教育王國

標題: 剛知道囡囡有聽障 [打印本頁]

作者: caroljoyful 時間: 16-7-12 23:16 標題: 剛知道囡囡有聽障

囡囡3歲半，剛做了私家聽力測試，發覺她聽低頻&高頻都弱，高頻非常嚴重，導致她發音不正，現已進行私人言語治療。
醫生建議要配耳機（一對），但醫生話一對高質素耳機大約7-8萬。
請問政府配耳機質素如何？和私家配差得遠嗎？我從未接觸過耳機，我可以在那裡知道多些資料？有其他資源可幫到囡囡嗎？我唔知宜家可以做乜！

作者: Vkeeleung 時間: 16-7-13 00:28

想問下係點發現？

作者: bb65 時間: 16-7-13 09:13

拎住私家報告去健康院叫轉介見醫生, 如証實系聽障, 可安排派政府既服務兼驗配耳機, 現政府既耳機都唔太差的, 對小朋友有一定幫忙, 同時去CAC排服務安排早期教育或幼稚園兼收位, 兩者都會有言語治療服務的, 看那項服務較適合你小朋友. 加油!

作者: caroljoyful 時間: 16-7-13 10:44 標題: 回覆：bb65 的帖子

多謝你回覆！我未有轉介信係手，私家醫話唔熟政府野，要搵下資料再寫信比我喎！

之前亞囡因為情緒問題都排緊CAC, 姑娘叫我fax份報告去，睇下會唔會排快d比我地去評估。
請問政府配耳機程序係點？我唔知下一步應該點做！謝謝！

作者: caroljoyful 時間: 16-7-13 10:46 標題: 引用：拎住私家報告去健康院叫轉介見醫生,+如証實

原帖由 bb65 於 16-07-13 發表
拎住私家報告去健康院叫轉介見醫生, 如証實系聽障, 可安排派政府既服務兼驗配耳機, 現政府既耳機都唔太差的 ...

多謝你回覆！我未有轉介信係手，私家醫話唔熟政府野，要搵下資料再寫信比我喎！
之前亞囡因為情緒問題都排緊CAC, 姑娘叫我fax份報告去，睇下會唔會排快d比我地去評估。請問政府配耳機程序係點？我唔知下一步應該點做！謝謝！

作者: bb65 時間: 16-7-13 11:27

回覆 caroljoyful 的帖子

盡快fax報告給cac, 要求做評估, cac會安排見醫務社工, 兒科醫生, 聽力學家, 言語治療師做評估及盡快轉介政府醫院耳鼻喉科, 盡做叫他們給信你安排去驗配耳機, 拎住信可去他們安排既峰力聽覺中心再做測試及配帶適合你小朋友用既耳機

作者: caroljoyful 時間: 16-7-13 12:22 標題: 引用：回覆+caroljoyful+的帖子盡快fax報告給ca

原帖由 bb65 於 16-07-13 發表
回覆 caroljoyful 的帖子

盡快fax報告給cac, 要求做評估, cac會安排見醫務社工, 兒科醫生, 聽力學家, 言語 ...

Ok 多謝你

作者: felica218 時間: 16-7-15 21:51 標題: 回覆：剛知道囡囡有聽障

無咁貴，我昨日先去完政府既聽力測驗中心，見到助聽器都是千六左右

作者: feifei_baby 時間: 16-7-15 22:18 標題: 引用：囡囡3歲半，剛做了私家聽力測試，發覺她聽

原帖由 caroljoyful 於 16-07-12 發表
囡囡3歲半，剛做了私家聽力測試，發覺她聽低頻&高頻都弱，高頻非常嚴重，導致她發音不正，現已進行私人言語 ...

小朋友耳機建議唔使咁貴，用back the ear，因為小朋友會長大，太貴都用唔長，到佢大個長定咗，先至配貴啲，喺耳仔入面，頭髮遮下唔覺！

作者: caroljoyful 時間: 16-7-16 04:25 標題: 引用：無咁貴，我昨日先去完政府既聽力測驗中心，

原帖由 felica218 於 16-07-15 發表
無咁貴，我昨日先去完政府既聽力測驗中心，見到助聽器都是千六左右

即是峰力？定係其他地方？

作者: bbforever 時間: 16-7-16 04:35

回覆 caroljoyful 的帖子

我女5歲半，發音都有唔正，如刷講殺，情講乘，一同七都講唔正，排政府言語治療要到2017尾，我又無諗到耳仔出事。請問你女的聽力是什樣的，平時叫佢是聽到的嗎？

作者: caroljoyful 時間: 16-7-16 11:24 標題: 引用：回覆+caroljoyful+的帖子我女5歲半，發音

原帖由 bbforever 於 16-07-16 發表
回覆 caroljoyful 的帖子

我女5歲半，發音都有唔正，如刷講殺，情講乘，一同七都講唔正，排政府言語治療要 ...

我平時同佢係完全溝通到，可能我係ftm,日日對住啦！一些少見既親戚就可能會聽唔明晒佢講乜。我地係開始左言語治療，治療師發覺佢錯既音同一般小朋友唔同，有些奇怪，所以叫我地搵耳鼻喉科check下，醫生再叫囡去做聽力測試，先搵到問題！

作者: icanhear 時間: 16-7-16 21:47 標題: 回覆：feifei_baby 的帖子

小朋友語言發展中，若聽得不清，就說不清。

助聽器有平有貴，可以在驗耳後向聽力學家查詢不同耳機的功能及價錢分別。耳背機都有貴有平。若積度達中度嚴重以上，耳內機不夠聲。

作者: caroljoyful 時間: 16-7-17 22:43 標題: 引用：小朋友語言發展中，若聽得不清，就說不清。

原帖由 icanhear 於 16-07-16 發表
小朋友語言發展中，若聽得不清，就說不清。

助聽器有平有貴，可以在驗耳後向聽力學家查詢不同耳機的功能及 ...

Thx for the info! 會試試看

歡迎光臨教育王國 (/)