教育王國

標題: 講游水 [打印本頁]

作者: stockmike 時間: 16-7-11 10:13 標題: 講游水

大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段共100 米。細女K3升小一，從無上過泳班，從無期望，水唔掂地就不離身，上月突然由蛙游一米變能蛙游 25 米。昨日海灘試水，大仔只能游十多米，女只能游三四吓，成日話水喊又話眼痛。總結是游海對兩人心理壓力好大，有乜唔妥叫定先，結論係仍雖努力。

作者: Olympian 時間: 16-7-11 10:28 標題: 引用：大仔現小二升小三，出世至今分年上過大約共

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段共 ...

似乎兩個都有點天份！海灘有浪難游好多架。

作者: little_yolky 時間: 16-7-11 12:16

stockmike 發表於 16-7-11 10:13
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段共 ...

我大果個升小四, 都係反反覆覆學咗幾個月, 但佢無咁叻, 只懂踢腳, 佢話手唔夠力。阿妹仲惡劣, 因為貪玩, K時俾教練浸過佢, 所以佢有D驚水。舊年俾佢停一停唔學, 今年暑假去玩水, 玩咗兩日, 本來一直係浮吓浮吓咁玩, 突然無端端見佢响度游蛙手蛙腳, 動作十分核突, 但游吓游吓閉氣游到一兩米。突然唔驚水了, 今年泳會又好合作, 派咗個溫柔女教練俾佢, 今年成功在望了。

作者: MrBeast 時間: 16-7-11 12:27

本帖最後由 MrBeast 於 16-7-11 12:28 編輯

海灘和泳池環境差別咁大，怯場也可理解，不過其實就算識游我自己本人都未必夠膽比小朋友落海，尤其是香港的，怕大腸干菌，第二驚潮退水流，第三怕佢抽肋，或許我太己人憂天，但大d泳術好些會放心些

作者: stockmike 時間: 16-7-11 14:13 標題: 回覆：講游水

自己玩住教又顯生另一個問題，大仔泳式可以(始終跟班學過六個月)但唔多去水游得慢。細女姿勢核突但好去水。而家準備九月報泳班，希望一個 turn 番快啲，一個改好泳姿同學埋自泳式。

作者: ken244644 時間: 16-7-13 20:01 標題: 引用：大仔現小二升小三，出世至今分年上過大約共

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段共 ...

如果唔怕佢辛苦，入泳隊操練最快見效。我仔7歲半，跟左泳隊一年，已可一晚連續游2000公尺。

作者: ken244644 時間: 16-7-13 20:02 標題: 引用：+本帖最後由+MrBeast+於+16-7-11+12:28+編

原帖由 MrBeast 於 16-07-11 發表
本帖最後由 MrBeast 於 16-7-11 12:28 編輯

海灘和泳池環境差別咁大，怯場也可理解，不過其實就算識游我 ...

絕對同意，游海未係時候

作者: stockmike 時間: 16-7-13 21:18 標題: 回覆：講游水

游得慢，best time 自游 42秒 25米, 入泳隊門檻也不到，先諗住泳班。他自己是想入泳隊的。

作者: little_kid 時間: 16-7-29 15:19 標題: 引用：大仔現小二升小三，出世至今分年上過大約共

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段共 ...

你小朋友游水咁叻嘅! 我孩子6歲，學了大半年，仲係唔敢自己游，要用浮板手袖輔助。

作者: 200904 時間: 16-7-29 16:04

回覆 little_yolky 的帖子

我都覺得教練很重要！

我女一開始游得好好，已經不需要浮板，游整個池，但有一次突然飲水，不敢游，被教練大聲鬧，要她游，但她屬於吃軟不吃硬的，就是不游，接下來兩個星期，就是不肯無浮板情況下游。每次去上課前，就說自己壓力好大，雖然好想自己游，但就是不行。

但我們這次出外度假，在酒店泳池，爸爸親自教，第一次已經可以游整個池。

作者: stockmike 時間: 16-7-30 06:27 標題: 回覆：stockmike 的帖子

前日到海灘，仔話要游出浮台，坐言起行，要喝佢返轉頭，佢唔驚但我怕，我已十幾年無游出浮台，加上近夜晚無救生員我無水泡。跟手叫佢打橫游試佢可游距離，佢已經可以游到浮台距離，相信我又要出浮台日子不遠。

作者: wan_sosin 時間: 16-7-30 09:35 標題: 引用：前日到海灘，仔話要游出浮台，坐言起行，要

原帖由 stockmike 於 16-07-30 發表
前日到海灘，仔話要游出浮台，坐言起行，要喝佢返轉頭，佢唔驚但我怕，我已十幾年無游出浮台，加上近夜晚無 ...

小朋友真係唔好太心急要游出浮台，雖然你或可以陪佢游，但萬一有事，掙扎起上嚟，無學過拯溺，未必拖到個人埋岸，當然更加一定需要有救生員先好游！

作者: stockmike 時間: 16-7-30 10:24 標題: 回覆：講游水

我十幾年唔游出浮台原因係唔 enjoy 又成日幻想有大魚。我記得對上一次船河，無嘢做游埋岸，以為好近，足足游咗我三十分鐘，淨係記得又怕大魚又唔想游，一路游一路驚。上到岸又無乜特別，番船游多一轉直頭想死，從此對船河毫無興趣。仔仔算大胆，成日要味水揾魚，已超出我預算，証明佢有冒險精神，也是我老早沒有了的東西。我自細至今覺得海洋是充滿危機，佢對海洋充滿好奇，希望佢 keep 到呢種動力。

作者: Nath 時間: 16-7-30 12:11 標題: 回覆：講游水

我小朋友係天生怕水，學泳班一年都學唔到，後來仲喊到嘔。停左一年冇學，淨係去玩水；今年安排私人教授一對一，終於學識左，游到一個橫池喇！佢自己都好有滿足感

作者: stockmike 時間: 16-7-30 13:22 標題: 回覆：講游水

我經驗想細路仔學好游水(唔係游得快，係講留响水的能力同時間)係要先唔怕味水，唔洗細細個老早報泳班，我都報過太細作用不大。要用玩方式去訓練味水，俾啲玩具佢水底執，玩下跌下自然貢跌落水，浸一兩秒，長大自然能越浸越耐，我兩件都5~6 歲開始行到第一步。我同過幾個同齡小朋友游，佢哋父母都話佢可以游成點點點，已經識晒，個個係泳班外的 comfort zone 變成門外漢，唔掂地就是不游，游都要番浮板。純泳班總係好似缺失咗啲嘢。

作者: bubuG 時間: 16-7-30 20:25 標題: 回覆：講游水

小兒細細個超怕水，叫到全個池都聽到，學了兩年K3終於學識咗，單對單有安全感、父母不妥協喊也要去、冬天照游暖水池。現在極極極享受游泳，唔游唔舒服咁。

作者: stockmike 時間: 16-7-31 06:20 標題: 引用：小兒細細個超怕水，叫到全個池都聽到，學了

原帖由 bubuG 於 16-07-30 發表
小兒細細個超怕水，叫到全個池都聽到，學了兩年K3終於學識咗，單對單有安全感、父母不妥協喊也要去、冬天照 ...

連冬天都去，熱情並非一般。另外今日問仔講吓下次點出浮台，佢話已經唔敢出了，世事多變，他又覺得海洋充滿危機了。

作者: birdbird 時間: 16-7-31 22:29 標題: 引用：大仔現小二升小三，出世至今分年上過大約共

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段共 ...

泳池d水冇浪, 海有浪。

泳池游到唔代表有能力游海, 大人都未必得, 更何況小朋友?!

作者: stockmike 時間: 16-8-6 13:01 標題: 回覆：講游水

終於用吹氣艇出咗浮台，浮台仍水清見底，真不敢相信，大仔只敢圍住浮台游。細女同我一樣怕大魚淨係落水一次。逗留其間見有兩個爸爸帶三至四歲女兒去浮台。

作者: IloveJJ 時間: 16-8-7 00:29 標題: 引用：終於用吹氣艇出咗浮台，浮台仍水清見底，真

提示: 作者被禁止或刪除內容自動屏蔽

作者: stockmike 時間: 16-8-9 04:38

回想以前, 我也是以為愈細學愈好, 因成日在電視見 BB 仔出世無耐便潛水游游游. 實際有幾多人無 Miss 嗰個剛出世無耐的年紀去學或有膽去學. 三歲度去到泳班, 見人哋四歲度游緊自由式 25 米. 我件重攞住浮版踢腳,學學吓見無乜進步又怕佢變成無興趣就停咗, 因我在側邊望都覺得好刻板. 往後只 KEEP 住夏天多游水. 六歳見仔開始游到十多米蛙式. 又去泳班學埋自由式(因我不懂自由式). 跟手又停, 因無進步免失興趣. 而今年八歲開始接近修成正果. 响呢一個月係我不斷去沙灘及泳池後, 兩件都只喜歡在唔掂地的深兩米成人池游(沙灘除外). 大仔可以輕鬆在池中心逗留五分鐘玩耍, 游緊也有餘力不停講嘢, 未見過佢族親或咳. 而細囡也因有大仔互動下進步神速. 而我本人留水能力也提高了, 我以前定點踏水一分巳累死要埋岸, 而家識方法留响水同唔用手游(因我要不停在水中觀察兩件豆丁, 佢哋鬧交時分開游). 結論係我以前以為游水係游學晒四式游游游. 而家好似 BONUS 嗊得到其他嘢. 當然我也希望兩件都能將四式學懂, 所以我決定大仔九月開始的泳班變恒常, 唔會再為有無興趣而停, 因他巳開始懂事, 要佢學吓堅持.

作者: sammysnake 時間: 16-8-11 23:38

回覆 stockmike 的帖子

我2個今年暑假剛好學了2年，從不間斷，現在已學梗第4式，堅持唔好放棄好重要

作者: Hillkymama 時間: 16-8-12 09:53

海係難游啲但勝在夠自由.
不過要得廣州倒落海漂來香港啲醫療廢物無哂先,啲針筒嚇死人.

作者: stockmike 時間: 16-8-12 12:12 標題: 引用：海係難游啲但勝在夠自由.不過要得廣州倒落

原帖由 Hillkymama 於 16-08-12 發表
海係難游啲但勝在夠自由.
不過要得廣州倒落海漂來香港啲醫療廢物無哂先,啲針筒嚇死人. ...

海水就一定污糟，惟有信自己抵抗力。淨講近近地船家及泳客的排泄口水痰都唔少。

歡迎光臨教育王國 (/)