教育王國

標題: 湊仔湊到喊的我 [打印本頁]

作者: nikiliu 時間: 16-8-9 00:46 標題: 湊仔湊到喊的我

我仔仔差唔多兩歲，識幾十個生字，其實都唔係好識講嘢，佢基本上早午晚三餐都唔肯食，餓過佢亦都唔食，大部份時間都係俾佢睇片先至食到一半，早晚兩餐奶亦都唔係太飲，超瘦21磅。小小嘅唔順佢意就大叫，唔知係咪因為唔識講野，唔識表達所以用大叫去表達。由朝早開始嘅刷牙洗面換衫，已經要同佢講數，換件衫可能同佢講道理10分鐘先換。唔鍾意玩玩具，大部份時間都係坐唔定，響屋企都走來走去，有時又肯玩一樣玩具1分鐘左右，跟住又走來走去係無所事事嗰種，同佢上playgroup 大部份時間佢都係走來走去咁過，佢係一個真係幾嚴重坐唔定嘅小朋友，佢睇片淨係睇來睇去inch wincy spider, 對其他卡通歌曲完全冇興趣睇。我又唔覺得除咗呢樣野之外有其他執着行為，基本上由朝早洗面嗰刻開始，乜鬼嘢都唔合作，我覺得湊到有啲厭倦。我唔知其他BB係咪都係咁？佢同人嘅眼神係比較弱，但其他表現都尚算正常，只係同其他小朋友相處，比較起冇咁主動同熱情。比較鍾意同大人玩，間唔中心情好都會主動同其他小朋友玩。正常嗎？

作者: bestwish 時間: 16-8-9 09:19

本帖最後由 bestwish 於 16-8-9 12:04 編輯

去健康院時, 同姑娘講呀囝情況, 寫信去CAC排期做詳細評估。如未夠期想返健康院, 可以先睇普通科醫生, 講出你囝情況, 請醫生寫信去CAC排期做詳細評估。封信一定要給評估中心全名。醫生應該知點寫。

老實講, 正常小朋友係唔會禁的。

你要快行動。

協康都有類似評估，不過就貴好多, 唔使排禁耐。

作者: DollyCC 時間: 16-8-9 11:26 標題: 回覆：bestwish 的帖子

同意，盡快搵專業人士幫

歡迎光臨教育王國 (/)