教育王國

標題: 可怕的升中叩門君子協議 [打印本頁]

作者: 煩惱的爸 時間: 16-7-10 16:32 標題: 可怕的升中叩門君子協議

小兒讀油麻地區小學, 請問有沒有人知道油尖旺區中學有冇君子協議?( 即同區不能叩門}, thanks

作者: ok3 時間: 16-7-10 16:52

煩惱的爸發表於 16-7-10 16:32
小兒讀油麻地區小學, 請問有沒有人知道油尖旺區中學有冇君子協議?( 即同區不能叩門}, thanks ...

D讀書人真係叻。明明係違反競爭嘅行為, 在他們口中會變成君子協議

作者: cattz288 時間: 16-7-10 16:54

ok3 發表於 16-7-10 16:52
D讀書人真係叻。明明係違反競爭嘅行為, 在他們口中會變成君子協議

無聽過文人多大話咩?

作者: 煩惱的爸 時間: 16-7-10 17:05

回覆 ok3 的帖子

完全同意這是不公平, 違反競爭嘅行為. 但請問知否是不是全港各區都實行?

作者: chan803 時間: 16-7-10 17:07 標題: 引用：回覆+ok3+的帖子完全同意這是不公平,+違

原帖由 煩惱的爸 於 16-07-10 發表
回覆 ok3 的帖子

完全同意這是不公平, 違反競爭嘅行為. 但請問知否是不是全港各區都實行?

不是

作者: 煩惱的爸 時間: 16-7-10 17:10

chan803 發表於 16-7-10 17:07
不是

請問有沒有人知道油尖旺區中學有冇君子協議?( 即同區不能叩門}, thanks

作者: kmb2015ltd 時間: 16-7-10 17:16

回覆煩惱的爸的帖子

油尖旺區沒有君子協定

作者: genpub 時間: 16-7-10 17:17

油尖旺可以扣，但現在還在問太遲了吧？不少已經公布扣門結果了！

作者: YmOra 時間: 16-7-10 17:21

今年叩門已過吧!下年以後可能不再有"君子協定"了,因為出生率開始上升.

作者: 煩惱的爸 時間: 16-7-10 17:24

本帖最後由煩惱的爸於 16-7-10 17:44 編輯

genpub 發表於 16-7-10 17:17
油尖旺可以扣，但現在還在問太遲了吧？不少已經公布扣門結果了！

不遲, 小兒下年才升讀 Form 1, 我問定先

作者: MASAYA 時間: 16-7-10 18:00

有仇不報非君子、君子報仇十年未晚，報仇係好事？君子其實係咪代表好人好事？

作者: Fado 時間: 16-7-10 19:13

本帖最後由 Fado 於 16-7-10 19:14 編輯

「競爭法」應只適用於企業的市場競爭，例如圍標、合謀定價等等。
學校收生應不屬「競爭法」的範圍。
如果學校間互相君子協定也算違反「競爭法」，則整個派位制度也算違反「競爭法」了。例如「一條龍直屬學校」、「自行收生限於30%」、「分區派位(不是全港任選」……上述每項都是「違反公平競爭」的。

作者: yiuyiu88 時間: 16-7-10 19:17

提示: 作者被禁止或刪除內容自動屏蔽

作者: 煩惱的爸 時間: 16-7-10 20:36

油尖旺區係咪沒有君子協定?

作者: elbar 時間: 16-7-10 20:53 標題: 引用：小兒讀油麻地區小學,++請問有沒有人知道油

原帖由 煩惱的爸 於 16-07-10 發表
小兒讀油麻地區小學, 請問有沒有人知道油尖旺區中學有冇君子協議?( 即同區不能叩門}, thanks ...

通常傳統名校有自己一套，點會同你玩咩君子協議

作者: ok3 時間: 16-7-10 22:26

Fado 發表於 16-7-10 19:13
「競爭法」應只適用於企業的市場競爭，例如圍標、合謀定價等等。
學校收生應不屬「競爭法」的範圍。
如果學 ...

冇人話佢犯法。但合法同合理係兩會事。再多的辯解, 亦不能否定這種所謂“君子”協議的無恥。這個協議產生的原因同影響, 大家都好清楚。公道自在人心!

作者: Chowying 時間: 16-7-11 00:47 標題: 引用：Quote:Fado+發表於+16-7-10+19:13+「競爭法

原帖由 ok3 於 16-07-10 發表
冇人話佢犯法。但合法同合理係兩會事。再多的辯解, 亦不能否定這種所謂“君子”協議的無恥。這個協議產生的 ...

油尖旺區已經好對男生升中有利，咁女生家長係咪又要出泥嘈話唔合理呀

作者: ok3 時間: 16-7-11 03:10

Chowying 發表於 16-7-11 00:47
油尖旺區已經好對男生升中有利，咁女生家長係咪又要出泥嘈話唔合理呀

...

??一個係先天不足, 一個係人為操控。豈可混為一談!?

作者: tracymama 時間: 16-7-11 07:10

這種協議鼓勵的小朋友跨區讀書

作者: silvia_ng 時間: 16-7-11 07:52 標題: 回覆：可怕的升中叩門君子協議

油尖旺區沒有君子協議的。上年我地都有人派同區，叩返同區中學成功。
最慘係呢個區既band two人，因此區不多band two學校，可能要去其他區叩。

作者: Chowying 時間: 16-7-11 08:14 標題: 引用：Quote:Chowying+發表於+16-7-11+00:47+油尖

原帖由 ok3 於 16-07-11 發表
??一個係先天不足, 一個係人為操控。豈可混為一談!?

先天?神定咩，味又係人為

作者: Yanamami 時間: 16-7-11 09:55

http://www.edu-kingdom.com/forum ... &extra=page%3D3

睇2#

作者: ok3 時間: 16-7-11 10:37

Chowying 發表於 16-7-11 08:14
先天?神定咩，味又係人為

照你嘅邏輯, 種棵菜, 去酒樓飲茶同去跑個步都係人為. 問題係, 呢D人為嘅原因同出發點係乜? 同你嗰D為維護自身利益, 而犧牲學生選擇權利嘅所謂"君子"協議, 根本係兩會事. 引返你油尖旺區升中利男不利女做例子, 係囉, 點解D好嘅女校唔係起晒喺油尖旺? 人地一百幾十年前創校時, 特登起係其它地區, 唔俾你油尖旺D女生入讀?

真係估唔到呢D咁嘅"偽君子"協議, 係EK都會有人欣賞

作者: ivory0915 時間: 16-7-11 12:23

ok3 發表於 16-7-11 10:37
照你嘅邏輯, 種棵菜, 去酒樓飲茶同去跑個步都係人為. 問題係, 呢D人為嘅原因同出發點係乜? 同你嗰D為維護自 ...

當初點解會有「君子協議」，記得嗎？

作者: ok3 時間: 16-7-11 14:32

本帖最後由 ok3 於 16-7-11 16:46 編輯

ivory0915 發表於 16-7-11 12:23
當初點解會有「君子協議」，記得嗎？

見下面兩post

作者: 王家爸爸 時間: 16-7-11 14:45

所謂既君子協定本來係弱區學校想自救，但係其實早已經變成食砒霜杜蟲。

作者: la5711 時間: 16-7-11 15:58

君子協定的原意是避免學位過剩的弱勢學校被殺。其實只是保住了弱勢學校老師的飯碗，Band 1學校其實無著數。

作者: ok3 時間: 16-7-11 16:45

la5711 發表於 16-7-11 15:58
君子協定的原意是避免學位過剩的弱勢學校被殺。其實只是保住了弱勢學校老師的飯碗，Band 1學校其實無著數。 ...

Exactly the true!!

作者: lumijuli 時間: 16-7-11 21:26

現在出生率下降....
原本全港有120個學生, 40個BAND 1, 40個BAND2, 40個BAND 3
40個BAND 1位, 40個BAND 2 位, 40個BAND 3位

現在出生率下降
得返90個學，應該30個BAND1; 2;3 位
但家作唔想BAND1位減少
教署又俾.BAND 1減少D位
就BAND 1 38個, BAND 2 35位, 剩下BAND 3
但同學仔係30個B1, 30 B2, 30 B3

=>
BAND 1 學校收30 B1 + 8 B2
BAND 2 學校收 22 B2 + 13 B3
BAND 3學校收17 B3 學生......

特別是BAND 3 那些收生不足的學校就有殺校危機...

如果說對學生不公平.... 那對被殺的學校又何曾公平呢...

作者: Mylove98 時間: 16-7-13 16:09

其實唔洗咁執著，band one都唔一定好，band 2都不一定唔好。

作者: fatman69 時間: 16-7-13 17:41 標題: 引用：其實唔洗咁執著，band+one都唔一定好，band

原帖由 Mylove98 於 16-07-13 發表
其實唔洗咁執著，band one都唔一定好，band 2都不一定唔好。

理論上係啱，但有幾多個家長肯主動選B3校？
亦不可抹煞B3生讀B2校可進步的可能！

作者: Band5 時間: 16-7-13 21:31 標題: 引用：君子協定的原意是避免學位過剩的弱勢學校被

原帖由 la5711 於 16-07-11 發表
君子協定的原意是避免學位過剩的弱勢學校被殺。其實只是保住了弱勢學校老師的飯碗，Band 1學校其實無著數。 ...

其實連本區嘅弱勢學校都保唔住，啲學生點都會望高處，本區唔俾扣門，就會跨區扣，結果只不過係學生流失去咗他區！

作者: Band5 時間: 16-7-13 22:18 標題: 引用：現在出生率下降....原本全港有120個學生,+4

原帖由 lumijuli 於 16-07-11 發表
現在出生率下降....
原本全港有120個學生, 40個BAND 1, 40個BAND2, 40個BAND 3
40個BAND 1位, 4 ...

對被殺的學校公唔公平...咁就要睇被殺嘅係唔係優勝劣敗嘅後果！

B3學校唔只得一間，邊間最後要殺校，當然係要睇家長雪亮眼睛嘅選擇，點解係唔公平呢？每行每業都會有擴展同收縮以至結業，係去蕪存菁嘅應有現象，唔通教育屆要特別保護？咁會計師律師工程師要唔要同樣保護，訂立君子協議唔准搶客呢？

我講嘅當然誇張咗，但冇競爭又點會有進步呢？

作者: dolala 時間: 16-7-14 02:03 標題: 回覆：可怕的升中叩門君子協議

我就覺得應該禁止叩門啦。人係要學識認命。

作者: chun媽 時間: 16-7-14 07:25

本帖最後由 chun媽於 16-7-14 07:27 編輯

很多人以為band 3殺校,對band one學校沒有影響,那是錯誤的觀念,多了一些差的學生入band one 學校,對band one學校的施教會有困難,學習上的差異更大,對band one學生亦沒有着數,更影響教師的教學進度
另一方面,band 3學校的支援較多,band3生上移至band2學校,得不到應有的支援

作者: la5711 時間: 16-7-14 11:59

chun媽邏輯有點問題：
B1學校收少了B1生和B3殺校，都是升中人數大減的結果，而不是B3殺校導致B1收少了B1生。凡叩門，學校一定會選最好的學生，所以B1學校設叩門，是怎會導致收少了B1生呢？
但我認同一奌，B3學校確有存在價值，學校成為B3，並不全因為學校做得差，社會總有一批讀書不成的人，需要更多學術以外的支援，否則容易誤入歧途。

作者: Band5 時間: 16-7-14 12:22 標題: 引用：chun媽邏輯有點問題：B1學校收少了B1生和B3

原帖由 la5711 於 16-07-14 發表
chun媽邏輯有點問題：
B1學校收少了B1生和B3殺校，都是升中人數大減的結果，而不是B3殺校導致B1收少了B1生 ...

B3學校確有存在價值…這點我都認同。我只係唔知道面對殺校嘅係辦得差嘅B3校還是包括埋辦得好嘅B3校！

作者: little_yolky 時間: 16-7-14 13:31

chun媽發表於 16-7-14 07:25
很多人以為band 3殺校,對band one學校沒有影響,那是錯誤的觀念,多了一些差的學生入band one 學校,對band on ...

唔會, 因為响學童少既年代, 所有B3學校都收生不足, 係多定少既分別啫。差既B3學校被殺, 剩餘既學生因為係收生不足, 所以唔會多, 會自然流返入去其餘B3學校, 即係變成B1, B2, B3都有足夠學生。但衍生出既問題係：

1. 到學童回升既年代, 就沒有足夠學額供應。
2. 被殺校老師飯碗不保。

因此, 响老師發颷既前題下, 先會出現B1位多區份的君子協定。

作者: Band5 時間: 16-7-14 13:43 標題: 引用：Quote:原帖由+lumijuli+於+16-07-11+發表現

原帖由 Band5 於 16-07-13 發表
對被殺的學校公唔公平...咁就要睇被殺嘅係唔係優勝劣敗嘅後果！

B3學校唔只得一間，邊間最後要殺校，當然 ...

點評

little_yolky 咁你去問下葉議員

講學生嘅權益時去問葉議員，就好似講病人權益嘅時候去問家騮議員一樣喇！

作者: October. 時間: 16-7-14 13:52

chun媽發表於 16-7-14 07:25
很多人以為band 3殺校,對band one學校沒有影響,那是錯誤的觀念,多了一些差的學生入band one 學校,對band on ...

不難發現一d官津BAND 1學生成績差异都好大, S1已係咁, 可想而知小學程度既差异有幾大.

作者: chun媽 時間: 16-7-14 16:26 標題: 引用：Quote:chun媽+發表於+16-7-14+07:25+很多人

原帖由 little_yolky 於 16-07-14 發表
唔會, 因為响學童少既年代, 所有B3學校都收生不足, 係多定少既分別啫。差既B3學校被殺, 剩餘既學生因為係收 ...

B1學校當然唔會收生不足，皆因b2學生會上移至b1,就會形成b1學校的學生水準參差，正如October所講，pre s1的成績差異大，即學生能力差異大，學校的教學方針也要因應能力較弱的學生而調整，所以，對b1 中學而言，學生能力差異大，對b1學校對b1生也沒有好處。
當然，在抽獎的過程中，總有一些special case, 明明是b1,卻被派往b2,所以，我個人贊同適量的叩門位是有需要的

作者: little_yolky 時間: 16-7-14 16:38

chun媽發表於 16-7-14 16:26
B1學校當然唔會收生不足，皆因b2學生會上移至b1,就會形成b1學校的學生水準參差，正如October所講，pre s1的 ...

所以, 咪話殺校對B1校無影響, 因為殺既係B3校, B3校响學童少既時候係收B3生, 咁B3生唔會流入B1校, B1校來來去去都要硬食B2生, 殺唔殺對佢哋無影響。

作者: chun媽 時間: 16-7-14 17:02 標題: 引用：Quote:chun媽+發表於+16-7-14+16:26+B1學校

原帖由 little_yolky 於 16-07-14 發表
所以, 咪話殺校對B1校無影響, 因為殺既係B3校, B3校响學童少既時候係收B3生, 咁B3生唔會流入B1校, B1校來來 ...

殺校當然唔會影響b1學校，只會影響他們收b2學生，b1學校當然唔想收b2生，同樣b2學校唔想收b3生，所以學校間要才有所謂的君子協議，保住b3學校，才可減少學生錯配的情況，大家可謂唇齒相依

作者: ok3 時間: 16-7-15 10:09

本帖最後由 ok3 於 16-7-15 10:20 編輯

dolala 發表於 16-7-14 02:03
我就覺得應該禁止叩門啦。人係要學識認命。

派位除咗講實力, 仲要加D運氣. "叩門"係好多運氣不佳嘅學生最後機會. 你可以坐係到認命. 但相信稍為有D上進心嘅人唔會囉!

作者: ok3 時間: 16-7-15 10:18

Band5 發表於 16-7-13 22:18
對被殺的學校公唔公平...咁就要睇被殺嘅係唔係優勝劣敗嘅後果！

B3學校唔只得一間，邊間最後要殺校，當然 ...

正解

點解人地年薪過百萬, 我得十萬? 點解人地開分店, 我間鋪頭要執笠?

作者: little_yolky 時間: 16-7-15 11:10

chun媽發表於 16-7-14 17:02
殺校當然唔會影響b1學校，只會影響他們收b2學生，b1學校當然唔想收b2生，同樣b2學校唔想收b3生，所以學校間 ...

我係基於你第#35個回覆的回應, 因為你話：很多人以為band 3殺校,對band one學校沒有影響,那是錯誤的觀念,多了一些差的學生入band one 學校,對band one學校的施教會有困難

其實, B1校開100個位, 學童少時無論有無殺校, 都肯定係收足100個位, 因為B2生會上流, 所以, 殺唔殺校B1校都係要面對一批B2的學生, 生源都係參差的。學童少的年代, 只係B3校中既寶校出事。因為殺校亦不代表會殺盡B3校, 只係會殺B3寶校, 佢哋根本源不足, 入去既B3生本來就係在B3校遊走, 有部份可能入B2校, 但亦與殺校無關, 因為本來B2生上流至B1校, B2校自然要接收部份B3生了, 因此, 正常B2校開100個位, 也是會收足學生的, 只係B3校收唔足學生而已。咁大部份既殺校B3生都應該只係流入B3校, 或部份B2校, 對B1校唔會有影響。

作者: little_yolky 時間: 16-7-15 11:12

October. 殺校對B1校收生無影嚮, 但對收生質素有影嚮,在學校資源有限下, 影嚮埋整體教學. 發表於半小時前

生源不足既年代, 殺唔殺校, B1校都要收B2生, 收生質素本來就有影響。你睇依家生源少, 有君子協定唔殺校, 好多B1學校都要收B2生, 個學術一定受影響。

作者: la5711 時間: 16-7-15 22:21

點解啲人講極都唔明。現在情況是
因：學生人數減少
果：b1學校收不足B1生和 B3殺校
而不是 B3殺校導至B1學校收少左B1生啊。

作者: Fado 時間: 16-7-16 14:50

所以君子協定某程度上維持了學界生態平衡，也是同區學校在教育局支援不足下穩定自救的措施。但歸根究底，出生率下降、政府後知後覺才是導致今日教育界如斯慘況的元兇。

作者: Phoebe0434 時間: 16-7-29 14:16 標題: 引用：點解啲人講極都唔明。現在情況是因：學生人

原帖由 la5711 於 16-07-15 發表
點解啲人講極都唔明。現在情況是
因：學生人數減少
果：b1學校收不足B1生和 B3殺校

我這樣理解對嗎？影響是邊緣學生是否可向上游或是在平行生態而只可向下保B3校不被殺校？

作者: 王家爸爸 時間: 16-7-29 15:19

Fado 發表於 16-7-16 14:50
所以君子協定某程度上維持了學界生態平衡，也是同區學校在教育局支援不足下穩定自救的措施。但歸根究底，出 ...

用協定來維持生態平衡其實只係夢想，事實適得其反。原因係：
1。叻既去學校叩門，難道你唔收？協定只會鼓勵校長違反協定，尤其係邊緣學校。
2。叻既，如果派得差，本區唔收，絕對會轉區。結果係本區學生平均能力下降（隔離區勁咗），長遠來講本區DSE成績差咗（隔離區勁好咗），本區學校BANDING跌，對收生更不利。

作者: mcl203 時間: 16-7-29 15:26 標題: 引用：Quote:Fado+發表於+16-7-16+14:50+所以君子

原帖由 王家爸爸 於 16-07-29 發表
用協定來維持生態平衡其實只係夢想，事實適得其反。原因係：
1。叻既去學校叩門，難道你唔收？協定只會鼓勵 ...

2. 學校係無Banding, 只需要你地D專家咪降佢地評級，或列入負面觀察名單，咪OK囉

作者: bb560 時間: 16-7-29 15:36 標題: 引用：小兒讀油麻地區小學,++請問有沒有人知道油

原帖由 煩惱的爸 於 16-07-10 發表
小兒讀油麻地區小學, 請問有沒有人知道油尖旺區中學有冇君子協議?( 即同區不能叩門}, thanks ...

提出依個所謂君子協定嘅團體，只不過所保障band3學校老師嘅飯碗……當學生人數回升，就唔會再有依個君子協定架啦！

作者: JJDBB 時間: 16-7-29 20:59 標題: 回覆：可怕的升中叩門君子協議

無君子協議，有个朋友嘅女派到第六，七自願，自己系Banding 1 生，聽講座話唔收叩門学生，點知收左佢同學(叩門)，佢遲左去，冇機會囉。如果是我，我鐘意的話，我一定飛去填form。叻學生唔通晤收咩。

作者: ericby 時間: 16-7-31 15:15

本帖最後由 ericby 於 16-7-31 15:16 編輯

有君子協議

作者: 王家爸爸 時間: 16-8-1 10:26

JJDBB 發表於 16-7-29 20:59
無君子協議，有个朋友嘅女派到第六，七自願，自己系Banding 1 生，聽講座話唔收叩門学生，點知收左佢同學( ...

一直都話呢啲其實係小人協議，有叻學生叩門，一定收。尤其係有人叩門走咗，難道校長唔急於搵人填返嗰位？

作者: JJDBB 時間: 16-8-1 11:58 標題: 引用：Quote:JJDBB+發表於+16-7-29+20:59+無君子

原帖由 王家爸爸 於 16-08-01 發表
一直都話呢啲其實係小人協議，有叻學生叩門，一定收。尤其係有人叩門走咗，難道校長唔急於搵人填返嗰位？
...

所以，鍾意嘅一定要試。

作者: ok3 時間: 16-8-1 16:15

王家爸爸發表於 16-8-1 10:26
一直都話呢啲其實係小人協議，有叻學生叩門，一定收。尤其係有人叩門走咗，難道校長唔急於搵人填返嗰位？
...

奇就奇在, 喺呢版你仍然見到有人支持呢個小人協議. 莫非係學校嘅無間道.....?!

作者: optman88 時間: 16-8-2 19:04

其實，如果係 B1 生，學校又有解釋下，好難跳到去第 4 志願。我覺得個揀校名單好有問題

作者: JJDBB 時間: 16-8-2 19:41 標題: 引用：其實，如果係+B1+生，學校又有解釋下，好難

原帖由 optman88 於 16-08-02 發表
其實，如果係 B1 生，學校又有解釋下，好難跳到去第 4 志願。我覺得個揀校名單好有問題 ...

其實，估要估中自己系band幾生，有時要聽下負責老師的意見。尤其是在呈分失手的小朋友。的確，有D学校會整靚頭三志願，但是，有D学校的老師，真系好有經驗！

作者: optman88 時間: 16-8-2 20:39 標題: 引用：Quote:原帖由+optman88+於+16-08-02+發表其

原帖由 JJDBB 於 16-08-02 發表
其實，估要估中自己系band幾生，有時要聽下負責老師的意見。尤其是在呈分失手的小朋友。的確，有D学校會整 ...

我估計，好啲嘅學校，會跟據學生嘅 banding 去揀，當然唔排除有博嘅成份，但一定有一間包底的，如 net 12, band 1 生，多數博一間高 d 嘅，再揾 TSK 去包。如果去到太後，會唔會係家長睇唔真自己嘅情況而亂咁博？我都係打個比如啫 ^_^

作者: JJDBB 時間: 16-8-2 21:37 標題: 引用：Quote:原帖由+JJDBB+於+16-08-02+發表其實

原帖由 optman88 於 16-08-02 發表
我估計，好啲嘅學校，會跟據學生嘅 banding 去揀，當然唔排除有博嘅成份，但一定有一間包底的，如 net 12, ...

2004年出生的真系可以博下，但冇理由達唔到B1的去博B1的学校，好似又太博了。這只是個別例子。

歡迎光臨教育王國 (/)