐先有位？住東區
如果你是CAC評估的, 需要排位的治療訓練,係會refer 你去見醫務社工等佢幫你排I/E/S位。不過如果你係自己私人去做評估(政府接受的報告)就自己找社工申請。
| 歡迎光臨 教育王國 (/) |
Powered by Discuz! X1.5 |