教育王國
標題: 副學士和高級文憑分別 [打印本頁]
作者: Crabtree 時間: 16-7-14 17:15 標題: 副學士和高級文憑分別
本帖最後由 Crabtree 於 16-7-14 17:17 編輯
真心請教各位，副學士與高級文憑之分別？阿仔5科15分，6科17分，中文和英文得2，他心裏好亂，唔知應該retake，讀HKU space engine or 明愛 or 其他地方的藥劑等等科目？他又唔清楚副學士與高級文憑之區別？接駁上大學，讀那個較好呢？
作者: hw1115 時間: 16-7-14 17:36
如不重讀, 我會讀 IVE-HD.
作者: 441 時間: 16-7-14 22:04 標題: 回覆：Crabtree 的帖子
高級文憑係專業課程為主，副學士就通識為原，通常想繼續讀大學就讀。 當然兩者比心機讀，都可以讀學士。
作者: ANChan59 時間: 16-7-14 22:25
Crabtree 發表於 16-7-14 17:15 
真心請教各位，副學士與高級文憑之分別？阿仔5科15分，6科17分，中文和英文得2，他心裏好亂，唔知應該retak ...
HD is 70% vocational study & training, 30% general studies.
AD is 30% vocational study, 70% some what general studies.
For general studies, 3-6 years in secondary school, more in AD, further more in university ...... why? What's for?
We need our kids employable or just "Blow water" and can't find a job in the highly competitive market.
IVE HD all are articulated to top-up degrees, all programs (Included top up degree) are formally accredited in HK.
作者: Crabtree 時間: 16-7-14 22:56
回覆 ANChan59 的帖子
I agree with u, but my son prefers studying the social science asso in hku space. 讀這科有何前景呢？
作者: ANChan59 時間: 16-7-14 23:01
Crabtree 發表於 16-7-14 22:56
回覆 ANChan59 的帖子
I agree with u, but my son prefers studying the social science asso in hku spa ...
It's SPACE, not HKU ...... stand on the ground, instead of flying to the black hole.
作者: Crabtree 時間: 16-7-14 23:08
回覆 ANChan59 的帖子
What is the meaning of "Flying to the black hole?" 係咪讀副學士好似無底深潭，要花好多錢呢？
作者: ANChan59 時間: 16-7-14 23:16
Crabtree 發表於 16-7-14 23:08
回覆 ANChan59 的帖子
What is the meaning of "Flying to the black hole?" 係咪讀副學士好似無底深潭， ...
Depends on the route, if he can get in the funded program finally, still ok. If not can be a lot.
AD is suitable for students don't want to get into job market so soon, take university education as medium goal. That;s the original idea of AD, improved the unemployment rate in 1998-99.......
作者: dativebond 時間: 16-7-14 23:38 標題: 回覆：副學士和高級文憑分別
Social Sciences is quite "blow water". It can help improve your critical thinking, maybe understanding the world better. but, honestly, the students are not competitive in the employment market because it's not professional. You need to think of the pros and cons.
作者: dativebond 時間: 16-7-14 23:41 標題: 回覆：副學士和高級文憑分別
如果真係想以出路為本，工程可能仲好。不過又要睇小朋友能力和興趣，工程唔算易讀，但佢可以讀完先入職，再半工讀考個工程師牌，就業較有保障過Social Sciences。
作者: dativebond 時間: 16-7-14 23:44 標題: 回覆：副學士和高級文憑分別
但我就唔了解副學士定HD好。呢方面幫唔到你。
作者: Yanamami 時間: 16-7-14 23:50
好耐之前香港电台咪有个節目俾副学士“苦主”呻係無底深潭既~
作者: dativebond 時間: 16-7-14 23:55 標題: 回覆：副學士和高級文憑分別
其實有無可能入公大？
我唔知得唔得，如果得其實都諗得過，因為僱主最主要睇你有無大學學位，如果唔係頂尖大公司其實佢唔理你咩大學。我有個朋友都係讀公大做渣記。佢入左行，其實就邊間大學一點也不重要。
作者: brother4 時間: 16-7-14 23:58 標題: 回覆：副學士和高級文憑分別
渣記?
作者: dativebond 時間: 16-7-15 00:00 標題: 回覆：副學士和高級文憑分別
講唔講得公司名架。你估啦。
渣X
X打
作者: brother4 時間: 16-7-15 00:24 標題: 回覆：dativebond 的帖子
你朋友讀什麽?公大出名医療
?
作者: dativebond 時間: 16-7-15 00:33 標題: 回覆：副學士和高級文憑分別
Finance卦。唔知喎，理得佢～銀行業係咁玩，入果下面試大於一初，有人脈當然更加好。入左行，鬼理你邊間大學讀咩科咩？
作者: Crabtree 時間: 16-7-15 07:14
回覆 dativebond 的帖子
之前仔諗住報engine,之後有朋友話social science好,咁佢就轉了想法，而家點同佢傾都改不了
作者: Crabtree 時間: 16-7-15 07:16
回覆 Yanamami 的帖子
我只怕他得3分鐘熱度，起初好有熱誠，跟住覺得悶，hea住讀！
作者: dativebond 時間: 16-7-15 08:36 標題: 回覆：副學士和高級文憑分別
其實我係HKU Social Sciences 出身，讀Social Sciences客觀上搵工係無優勢。但當然，你話學唔學到野，人人唔同。但你要知其實修讀Social Sciences最主要以大量閱讀為主，輔以小組討論。講真，如果你自己咁有心，自己讀都得。你而家以搵工定興趣行先，你要諗清楚。
作者: dativebond 時間: 16-7-15 08:42 標題: 回覆：副學士和高級文憑分別
但的確Social Sciences係吹水科，唔會畢唔到業係真，但唔會係搵工上有任何優勢。而且，呢科並非專業，無任何就業保障。理論上，人人都可取代你。畢業後同學間際遇可以差好遠，因為太多野你控制唔到。做AO又有、做MT又有、sales又有、轉行讀護士又有、係大學做職員仔又有。。。等等
反而類似既社工有無興趣，起碼可以考牌。
作者: dativebond 時間: 16-7-15 08:46 標題: 回覆：副學士和高級文憑分別
Social Sciences 其實主要有幾樣，我唔知你可以major乜：心理、政治與公共行政、社會行政、統計學。你查清楚。
社工系最主要讀社會行政既科目，主要讀福利制度、懲教制度。。。等等
作者: dativebond 時間: 16-7-15 08:55 標題: 回覆：副學士和高級文憑分別
你話個仔會hea住讀，這是很普遍的現象。
工程我認為數理要好好，有得操，但我唔係好了解。Social Sciences 的政治與公共行政和社會行政要看大量英文閱讀，寫好多essay，你要贏英文要好好，寫文組織要非常多例子，思維要緊密，無懈可擊先攞得高分，你要合格好易，但要贏人未必咁易，因為作文始終比計數無咁客觀，係咪？
心理學其實有點似DSE的Biology，你可能唔信咁古怪，你集中讀個腦運作既機制，要讀到好似Biology咁，咩reflex action呀，D chemical點影響你情緒呀咁，到後期就做實驗，咩叫control呀，點控制你想測試既variable，而同時點務求其它variable constant。佢感覺上想變成一個科學實驗，但我地其實又無乜可能做到科學實驗咁嚴緊，某程度幾吊詭。
作者: dativebond 時間: 16-7-15 09:04 標題: 回覆：副學士和高級文憑分別
Social Sciences可以訓練思維，令你吹水可能叻D。但其實你如果本身叻仔，吹水唔難，其它學科都做得到啦。所以唔好期望太高，你話你吹水叻，大把人叻過你。而且如果讀得唔叻，接唔到大學，又有乜意思。你見工得個吹字，又無大學學位，第一份工好難贏人。如果你以搵工為主，應該諗果科有無牌考、係咪專業，因為專業某程度就係護城河，有好多工你無果個牌就做唔到，對就業有保障，而且普遍工資高點。
作者: dativebond 時間: 16-7-15 09:05 標題: 回覆：副學士和高級文憑分別
所以方向可能公大，直接攞大學學位。或者專業科，即係可以考牌既科。
作者: dativebond 時間: 16-7-15 09:16 標題: 回覆：副學士和高級文憑分別
其實護士有無得諗？我唔知果D科駁唔駁到你做註冊護士定登記護士。如果有方法駁到去做註冊護士，我諗你都會幾滿意個出路，為錢就唔好介意男仔做護士，呢個諗法過時。做註冊護雖然頭幾年要輸班，又忙又辛苦，但起薪近三萬，做幾年就四五六萬，我有師兄做幾年就醫管局內部轉做跟進精神康復者個案，返正常office hour。坦白講，以你個仔成績黎講，如果有護士學科可以幫你駁到去做註冊護士（不是登記護士）其實錢途都滿意啦唔錯啦。最緊要護士人手仲係好緊張。值得研究下～
作者: brother4 時間: 16-7-15 09:52 標題: 回覆：副學士和高級文憑分別
是否芵文課本，中文授課?
作者: dativebond 時間: 16-7-15 10:01 標題: 回覆：副學士和高級文憑分別
英文課本必然。授課睇教授，鬼佬就英文，楊森就中文，但偏向想用英文。其實上堂係最唔重要讀呢科，係靠自己大量閱讀，和通常用英語小組討論。我果時好少上lecture，因為佢都係講番你閱讀既文章，但如未你唔聽話無讀，上lecture你起碼知個框框，tutorial計attendance一定要上，初時都好唔慣，無準備好容易比人拆穿。
作者: dativebond 時間: 16-7-15 10:17 標題: 回覆：副學士和高級文憑分別
讀大學好少有明確既考試範圍，你要靠問師兄同學攞past paper了解佢大概考乜，比較難準備，無人會迫你讀，讀既方法以自學為主，lecture tutorial無責任要你明，而且亦唔會cover所有野。所以，自律好緊要。如果你諗住讀Social Sciences搏上大學要好認真好比心機，因為範圍勁闊（例子要大量自己準備去贏人，作文以例子為必殺技），作文次欸要贏人唔容易。但如果純粹想畢業，就可以讀得超輕鬆。。。
作者: dativebond 時間: 16-7-15 10:38 標題: 回覆：副學士和高級文憑分別
其實如果係寫essay，（政治與公共行政、社會行政），模式有點似以前高考中文科既文化題目卷，只不過佢範圍去左政治制度、政策製訂方法、福利制度、懲教制度。。。等，要求你多好多倍例子，例子質素高好多，要中point好多，文章組織邏輯要緊密好多，唔似你以前答高考一條問題三個point，每個point比一兩個例子「大」個評卷員就攞A。你要讀得好就係咁，當然如果你水平仲係高考咁都會合格，但唔會最top囉，無乜機會上到大學。
作者: brother4 時間: 16-7-15 10:57 標題: 回覆：副學士和高級文憑分別
理科生報什麼好?除人力及social 外，還有。。什麼好選擇?
作者: dativebond 時間: 16-7-15 11:10 標題: 回覆：副學士和高級文憑分別
我純講出路，我認為最有就業保障係專業科，有牌有專業資格考的，例如：醫科、牙醫、法律、護士、工程、會計。（我的喜好由頭先尾）
作者: dativebond 時間: 16-7-15 11:26 標題: 回覆：副學士和高級文憑分別
咩叫大學要求高過高考essay好多，我舉個例。以前我高考口試問「你認為香港教育根本問題是。。。」
我當然答香港最根本問題係唔夠多元化，例子有二：第一，前北大校長蔡元𦹷醫生講過教育包括九項多元智能。撫心自問，我地香港最主要得文理商，其它多元智能相對極為不足，例如音樂、體育和藝術。。。等等。第二，唔夠多元化壞處係乜？唔同學生有唔同潛能，唔夠多元化不單發揮唔到學生既所有潛能，亦是對社會一種極大損失。另外，我地永遠唔知未來香港需要哪項人才，太過單一會令我地冒住好大風險。例子如最近美國在阿富汗進行維和行動，佢地需要大量懂得當地語言既專才協助，幸好美國教育多元化，能招募足夠的專才，維護美國部隊安全。撫心自問，相對美國或其它國家，香港有無咁既能力應對未知的未來，有沒有好好準備？
呢篇文係高考程度可以攞A，因為你入面既例子可能評分員都唔識，而且佢唔可以向你發問，你講徥出個term，發大幾句講徥通就搞掂。但係大學程度，呢篇文一派胡言。第一，名人說的話不可信，我地自視一門科學，有無統計資料或研究証明人有九種智能？証明九種智能同樣重要？發生類似美國的問題可能性有幾高？用資源防備咁低既可能性值得嗎？社會資源有限，點樣分配對整體社會福祉最有effective and efficient？點解？証據？研究？統計資料？。。。等等。大學唔要你想當然。我地現實生活好多想當然既事，佢都要你有証據証明。所以，要求高好多，唔係動聽就得。唔可以令評卷員越睇越多問號。
作者: dativebond 時間: 16-7-15 11:33 標題: 回覆：副學士和高級文憑分別
所以咁既技能可能對你以一個新既觀點去看世界，更了解因果，點解社會咁運作，有全新既體會。呢D會令你對所有野首先問點解？會懷疑、無証據你唔會信到十足，無咁易比人呃，挑戰權威。可能對你人生思考有幫助，但唔會對你搵錢有幫助。
作者: dativebond 時間: 16-7-15 11:48 標題: 回覆：副學士和高級文憑分別
佢要求你每一個推論每一個結論都要有証據証明（証據主要指研究、統計資料，由咩機構做？用咩方法做？可信嗎？個研究結果係咪同你寫既野指同一樣野，唔係偷換概念？），好似一條鏈咁。只要你其中某一部份講野無証據支持，無論個推論幾合情合理，邏輯上幾咁顯而易見，都等於bull shit，成條鏈斷左，講乜都唔convincing，因為一環扣一環，你條鏈中間斷左唔會高分。
作者: dativebond 時間: 16-7-15 11:52 標題: 回覆：副學士和高級文憑分別
所以有時你見大家用咁多源做研究去証明「阿媽係女人」，行外人會覺得好可笑，但行內人會體諒，雖然無驚天動地既發現，但有助大家每個環都有証據支持。
作者: dativebond 時間: 16-7-15 11:55 標題: 回覆：副學士和高級文憑分別
但諗深一層，其實就算「阿媽係女人」既研究都有佢既價值，因為社會常常有不懷好音中或無知既人講一D動聽但完全bull shit既野，想當然好似係啱，但認真分析會知係錯、或一部錯、或有D情形下係錯，甚至最差的擺明「語言偽術」。
作者: dativebond 時間: 16-7-15 12:01 標題: 回覆：副學士和高級文憑分別
所以對你邏輯思維要求高。咩叫因果闗係？咩叫相關系數高？咩叫必要條件？充份條件？有利條件？
係咪越睇越覺得無用呢？所以Social Sciences唔會對你找工作有優勢。
作者: ydoris 時間: 16-7-15 12:23
想問一個問題.不只是Social Sciences,所有學科,8大副學士及IVE 高級文憑.是同樣升學率或認受性或搵工?
作者: dativebond 時間: 16-7-15 12:31 標題: 回覆：副學士和高級文憑分別
我打咁多係想你個仔認真反思自己想要乜？為錢定為興趣？我希望等佢有個深入了解究竟值唔值得用幾年時間去追尋呢樣野？最重要，了解過後，自己認為思考分析後，對自己做的決定無怨無悔。
我偶然都會後悔無入專業科，因為專業科的確係比較低風險地有個中回報。但我都無悔，因為往往好得意，你以為對搵錢無直接幫助既思考方法，唔同人用有唔同效果。可能對你投資有用呢？有一些地方有相似地方：大膽假設、小心求証、分清咩因素係重要、乜消息無用、市場走勢不配合反思邊個推論出錯再決定堅持還是另外部署。。。等等。有咁既思考模式當然唔會令你次次中，但投資只要每次決定哪怕好一點點，最後表現可以差好遠。投機大師索老就係修哲學出身。我意思唔係講Social Sciences有助炒股，絕非這個意思，統計學角度亦不成立。我意思係教育有時很看一個人價值觀和取向。以promising money return，緊係專業科好啦。但人生唔係只講錢，睇你係乜人？乜價值觀？我作為旁人，鼓勵你投入專業科緊係最穩陣。但人生係你個仔，最重要決定後無怨無悔。
作者: dativebond 時間: 16-7-15 12:32 標題: 回覆：副學士和高級文憑分別
ydoris, 其實我唔熟大專既前程問題。望有其它家長答你。
作者: ydoris 時間: 16-7-15 14:44
回覆 dativebond 的帖子
謝..因為我見有CASE,學生同時俾大學收副學士及IVE收HD.當然學生覺得大學讀完未可升上去啦..實際我亦識一些IVE生升上大學.坊間都流副學士浪費金錢,但眼見很多學生同時收到OFFER時總是放棄HD...很是迷網...
作者: SUMNOK 時間: 16-7-15 19:53
Crabtree 發表於 16-7-14 17:15
真心請教各位，副學士與高級文憑之分別？阿仔5科15分，6科17分，中文和英文得2，他心裏好亂，唔知應該retak ...
作者: ANChan59 時間: 16-7-16 10:45 標題: 引用：回覆+dativebond+的帖子 謝..因為我見有CA
原帖由 ydoris 於 16-07-15 發表
回覆 dativebond 的帖子
謝..因為我見有CASE,學生同時俾大學收副學士及IVE收HD.當然學生覺得大學讀完未可 ...
如果駁不到大學，HD有明顯優勢。同時做了一兩工作，還可以再讀大學，可能更了解自己的方向，及更珍惜。
作者: ANChan59 時間: 16-7-16 10:49 標題: 回覆：SUMNOK 的帖子
除了努力，好多人忽略了選科，因為部分資助學位科目好多位，但有部份好少位，差異頗大，平均數會有誤導性。
有5個位，或15個位，收生分數會差很多！
作者: tww1229 時間: 16-7-16 12:19 標題: 引用：Quote:Crabtree+發表於+16-7-14+17:15+真心
原帖由 SUMNOK 於 16-07-15 發表
本身我女兒2年前都5科18分，佢就讀poly asso的會計課程，因佢想博上資助大學，第一年已很努力，辛苦，第一 ...
其實，我仔入大學呢條路真的一D都吾暢順，做父母的只可分析利弊，當我仔同我講要由yrs1讀起時，佢有吾開心係因為覺得浪費＄，但我同佢講吾接受offer，又要擔心多一年，入U路又不明確，到接受了offer明顯見到大家由其是我仔鬆了一口氣
作者: Crabtree 時間: 16-7-16 22:49
回覆 tww1229 的帖子
多謝你用過來人身份告知我事實！雖然你仔升大學不是平坦路，但相信他會知入到大學不易，會更珍惜，努力讀書！
作者: Crabtree 時間: 16-7-16 22:53
回覆 SUMNOK 的帖子
多謝你的詳細解釋！ 阿仔最終決定讀engine asso！決定權始終在他手，我只能給予大家所講的意見供他參考！
作者: tww1229 時間: 16-7-17 00:08 標題: 引用：回覆+tww1229+的帖子 多謝你用過來人身份
原帖由 Crabtree 於 16-07-16 發表
回覆 tww1229 的帖子
多謝你用過來人身份告知我事實！雖然你仔升大學不是平坦路，但相信他會知入到大學不 ...
作者: ANChan59 時間: 16-7-17 10:29 標題: 引用：回覆+SUMNOK+的帖子 多謝你的詳細解釋！+
原帖由 Crabtree 於 16-07-16 發表
回覆 SUMNOK 的帖子
多謝你的詳細解釋！ 阿仔最終決定讀engine asso！決定權始終在他手，我只能給予大家所 ...
祝他再次努力，上到大學！
作者: 502 時間: 16-7-17 13:08 標題: 回覆：副學士和高級文憑分別
我屋企人今年的情況類近，想讀Space駁番入大學，但條路應該會好艱難。
作者: 天使麵 時間: 16-7-17 22:34 標題: 引用：Quote:原帖由+ydoris+於+16-07-15+發表回覆
原帖由 ANChan59 於 16-07-16 發表
不用迷惘，個個情況不同，選了就用功去讀，希望駁到大學。
如果駁不到大學，HD有明顯優勢。同時做了一兩工 ...
舍妹同佢男朋友讀IVE HD 認識，男朋友拎爆分上返poly u year 2；妹妹ok成績畢業, 都好快搵到工，工作表現唔錯，佢話僱主對IVE 出黎嘅印象都唔錯....
作者: ydoris 時間: 16-7-18 09:00
真開心有咁多人分享...我身為家長,亦是IVE生.邊做邊學.亦沒興趣攞返個DEGREE.因為亦沒必要.
選擇權是囝囡決定.作為家長只希望不要帶錯路...來年,我都會繼續留意下係各方資訊.希望大家都加油...
作者: dativebond 時間: 16-7-18 12:38 標題: 回覆：副學士和高級文憑分別
Congratz樓主仔仔！加油努力～條條大路通羅馬係真！
| 歡迎光臨 教育王國 (/) |
Powered by Discuz! X1.5 |