教育王國

標題: 煩惱到底選有學劵或沒有的好 [打印本頁]

作者: amyvwong 時間: 16-7-22 15:09 標題: 煩惱到底選有學劵或沒有的好

想報有學劵的幼兒園，但朋友說如不報九龍塘名幼稚園好難叩到好的小學門………但學費好貴!一年要付起碼$4萬，未計校車。小孩要有充足睡眠，所以當我提及上午讀名幼稚園，下午報學劵幼稚園時，人人都話唔好。
雙職父母，有工人姐姐，請大家給我一點意見。

作者: pollywcw 時間: 16-7-22 15:37

我選得私幼冇學劵, 俾咁多錢, 人地真係有NET做班主任, 講足3個鍾英文.
學劵的幼兒園得20分鐘NET上英文. 到時考小一, 陣間覺得英文唔夠又要俾錢外補.
計番條數咪一樣

我唔贊成讀2間幼稚園, 無需要, 仲阻礙小朋友身心發展

作者: Yaleizh 時間: 16-7-23 13:16 標題: 回覆：amyvwong 的帖子

你可以考慮全日制幼兒園九龍塘都有幾間

作者: QQfishs 時間: 16-7-23 14:07

其實兩個人收入有請工人又點會交吾起一般私幼學費呢?
不過讀兩間我都吾同意，小朋友體力不如成年人，一放完電就要訓，集中精神上完四個鐘課後好多時係回程車已訓。叩好既小學門，真係要好多投資，單單只讀名幼幫吾倒太多，要叩津小睇ek既分享都係名幼生有優勢。

作者: tongyuen001 時間: 16-7-24 13:19 標題: 回覆：amyvwong 的帖子

小朋友讀九龍塘N，升k選擇了學卷，多種原因：
1）本人有兩個小朋友。
2）名幼只是幫助升小，如小朋友不是天資聰穎，遲早打回原型，自信心受挫。人生慢慢長路，我選擇了一所培育自信的幼稚園，未讀不知成效。
3）想小朋友多放向發展，例如音樂，體育，學卷省下的錢可用在這些投資上。
4）語言學習是一生一世，現在已下重注，小學中學也要語景好的（$$），否則只會打回原形的。（例如，很多外國回流同事能説fluent English，小時候只是一般學校。自己幼稚園讀國語學校，有基礎但大個唔使講，咪又係唔記得）
5）其實名校更多的是家長們投放的心機，讀得名校，家長的背景不會太一般，對吧？

我的小朋友不是十分開朗活潑型，所以選擇了培訓自信的學校。希望您能從小朋友的性格作出發點，選擇合適的學校。
講真，唔讀名幼去學卷我個心態係要改變，會唔捨得，怕自己做錯決定。
就好似買化妝品咁，平同貴可能效果一樣，但係貴嘅就比信心你咁囉。

good luck

作者: gillgillmama 時間: 16-7-24 16:21 標題: 引用：小朋友讀九龍塘N，升k選擇了學卷，多種原因

原帖由 tongyuen001 於 16-07-24 發表
小朋友讀九龍塘N，升k選擇了學卷，多種原因：
1）本人有兩個小朋友。
2）名幼只是幫助升小，如小朋友不是天 ...

同你情況睇法也差不多！非常認同你所講的！之前我都好掙扎好唔好俾小朋友k1繼續讀私校，怕學術方面會退步，唔夠好，但諗諗下自己跟本冇能力俾佢小學中學讀私校，既然係咁不如用慳到嘅錢俾佢學下課堂以外嘅興趣班，可能會仲開心！

作者: Yukiruirui888 時間: 16-7-24 20:48 標題: 引用：小朋友讀九龍塘N，升k選擇了學卷，多種原因

原帖由 tongyuen001 於 16-07-24 發表
小朋友讀九龍塘N，升k選擇了學卷，多種原因：
1）本人有兩個小朋友。
2）名幼只是幫助升小，如小朋友不是天 ...

好贊同妳的第5點，因見到親戚例子，媽媽都要付出好多，同經濟都是一個問題

作者: amyvwong 時間: 16-8-16 11:04

本帖最後由 amyvwong 於 16-8-16 11:05 編輯

回覆 tongyuen001 的帖子

多謝分享。小孩是否聰穎我未知，暫觀察到女兒喜歡有活動空間(即上上下堂會行來行去)，要給她自主性否則會發脾氣(尖叫)。有教不能拿別人的東西/玩具，她並未理會，搶人野。。。。請問什麼類型的幼稚園會教得好她的品格??

作者: amyvwong 時間: 16-8-16 11:16

經濟也是一大考慮，想生多個小孩，到時如讀私校學費會雙倍，都好重負擔。家母話請多個工人(人工每個月$4210仲平過半日私校學費)，但我唔想屋企咁多外傭。。。
英文方面有用迪士尼美語，幾天後，1歲的女已識講duck.現在識講bye bye, dog, cat....其實如果3-4歲讀有學劵，4/5歲插班讀私幼，大家又點睇?
每年都有份交稅，唔讀有學劵好似好傻。有份俾無份用。

作者: teambuilder 時間: 16-8-16 12:13

回覆 amyvwong 的帖子

我參觀過某間英文程度較高的學卷幼稚園後就打消左讀學卷的念頭，因為唔太接受到英文老師發音唔準確，仲要係教拼音，我寧願唔學都唔想學錯。揀學校除左睇學費，師資同課程都值得留意。

作者: vpo0615 時間: 16-8-16 16:29

九龍塘名幼咁多人報, 未必考到架喎....報多幾間(名幼+學劵), 有OFFER再取捨....不過都唔建議上下晝讀兩間.

作者: kbi 時間: 16-8-16 16:35 標題: 引用：經濟也是一大考慮，想生多個小孩，到時如讀

原帖由 amyvwong 於 16-08-16 發表
經濟也是一大考慮，想生多個小孩，到時如讀私校學費會雙倍，都好重負擔。家母話請多個工人(人工每個月$421 ...

同班同學已學一至兩年，插班會否跟唔上，仲影響自信心同學習興趣。

作者: ensy 時間: 16-8-16 17:31 標題: 引用：+本帖最後由+amyvwong+於+16-8-16+11:05+編

原帖由 amyvwong 於 16-08-16 發表
本帖最後由 amyvwong 於 16-8-16 11:05 編輯

回覆 tongyuen001 的帖子

品德間間幼稚園都有教，但家庭都要配合，始終小朋友喺屋企時間最多！

作者: ensy 時間: 16-8-16 17:36 標題: 引用：經濟也是一大考慮，想生多個小孩，到時如讀

原帖由 amyvwong 於 16-08-16 發表
經濟也是一大考慮，想生多個小孩，到時如讀私校學費會雙倍，都好重負擔。家母話請多個工人(人工每個月$421 ...

你小學考慮直私嗎？如果只打算抽獎，你留返d錢搬屋，機會大過叩門！私幼交完學費，仲可能有其他雜費，如果加一兩個興趣班，會唔會太大負擔？其實學券都有好多好好選擇，你自己花多d心機跟唔一定差過私幼。

作者: tongyuen001 時間: 16-8-16 18:59 標題: 回覆：amyvwong 的帖子

我係好天斬埋落雨柴，依家夠唔等於將來夠。我呢刻兩個可以私校，但 4yrs nursery + 6 yrs primary + 6 yrs secondary + 3(?) yrs undergrad + n yrs postgrad X 2 kids, 我年紀大會退休，我自問做唔到去退休年齡。亦有諗過不如留資產比下一代仲實際 d。

如果計過條數 afford 到，咁名幼 services 係好D

作者: amyvwong 時間: 16-8-16 21:42

ensy 發表於 16-8-16 17:36
你小學考慮直私嗎？如果只打算抽獎，你留返d錢搬屋，機會大過叩門！私幼交完學費，仲可能有其他雜費，如果 ...

多謝各位分享我住35校網，很多地區名校，女校有天神嘉諾撒，所以無諗住搬。但驚如果抽唔到好學校就要扣門，學校都要睇學生在哪間幼稚園讀過。
之前講過，唔知點先算係天資聰穎，但勤力，毅力都好緊要，名校/谷校讀下去都需要，不是叻就得，否則會讀得唔開心，出情緒病就慘。

作者: amyvwong 時間: 16-8-16 21:49

tongyuen001 發表於 16-8-16 18:59
我係好天斬埋落雨柴，依家夠唔等於將來夠。我呢刻兩個可以私校，但 4yrs nursery + 6 yrs primary + 6 yrs ...

多謝回覆，其實我家只考慮幼稚園讀私立，之後都係讀直資或官津，其他的錢會作其他活動用途。4年幼稚園學費乘2已經很多，甚至太多,值唔值得也是一個大問題。但如大那個入到好學校，細那個未必報私校，讀有學劵就可以。

作者: amyvwong 時間: 16-8-16 21:53

ensy 發表於 16-8-16 17:31
品德間間幼稚園都有教，但家庭都要配合，始終小朋友喺屋企時間最多！

...

八九個月就發現阿女脾氣好大，拿不到自己想要的，就會發脾氣，丟東西，手腳亂動，打人，咬人，喊，尖叫 :(有教唔好，剛睇到bk有個好熱門的話題，"子女脾氣大，點教?",由2012年開始討論，追讀中。今晚試了讚美，未成功，繼續學習。

作者: amyvwong 時間: 16-8-16 21:55

kbi 發表於 16-8-16 16:35
同班同學已學一至兩年，插班會否跟唔上，仲影響自信心同學習興趣。

差一年k1,在家用迪士尼美語，會否跟不上進度?請各位分享一下，謝謝。

作者: amyvwong 時間: 16-8-16 22:03

本帖最後由 amyvwong 於 16-8-16 22:04 編輯

vpo0615 發表於 16-8-16 16:29
九龍塘名幼咁多人報, 未必考到架喎....報多幾間(名幼+學劵), 有OFFER再取捨....不過都唔建議上下晝讀兩間. ...

我真係好佩服這一代的父母，為何大家都願意付這麼高昂的學費?現在有種賭博哂冷的感覺，付咁多錢出去，回報(小孩的學識)為未知之數。細細個6個月已博哂命去讀興趣班，playgroup, 多間幼稚園面試，大人仲要打工，一人分飾媽媽，女兒，太太，媳婦多角，其實小孩大人都好累。大包圍我諗報5間已經足夠，但私校加學券各5間都玩死我。。。。。

作者: tongyuen001 時間: 16-8-16 22:51 標題: 回覆：amyvwong 的帖子

Ftm? 我係女兒，太太，媳婦，兩孩媽媽，打工仔，精神分裂了。所以都冇得揀。俾啲信心自己，做好本分，間間學校都可以出到好學生！

作者: tongyuen001 時間: 16-8-16 22:54 標題: 回覆：amyvwong 的帖子

Trouble two? 我小朋友都係好大脾氣架，做唔到會喊會扭計會打我哋，但近排我發覺佢開始進步緊，俾啲耐性，加油

作者: ensy 時間: 16-8-16 23:04 標題: 引用：Quote:ensy+發表於+16-8-16+17:31+品德間間

原帖由 amyvwong 於 16-08-16 發表
八九個月就發現阿女脾氣好大，拿不到自己想要的，就會發脾氣，丟東西，手腳亂動，打人，咬人，喊，尖叫 :( ...

脾氣大呢個問題，本人尚在努力中

有時我會同佢一齊入房，由佢喊同扭，只係靜靜望住佢同佢抹眼淚，等佢發洩咗個情緒，冷靜後再反省。so far效果唔錯，但大家仍須繼續努力！

作者: ensy 時間: 16-8-16 23:16 標題: 引用：+本帖最後由+amyvwong+於+16-8-16+22:04+編

原帖由 amyvwong 於 16-08-16 發表
本帖最後由 amyvwong 於 16-8-16 22:04 編輯

其實喺能力範圍內俾最好嘅嘢仔女，係每一代父母都會做，只不過現今資訊發達，大家多咗溝通知多好多嘢！加上相對之前，父母又重視早教，咪放多咗資源落幼稚園。

作者: chowyikwan 時間: 16-8-17 03:57 標題: 引用：回覆+amyvwong+的帖子我參觀過某間英文程

原帖由 teambuilder 於 16-08-16 發表
回覆 amyvwong 的帖子

我參觀過某間英文程度較高的學卷幼稚園後就打消左讀學卷的念頭，因為唔太接受到英文 ...

我知道有一間學券幼稚園英文老師是印度人，想問問你是指呢間學校有好強口音？

作者: TwinWong 時間: 16-8-17 09:39

amyvwong 發表於 16-7-22 15:09
想報有學劵的幼兒園，但朋友說如不報九龍塘名幼稚園好難叩到好的小學門………但學費好貴!一年要付起碼$4萬 ...

要諗清楚幼兒時唔夠瞓, 比几好學園都無用, 小朋友要夠瞓, 學習至可以專注到
朋友話佢囡囡同學从幼稚園到中學, 長期夜瞓所以唔夠瞓, 專注較力弱,
佢地已經唔係太谷嘅小學, 佢到小六變成B2尾, 好彩抽返自己中學, 但中一真係要留班
試諗下, 如果入讀到谷嘅名小, 跟住中學課程深, 真有排挨喎

作者: TwinWong 時間: 16-8-17 10:24

本帖最後由 TwinWong 於 16-8-17 10:26 編輯

amyvwong 發表於 16-8-16 21:42
多謝各位分享我住35校網，很多地區名校，女校有天神嘉諾撒，所以無諗住搬。但驚如果抽唔到好學校就要扣門， ...

天神自行位38+2個(預留額), 統一暫定35個(3班=75人), 位都好紧下

作者: amyvwong 時間: 16-8-17 10:40

tongyuen001 發表於 16-8-16 22:54
Trouble two? 我小朋友都係好大脾氣架，做唔到會喊會扭計會打我哋，但近排我發覺佢開始進步緊，俾啲耐性， ...

謝謝鼓勵，一齊俾心機 :)我諗佢唔係trouble 2, 而係性格本身霸道。。。

作者: amyvwong 時間: 16-8-17 10:45

TwinWong 發表於 16-8-17 10:24
天神自行位38+2個(預留額), 統一暫定35個(3班=75人), 位都好紧下

係，知道天神好難入，自行會選嘉諾撒聖瑪利，因是舊生有分加，不過我諗好睇彩數，只得20分，太多人25/30分+世襲就入唔到，要抽獎(去35校網)，抽唔到就要叩門，所以諗緊點幫個女舖路。。。。

作者: TwinWong 時間: 16-8-17 12:11

amyvwong 發表於 16-8-17 10:45
係，知道天神好難入，自行會選嘉諾撒聖瑪利，因是舊生有分加，不過我諗好睇彩數，只得20分，太多人25/30分+ ...

係你囡依年出生率唔會低, 按2012年出生港嬰584XX人, 仲未計有香港出世的國內嬰孩,
所以25/30 分真係會因為太多人唔夠掙

作者: amyvwong 時間: 16-8-18 17:18

回覆 TwinWong 的帖子

到底4歲先報私校讀得唔得?會同佢追返

作者: TwinWong 時間: 16-8-18 19:54 標題: 引用：回覆+TwinWong+的帖子到底4歲先報私校讀

原帖由 amyvwong 於 16-08-18 發表
回覆 TwinWong 的帖子

到底4歲先報私校讀得唔得?會同佢追返

好嘅學校就會多人爭都係照報名有offer 再決定去邊间

作者: win888 時間: 16-8-19 03:21 標題: 引用：想報有學劵的幼兒園，但朋友說如不報九龍塘

原帖由 amyvwong 於 16-07-22 發表
想報有學劵的幼兒園，但朋友說如不報九龍塘名幼稚園好難叩到好的小學門………但學費好貴!一年要付起碼$4萬 ...

有能力一定私幼, 教育是要投資的！

作者: vpo0615 時間: 16-8-19 16:41

回覆 amyvwong 的帖子

你意思係插班? 4歲應該升K2....

作者: amyvwong 時間: 16-8-19 21:02

回覆 vpo0615 的帖子

Yes, 這種插班情況是否常見?

作者: vpo0615 時間: 16-8-22 16:48

回覆 amyvwong 的帖子

插K2? 常見.

作者: luckybaby2011 時間: 16-8-23 10:49

回覆 amyvwong 的帖子

如果上午讀名校, 下午仲咩仲要入學卷既?我區有幾好既學卷, 但仲難入過好多普通私校......

作者: amyvwong 時間: 16-8-24 14:34

回覆 vpo0615 的帖子

咁可能真係可以考慮下。。。。

作者: amyvwong 時間: 16-8-24 14:36

回覆 luckybaby2011 的帖子

因為想要政府給的免費教育k1(2018-19年)，但又怕叩不到好學校(小學)學位。

作者: amyvwong 時間: 16-8-24 14:37

回覆 TwinWong 的帖子

請問建議報多少間?

作者: amyvwong 時間: 16-8-24 14:48

回覆 luckybaby2011 的帖子

受歡迎的學券學校可能是位放/近住宅區吧，加上半日制的不用交學費，通常也會供不應求。普通私校要付幾仟元一個月，不是所有家庭願意付的。如之前有家長提到，私校會講足3小時英語，還要是net,學劵就只有20分鐘每天，這樣學校成效的差距其實會很大。

作者: luckybaby2011 時間: 16-8-25 08:40

回覆 amyvwong 的帖子

i see....雖然係唔抵, 但小朋友可能好難兼顧到, 我個而家升K1, 但都話每天有家課, 再加上小朋友手腳慢, 就算唔瞓覺, 中間果個Lunch都好趕....仲要兩間學校好近好近喎..如果入到名幼, 應該都好忙吧....

其實我都唔明點解學卷唔可以跟人走去私幼, 好似咩福利都拎唔到, 但稅照交....

作者: amyvwong 時間: 16-8-25 13:57

回覆 luckybaby2011 的帖子

我明白半日私校，半日學劵行唔通私校有校巴，所以學劵找在家附近的，時間無問題
入傳統名校還是讀九龍塘好
入地區名校就九龍塘幼稚園有優勢，但學劵幼稚園畢業生都收不少。
私校唔跟教育局方針，所以無資助。跟方針才有資助，但學生的學術不夠。可是，很多國家都不推幼兒教育，認為過早開發腦部喎。。。
現打算讀有學劵n and k1,之後k2試插私校班

作者: target4 時間: 16-8-25 14:43

amyvwong 發表於 16-7-22 15:09
想報有學劵的幼兒園，但朋友說如不報九龍塘名幼稚園好難叩到好的小學門………但學費好貴!一年要付起碼$4萬 ...

你最好想多D 自己要什麼.... 即使C 幼, 家長也要努力付出

作者: target4 時間: 16-8-25 14:44

amyvwong 發表於 16-8-25 13:57
回覆 luckybaby2011 的帖子

我明白半日私校，半日學劵行唔通私校有校巴，所以學劵找在家附近的，時間無問 ...

真理想, 希望你可以..... 無論如何, 家長的付出最重要, 你要知道K2暑假已面試了....

作者: amyvwong 時間: 16-8-25 16:18

回覆 target4 的帖子

理想啫，但總要有plan B, 同埋要睇埋阿女入唔入到n班。好彩入到就會知多點她的強弱項，決定到什麼學校較適合她。

作者: luckybaby2011 時間: 16-8-26 10:26

回覆 target4 的帖子

K2升K3的暑假面試小一嗎?

作者: luckybaby2011 時間: 16-8-26 10:28

回覆 amyvwong 的帖子

你住果區都有好私幼架?搭校巴好花時間, 又食飯又誇區又換衫真係MISSION IMPOSSIBLE.....

作者: amyvwong 時間: 16-8-26 11:50

本帖最後由 amyvwong 於 16-8-26 11:51 編輯

回覆 luckybaby2011 的帖子

家住校網35，現在見到我個女係好活潑的類型，有點擔心她入到學校會好唔合群........唔知入幼稚園後會否跟返規舉，靜態返少少.....
其實我都係講下，現在還在資料搜集的階段，未決定到行邊條路。
真心想讀全日制有學劵，因雙職父母。
如選九龍塘，全日太貴所以不考慮，半日制的話，又要諗下點安排。

作者: win888 時間: 16-8-26 15:17 標題: 回覆：煩惱到底選有學劵或沒有的好

有能力點解唔揀私幼？不過，我都反對讀2間

作者: sum88 時間: 16-8-26 17:17 標題: 回覆：tongyuen001 的帖子

可以參考下你轉左去邊間學校嗎？

作者: amyvwong 時間: 16-8-26 17:27

回覆 win888 的帖子

貴，同得半日，之後那半天唔知點搞。。。。

作者: luckybaby2011 時間: 16-8-27 13:38

回覆 amyvwong 的帖子

我唔熟35區, 不過感覺全日學卷更加唔啱你要求...

作者: luckybaby2011 時間: 16-8-27 13:39

回覆 amyvwong 的帖子

你有工人架嘛, 去下興趣班玩下囉

作者: amyvwong 時間: 16-8-27 13:43

回覆 luckybaby2011 的帖子

請教你的見解，為何全日學劵不適合?即半日九龍塘較好?
謝謝分享 :)

作者: amyvwong 時間: 16-8-27 13:45

回覆 luckybaby2011 的帖子

請問是否指半日九龍塘加興趣班?我之前只是諗過半日學劵加在家用迪士尼美語加蒙特梭利。
另外，計劃緊生第二個，擔心工人姐姐搞唔掂，雖然她說無問題.......

作者: TwinWong 時間: 16-8-29 23:26

amyvwong 發表於 16-8-24 14:37
回覆 TwinWong 的帖子

請問建議報多少間?

相信依家唔同當年, 個個家長至少報5-10間,當年我大囡只報一間, 細囡報三間(一間無OFFER, 一間WAITING, 一間只有下午班OFFER)IN咗知道細囡表達能力不及家姐, 到時入到家姐小學就算, 所以邊到收去邊到讀

作者: chowyikwan 時間: 16-8-30 08:51 標題: 回覆：teambuilder 的帖子

大膽想問問：你指係學券的譚歐x？因我仔將入呢間學校。tk.

作者: amyvwong 時間: 16-8-30 11:10

TwinWong 發表於 16-8-29 23:26
相信依家唔同當年, 個個家長至少報5-10間,當年我大囡只報一間, 細囡報三間(一間無OFFER, 一間WAITING, 一間 ...

發現大那個的競爭力要很強，才能幫到妹(如有)入學。想入女校，如果第二個是弟弟又要重頭培養過。。。。

作者: luckybaby2011 時間: 16-8-30 11:12

回覆 amyvwong 的帖子

個人意見, 你對教育應該有要求先會想讀兩間, 半日學卷你都怕學得少想讀多間,或者報興趣班去叩門, 全日學卷唔見得學多好多, 因為仲要有埋瞓覺同午餐時間, 我報有間仲講明無人湊先考慮, 仲有如果返完全日K你仲要囡囡出去學野, 佢會好攰好攰....
其實九龍塘私校都有全日K, 唔係貴好多咋, 但好少位....

作者: TwinWong 時間: 16-8-30 11:28

amyvwong 發表於 16-8-30 11:10
發現大那個的競爭力要很強，才能幫到妹(如有)入學。想入女校，如果第二個是弟弟又要重頭培養過。。。。

起碼搞掂一個, 煩少一個先

作者: amyvwong 時間: 16-8-30 11:35

回覆 TwinWong 的帖子

啱嘅。。。難道成功真的要靠父母幹?....

作者: TwinWong 時間: 16-8-30 11:37

amyvwong 發表於 16-8-30 11:35
回覆 TwinWong 的帖子

啱嘅。。。難道成功真的要靠父母幹?....

父母真係要努力苦幹

作者: amyvwong 時間: 16-9-1 16:40

回覆 pollywcw 的帖子

Hi, 看了一下九龍塘名幼，有些只有30分鐘英文一天，不太看到有3小時英語的，因很多也有教中文或普通話。請問貴子女讀哪間幼稚園?

作者: zmw1031 時間: 16-9-2 01:42 標題: 引用：Quote:ensy+發表於+16-8-16+17:31+品德間間

原帖由 amyvwong 於 16-08-16 發表
八九個月就發現阿女脾氣好大，拿不到自己想要的，就會發脾氣，丟東西，手腳亂動，打人，咬人，喊，尖叫 :( ...

其實都係d小朋友必經階段，慢慢引渡便好。若果小朋友成日呆呆坐坐，你仲驚小朋友會唔會有咩問題

作者: zmw1031 時間: 16-9-2 01:44 標題: 引用：回覆+TwinWong+的帖子啱嘅。。。難道成功

原帖由 amyvwong 於 16-08-30 發表
回覆 TwinWong 的帖子

啱嘅。。。難道成功真的要靠父母幹?....

無奈依家社會主流方向係咁⋯

作者: zmw1031 時間: 16-9-2 02:03 標題: 回覆：煩惱到底選有學劵或沒有的好

學校谷，就話擔心細路心理健康，唔谷，又話擔心輸在起跑線。其實子女嘅發展有無限可能，雖然事在人為，但未來嘅事又怎能預測？我覺得只要你經濟能力範圍內給子女你認為最好嘅安排，無論結果如何，問心無悔就好

作者: zmw1031 時間: 16-9-2 02:13 標題: 回覆：煩惱到底選有學劵或沒有的好

有人覺得明幼學費貴，但年年一樣大把人爭崩頭，證明一樣嘢，香港有錢人多。畢竟香港係行資本主義，有錢就有service，只有經濟能力允許，學券幼非學券幼都可以試，自然中標心儀學校嘅機會都大d

作者: amyvwong 時間: 16-9-2 12:05

回覆 zmw1031 的帖子

Thanks.看了"全港幼稚園"區後發現各有各好，先選心儀的幼稚園(經濟能力許可), 應看看面試時間會否相撞，再決定入報名表。
總之就是"緣份遊戲"....小孩的表現，及學校是否選擇收，完全不能操控。報完就隨緣了,唔得才再找。
這一代的父母為了不"輸在起跑線"，付出其多，認真來的話，我也感到有壓力。
尤其是身旁的人會說，小孩長大後，前途不如意會怪父母當時沒有為他打算.........
今天同事愉快地分享說面試其實好好玩，之後又有食物和玩具。
她說得也對，輕鬆去體驗一下，面試也能知道多點學校的要求及同學質素。
各位家長，共勉之。

作者: hedy32 時間: 16-9-2 14:56 標題: 回覆：amyvwong 的帖子

我囡係細b, 屋企的老人家湊，上年面試「村幼/名幼」一共報左10間，最後「平中貴」既學校都有offer! 最後選擇了最貴嗰間私幼！理由係村校重自理，教得淺，我唔想咁細個就放學去外補，同埋無人帶佢去上堂！
中等價錢，讀下晝班，每日搭車既車程實在太多，覺得小朋友好辛苦！寫左幾封信都無得轉上午班，這間是我最心儀的學校，不得不放棄。
最後最貴的私幼是am, 付了昂貴的學費，
但是省下搭車時間，同外補時間/金錢！
除了金錢！還有很多因素會令你改變初衷！希望你下年找到一間適合自己/小朋友的學校！good luck

作者: zmw1031 時間: 16-9-2 15:59 標題: 引用：回覆+zmw1031+的帖子 Thanks.看了"全港幼

原帖由 amyvwong 於 16-09-02 發表
回覆 zmw1031 的帖子

Thanks.看了"全港幼稚園"區後發現各有各好，先選心儀的幼稚園(經濟能力許可), 應看看 ...

係啊，凡係睇中嘅學校都應該撒網式交表報名，等到有面試機會再睇下時間會唔會相撞，相撞嘅就踢走d有offer都未必一定會去註冊嘅學校，剩下嘅事就只能交俾主啦，一切平常心面對

作者: amyvwong 時間: 16-9-9 08:56

回覆 hedy32 的帖子

多謝你的分享。

歡迎光臨教育王國 (/)