教育王國
標題: 人生VS籃球比賽；DSE VS三分球比賽 [打印本頁]
作者: dativebond 時間: 16-7-14 09:19 標題: 人生VS籃球比賽；DSE VS三分球比賽
我成日討論時都發現大家對小朋友教育失焦，因為大家對小朋友需要培養的元素有分岐，所以我作以下比喻，讓大家能理解我的看法。 假如人生和籃球比賽相似，你要成功需要好多元素：包括學習能力、性格、態度、創意、抗逆能力、膽量、衡量風險、人際關係、親和力。。。等等；而打籃球比賽亦需要很多不同的能力：體能、攔截、射球、突破、防守、意志。。。等等。 簡單而言，小朋友教育應當很全面，不只側重一兩方面，讀書唔係大晒，有很多元素對其人生更重要，例如性格和態度。 DSE作為一個評核幾萬人基礎能力的機制，佢評核既都係政府認為最基本既野，例如語文能力、分析組織能力和掌握基礎知識能力，而呢D野要盡量客觀公平，所以一D更高層次而且更重要既野佢唔會考到，例如解難能力、抗逆能力、創意。。。等，因為呢D野有主觀成份，好難量度。 如果人生比喻為籃球比賽，咁DSE也可比喻為三分球比賽。 你要玩贏呢個遊戲其實只要練好三分球就得（即係語文能力、分析組織能力、掌握知識能力），其它野唔係唔重要，果D野對人生好重要，但對贏呢個遊戲唔重要。 等於一個籃球員佢平時緊係乜都要練，但如果佢知道黎緊要參加一個好重要的三分球比賽，佢事前一定要先搞掂練射三分球呢樣基本野先啦，行有餘力，咪繼續練其它野囉。
作者: dativebond 時間: 16-7-14 09:20 標題: 回覆：人生VS籃球比賽；DSE VS三分球比賽
所以有時我見有人話要贏呢個遊戲唔駛操咁多，我會好震驚。你等於話要贏個三分球比賽唔駛射咁多波。。。
作者: dativebond 時間: 16-7-14 09:37 標題: 回覆：人生VS籃球比賽；DSE VS三分球比賽
又或者如果DSE係花式入樽賽，Stephen Curry唔會贏到，但咁就代表佢係人生呢個旅程實唔掂咩？事實當然唔係啦。所以有時如果你有洞察力，知道個仔好難係呢個遊戲贏，更加要培養佢其它野，有一兩野叻其實已夠佢係呢個社會生存，唔需要將DSE放到咁大。等於Stephen贏唔到花式入樽賽，亦唔會令佢得唔到應有成就，因為佢有其它野叻，做到頂尖嘛。
作者: dativebond 時間: 16-7-14 09:56 標題: 回覆：人生VS籃球比賽；DSE VS三分球比賽
所以DSE叻唔需要自滿，你只係呢某一方面叻，唔保証你會成功。DSE差又唔需要自悲，你如果有其它野叻一樣可以成功。DSE極其量只係一個平靚正既方法去將人分類，所以你見一份工學歷重要，係因為資訊不對稱，你除左學歷，無野可以說服人。但第一份工後，你有其它更重要既特質可以展示比老闆睇。問心，除左畢業後幾年，之後再有無人理你考試幾多分？就係咁簡單。
作者: MASAYA 時間: 16-7-14 12:56
本帖最後由 MASAYA 於 16-7-14 12:59 編輯
DSE有幾多學生唔需要考？將DSE比喻為三分賽？大部份學生都要經歷既，唔係應該同常規賽對比？過到關上大學係季後賽？
三分賽唔係必然參加，三分唔得咪玩入樽係冇錯，當課外活動咁睇囉
努力練習當然係成功必需，問題係唔同階段有唔同努力既地方，初小操卷為乜？等於你講既三分，初學走去練三分？練好帶波傳波先啦，有幾多人會話預備DSE唔需要操練
作者: dativebond 時間: 16-7-14 13:23 標題: 引用：+本帖最後由+MASAYA+於+16-7-14+12:59+編輯
原帖由 MASAYA 於 16-07-14 發表
本帖最後由 MASAYA 於 16-7-14 12:59 編輯
DSE有幾多學生唔需要考？將DSE比喻為三分賽？大部份學生都要 ...
你對我的抨擊是「越早操卷越好」。我的做法唔係咁極端，我明白小孩子的認知能力會隨時間而增加，太早比佢學深既野反而打擊自信，拔苗助長反而令佢討厭學習。這點我絕對認同。
從我成長經歷，我認為小學和初中的課程實在太簡單，咁我能夠理解，因為課程係為大眾而設，佢唔係純設計比尖子，所以程度唔可以太深。如果你自己經歷過高考或者你真心有認真了解過，你唔一定事事都跟學校schedule。以前高考得一年半度比你準備，但你學既野係多過會考幾多，我可以話個範圍和難度高兩三倍都唔止，咁佢先能夠係會考A中，分到高考既A至C。呢個係統計學上成立，從前會考A既學生人數就和高考A至C人數相若。
我就係經歷過高考，我先會回想「如果我細個咁做，有人說服到我多點時間練習，成績應該好好多。」我因此係果一年半，因為時間是有限的，我只係操自己鍾意既科目，咁的確有操練的科目起碼高過無操練的科目一兩個grade。呢個係我親身經歷，無話啱定錯，但令我深信有時間去的做練習的重要性。
番黎你對我的抨擊話「初小就操卷」。第一，其實我係話小學初中就講多點高考既key concept比佢知，無叫操卷。最理想當然如果佢中四至中五就學晒DSE的內容最好，因為佢仲有一年時間操卷，而呢個時間我諗有經歷過高考的人都會認同係合理的。
我以前中六有個同學自學Pure Maths，一早識晒，駛鬼等老師教。佢日日連小息去操卷，咁咪攞A囉，最後做醫生。我以前都會取笑佢，駛唔駛咁痴線，學校都未教。而家回望，他的選擇是合理的，亦能達到佢自己做醫生的目標。
當然，我提出的方法有人受有人唔受，好正常。呢個只係個人分享，我無義務要說服你，而且我都會謹記路唔係得一條，我一定唔會乜都啱。人生係要選擇。
另外，極端咁講，呢個世界真係唔係得DSE一條路，雖然事實上大部份人都會參與。但好似我咁講，呢個世界除了DSE，仲有IB、GCE、外國升學、唔讀大學創業或工作、以運動或其它卓越成績入大學、唔讀大學做工作做到卓越（例如酒店大廚）。每個人叻既地方唔一樣，做家長要hope for the best, prepare for the worst，提醒小朋友路真係有好多條，點解大部份人選擇DSE，原因可能只係因為制度個設計係咁、個個都咁揀、入大學讀專業科會令你有一條比較低風險但有中回報的工作。。。等
作者: ABC-DAD 時間: 16-7-14 13:26
我真係好想睇下樓主分享一下做十五個月孩子家長嘅喜悅。
咁得閒，小朋友好易揍，應該多啲陪下佢，小朋友大得好快
作者: ABC-DAD 時間: 16-7-14 13:35
而家興“何不食肉糜咩？”，可能係，除非唔係
作者: dativebond 時間: 16-7-14 13:40 標題: 回覆：人生VS籃球比賽；DSE VS三分球比賽
其實而家湊佢真係好搞鬼，亦都好得閒，因為我其實有排都未駛煩佢教育問題，佢暫時認知能力未到，哈哈！
我老婆都話我無聊，你都無著數花咁多時間打字把鬼。認同你既人一早做左，唔認同既人只更鞏固佢本身諗法。我明，睇過「人性的弱點」呢本書都會明，人的觀念很難改變。我承認我好多缺點，尤其鍾意發表偉論鍾意說服人，可能現實工作生活未做到頂尖，我其實深深體會咩叫知易行難。不過，自己做唔到其實又唔代表你講既野係錯。大家做家長盡力做囉，始終小朋友教育要好多方面配合：家長、小朋友、學校等等人。最緊要盡左力，問心無愧，無怨無悔。
作者: dativebond 時間: 16-7-14 13:56 標題: 回覆：人生VS籃球比賽；DSE VS三分球比賽
你串我「何不食肉糜」其實真係無所謂，可能你的含意係話「你個仔得15個月大，你有乜資格教人做家長？你都未試過。呢D叫紙上談兵！」你是對的。不過，呢個世界好多野唔駛一定親身做過先識，果D叫常識和人生經驗。你啱聽就聽，玩暗串好型？我都無串過你。
作者: dativebond 時間: 16-7-14 14:15 標題: 回覆：人生VS籃球比賽；DSE VS三分球比賽
既然大部份人都被迫要玩呢個遊戲，點解唔試下諗人地講既野係咪真係對你玩贏個遊戲有幫助？你記住，我而家無搵你著數，亦唔係補習老師，我呢番分享都係我真心諗法，而我深信其實跟唔足呢個做法都唔會令個小朋友成績太差。Aim high fly high嘛。你玩得遊戲（無論自願定被迫）緊係想贏，重要係個方法你認真思索work唔work，覺得有可能work咪賮力做囉，當然前提係要誘發小朋友學習的成功感，願意配合。就算最後個小朋友考唔到頂尖，我相信都唔會差得太離譜。
作者: dativebond 時間: 16-7-14 14:24 標題: 回覆：人生VS籃球比賽；DSE VS三分球比賽
如果你覺得講野離地，有可能我和你背景唔同。講真，如果你自己係經歷過會考高考，入讀本地大學，撫心自問，係咪真係咁難？我講既野係咪唔合理？如果你自己都無經歷過，你覺得我自吹自擂，傷害到你自尊心，我願意道歉，我無意冒犯任何人。可能我誤解左，我以為黎得教育群組既家長都會好想了解前人經驗。我的方法一定唔係唯一一條，要想達到入大學目標其實好多方法。
作者: dativebond 時間: 16-7-14 15:08 標題: 回覆：人生VS籃球比賽；DSE VS三分球比賽
其中一條好易，「成功靠父幹」，送去外國囉公大囉，實入到架嘛～不過如果一早諗住行呢條路既人根本就無視DSE。所以唔係我討論對象。
作者: dativebond 時間: 16-7-14 15:23 標題: 回覆：人生VS籃球比賽；DSE VS三分球比賽
仲有一樣野大家一見到就起晒干，就係「操卷」。我想講多點。高考攞A至C既人絕大部份都係會考攞A攞B既人，高考既非語文科絕少出現升grade既現象（除非你突然覺悟或突然發奮好多），大部份人都會保持同級至降兩級。其實高考攞A至C既成績無大家想差咁遠，好可能只係總分差十零分，可以話攞C或以上都係叻仔，大致掌握該科的知識。咁個分野係乜？我經驗就係有無put one more step，有無操past paper。我舉例，譬如有一條Long Question，佔成20分，大家都識答，有操past paper攞足20分，但無操既往往可能攞得一半，因為有另外一半可能唔係咁緊要，但改卷守則要呀嘛。我只係覺得唔抵，大家付出時間一樣，都係用十幾年去準備，大家掌握該科知識能力唔差得好遠，但忽略了操卷就令你得唔到你應有的績。你唔覺得好唔抵咩？
作者: ABC-DAD 時間: 16-7-14 15:29
對自己有信心，又何必介意其他人寸或呎呢？
心中有花，自然容易見到花
作者: dativebond 時間: 16-7-14 15:42 標題: 回覆：人生VS籃球比賽；DSE VS三分球比賽
哈哈。其實你講野既模式都幾有趣～我都學到野！
作者: ABC-DAD 時間: 16-7-14 16:25
本帖最後由 ABC-DAD 於 16-7-14 16:28 編輯
對自己有信心，又何必介意其他人寸或呎呢？
心中有花，自然容易見到花
公開討論，好難唔（遇）到我呢類水平普通嘅花生友，煩到你，唔好意思，好在你又睇得開
作者: dativebond 時間: 16-7-14 16:31 標題: 回覆：人生VS籃球比賽；DSE VS三分球比賽
網上討論其實有好處，大家都比到最真心諗法，唔需要討好任何人，亦唔怕招惹任何人，所有野以真為先。
不過，壞處好多時道理好難一五一十咁講清楚。
不過唔緊要，最緊要係真。
不過我真心鍾意你呢種講野方式，好搞鬼
作者: HKTHK 時間: 16-7-14 16:44
回覆 ABC-DAD 的帖子
呢個世界有計劃係好的, 不過實踐又係另外一回事! 更何況個計劃本身 .......
作者: dativebond 時間: 16-7-14 16:47 標題: 回覆：人生VS籃球比賽；DSE VS三分球比賽
我明我明。計劃可能唔落地，所以咪上黎諗住拋磚引玉囉。我點估到大家一見「贏在乜乜乜」就起干啫，諗住噱頭咋嘛。
你有經驗。醒一兩招比細佬分享下啦～
作者: HKTHK 時間: 16-7-14 16:50
回覆 dativebond 的帖子
Our approach is too different. My philosophy is child centered while yours is goal oriented. 南轅北轍的兩個世界
At this young age, not much you can do other than reading to them
作者: dativebond 時間: 16-7-14 16:52 標題: 回覆：人生VS籃球比賽；DSE VS三分球比賽
Thanks~~
作者: shadeslayer 時間: 16-7-14 21:08 標題: 回覆：人生VS籃球比賽；DSE VS三分球比賽
操練應該只是配菜，不是主菜。以操練為主菜的學習，最叻咪就係做卷囉。這是教育的真諦嗎？
教育和文憑試係兩樣事情，先攪好教育，才想如何應付文憑試。
作者: dativebond 時間: 16-7-14 21:13 標題: 回覆：人生VS籃球比賽；DSE VS三分球比賽
You are right~~ But I actually think "why not both?"~~ 不過如果真係要二擇一，你是對的。
作者: dativebond 時間: 16-7-14 21:15 標題: 回覆：人生VS籃球比賽；DSE VS三分球比賽
不過講真我唔討厭操卷。你未學識內容其實操黎無用，操卷係最後做，用黎鞏固你的知識，攞番你應得既成績。
作者: dativebond 時間: 16-7-14 21:30 標題: 回覆：人生VS籃球比賽；DSE VS三分球比賽
不過我成日講操卷係指非語文科，語文科好難操，一定會從小培養語感，最後做的只可以係改善答題技巧、組織能力，好難操。另外，雖然聽同講係考試唔太重要，加埋都可能只佔30%，但係如果你係打工仔，你都會知英語和普通話的聽寫能力係幾咁重要，有時候甚至比你全部成績加埋更重要，當然你第二份工普遍開始連成績都唔係好緊要啦。所以我都會著力培養佢聽和講，而由於我唔係native，可能都需要外判。
作者: samsam123321 時間: 17-1-28 14:14
本帖最後由 samsam123321 於 17-5-7 20:13 編輯
MASAYA 發表於 16-7-14 12:56 
DSE有幾多學生唔需要考？將DSE比喻為三分賽？大部份學生都要經歷既，唔係應該同常規賽對比？過到關上大學係 ...
Del.....
| 歡迎光臨 教育王國 (/) |
Powered by Discuz! X1.5 |