教育王國

標題: 梁錦松倡改革大學收生模式 [打印本頁]

作者: elbar 時間: 16-7-17 13:15 標題: 梁錦松倡改革大學收生模式

梁錦松希望聯同工商企業籌建大教育平台。

　　(星島日報報道)由前財務司司長梁錦松牽頭成立的「教育2.1」小組早前正式成立，並就本港教育前景提出四大建議。梁錦松昨日表示，未來的社會是多元的，除了書本知識，學生亦要發展其他能力，小組希望聯同工商企業籌建大教育平台，為基層學生提供更多體驗式學習的機會。小組成員羅致光認為，須改革大學的收生模式，及建議引用大專學券模式，資助學生入讀心儀的自資課程。

　　梁錦松早前與多名教育及商界人士成立「教育2.1」小組，提出多項改革本港教育制度建議，包括改變考試方法及大學收生模式、提高教師專業性及建立大教育平台。他昨日出席電台節目時表示，教育不單是家長和政府的責任，整個社會都有責任做好教育，直言現時考試只着重知識並不足夠，應培育全面素養。

　　他認為，學生的興趣和能力多元，社會亦要求多元，但中學文憑試只是一條「獨木橋」，不是人人適合這種模式，又指並非所有家庭能提供書本以外的學習，「希望商界、學界、媒體、政府等，為基層學生提供體驗式學習，給他們有平等學習的機會。」

　　對於今年文憑試考生人數雖減少，仍有逾萬人無緣入讀八大，小組成員羅致光表示，縱使文憑試較客觀公平，但只是量度年輕人發展的一部分，「不否認收到好學生對大學有好處，但好學生不等於高分，建議利用面試機制，讓大學了解學生的其他學習經歷。」羅又提倡引用學券模式，資助學生以更靈活的方式入讀心儀的自資課程。

作者: ANChan59 時間: 16-7-17 14:47 標題: 回覆：梁錦松倡改革大學收生模式

拜託啦，搞完母語教學，普教中，新高中，DSE，瓣瓣都冇乜成效，不要再折疼家長及學生吧。

出少句聲當幫忙啦！

計分有不足之處，不計分，在香港大陸化之下，問題更多！

作者: chai 時間: 16-7-17 16:07 標題: 引用：拜託啦，搞完母語教學，普教中，新高中，DS

原帖由 ANChan59 於 16-07-17 發表
拜託啦，搞完母語教學，普教中，新高中，DSE，瓣瓣都冇乜成效，不要再折疼家長及學生吧。

同意！

作者: 73662710 時間: 16-7-17 16:44

大陸樣樣都不高平
只有高考最高平，因為只看分數。

計分一定有缺點，但是是防止corruption and bribery 的好方法。
早年中大和城大回內地收生，因为有太多拍膊頭，大学决定只看分数，從此杜绝…

作者: Doray 時間: 16-7-17 17:12

Agreed, 佢真係唔好再扮專家，EK 大把家長在見到過佢，一陣又引入啲四不像制度，玩死全港家長學生。

作者: zhuzhu 時間: 16-7-17 18:02

阿松, 收手啦!

作者: talknwrite 時間: 16-7-17 19:19

淨係識搞起個頭, 爛攤子人就閃咗去

作者: 美之選468 時間: 16-7-17 22:16

同台灣一樣...人人讀大學.? 對香港有好處嗎 ?

作者: biffkwok 時間: 16-7-18 06:25

唔好顛啦！由幼稚園開始就不斷比賽、攞証書，家長同小朋友都好夠皮啦！到考大學都仲搞呢套？最後咪又係有錢果班著數，低下層更加難以向上流。收啦！唔該

作者: dolala 時間: 16-7-18 07:48 標題: 引用：大陸樣樣都不高平只有高考最高平，因為只看

原帖由 73662710 於 16-07-17 發表
大陸樣樣都不高平
只有高考最高平，因為只看分數。

人地只是說透過面試甄選學生，現時就算醫科都會面試申請學生，不應上綱上線！

作者: dolala 時間: 16-7-18 07:51 標題: 引用：唔好顛啦！由幼稚園開始就不斷比賽、攞証書

原帖由 biffkwok 於 16-07-18 發表
唔好顛啦！由幼稚園開始就不斷比賽、攞証書，家長同小朋友都好夠皮啦！到考大學都仲搞呢套？最後咪又係有錢 ...

呢個係冇辦法既事，除非全港教育全部官辦，學生無得揀學校，但是有錢人依然有其他方法幫助子女！還是認命吧！

作者: MrBeast 時間: 16-7-18 07:55

可能佢覺得e加大學出來有些都是去做扎鐵（no disrepect)，咁不如順理成章

其實美國u不是不嬲有類似arrangement嗎？meaning 可以靠特異功能，不過我也同意其他網友所說，在大6化之下⋯

作者: ANChan59 時間: 16-7-18 08:19 標題: 引用：唔好顛啦！由幼稚園開始就不斷比賽、攞証書

原帖由 biffkwok 於 16-07-18 發表
唔好顛啦！由幼稚園開始就不斷比賽、攞証書，家長同小朋友都好夠皮啦！到考大學都仲搞呢套？最後咪又係有錢 ...

台灣亦有類似現象！

好得意，要增加學額就學台灣，事實台灣是公立，私立大學，大專加在一起才是105%，但香港家長就只計香港資助學位。但台灣犯上的錯誤就好似看不見的。

作者: ANChan59 時間: 16-7-18 08:22 標題: 引用：Quote:原帖由+73662710+於+16-07-17+發表大

原帖由 dolala 於 16-07-18 發表
人地只是說透過面試甄選學生，現時就算醫科都會面試申請學生，不應上綱上線！

...

醫學院的靣試是同分時的 tie breaker，都是以分數為基礎，而非靣試重於公開試𢦓績。

作者: dolala 時間: 16-7-18 18:53 標題: 引用：Quote:原帖由+dolala+於+16-07-18+發表人地

原帖由 ANChan59 於 16-07-18 發表
醫學院的靣試是同分時的 tie breaker，都是以分數為基礎，而非靣試重於公開試𢦓績。

...

但其實報道並沒說不看分數只看面試表現。根本好含糊。大家想太多了。

作者: dolala 時間: 16-7-18 18:58 標題: 引用：Quote:原帖由+biffkwok+於+16-07-18+發表唔

原帖由 ANChan59 於 16-07-18 發表
台灣亦有類似現象！

現代群眾就是不願認命嘛！我相信香港人不會接受全民大學生，大學學店化，但總要給一定數量學生們一個有機會改變命運的合理期望。幸好DSE每年考生數目未來會暫時下跌，呢方面政府未必會有太大壓力。

作者: mother904 時間: 16-7-19 00:01

梁錦松談教育？好心放過香港的學生吧！

作者: jessimm 時間: 16-7-19 08:43

經常批評香港學生高分低能, 無生涯規劃. 眼前的表表者又如何
高分低能 - 梁錦松
無生涯規劃 - 689

作者: Wonderlady 時間: 16-7-19 10:01 標題: 引用：唔好顛啦！由幼稚園開始就不斷比賽、攞証書

原帖由 biffkwok 於 16-07-18 發表
唔好顛啦！由幼稚園開始就不斷比賽、攞証書，家長同小朋友都好夠皮啦！到考大學都仲搞呢套？最後咪又係有錢 ...

其實D上流有錢係屋企做乜既呢，諗野又唔現實，又成日咁多想法，唔好再撹新野！

作者: 73662710 時間: 16-7-19 10:16

計分是窮人上位的唯一方法

作者: stem 時間: 16-7-19 12:05

提示: 作者被禁止或刪除內容自動屏蔽

作者: rose-mag 時間: 16-7-20 00:52

計分係較公平做法，而家夠分果D都唔係個個入到大學就畢到業，如果公開試成績唔夠分入到大學讀都未必可以讀得嚟，再者用咩去做面試基準？面試表現好但之後工作表現差嘅好常見。每個大學學位都有香港人嘅資助喺背後，如果以面試做基準的話考試制度係咪要消取？如果以分數做基準再加面試，廿年前都有大學學科收生做緊啦，駛鬼佢講咩。

作者: 小之爸 時間: 16-7-20 12:03

提示: 作者被禁止或刪除內容自動屏蔽

歡迎光臨教育王國 (/)