教育王國

標題: 95網將天同陸慶濤都有offer,點揀好? [打印本頁]

作者: Sandy11 時間: 16-7-10 22:59 標題: 95網將天同陸慶濤都有offer,點揀好?

如題

作者: cakema 時間: 16-7-11 01:06 標題: 引用：如題 +

原帖由 Sandy11 於 16-07-10 發表
如題

邊間近屋企？
係咪天主教徒？
介唔介意比學費？
升中想95定出去？怕唔怕升中又要抽獎/叩門？
如果係我會考慮呢啲問題……

作者: waiwaileung1 時間: 16-7-11 01:53

cakema 發表於 16-7-11 01:06
邊間近屋企？
係咪天主教徒？
介唔介意比學費？

係呀! 可以係到問下意見, 但最終都要自己衡量下邊間對自己最合適, 兩間都各有其優缺點.
在我來說, 我一路以來都冇咩運氣, 經歷過今年小一叩門事件, 身心疲累, 虎年競爭太大, 唔想再玩小六升中這個更殘酷遊戲. 俾我選就陸慶濤, 一條龍學校,中學羅氏又係英中. 當然將天你讀得好, 你可以升到比羅氏更好的中學. 不過, 陸慶濤雖然唔呈分, 但讀得好都一樣可以在無壓力下叩其他更好的中學, 叩唔到咪留番係羅氏, 話曬都叫英中. 呢D都係個人意見, 每人需要都唔同, 各有所需, 你比較下兩間邊間對你優點多於缺點, 再作決定. 係呀! 提下你, 有D家長重會衡量埋有冇細佬妹跟尾, 有的話, 好似大部份家長又會選津貼小學.

作者: BBKDWLAM 時間: 16-7-12 10:23 標題: 回覆：95網將天同陸慶濤都有offer,點揀好

呢兩間應該較少人覺得難選擇。如只睇升中派位，將天應該仲係將軍澳之最。

作者: johnstarks 時間: 16-7-12 10:45

睇下路程, 學費係唔係問題.我自己覺得兩間差唔多, 個人選擇會揀間免費又新d大間d 的將天.

作者: waiwaileung1 時間: 16-7-12 11:00

johnstarks 發表於 16-7-12 10:45
睇下路程, 學費係唔係問題.我自己覺得兩間差唔多, 個人選擇會揀間免費又新d大間d 的將天.
...

我都覺得差唔多, 不會爭太遠, 你選擇一間自己較合適和鐘意的。

作者: 已刪除用戶 時間: 16-7-12 12:24

看過將天部份 paper，讀得好，小朋友好有競爭力。

作者: BeeBee1129 時間: 16-7-12 13:41

回覆 BBKDWLAM 的帖子

請問在哪裡可以看到將天升中派位成績, 因我見他網頁只有校名, 沒有人數, 不知道百份比, 謝謝!

作者: BBKDWLAM 時間: 16-7-13 10:11 標題: 回覆：BeeBee1129 的帖子

唔好意思，這只是個人估計。過往十年一直都有留意將天，馮睛同黃永樹升中派位。因一直覺得呢三間資助小學最TOP。其實我只留意派名校情況，特別係QC，LS，DGS，DBS等等。因為多人會講名校，及各間學校都識家長，可以從中知到約數，容易比較。在網頁上，黃永樹公佈資料最齊但就最遲，其餘兩間快但只有校名。將天如數派外區名校花款，就算一間一個都唔少的，年年有QC，有時仲兩個(但估唔到今年無)。其實我只是估計最TOP個啲學生去咗邊，嚟估計幾間學校的EDB次第水準。陸慶濤十年前多人講啲，宜家好多新直資起咗，就算排直資，都唔似係大部份人的首選。直上的羅氏亦有他校B2生入到。樓主應是手揸陸慶濤去叩將天，叩到將天都唔係凡凡之小朋友啦，所以應唔怕谷，所以我直覺呢兩間唔難選擇。睇埋今年升中情況，馮睛有QC亦都多咗學生向跨區發展，黃永樹都有QC亦連續有學生去SPCC，我估三間最TOP啲學生的EDB真係好接近。(純粹靠估)

作者: BeeBee1129 時間: 16-7-13 18:40 標題: 回覆：BBKDWLAM 的帖子

多謝分析，雖然我小朋友只是今年升小一，但一心想跨區升中，所以特別想知將天跨區升中數據，聽聞今年都派得唔錯，又想知道大約考全級第幾名次才可入到英中？謝謝！

作者: clingy 時間: 16-7-13 19:23 標題: 引用：多謝分析，雖然我小朋友只是今年升小一，但

原帖由 BeeBee1129 於 16-07-13 發表
多謝分析，雖然我小朋友只是今年升小一，但一心想跨區升中，所以特別想知將天跨區升中數據，聽聞今年都派得 ...

據一個去年小朋友畢業的媽媽講，將天精英班的小朋友都會讀跨區中學，次精英班的小朋友主要去區內英中

作者: anthony8899 時間: 16-7-18 15:35

將天次精班都難入, 平均分要有A.

作者: kerrielam 時間: 16-7-18 16:49 標題: 回覆：clingy 的帖子

大約全級考多少名次可以入精英班呢？

作者: air983 時間: 16-7-19 09:07 標題: 引用：大約全級考多少名次可以入精英班呢？ +

原帖由 kerrielam 於 16-07-18 發表
大約全級考多少名次可以入精英班呢？

前三十精英班，三十到六十次精英班

作者: kerrielam 時間: 16-7-19 11:01 標題: 回覆：air983 的帖子

一直心儀將天，但大仔不適合, 所以當年叩了另一間，我細女會世襲上去，但打算同她在大抽獎放榜後叩將天，如果冇111，將天會比她叩嗎？

作者: Torex 時間: 16-7-19 15:11 標題: 引用：一直心儀將天，但大仔不適合,+所以當年叩了

原帖由 kerrielam 於 16-07-19 發表
一直心儀將天，但大仔不適合, 所以當年叩了另一間，我細女會世襲上去，但打算同她在大抽獎放榜後叩將天，如 ...

會。我系002的成功例子^_^

作者: kerrielam 時間: 16-7-19 16:08 標題: 回覆：Torex 的帖子

Thanks. 你是2002 年成功嗎？

作者: kerrielam 時間: 16-7-19 16:09 標題: 回覆：Torex 的帖子

Sorry, 不明白002 的意思

作者: Yanking520 時間: 16-7-19 17:25 標題: 回覆：kerrielam 的帖子

002即係自行、甲部填第一志願、乙部填第二志願

作者: BeeBee1129 時間: 16-7-19 18:07 標題: 回覆：kerrielam 的帖子

今年係揀人in, 得120人有得in, 如果冇揀就未必一定有得in了。

作者: kerrielam 時間: 16-7-19 21:28 標題: 回覆：BeeBee1129 的帖子

學校多選111 去interview 嗎？

歡迎光臨教育王國 (/)