教育王國

標題: 湊仔湊到喊的我 [打印本頁]

作者: nikiliu 時間: 16-8-9 00:45 標題: 湊仔湊到喊的我

我仔仔差唔多兩歲，識幾十個生字，其實都唔係好識講嘢，佢基本上早午晚三餐都唔肯食，餓過佢亦都唔食，大部份時間都係俾佢睇片先至食到一半，早晚兩餐奶亦都唔係太飲，超瘦21磅。小小嘅唔順佢意就大叫，唔知係咪因為唔識講野，唔識表達所以用大叫去表達。由朝早開始嘅刷牙洗面換衫，已經要同佢講數，換件衫可能同佢講道理10分鐘先換。唔鍾意玩玩具，大部份時間都係坐唔定，響屋企都走來走去，有時又肯玩一樣玩具1分鐘左右，跟住又走來走去係無所事事嗰種，同佢上playgroup 大部份時間佢都係走來走去咁過，佢係一個真係幾嚴重坐唔定嘅小朋友，佢睇片淨係睇來睇去inch wincy spider, 對其他卡通歌曲完全冇興趣睇。我又唔覺得除咗呢樣野之外有其他執着行為，基本上由朝早洗面嗰刻開始，乜鬼嘢都唔合作，我覺得湊到有啲厭倦。我唔知其他BB係咪都係咁？佢同人嘅眼神係比較弱，但其他表現都尚算正常，只係同其他小朋友相處，比較起冇咁主動同熱情。比較鍾意同大人玩，間唔中心情好都會主動同其他小朋友玩。正常嗎？

作者: Sask999 時間: 16-8-9 08:09 標題: 回覆：湊仔湊到喊的我

盡早去健康院排評估，有可能自閉譜系。

作者: lulumelody 時間: 16-8-9 09:38 標題: 回覆：湊仔湊到喊的我

同我個仔細個—樣，佢有自閉！

作者: nikiliu 時間: 16-8-9 11:15 標題: 回覆：lulumelody 的帖子

但係佢除咗呢啲之外冇其他執着行為，對聲音冇敏感，又唔特別鍾意轉嘅嘢

甘都係自閉？

作者: Happy寶寶 時間: 16-8-9 11:26

提示: 作者被禁止或刪除內容自動屏蔽

作者: lulumelody 時間: 16-8-9 11:46 標題: 引用：但係佢除咗呢啲之外冇其他執着行為，對聲音

原帖由 nikiliu 於 16-08-09 發表
但係佢除咗呢啲之外冇其他執着行為，對聲音冇敏感，又唔特別鍾意轉嘅嘢甘都係自閉？

...

yes, 我仔細個無，以為佢唔係，但Ｄ徵象同你個仔大致—樣，有時有Ｄ問題越大越多！

作者: T96 時間: 16-8-9 11:49

回覆 nikiliu 的帖子

BB有冇用手指指住想要的嘢?

作者: sandyma2011 時間: 16-8-9 13:02 標題: 回覆：湊仔湊到喊的我

唔好估估吓，快d排CAC做評估，如果afford到，去協康做assessment，$5800

作者: nikiliu 時間: 16-8-9 14:26 標題: 回覆：T96 的帖子

有呀

作者: nikiliu 時間: 16-8-9 14:28 標題: 回覆：T96 的帖子

有用手指住啲嘢，見到得意野又會攞嚟同我地分享，有時又會要求我哋攬住佢

作者: nikiliu 時間: 16-8-9 14:29 標題: 回覆：lulumelody 的帖子

可以pm大家交流下ma?

作者: nikiliu 時間: 16-8-9 14:30 標題: 引用：Quote:原帖由+nikiliu+於+16-08-09+發表但

原帖由 lulumelody 於 16-08-09 發表
yes, 我仔細個無，以為佢唔係，但Ｄ徵象同你個仔大致—樣，有時有Ｄ問題越大越多！

...

可以PM大家交流吓嗎？

作者: peonybibi 時間: 16-8-9 15:11 標題: 回覆：nikiliu 的帖子

你可以pm我啊，我仔2.3歲，可以分享下我經驗，評語，訓練我都有經驗。單睇你描述，我唔覺你仔自閉，唔好太擔心。

作者: nikiliu 時間: 16-8-9 15:59 標題: 引用：你可以pm我啊，我仔2.3歲，可以分享下我經

原帖由 peonybibi 於 16-08-09 發表
你可以pm我啊，我仔2.3歲，可以分享下我經驗，評語，訓練我都有經驗。單睇你描述，我唔覺你仔自閉，唔好太 ...

見到個個回覆都話我仔仔有問題，好多謝你呢個回覆，另外有返希望小小

作者: bape0060 時間: 16-8-9 16:10 標題: 回覆：nikiliu 的帖子

我個仔無你仔咁固執，但經常玩門，言語遲，叫佢唔多應又唔望人，已經為自閉!

作者: nikiliu 時間: 16-8-9 16:14 標題: 引用：我個仔無你仔咁固執，但經常玩門，言語遲，

原帖由 bape0060 於 16-08-09 發表
我個仔無你仔咁固執，但經常玩門，言語遲，叫佢唔多應又唔望人，已經為自閉!

...

我仔又無玩門，叫佢大部分時間都有反應，請問你點發玩佢有問題？

作者: bape0060 時間: 16-8-9 16:16 標題: 回覆：nikiliu 的帖子

我仔都開始唔中意食野(以前唔會)，呢d係固執行為! 另外佢地有d都會好活躍，坐唔定，我仔都係咁，其實呢d係感統出現問題，一般人未必知道其實這是自閉特徵，建議盡早評估，我仔都係做私家評估結果是自閉，立即排I位兼收位，並上言語治療同密集式，我現在仲未等到政府評估呢！黃金時間有限，快d評估幫助佢吧！

作者: bape0060 時間: 16-8-9 16:17 標題: 回覆：nikiliu 的帖子

唔望人，叫佢唔應，而家中意睇風景tim
自閉好多種，有d人好安靜，有d人好似過度活躍咁架

作者: bape0060 時間: 16-8-9 16:22 標題: 引用：唔好估估吓，快d排CAC做評估，如果afford到

原帖由 sandyma2011 於 16-08-09 發表
唔好估估吓，快d排CAC做評估，如果afford到，去協康做assessment，$5800

同意，無謂佔估，時間就是金錢。。

作者: bape0060 時間: 16-8-9 16:25 標題: 引用：Quote:原帖由+bape0060+於+16-08-09+發表我

原帖由 nikiliu 於 16-08-09 發表
我仔又無玩門，叫佢大部分時間都有反應，請問你點發玩佢有問題？

玩門是其一特徵，是他們喜歡重覆性既行為填補佢地既時間空白，有d人可能中意玩車輪，有d可能中意睇同一卡通，一唔比佢睇，就發哂顛。。。

作者: 西瓜貓 時間: 16-8-9 16:25 標題: 回覆：nikiliu 的帖子

自閉都有好多種，唔係是但一樣冇做就代表佢唔係，回覆你嘅人唔係想嚇你，係唔想你害咗個仔，當然冇人希望你個小朋友係有事，但萬一如果真係，咁你就會浪費左自己個小朋友嘅黃金治療時間，建議你如果有懷疑比少少錢同佢做個評估仲好啦！

作者: bape0060 時間: 16-8-9 16:27 標題: 回覆：bape0060 的帖子

同埋佢地愈大，就愈出現多特徵，而家可能未出現哂，唔望人怕望人都可能係架

作者: pocoyo123 時間: 16-8-9 16:45

經濟無問題去私家做評估, 否則, 可同健康院姑娘講返小朋友情況, 再安排作評估, 但時間會很長, 有好多小孩自閉徵狀不太嚴重, 是可透過密集訓練來斗正, 但私人訓練比較貴, 所以越早有評估越早去排訓練, 否則, 好多人等到小孩上小學都等不到訓練, 會錯過6歲前黃金訓練期。

上到小學課程緊迫, 小孩自閉徵狀又無改善, 曾經見過有學校會迫小孩退學。

作者: lulumelody 時間: 16-8-9 18:34 標題: 引用：同埋佢地愈大，就愈出現多特徵，而家可能未

原帖由 bape0060 於 16-08-09 發表
同埋佢地愈大，就愈出現多特徵，而家可能未出現哂，唔望人怕望人都可能係架

...

係，越大問題越多。我個仔細個評估為發展遲緩，無太多自閉特徵，但大下大下問題越多。

作者: lulumelody 時間: 16-8-9 18:39 標題: 回覆：湊仔湊到喊的我

最重要，你話湊仔湊到喊，其實都反映小朋友有問題，係唔係自閉都要解決問題。所以，你第一步先做評估先！

作者: lulumelody 時間: 16-8-9 18:44 標題: 引用：Quote:原帖由+bape0060+於+16-08-09+發表我

原帖由 nikiliu 於 16-08-09 發表
我仔又無玩門，叫佢大部分時間都有反應，請問你點發玩佢有問題？

其實你還要睇其他人叫佢有無反應，佢地通常只對照顧者有反應，還有，眼神好重要，佢地通常就算有也很短暫，所以，其實要有經驗和專業的人才能肯定。

作者: nikiliu 時間: 16-8-9 18:51 標題: 回覆：湊仔湊到喊的我

多謝你地的回覆，我會努力留意吓上網睇多啲資料，可能帶佢評估下

作者: creamyXDD 時間: 16-8-9 20:21 標題: 回覆：湊仔湊到喊的我

最近好多朋友都有生小朋友，我深深體會到正常小朋友係我地嗰d有分別，起碼佢地冇我地嗰種無奈同挫敗感。其實只要有呢d感覺已經反映出有問題，如果問題唔係出自父母既照顧能力，咁就一定係小朋友身上，盡早尋找專業意見，對你對小朋友都係正面既幫助。

作者: Sask999 時間: 16-8-9 22:20 標題: 引用：Quote:原帖由+peonybibi+於+16-08-09+發表

原帖由 nikiliu 於 16-08-09 發表
見到個個回覆都話我仔仔有問題，好多謝你呢個回覆，另外有返希望小小

...

唔係話你小朋友一定有問題，只係你來這版問問題，或多或少你都發現佢同一般小朋友不同，也令你感到壓力。
所以好似樓上jm所講，盡早做評估對你及小朋友都係好事。無問題當然好，如果有可以早點訓練。

作者: bape0060 時間: 16-8-11 17:00 標題: 回覆：lulumelody 的帖子

係呢，我仔捉住佢教野，佢都迴避人眼神，同埋佢地只會自己開心，唔會識同人分享。。。同佢玩佢好enjoy, 但一停左佢唔會撩番我玩，很被動，我都湊到喊，因佢唔食飯

作者: bape0060 時間: 16-8-11 17:06 標題: 回覆：bape0060 的帖子

我最擔心係佢地大左，找唔到工作同伴侶，係最擔心最擔心的，協康會話佢地大部分都做唔長工作，因為佢地唔明白人情世故，又執著成日同人嘈，咁味即係唔可以照顧自己?

作者: Sask999 時間: 16-8-11 18:40 標題: 引用：我最擔心係佢地大左，找唔到工作同伴侶，係

原帖由 bape0060 於 16-08-11 發表
我最擔心係佢地大左，找唔到工作同伴侶，係最擔心最擔心的，協康會話佢地大部分都做唔長工作，因為佢地唔明 ...

你小朋友幾大？排左評估未？

作者: chanyuen2012 時間: 16-8-12 00:28 標題: 回覆：湊仔湊到喊的我

或者係自閉譜系裏面嘅亞氏保加。。。

明天好打電話去健康院排見醫生，轉介評估，你越遲排服務都會遲

作者: bape0060 時間: 16-8-12 00:54 標題: 回覆：Sask999 的帖子

評估左自閉，2yr5m

作者: Sask999 時間: 16-8-12 08:10 標題: 引用：評估左自閉，2yr5m +

原帖由 bape0060 於 16-08-12 發表
評估左自閉，2yr5m

未排到服務前如果經濟許可的出去做一些私人訓練，另外上網都有好多資源。
努力加油！

作者: creamyXDD 時間: 16-8-12 10:12 標題: 回覆：湊仔湊到喊的我

最近單新聞，我好體會到嗰個爸爸嘅心情，真係會好絶望同抑鬱，我亦走過一段咁嘅日子，父母會好擔心子女將來。我曾經常去庇護工場外望d學員，心諗個仔如果行到呢步會點，我地去左佢又會點。我有朋友係教d嚴重智障學童既老師，呢d小朋友既智商永遠都係2、3歳，四肢亦有頑疾，佢地既父母好堅強，其實佢地仲慘過我地。我亦睇左好多外國video, 人地社會比我地進步20年，社會上好關注同支持自閉症患者，我期望亦相信香港社會會慢慢進步，等同好多人一樣接受同性戀者一樣。我應該可以照顧到小朋友到呢一日。

作者: creamyXDD 時間: 16-8-12 10:19 標題: 回覆：湊仔湊到喊的我

自閉症係會改善到既，當然唔會百分百同正常人一樣，但佢地有自己生存同體驗社會既模式。社會上難道人人都正常？港女宅男毒男隱青一大堆，打風都去捉精靈，whatsapp一句俾老闆就resign, 其實冇所謂正常既formula, 我相信作為父母既正面接受小朋友，教佢地接受社會，佢地將來都會有正面快樂既人生。

作者: bape0060 時間: 16-8-12 17:43 標題: 回覆：creamyXDD 的帖子

https://m.facebook.com/story.php?story_fbid=578646162260451&id=136225796502492
大家看看吧，睇完我都好驚

作者: bape0060 時間: 16-8-12 17:45 標題: 回覆：creamyXDD 的帖子

20年黎社會亦唔個點成點，可以出現更多唔同類型既人，可能好似感冒咁common

作者: janejanewu 時間: 16-8-23 23:04

回覆 nikiliu 的帖子

如果小朋友會指想要嘅嘢,已經係好開始,你可以教佢同你溝通
e.g. 你想要咩呀?
可以提佢指住/跟你講 e.g.餅甚至教佢手語去表達都得

作者: goodmorningsir 時間: 16-8-26 21:36 標題: 引用：我仔都開始唔中意食野(以前唔會)，呢d係固

原帖由 bape0060 於 16-08-09 發表
我仔都開始唔中意食野(以前唔會)，呢d係固執行為! 另外佢地有d都會好活躍，坐唔定，我仔都係咁，其實呢d係 ...

原來唔食野都係其中一個病徵⋯

作者: lam133 時間: 16-8-27 01:54 標題: 回覆：nikiliu 的帖子

我仔2歲就1個月，唔識講野，
成日發俾氣掉野，
望一下就唔應人，
見人多有時會好驚，
鐘意玩一樣野好耐，
唔瞓覺，

所以上網睇似自閉，佢1.5歲打針，
做唔到姑娘俾他動作，要見醫生
後等做評估，都快等左就1年，
宜家打算排埋協康同密集，
都多同仔傾和外出。

你要快搵做評估為先

作者: lam133 時間: 16-8-27 01:56 標題: 引用：評估左自閉，2yr5m +

原帖由 bape0060 於 16-08-12 發表
評估左自閉，2yr5m

我仔仲等緊做評估，我2歲快1個月大。

真係好擔心。
係未唔可以讀幼稚園架？

今年要報，煩腦中。。。。

作者: Sask999 時間: 16-8-29 21:54 標題: 引用：Quote:原帖由+bape0060+於+16-08-12+發表評

原帖由 lam133 於 16-08-27 發表
我仔仲等緊做評估，我2歲快1個月大。

真係好擔心。

可以照報幼稚園，多些同齡小朋友的刺激對佢地或多或少有幫助。但當然要有心理準備會收到學校的投訴。所以可以的話早些同幼稚園的老師溝通是好事。

報半日的幼稚園，日後E位收左可以半日上幼稚園，半日上E位的訓練。

如果有i位收可以到時轉i位幼稚園。

作者: likelykelly 時間: 17-3-6 16:26

peonybibi 發表於 16-8-9 15:11
你可以pm我啊，我仔2.3歲，可以分享下我經驗，評語，訓練我都有經驗。單睇你描述，我唔覺你仔自閉，唔好太 ...

我個仔剛滿2歳確診自閉
想知多d邊度做訓練好?

作者: lbluebaby 時間: 17-3-6 20:37

如果你覺得佢同同齡小朋友有d唔同，要盡早訓練，評估只係預備幫佢訓練的開始，起碼知道佢邊方面落後或者不足有方向去做training，佢情感表達好同叫佢都有反應，又無感知過敏問題，其實都未必一定係自閉，但可能已經有小小言語落後或者其他發展整體有dd遲緩都會導致你覺得佢表現有d怪怪地。。訓練好緊要，愈早愈好，有訓練同無訓練差好遠ga, 無論自己教或出去訓練都好～～如果你諗住覺得佢可能大大下會正常d可能已經miss左d時間。訓練最大好處係幫佢學常規聽指令，對佢等時返幼稚園作準備都好～

歡迎光臨教育王國 (/)