教育王國

標題: 請問這間學校自行或大抽獎難入嗎？ [打印本頁]

作者: MrsMu 時間: 16-7-27 01:11 標題: 請問這間學校自行或大抽獎難入嗎？

如題, 謝謝!

作者: 小儀皇后 時間: 16-8-17 04:28

我都想知，我想幫女自行揀呢間，唔知大唔大機會。
請媽媽們分享一下，謝謝。

作者: sasa...... 時間: 16-8-18 15:43 標題: 回覆：請問這間學校自行或大抽獎難入嗎？

如果了解過並喜歡福德學校，在自行階段報讀，是有機會獲得取錄的。

近年自行收生比率以倍數增長中，多了選讀的家長，多了家長認同學校的理念，變得比較受歡迎。

希望你們的小朋友成功入讀心儀的小學。

作者: 小儀皇后 時間: 16-8-19 01:41

本帖最後由小儀皇后於 16-8-19 01:47 編輯

多謝呢位媽媽既分享。
因呢間學校肯分享既人唔多，評語都係正面，我見你都有在其他帖回文，希望你小朋友讀得開心，你係邊個階段入呢間學校架?
我女下年先報，所以趁呢一年搵定資料，好可憐，讀完k1就要煩小學，我暫時鎖定呢間學校，不過就偏僻左d。我睇校長之前既訪問覺得好有heart，但好似轉左校長，唔知政策方面有無咩唔同。同埋呢間學校好似無開放日?再次多謝您既解答。

作者: sasa...... 時間: 16-8-19 15:51 標題: 回覆：小儀皇后的帖子

我仔小三插班，女也將在9月入讀小一。

學校位置係有點偏，但幸好我小朋友搭校車，所以沒有問題。
學校也在上學時段安排了3班免費接駁車在樂富地鐵站接載學生。
但正因為學校的地理位置較偏，所以學校像一個小花園，有好多植物，也較空曠，我自己很喜歡。

校長上任好像已有3-4年，你看到的報道應該是他，暫時沒有消息會再轉校長。

希望能幫助你更了解福德學校。

作者: MrsMu 時間: 16-8-21 01:43 標題: 回覆：sasa...... 的帖子

請問學校的宗教氣氛濃厚嗎？

作者: 小儀皇后 時間: 16-8-22 02:21

回覆 sasa...... 的帖子

係喎，我再睇返篇報導，原來只係一年前，即係無轉校長，我記錯左，唔好意思。同埋唔該晒你既所有資料，你比既資料對我黎講好有用，我會更加肯定揀呢間學校，只盼望只行階段易d入。
不過位置真係偏僻左d，但就校舍大，有利有弊。

作者: sasa...... 時間: 16-8-22 14:36 標題: 回覆：MrsMu 的帖子

宗教氣氛不錯的，除了宗教節令的慶祝，還有校長在小息時到聖堂講故事，也著重德育的培養，由於我同仔仔都係天主教，所以很欣賞。不過我知道學校大部份學生都不是天主教徒，就當是靈性、倫理、價值觀的培養吧！

作者: 小儀皇后 時間: 16-8-22 17:04

本帖最後由小儀皇后於 16-8-22 17:05 編輯

唔好意思呀，原來我唔記得問最重要一樣野，福德多功課嗎? 同埋係唔係星期五放早架?
同埋我搵資料時見到你地分班既名都好得意，即係無精英班，對嗎? 因為我唔想分精英唔精英。
謝謝媽媽既解答 ^_^

作者: sasa...... 時間: 16-8-23 16:58 標題: 引用：+本帖最後由+小儀皇后+於+16-8-22+17:05+編

原帖由 小儀皇后 於 16-08-22 發表
本帖最後由小儀皇后於 16-8-22 17:05 編輯

唔好意思呀，原來我唔記得問最重要一樣野，福德多功課嗎? ...

福德功課有人話多有人話少，以我經驗，平日大約5-6樣，我仔2個鐘內完成，星期五就有時7樣，對我來說已經係好好了，以前讀沙田區平日都9-10樣，做到9點幾都未做完，當然，都仲有家長覺得係多，所以好難下定論。

作者: sasa...... 時間: 16-8-23 16:59 標題: 回覆：小儀皇后的帖子

另外，逢星期五放早，1:50就放，我仔好開心

作者: sasa...... 時間: 16-8-23 17:00 標題: 回覆：小儀皇后的帖子

無分精英班

作者: 小儀皇后 時間: 16-8-24 03:05

如果能在兩個鐘內完成，我覺得可接受，同埋放早好開心呀，happy friday。
多謝呢位媽媽一直比咁多資料，因為想揀呢間自行，如果唔得就大抽獎，所以111呢個choice要好慎重，唔想浪費，多謝晒。

作者: MrsMu 時間: 16-8-28 02:02 標題: 回覆：sasa...... 的帖子

其實我一家是基督徒, 但因為小朋友是SEN學生, 有朋友推介這間學校而我地都覺得好適合, 只是地方有點遠和不同信仰, 我只是怕令小朋友好confusing.

作者: milk323 時間: 16-8-31 13:55 標題: 回覆：請問這間學校自行或大抽獎難入嗎？

我大抽獎放第三志願入的，今年都開足4班。買校服時個亞姐話今年收得比上年多人，高班插班都冇位了。

作者: 雪晴25 時間: 16-9-5 12:54

請問福德是小班教學嗎? 多小人一班? 是否有雙班主任?

作者: 艾仔 時間: 16-9-12 02:26 標題: 回覆：雪晴25 的帖子

20人一班，一個班主任

作者: 小儀皇后 時間: 16-9-18 01:41

我今日參觀左學校，有好幾個家長圍住校長問關於sen學生既照顧方面，其實呢間學校係唔係多呢類學生? 我無歧視呢類學生，只係想知老師們會唔會應付唔到，或資源上足夠分配各方面既學生嗎? 有無家長可解答下呀?
另外今日校長話每日有5-7樣功課，好似好多咁呀。

作者: 曼曼嘉嘉 時間: 16-9-19 10:07 標題: 引用：我今日參觀左學校，有好幾個家長圍住校長問

原帖由 小儀皇后 於 16-09-18 發表
我今日參觀左學校，有好幾個家長圍住校長問關於sen學生既照顧方面，其實呢間學校係唔係多呢類學生? 我無歧 ...

我相信校長和老師會用心分配時間在各學生身上。暫時來說，以平日5-7樣功課是普遍2線學校的量。否則，要減量的話，學術太淺，學校會容易將來收不足學生而有機殺校。更以九龍城中學校網來說，就算有學生升上B1英中，亦會因為量少而追不上其他小學的平均功課量而感吃力，造成升中有挫敗感。我也不會要求校方多加功課，只要在普遍2線小學功課量的情況底下，已經足夠。1線小學的功課量更不可想像，課程快和深。但是，當你面對大家6年後升中，便不能忽視，這是現實。Sen的同學只要有適當照顧，也能在學習方面上有發展，不一定是學術，而是在藝術和體育發展上找到他們的目標和出路，這是校長在家長會時提出的，作為學生家長，我也很認同多方面發展對學生有好處。

作者: 曼曼嘉嘉 時間: 16-9-19 11:40 標題: 回覆：MrsMu 的帖子

我是34校網以乙二抽入福德學校。

作者: 曼曼嘉嘉 時間: 16-9-19 14:50 標題: 引用：+本帖最後由+小儀皇后+於+16-8-19+01:47+編