教育王國

標題: 希望比到ADHD家長一些鼓勵 [打印本頁]

作者: hong2002 時間: 16-7-13 16:28 標題: 希望比到ADHD家長一些鼓勵

由小學確診到今日DSE放榜，經過唔少難關，今日終於有好成績，5科有30分，入大學應該冇問題。
有一些家長常問的題目，我以我實際情況讓大家參考一下:
1. 小兒有見精神科醫生，有接受藥物治療，但已停藥。
2. 小兒身高超過185 ，食藥冇變矮或不長高。
3. 有冇ADHD, 都一樣有人讀到書，有人讀唔到。
4. 希望大家抱有希望，越大會越好的。

作者: Hopeful2010 時間: 16-7-13 16:57

hong2002 發表於 16-7-13 16:28
由小學確診到今日DSE放榜，經過唔少難關，今日終於有好成績，5科有30分，入大學應該冇問題。
有一些家長常 ...

恭喜您，真是令人鼓舞，可以分享一下你的小朋友在學業上所遇到的困難嗎？

作者: tutik 時間: 16-7-13 19:59

185咪成6尺高，好威猛，又叻仔。
唔敢奓望小兒什麼，只要佢能走入人羣被接受，有能力獨立，我已不枉此生。

作者: COE1205 時間: 16-7-14 12:05

一個好大嘅鼓舞

作者: hong2002 時間: 16-7-14 18:17 標題: 回覆：Hopeful2010 的帖子

唔知點答你，要寫真係夠寫本書，好多事過左去都唔再想再唸返，唸親眼淚會流出來，太多辛酸.....

作者: Letter_lalaland 時間: 16-7-14 19:30

做得好！

作者: tutik 時間: 16-7-14 19:36

hong2002 發表於 16-7-14 18:17
唔知點答你，要寫真係夠寫本書，好多事過左去都唔再想再唸返，唸親眼淚會流出來，太多辛酸.....

...

都明，這裡該是最多哭崩既媽咪，太多死結冤屈也無力去爭論，事情非黑即白，只是觀點與角度，我也學習適當麻目，教好自己個仔生存之度就算。

‌近來假期比呀仔輕鬆下，沒用藥，養好身體既時候，但就一發不可收拾，舉筆艱難到呢，又變番個文盲，每個孩子不同，沒有天書可從，只能說盡做，見步行步。

作者: 我係好媽媽 時間: 16-7-15 09:10

hong2002 發表於 16-7-13 16:28
由小學確診到今日DSE放榜，經過唔少難關，今日終於有好成績，5科有30分，入大學應該冇問題。
有一些家長常 ...

恭喜你...
我想問, 你仔幾歲開始, 係會識自己做功課溫書, 唔洗你督促架?? 因為我想個仔留學, 但怕佢一個人去左外國, 我唔係身邊, 佢就唔識 / 唔肯自己溫習做功課.....

作者: bestwish 時間: 16-7-15 14:46

hong2002 發表於 16-7-13 16:28
由小學確診到今日DSE放榜，經過唔少難關，今日終於有好成績，5科有30分，入大學應該冇問題。
有一些家長常 ...

恭喜你仔仔成功入到大學. 我條漫長之路才剛開始。

想請突一下, 你仔仔幾多歲開始食藥? 有咩副作用? 呀仔點挨過D副作用反應?

到幾多歲開始停藥?

Thanks.

作者: Hopeful2010 時間: 16-7-15 17:20

hong2002 發表於 16-7-14 18:17
唔知點答你，要寫真係夠寫本書，好多事過左去都唔再想再唸返，唸親眼淚會流出來，太多辛酸.....

...

明白，小兒由自己懷疑到確診，我也失控過，也哭過不少遍，瘋狂上網找ADHD資訊，為的是希望他也能行一條康莊大道，知道是難行的，無論如何都會向目標前進。祝福你的兒子有美好的前程，燦爛的人生。

作者: hong2002 時間: 16-7-15 17:55 標題: 引用：Quote:hong2002+發表於+16-7-13+16:28+由小

原帖由 我係好媽媽 於 16-07-15 發表
恭喜你...
我想問, 你仔幾歲開始, 係會識自己做功課溫書, 唔洗你督促架?? 因為我想個仔留學, 但怕佢一個人 ...

中二開始全部自己温習，佢亦唔比我插手，成績上上落落，情緒都係。中四開始真正完全了解自己情況，醫生讓他自行判斷當天是否要服藥，跟着都是一直穩定進步。

作者: hong2002 時間: 16-7-15 18:06 標題: 引用：Quote:hong2002+發表於+16-7-13+16:28+由小

原帖由 bestwish 於 16-07-15 發表
恭喜你仔仔成功入到大學. 我條漫長之路才剛開始。

想請突一下, 你仔仔幾多歲開始食藥? 有咩副作用? 呀仔 ...

之前的留意，你參考下:
我個case都好typical。小一時開始出現好多問題，經CAC確診係gifted+adhd 並轉介兒童精神科，到小三時终於排到見醫生，都係offer食藥。同好多家長一樣，我接受唔到食藥，怕副作用，加上我仔成績ok, 主要係行為問題，所以最後都冇比佢食藥，只同佢上左好多專注力同社交訓練，可惜並冇大幫助。到六年级下學期，佢主動要食藥控制，了解後，原來佢好討厭小學時的自己，希望中學在新環境重新做人！咁我當然支持，就開始睇醫生，感恩係藥物對佢好work, 基本上除胃口差左，所有問題都解決哂。中二時林醫生幫他試停藥，但仔覺得唔ok, 中四時再試，今次仔覺得可以，就停左藥了！而家中五了，各方面都好好！經歷時我地都好辛苦，眼淚都流唔少，而家睇番，咁快又捱過左！大家加油吧！

作者: mypineapple 時間: 16-7-15 20:01 標題: 回覆：hong2002 的帖子

要斷葯真係好唔容易

作者: bestwish 時間: 16-7-15 20:05 標題: 引用：Quote:原帖由+bestwish+於+16-07-15+發表恭

原帖由 hong2002 於 16-07-15 發表
之前的留意，你參考下:
我個case都好typical。小一時開始出現好多問題，經CAC確診係gifted+adhd 並轉介兒童 ...

是否林中建醫生？我仔都係行為問題比較大。真係好開心，見到你仔成功渡過。真係好登你高興。

作者: bestwish 時間: 16-7-15 20:30 標題: 引用：Quote:原帖由+bestwish+於+16-07-15+發表恭

原帖由 hong2002 於 16-07-15 發表
之前的留意，你參考下:
我個case都好typical。小一時開始出現好多問題，經CAC確診係gifted+adhd 並轉介兒童 ...

是否一值睇私家醫生？

作者: hong2002 時間: 16-7-15 21:02 標題: 引用：Quote:原帖由+hong2002+於+16-07-15+發表之

原帖由 bestwish 於 16-07-15 發表
是否一值睇私家醫生？

小學時看的瑪嘉列精神科，由於我們不肯服藥，也不好意去覆診。中學時看私家。

作者: bestwish 時間: 16-7-15 21:10 標題: 引用：Quote:原帖由+bestwish+於+16-07-15+發表是

原帖由 hong2002 於 16-07-15 發表
小學時看的瑪嘉列精神科，由於我們不肯服藥，也不好意去覆診。中學時看私家。

...

是否林中建醫生？

作者: hong2002 時間: 16-7-15 21:13 標題: 回覆：bestwish 的帖子

係

作者: hong2002 時間: 16-7-16 08:18 標題: 引用：Quote:hong2002+發表於+16-7-14+18:17+唔知

原帖由 tutik 於 16-07-14 發表
都明，這裡該是最多哭崩既媽咪，太多死結冤屈也無力去爭論，事情非黑即白，只是觀點與角度，我也學習適當麻 ...

明白。即使現在給我重頭再來一次，我都冇信心做得更好。每天都有新問題，醫得頭來腳又抽筋，真係好灰，所謂專家卻係比下意見，始於都係靠自已面對撐住，所以盡了力就好，未必所有問題都有解決方法，但你頂得住原來慢慢係會改善。你都係好好的媽媽，相信自已!

作者: annie0517 時間: 16-7-20 08:28 標題: 引用：係 +

原帖由 hong2002 於 16-07-15 發表
係

請問你個小朋友食邊隻藥

作者: Leungwailam 時間: 16-7-31 17:50 標題: 回覆：希望比到ADHD家長一些鼓勵

有ADHD小朋友的確條路很難行，我小朋友小三才確診及開始吃藥，現在升中四，回顧他以往行為，真的湊他很辛苦，幾年前我有問過心理e生，究竟他還要食藥到幾時？e生同我講有些病人到成人都要依賴藥物，有些的找到自己的興趣和工作藥物就可以不吃，幸好我小朋友找到自己的目標，現在他自己知道什麼時候需要藥物幫助，他自己決定，所以不吃藥也可以的，有時真的識得放手，因為他們跌倒過才會懂得珍惜，不會再錯，所以大家加油喔！

作者: tutik 時間: 16-8-1 00:01

回覆 Leungwailam 的帖子

謝謝妳的正能量，提醒我把握時間為小兒努力，日子總會過，不過唔知自己幾時可以見到囝囝獨自融入生活，跟普通同齡小朋友一樣健康成長，淡然回首將記憶內之淚水抹去。
我兒也是小三用藥，現階段只能說見步行步，因藥物副作用，跟e生商量只用最輕藥份，假期、暑假也停藥(e生認同的)，當然老問題(拖拉)依然，我又是日提夜提，都九歲仔，一丁點自發性也沒有，怎能不擔心。日後選中學又是另一煩腦，怕為他揀錯，太深又驚佢跟唔上，太忙又怕佢懶過蛇，太淺又怕怨我埋沒咗佢。囝囝現讀既小學就是不合適，過往三年他真的受了太多心寧傷害，他也在學期尾開始用藥，我也舉手投降上報學校兒子情况，期望部份只管罰鬧既老師們留有餘地，別再去錯方向，咄咄逼人。
天真的我本想試藥二、三個月，讓他感受不一樣既自己，以此為目標，但事實非我所想，既然藥物有效，何不留着用，他成績明顯進步，老師關係改善了點，當然仍需努力，希望囝囝能認清自己既強弱，以長補短，早日發光發亮(發下夢都好)。

作者: Shirleyloveyou 時間: 16-8-25 23:49 標題: 引用：由小學確診到今日DSE放榜，經過唔少難關，

原帖由 hong2002 於 16-07-13 發表
由小學確診到今日DSE放榜，經過唔少難關，今日終於有好成績，5科有30分，入大學應該冇問題。
有一些家長常 ...

請問你仔仔係傾向過度活躍定專注力不足？

作者: kmmum 時間: 16-8-26 10:50 標題: 回覆：hong2002 的帖子

請問小朋友幾時停藥？

作者: hong2002 時間: 16-8-27 10:05 標題: 回覆：Shirleyloveyou 的帖子

both

作者: hong2002 時間: 16-8-27 10:06 標題: 回覆：kmmum 的帖子

F.4

作者: dearmm 時間: 16-8-31 18:41 標題: 引用：Quote:原帖由+bestwish+於+16-07-15+發表恭

原帖由 hong2002 於 16-07-15 發表
之前的留意，你參考下:
我個case都好typical。小一時開始出現好多問題，經CAC確診係gifted+adhd 並轉介兒童 ...

請分享多些行為和社交如何改善

作者: do-re-me 時間: 16-9-10 14:05 標題: 引用：由小學確診到今日DSE放榜，經過唔少難關，

原帖由 hong2002 於 16-07-13 發表
由小學確診到今日DSE放榜，經過唔少難關，今日終於有好成績，5科有30分，入大學應該冇問題。
有一些家長常 ...

請問你兒子肯食藥嗎？如何令他肯接受自己係adhd及肯食藥？

作者: cherrieshum 時間: 16-9-14 08:01 標題: 引用：由小學確診到今日DSE放榜，經過唔少難關，

原帖由 hong2002 於 16-07-13 發表
由小學確診到今日DSE放榜，經過唔少難關，今日終於有好成績，5科有30分，入大學應該冇問題。
有一些家長常 ...

恭喜晒！父母的功勞！

作者: hong2002 時間: 16-9-17 10:44 標題: 引用：Quote:原帖由+hong2002+於+16-07-13+發表由

原帖由 do-re-me 於 16-09-10 發表
請問你兒子肯食藥嗎？如何令他肯接受自己係adhd及肯食藥？

其實我是堅持不吃藥那一位。他小學的經歷過一段不甚愉快校園生活，例如因多手搞人野令同學討厭佢，上堂不守規常常被罰，長期被安排一個人坐老師旁等等。由二年級做評估開始，我已不斷和他上行為改善的小組，見心理學家，精神科醫生，幾年間他也清楚自己的狀況和各專家提供的方案。可从試可以做的基本上都做過，剩下的就是服藥我還是有所保留。小學畢業時他向我要求上中學前服藥，不想再做一個怪人，我亦明白他的想法就這樣開始了。

作者: lai_123 時間: 16-9-17 22:49

謝謝你的分享，令人鼓舞及好正能量。我囝囝中二試停藥但失敗了。請問有無停藥過程分享及有什麼要留意?

作者: JCKT 時間: 16-10-6 10:20

我都是哭崩媽媽之一，囝囝還有讀寫障礙....今年小二,這兩年不停睇資料，搵行為、專注、讀寫訓練，中醫，湯水食療，精油，魚油，益生菌，愛心功課班幫佢，努力搵合適學校轉校....輔導忍耐力低嘅爸爸，教導沒問題的孖生家姐...真係身心疲累，有時好失望好沮喪...目前一樣未能接受食藥，不想他沒有了自己，又怕副作用，可能再大點等佢更明白自己問題至考慮，目前目標是轉一間happy school,不過都唔容易...只希望他是永遠快樂的，因每個教他的老師導師都說...他真是個快樂寶寶！

作者: Hopeful2010 時間: 16-10-6 16:34

回覆 JCKT 的帖子

ADHD+讀寫障礙，照顧者一定很辛苦，小兒在小四學期尾才確診ADHD，服藥數個月，若可以早些知道，我會讓他小一開始服藥，因為我不想握殺了他的學習機會，這幾年大家都很辛苦。雖然藥物會有副作用，要試藥、轉藥，見到他在進步，但是因為根基打得不好，有時會感到吃力。醫生曾說，如不打算追成績，是可以不吃藥的。小兒只是專注力不足，沒有過動和其他行為問題。

作者: felixfafa 時間: 16-10-7 10:13

睇到樓主的說話，真係感覺有前路。阿仔今年讀二年班，係自閉譜系，不過係比較輕果隻，一直都有精神科跟進，醫生就話佢未到臨界點，所以未係ADHD。選學校時已經通告左學校佢的情況，所以老師們都尚算包容佢的行為，但爸爸就係果種忍耐力低的人，無耐性，個仔一俾人投訴，功課做得慢&差，就打鬧啦。唉，佢一大聲喝個仔，阿仔的魂魄就飛走左，1+1等於幾都會晤知。尋晚爸爸同阿仔溫英文，成篇文有兩三個單詞，阿仔點都串錯，爸爸又發火了。跟住就話跟住嚟的精神科覆診佢親自去，要求醫生開藥俾死仔食，同時轉去特殊學校（當然我心諗唔係你叫開就開俾你，特殊學校都唔收你個仔，因為阿仔成績係全級中間位，唔太差）。我承認阿仔係專注力差D，有時候諗到咩就去做，唔睇環境，但呢D都係病徵，無計架！而過度活躍，我睇左台灣的電視節目，裡面的醫生都話有可能係環境因素令到全無法專心坐定定，老師講野沈悶、簡單⋯都有可能。其實，藥物是否真的會見效？我怕食左就要跟一世

作者: tutik 時間: 16-10-7 11:29

回覆 felixfafa 的帖子

其實每個小朋友資質不同，首先要學會什麼是合理期望。然後揾出合適既方法引導，好少男士有耐性教特殊兒童，FTM 比較容易成為輔導老師，能力許可又可考慮外判。我個人覺得初小，用啱方法還是容易見到成效。就算普通小朋友，若有機會見識其他家長既背後發功就知，唔怕佢蠢只怕佢hea.

作者: PP媽媽 時間: 16-10-12 18:44 標題: 回覆：tutik 的帖子

很同意，每個孩子都是獨特的，所以自己要尋求一個最適合的方法，別人的始終只能作参考，大家努力！

歡迎光臨教育王國 (/)