教育王國
標題: 散文/小說/故事》作文 [打印本頁]
作者: S-Kwok 時間: 16-7-31 23:19 標題: 散文/小說/故事》作文
一直都煩惱小兒嘅作文。
最近，我喺度諗如果想孩子作文好，係咪應該比佢睇多啲散文呢？散文較短、題材又好似較貼近佢地。至於小說，當然都要睇，但功利啲，似乎睇散文比較好。
作者: 200904 時間: 16-8-3 11:24
其實，我覺得文學修養是“浸”出來的，潛移默化的，所以，看什麽類型的書無所謂。
我們家長，可以推薦一些世界名著給小朋友，最好自己先看一遍，覺得遣詞造句都不錯，再推薦。
我小時候，語文老師是讓我隨身準備一本小本子，把自己覺得不錯的句詞抄低，這樣，方便以後的運用。
不過，我兩個女兒尚小，我主要培養她們的興趣，所以暫時還未用這個方法。
作者: little_yolky 時間: 16-8-4 13:31
本帖最後由 little_yolky 於 16-8-4 13:32 編輯
S-Kwok 發表於 16-7-31 23:19 
一直都煩惱小兒嘅作文。
最近，我喺度諗如果想孩子作文好，係咪應該比佢睇多啲散文呢？散文較短、題材又好 ...
想佢作文好, 除咗多看, 一定要多寫。寫得少看得多, 會有眼高手低情況, 心裡很想寫卻總是寫不出好東西來。多寫就從句子開始, 句子寫好了, 就寫小段, 小段寫好了, 就講結構。整篇文章結構良好, 再講修辭。如果句子、結構都未掂, 就唔好講咩修唔修辭了。到修辭時, 又要肚仔有D墨水, 所以, 練習句子段落既同時, 背下D成語古文, 儲下墨水, 到時就水到渠成了。
作者: 1998Ruby1998 時間: 16-8-4 16:11
語文係「浸」出來的，冇話睇咩類型嘅書睇幾多就滿腔墨水。
我學校有時候會俾我哋睇全級佳作，上榜同學嘅作文好多時唔係因為佢拋幾多書包，用咩成語，引經據典，而係因為篇文章觸動人心。我好記得有一次睇一篇主題係「最後的一次」。個同學寫咗成班同學臨DSE前幾最後一次聚餐，睇完之後成級都喊咗出嚟(考試定證係全級坐Hall)。篇文冇咩特別難嘅詞彙，亦都冇咩特別手法，只係字裡行間流露咗「天下無不散之筵席」同埋對未來嘅憧憬同恐懼，呢啲感覺好親切好深刻，呢啲唔係睇幾多書就可以領悟到點寫。
不過，呢啲以小學嚟講就太過深，目前家長可以做嘅係歡迎睇任何類型嘅書(如果高小嘅話，可以睇何紫嘅短篇集，雖然講嘅都係70年代嘅生活，但係題材圍繞小朋友為主，幾好睇)。作文可以叫佢起稿，諗下點樣將相近嘅point擺埋一段，然後再分開成幾段。內容搞掂咗，就諗開首同結尾。咁樣嘅話，到中一啱用(以後就要靠佢自己發揮)。
趁而家冇咩嘢做，得閒多作文，練練文筆。
作者: little_yolky 時間: 16-8-4 16:21
1998Ruby1998 發表於 16-8-4 16:11
語文係「浸」出來的，冇話睇咩類型嘅書睇幾多就滿腔墨水。
我學校有時候會俾我哋睇全級佳作，上榜同學嘅作 ...
小學生, 句子無問題, 無錯別字, 無廣東語法, 結構好已經好唔錯了, 寫多D就好。
作者: little_yolky 時間: 16-8-4 16:22
S-Kwok 發表於 16-7-31 23:19
一直都煩惱小兒嘅作文。
最近，我喺度諗如果想孩子作文好，係咪應該比佢睇多啲散文呢？散文較短、題材又好 ...
作者: S-Kwok 時間: 16-8-4 17:44 標題: 回覆：散文/小說/故事》作文
阿仔升小三。
我自己中文又唔好，即使買咗啲作文書都無從入手，唔知點教。練筆寫段也好、寫文章也好，都唔知比咩題目好。
早前買咗本Ben Sir 教中文（有2本），內裡有佳句、佳段，今日開始同阿仔做吓。
作者: little_yolky 時間: 16-8-4 23:17 標題: 引用：阿仔升小三。 我自己中文又唔好，即使買咗
原帖由 S-Kwok 於 16-08-04 發表
阿仔升小三。
我自己中文又唔好，即使買咗啲作文書都無從入手，唔知點教。練筆寫段也好、寫文章也好，都唔 ...
| 歡迎光臨 教育王國 (/) |
Powered by Discuz! X1.5 |