教育王國

標題: 怎樣做中文閱讀理解 [打印本頁]

作者: TomatoCat 時間: 16-7-13 15:27 標題: 怎樣做中文閱讀理解

小兒做中文閱讀理解時,很多時跟標準答案相差很遠,.他應否把答案理解後重新抄一次,還是明了就可以?
由於標準答案通常很長,重新抄一次很費時,但又怕他不上心.
想請教有經驗家長分享心得.

作者: TomatoCat 時間: 16-7-15 17:01

有冇人可以指教？

作者: dativebond 時間: 16-7-15 17:20 標題: 回覆：怎樣做中文閱讀理解

閱讀理解長遠都係要靠多閱讀，培養語感先得，呢個要做。短期要改善其實要兒子學習個思路，點解果個先係答案。佢唔明白背後思路，抄一次好似無乜用喎。

作者: totoro 時間: 16-7-17 10:44 標題: 回覆：dativebond 的帖子

怎樣培養思路？有冇具體方法或例子？

作者: nanafafa 時間: 16-7-18 01:57

提示: 作者被禁止或刪除內容自動屏蔽

作者: dativebond 時間: 16-7-18 12:59 標題: 回覆：怎樣做中文閱讀理解

其實好難講個思路係點。
根本黎講，就憑佢大量閱讀，先可培養佢語感，別人說話的表面意思和含義。
但短期想有明顯進步，就要靠答題技巧，最熟緊係老師。但如果課外你想幫佢，首先你都一齊做，然後望下答案係乜，猜測評卷的思路規則，咁應該對答題有幫助。
如果你自問做得到，咁講你既思路比佢知，教佢點諗。如果你都做唔到，無辦法下都要外判。

作者: TomatoCat 時間: 16-7-18 14:53

回覆 dativebond 的帖子

有道理！

作者: goodmama2003 時間: 16-7-20 07:09

提示: 作者被禁止或刪除內容自動屏蔽

作者: Kathy_bo 時間: 16-7-20 17:43 標題: 回覆：TomatoCat 的帖子

要教他看題目關鍵詞和指示字，題目往往有提示學生在哪段哪句搵答案，下一步要他學校用自己的句子寫答案，不過呢部教難，家長教他時可以先叫學生口頭講，講出完整句子再寫

至於寫字速度一定要練快一點，因為好多時考試也要求用完整句子，如果寫得慢分數自然也低

作者: oasismcmug 時間: 16-7-23 14:09

我會叫補習姐姐用囗和佢一起做，discuss 全再叫佢自己寫下答案，

作者: 熙媽媽 時間: 16-7-25 09:45

邊閱讀，邊理解。

好多人當閱讀理解係睇題目關鍵字後，係文章搵番類似字眼，答案會係附近。無疑小學、中一、二或者都可以咁。
去到高班，真係要掌握成篇文章講咩，段同段之間有咩關係，人地幽默諷刺講緊反話，你只睇表面意思以為作者讚緊人就弊。

所以非常同意上面家長話多閱讀。
邊閱讀，邊理解，邊發問，邊評價，同作者交流，先係真正閱讀。
補習教技巧唔係無用，不過頂龍拎4等。要拎5，學生一定自己投入閱讀，真係無其他捷徑。

作者: TomatoCat 時間: 16-8-9 17:02

多謝大家的分享,很有用！

作者: 王家爸爸 時間: 16-8-12 10:31

TomatoCat 發表於 16-7-13 15:27
小兒做中文閱讀理解時,很多時跟標準答案相差很遠,.他應否把答案理解後重新抄一次,還是明了就可以?
由於標準 ...

中文閱讀理解其實唔容易做，尤其係關於作者想表達什麼之類既問題。睇下呢個例子就知道：

2014年DSE中文科用徐國能既《第九味》，問「第九味」指的是甚麼呢？根據標準答案，作者自己都只可以係6分裡面取得2分，即係唔合格。連作者自己都答唔到自己想表達什麼，考試局又點知道？

作者: kayi0556 時間: 16-8-13 11:27

回覆王家爸爸的帖子

咁老師點出卷？佢d所謂標準答案點黎？文章作者想表達d乜，理應問返作者，而唔係教局諗架

作者: 熙媽媽 時間: 16-8-13 16:48

王家爸爸發表於 16-8-12 10:31
中文閱讀理解其實唔容易做，尤其係關於作者想表達什麼之類既問題。睇下呢個例子就知道：

2014年DSE中文科用徐國能既《第九味》，問「第九味」指的是甚麼呢？根據標準答案，作者自己都只可以係6分裡面取得2分，即係唔合格。

徐國能拎到2分已經好叻，當年呢條考生平均得分係0.97/6

卷一唔使拎一半分先合格，就好似《第九味》，全篇設12題，共54分，考生平均得20.2/54。

當年全卷86分，考生平均得30.04/86。
如果當年拎呢30.04/86應該有level 2，拎多少少，譬如32/86，已可level 3。所以又唔使太擔心。

作者: 小苦巴 時間: 16-8-14 23:30

其實中文科就無一個標準答案，當然如果你仔仔同本野答的野一樣，當然滿分，但唔中唔等於無分，所以學校老師做公開試卷，無睇答案都會有機會答唔中，我仔仔有時同我講返，我都唔知點做。

暫時最好都係請個補習老師幫下手，起馬佢地都拎過好成績，好過唔識教DSE 的CE中文老師

作者: judy 時間: 16-8-23 17:07

徐國能拎到2分已經好叻，當年呢條考生平均得分係0.97/6

唔係嘛，我都答到。

阿二有個同學仔當晚係facebook講嘅答案更精彩：佢話佢覺得正确答案應該是鹵味，不過就冇寫出來。

歡迎光臨教育王國 (/)