教育王國

標題: 幼稚園面試班是否必需的? 請大家給予意見, 謝。 [打印本頁]

作者: oneperson2014 時間: 16-7-11 23:20 標題: 幼稚園面試班是否必需的? 請大家給予意見, 謝。

本帖最後由 oneperson2014 於 16-7-11 23:28 編輯

我2.5歲兒子之前在本區(青衣)找不到幼稚園空位, 下次可能報其它區, 請問面試班是否真的有用, 還是自己教一般礼仪和說話都可以? 因為收音機講, 有些面試班教到个小朋友好虛偽 (如例行式行禮)。

我本身是教師, 兒子平時都肯看書, 已能講三四個字的句子, 只是有時怕羞一点, 請給意見, 謝。

作者: 貝珠 時間: 16-7-11 23:55 標題: 引用：+本帖最後由+oneperson2014+於+16-7-11+23:

原帖由 oneperson2014 於 16-07-11 發表
本帖最後由 oneperson2014 於 16-7-11 23:28 編輯

我2.5歲兒子之前在本區(青衣)找不到幼稚園空位, 下次 ...

冇需要。

作者: 神筒 時間: 16-7-12 00:08 標題: 回覆：幼稚園面試班是否必需的? 請大家給予意見, 謝。

無需要！

作者: oneperson2014 時間: 16-7-12 00:20

貝珠, 神筒, 可以說說為何不需嗎? 謝。

作者: 99dogdog 時間: 16-7-12 02:20 標題: 引用：貝珠,+神筒,+可以說說為何不需嗎?+謝。

原帖由 oneperson2014 於 16-07-12 發表
貝珠, 神筒, 可以說說為何不需嗎? 謝。

咁點解你覺得有需要？咁細個小朋友你想點操fit佢？呢個年紀先啱啱學識講嘢，到面試見到人唔喊唔怕羞，唔扭計已經好唔錯，亦已成功了一半！性格是天生，有學校喜歡外向型，有喜歡文靜型；有偏向收大b, 亦有收得較平均既！不如你睇吓邊類學校會較適合自己小朋友，咁自然事半功倍！

作者: crystal媽咪 時間: 16-7-12 07:54

其實無咩必要，你都講教到好虛偽。
自己教，離位推回椅子，見人說早晨/bye。
玩積木,木拼板，穿珠，常見物件命名

作者: (=.=) 時間: 16-7-12 07:57 標題: 回覆：oneperson2014 的帖子

上playgroup 有幫助，最好父母親自帶

作者: newmum2012 時間: 16-7-12 08:05 標題: 回覆：幼稚園面試班是否必需的

我都覺得無需要!

作者: lambeanmama 時間: 16-7-12 08:24 標題: 回覆：幼稚園面試班是否必需的? 請大家給予意見, 謝。

無需要。我仔十二月細仔，無上任何面試班，甚至無在家特別準備和訓練，只在生活中學習和大量伴讀，及親子聊天，K1也有心儀offer

作者: pekovian 時間: 16-7-12 08:31 標題: 回覆：幼稚園面試班是否必需的? 請大家給予意見, 謝。

k1 interview class無需要，唔想小朋友咁細個就學d虛偽野(亦學唔黎)，家長咁做亦會俾自己太大壓力，我覺得教小朋友禮貌，多d出去玩見下人就可以了。

作者: maxifoxy 時間: 16-7-12 09:21 標題: 回覆：幼稚園面試班是否必需的? 請大家給予意見, 謝。

本帖最後由 maxifoxy 於 16-7-12 09:37 編輯

你係忙爆既中學教師？你指搵唔到n 班？請問係咪父母帶去interview? 有無帶小朋友去公園/playroom, 接觸多d 人？

青衣N 班位僧多粥少，考唔到都唔出奇。我去宏福interview 見到有d grandparents 帶去，我諗未必收，學校重視家校合作。

如果唔解決根本問題，上面試班有何用？

作者: 貝珠 時間: 16-7-12 09:32 標題: 引用：無需要。我仔十二月細仔，無上任何面試班，

原帖由 lambeanmama 於 16-07-12 發表
無需要。我仔十二月細仔，無上任何面試班，甚至無在家特別準備和訓練，只在生活中學習和大量伴讀，及親子聊 ...

Agree

作者: Ctswa 時間: 16-7-12 13:04 標題: 回覆：貝珠的帖子

提示: 作者被禁止或刪除內容自動屏蔽

作者: mandy_ng207 時間: 16-7-12 13:40

回覆 Ctswa 的帖子

我仔都一樣，佢唔怕羞，但語言發展慢，仲未講到句子，所以都想去面試班練一練......我諗家長心態最緊要，我俾小朋友上面試班是想我和他都學多d野，不是打算上完就一定有好學校收。同樣，帶小朋友上playgroup和學前班，自己教下佢，都會對入學面試有幫助。

作者: vpo0615 時間: 16-7-12 18:12

Playgroup 可以同其他小朋友相處, Playgroup老師都會教吓小朋友應有禮貌....不過都有家長發表過, 佢上咗個好嘅面試班幫到小朋友入龍校.....

作者: happyapple 時間: 16-7-12 18:34 標題: 引用：+本帖最後由+oneperson2014+於+16-7-11+23:

原帖由 oneperson2014 於 16-07-11 發表
本帖最後由 oneperson2014 於 16-7-11 23:28 編輯

我2.5歲兒子之前在本區(青衣)找不到幼稚園空位, 下次 ...

我覺得面試班搞得好既，係可以俾一d指導新手家長留意既地方。有時在職媽媽真的很忙，放工食完飯同小朋友玩一陣就要瞓。d全職媽媽話帶小朋友去公園、落街認識新事物，但在職媽媽就只有週末才有機會。老人家、工人係屋企唔縱壞已經好好，唔敢講要教喇。所以我寧願俾小朋友出去上吓堂。面試班，老師會提點家長在家怎樣訓練小朋友，我覺得好有幫助。我囝（超大囝）考幼稚園時，仲要係出生率最高一年，九龍塘兩間名幼，三間龍校都收。所以我覺得如果付擔得起，咪當補品，買個安心。

作者: mandy_ng207 時間: 16-7-13 01:31

回覆 happyapple 的帖子

謝謝分享！其實面試班有無d輕鬆d架？我向來回家都不會訓練孩子的，只有他扮playgroup老師訓練我⋯⋯

作者: happyapple 時間: 16-7-13 13:36 標題: 引用：回覆+happyapple+的帖子謝謝分享！其實面

原帖由 mandy_ng207 於 16-07-13 發表
回覆 happyapple 的帖子

謝謝分享！其實面試班有無d輕鬆d架？我向來回家都不會訓練孩子的，只有他扮playgr ...

可能我用詞不太適合，其實唔係話訓練，應該係指用一些合適個別小朋友既方法去教導。例如你説跟小朋友玩老師遊戲已經是一個方法。每個小朋友會受唔同方法。

作者: Hkchai 時間: 16-7-13 15:24 標題: 回覆：幼稚園面試班是否必需的? 請大家給予意見, 謝。

我個人覺得吾需要

作者: Ctswa 時間: 16-7-13 15:28 標題: 回覆：happyapple 的帖子

提示: 作者被禁止或刪除內容自動屏蔽

作者: cathyangel 時間: 16-7-13 18:16

回覆 oneperson2014 的帖子

我反而想知邊d面試班可以train到小朋友例行式行禮喎？
我個女都有上面試班，但係唔覺可以train到例行式行禮喎！老師都話無咩可能要個超怕醜的小朋友突然好熱情咁見到人係咁打招呼！其實大家係唔係諗多左咋？

阿老師話有d怕醜觀察形的小朋友真係唔會一去到就同人打招呼，佢地肯答問題已經好好！唔打招呼都唔代表無學校收喎！

作者: lokbbmama 時間: 16-7-13 23:20

提示: 作者被禁止或刪除內容自動屏蔽

作者: babymamaloveyou 時間: 16-7-18 21:10

回覆 oneperson2014 的帖子

無必要，從日常生活教，是累積，面試班教得幾多?

歡迎光臨教育王國 (/)