教育王國

標題: 該如何處理孩子的感情問題？ [打印本頁]

作者: mrying 時間: 16-7-16 09:09 標題: 該如何處理孩子的感情問題？

現在孩子都早熟，我仔的同學在小五，小六時就有一對一對的傳言。我仔在這方面一直比較遲鈍。現在他上中學了。
我很困惑，對於孩子的感情問題我是應該一直置身之外，還是要積極防範，或者適度干預？

作者: Yanamami 時間: 16-7-16 09:40

本帖最後由 Yanamami 於 16-7-16 11:07 編輯

靜觀其变，保持冷靜，切勿反應過激~

高小時已同阿女討論呢个話題，趁未反叛仲听得我既說話入耳，討論下男女係青春期既变化、对異性既好奇、点保護自己、拍拖有乜影响……之類~
点積極防犯？你有張梁計佢有过牆梯……只会向你隱瞞吧~男生家長可多灌輸尊重女生既意識｡

作者: talknwrite 時間: 16-7-16 09:45

你驚個仔蝕底咗比人, 咁就要叫佢學吓柳下惠.

作者: challenging 時間: 16-7-16 10:19

我好今年升中一，佢5年级開始已經同我講佢喜歡同班女同學，大家都喜歡對方，但我冇反對，就同佢講太早會影响讀書，我同佢好似朋友傾解，所以最開心他連情書都比我睇

作者: 已刪除用戶 時間: 16-7-16 11:44 標題: 回覆：challenging 的帖子

我用比較開放態度，要戀愛阻不了，只是希望遲啲發生，如果真的發生，希望佢同我分享，先有機會提吓佢戀愛以外仍要顧及學業、家人、朋友...戀愛係生活中一部份

作者: 1998Ruby1998 時間: 16-7-16 20:22

我就覺得越阻止，佢就越想試，到時touch wood有問題先至東窗事發就唔好啦！
趁而家佢仲肯聽你講道理，可以教下佢拍拖，愛情等等嘅概念。
我個英國文學個老師話，如果愛情同學業都可以兼顧，何樂而不為 (佢有個仔同我一樣咁大，考完DSE)？話唔埋拍拖可以令到佢想show自己叻，可以保護女朋友，令到佢上進。

當然，呢個可能性低，但唔代表冇可能。
依家靜觀其變，同佢分享吓自己嘅愛情史啦！

作者: la5711 時間: 16-7-19 13:19

無得防備, 你嚴禁, 盞佢咩都唔同父母講.
我無特別教佢, 但有時睇電視劇、新聞, 都乘機教下佢.
例如咪以為男仔無蝕底,隨隨便便拍拖. 如果個女仔死纏或自殘, 就累人累己.
要觀察耐啲, 睇清對方人品, 又真心鍾意才拍囉.
或教佢點睇女仔係咪真心, 咪淪為觀音兵.

歡迎光臨教育王國 (/)