教育王國

標題: 隊友？對手？還是敵人？ [打印本頁]

作者: 魚兒小寶貝 時間: 16-7-10 12:00 標題: 隊友？對手？還是敵人？

本帖最後由魚兒小寶貝於 16-7-10 14:31 編輯

帶仔返暑期活動第一堂，點名既時候聽到有個爸爸同仔仔❨大約9歲❩講：你d 隊友。。。佢仔即時更正爸爸：係對手！

過後我問我仔，我仔話：又係隊友又係對手。慶幸佢有此答案。

有朋友佢地仔仔考試均名列前矛，校內家長堆中會講笑話："順便教埋我仔""出多份卷比我仔做"等等，我地朋友之間傾計，佢地異口同聲話：講笑就得，係測驗考試上，同學即是敵人。我聽到有d 吃驚。

自己讀書時代，同學間都係彼此幫助❨依家諗返，可能我讀書唔叻冇威脅？❩, 仔仔就讀既小學，只有各科目頭1-5 排名，故此我從未有過同學即是敵人既念頭。

我喜歡胡思亂想，若果我仔學校有全級排名，我會唔會同佢地諗法一樣？始終最後入band 1中學既% 係頭果堆同學啊！係因為環境因素，令我有機會變得較"清高"嗎？

你地又點睇呢？

作者: brother4 時間: 16-7-10 12:16 標題: 回覆：隊友？對手？

小學叻不等於中學好，中學對手是自己，要戒上網/打機，異性吸引，時間競爭，戒心魔如太重興趣/活動等，反x期/青春期。。。

作者: ren 時間: 16-7-10 12:33 標題: 回覆：隊友？對手？

你仔答得啱喎，是隊友也是對手。
同學之間建立到真友誼，就是人生隊友，
但好肯定，幾年後如果大家都target同一中學，就會是對手了，不過，能夠公平較勁，不使陰招，是對手也無妨。
人生路漫漫，我們大人都知道沒有永遠的敵人，但我們都希望有永遠的朋友。
唔好諗咁多，enjoy當下。

作者: haihaimom 時間: 16-7-10 12:54 標題: 引用：帶仔返暑期活動第一堂，點名既時候聽到有個

原帖由 魚兒小寶貝 於 16-07-10 發表
帶仔返暑期活動第一堂，點名既時候聽到有個爸爸同仔仔❨大約9歲❩講：你d 隊友。。。佢仔即時更正爸爸：係 ...

都係㗎，升中派位都要睇吓全級排名，如果小朋友係邊沿人，可能多一兩個同學進步，自己就跌band。慶幸仔讀一條龍中小學，又冇排名，所以同學/家長間一大多會互相幫忙。

作者: bbforever 時間: 16-7-10 13:17

魚兒小寶貝發表於 16-7-10 12:00
帶仔返暑期活動第一堂，點名既時候聽到有個爸爸同仔仔❨大約9歲❩講：你d 隊友。。。佢仔即時更正爸爸：係 ...

噢! 好現實 !
有時我都唔諗得咁多，我灌輸我仔是自強不息，唔好理人，做好自己，對手好隊友又好，朋友是一定要有，太斤斤斤計較，對個人情緒唔好。。。

作者: Yanamami 時間: 16-7-10 13:31

對手未必喺扁詞既~~有良性同惡性競爭嘛~良性無所謂。

作者: siden 時間: 16-7-10 13:57 標題: 回覆：隊友？對手？

現今社會競爭鬥心怨氣均大

想找回自己小時候所見的守望相助，願意少少蝕底幫助他人...實在艱難

作者: haihaimom 時間: 16-7-10 14:28 標題: 引用：現今社會競爭鬥心怨氣均大想找回自己小時

原帖由 siden 於 16-07-10 發表
現今社會競爭鬥心怨氣均大

想找回自己小時候所見的守望相助，願意少少蝕底幫助他人...實在艱難

以前中學時，都已經有啲同學收收埋埋，唔願教人，不過都係一個半個。其實小學都係部分家長小心眼啫。同學其實好單純。

作者: oooray 時間: 16-7-10 14:31 標題: 回覆：魚兒小寶貝的帖子

好像有点本末倒置。外面天大地大，天外有天，你練贏暑期班對手又如何，練低學校所有同學又如何？先做好自己，自然會有收獲，能跑多遠？誰知道？

作者: daniel48 時間: 16-7-10 14:33

對手還好, 比較中性, 當然又係隊友又係對手就更好

如果比你好的就係敵人, 比你差的就識了也冇用, 那麼什麼人才可以做朋友呢 !

作者: 小曳人 時間: 16-7-10 14:37 標題: 回覆：魚兒小寶貝的帖子

我認同，真正對手係自己

作者: MrBeast 時間: 16-7-10 15:02

未打底其他人是隊友，到最後是對手，出芧招個d係敵人

作者: MrBeast 時間: 16-7-10 15:03

Ps 大家有冇睇g1 格鬥？

作者: py84ko 時間: 16-7-10 16:00 標題: 引用：我認同，真正對手係自己 +

原帖由 小曳人 於 16-07-10 發表
我認同，真正對手係自己

認同，老師也是這樣說，別跟別人比較，要跟自己比較。

作者: scyauchris 時間: 16-7-10 17:02

回覆 MrBeast 的帖子

教了其她同學, 對方成績比自己好, 係人地叻。

作者: skkeung 時間: 16-7-10 18:46 標題: 引用：+本帖最後由+魚兒小寶貝+於+16-7-10+14:31+

原帖由 魚兒小寶貝 於 16-07-10 發表
本帖最後由魚兒小寶貝於 16-7-10 14:31 編輯

帶仔返暑期活動第一堂，點名既時候聽到有個爸爸同仔仔❨ ...

可悲！

作者: shadeslayer 時間: 16-7-10 19:30 標題: 回覆：隊友？對手？還是敵人？

暑期活动係短期學一樣嘢, 學完各散東西, 對咩手, 敵咩人呢?

作者: Rachelmummy2008 時間: 16-7-10 19:49

我常常教孩子欣賞其他人的優異之處，而且明白對方付出了努力及時間。
同時，大家分組協作，各展所長，共同完成習作。
現在，分組時，女兒知道某人喜歡繪畫，便將那部份交託他了。

作者: Lindytiger 時間: 16-7-10 22:32 標題: 回覆：隊友？對手？還是敵人？

本帖最後由 Lindytiger 於 16-7-10 22:34 編輯

小時候係認識知心好友既最好階段，但從小就比教養視同伴為競爭對手，仲能夠有好朋友陪伴成長嗎？

作者: suzuki12 時間: 16-7-11 01:56 標題: 回覆：Lindytiger 的帖子

其實淨係班上的whatsapp group都睇到, 有些家長只有問人，其他人有疑問就潛水。氣氛冷漠，有時我都諗呢樣會唔會嘅現今嘅關係呢？

作者: santakit 時間: 16-7-11 03:51

最強的leader要有個人魅力, 另人喜愛,身邊的人願意和他分享,幫助他.
如果做個自私鬼, 跟本冇人願意比佢lead.
比佢lead都吾係真心愛戴佢
吾能夠lead人怎能做大事?
大家認為是嗎?

作者: santakit 時間: 16-7-11 03:58

為左小小事, 對暑期班d同學仔都有敵意.....
成日掛住嗰一兩分, 真係點做大事呀?
比個project你攪, 比間公司你run, 邊run得大呀?

作者: serinac 時間: 16-7-11 07:33 標題: 回覆：魚兒小寶貝的帖子

我會教小朋友係所有團體活動或訓練裡面，個個隊友都係朋友，應該互相尊重、包容、體諒和幫助，多啲建立團隊精神和與不同人相處的技巧，只有佢落埸比賽時，先至同佢講對手做得點點，多啲欣賞別人和改善自己的不足⋯⋯

作者: serinac 時間: 16-7-11 07:51 標題: 引用：Quote:原帖由+siden+於+16-07-10+發表現今

原帖由 haihaimom 於 16-07-10 發表
以前中學時，都已經有啲同學收收埋埋，唔願教人，不過都係一個半個。其實小學都係部分家長小心眼啫。同學其 ...

我以前讀書時，也碰到不少叻嘅同學有類似嘅收收埋埋、唔點願意教人，當時自己覺得冇乜嘢。但出來社會工作後，就更明白「人地唔教你係正常，人地冇責任幫你，學業唔係靠自己嘅咩？點解自己有bad feeling?」

反過來說，叻嘅人（無論乜階層職位的人）唔多唔少都有show off 嘅潛意識，只要你人緣不要太差，抱著謙卑之心向別人求教，加少少技巧，機本上「石頭都可以咬出血」

作者: flower9 時間: 16-7-11 08:35

提示: 作者被禁止或刪除內容自動屏蔽

作者: flower9 時間: 16-7-11 08:41

提示: 作者被禁止或刪除內容自動屏蔽

作者: 魚兒小寶貝 時間: 16-7-11 09:13

serinac 發表於 16-7-11 07:51
我以前讀書時，也碰到不少叻嘅同學有類似嘅收收埋埋、唔點願意教人，當時自己覺得冇乜嘢。但出來社會工作後 ...

人地冇責任幫你<-- 當然唔可以抱住老馮既心態

[size=37.4569px]人地唔教你係正常<-- 我又覺得對人性既睇法又未免灰左d.

作者: serinac 時間: 16-7-11 09:25 標題: 引用：回覆+serinac+的帖子當你本以為大家係真

原帖由 flower9 於 16-07-11 發表
回覆 serinac 的帖子

當你本以為大家係真心的，但原來會變質，一時間tune唔到，難免有hard feeling. 大家 ...

係呢種情況下，有人有hard feeling, 你可能認為是率直、純真的反應，我個人認為也是一般正常反應。

反而我會用呢個機會教導孩子點樣同人相處、培養團隊精神，點樣將負面的事情看得正面一點，正如早兩天，我話女兒做乜咁夜瞓，佢話個group project ，佢個best friend 嗰part 要佢做埋，覺得被我話好委屈，跟著我咪安撫佢，教佢：如果係能力之內，幫朋友做埋佢𠴱份，咪當學多啲嘢，將來你有困難，人地都會樂於幫你......所以很多事情的處理態度，只是觀點與角度的問題，尤其係人關係，並沒有絕對「對與錯」。

作者: judy 時間: 16-7-11 09:40

有朋友佢地仔仔考試均名列前矛，校內家長堆中會講笑話："順便教埋我仔""出多份卷比我仔做"等等，我地朋友之間傾計，佢地異口同聲話：講笑就得，係測驗考試上，同學即是敵人。我聽到有d 吃驚。

阿仔間學校家長又好好，互通有冇。家長幫手訂書，將擦乾淨的舊試卷在whatsapp羣分發......

作者: ANChan59 時間: 16-7-11 10:34 標題: 引用：好像有点本末倒置。外面天大地大，天外有天

原帖由 oooray 於 16-07-10 發表
好像有点本末倒置。外面天大地大，天外有天，你練贏暑期班對手又如何，練低學校所有同學又如何？先做好自己 ...

我幾年前問個阿囝同一問題，他的答案是對手在校外，他們可以排隊入大學XX科YY科！

作者: haihaimom 時間: 16-7-11 13:45 標題: 引用：Quote:原帖由+haihaimom+於+16-07-10+發表

原帖由 serinac 於 16-07-11 發表
我以前讀書時，也碰到不少叻嘅同學有類似嘅收收埋埋、唔點願意教人，當時自己覺得冇乜嘢。但出來社會工作後 ...

真係叻既人，真係唔怕教人，我見職場上也如是。

作者: sammysnake 時間: 16-7-11 23:00

我估我小朋友和你仔仔應同一間學校，我和小朋友每次只抱著做最好的自己，亦學習要欣賞比自己叻，鼓勵未冇咁叻的同學仔。同能與同學仔一起進步才會有更有質素的分享啊

作者: jc2009 時間: 16-7-12 10:59

bbforever 發表於 16-7-10 13:17
噢! 好現實 !
有時我都唔諗得咁多，我灌輸我仔是自強不息，唔好理人，做好自己，對手好隊友又好，朋友是一 ...

無錯, 有時做到一世朋友都要講緣份, 做好自己才是最重要.

作者: ckh311 時間: 16-7-12 11:31 標題: 引用：Quote:有朋友佢地仔仔考試均名列前矛，校內

原帖由 judy 於 16-07-11 發表
阿仔間學校家長又好好，互通有冇。家長幫手訂書，將擦乾淨的舊試卷在whatsapp羣分發...... ...

你地個邊d家長好好，我地唔好話自己學校嘅舊試卷，就算問有無其他學校都無人理。一講考試，個個收聲

作者: bigboyenzo 時間: 16-7-15 14:08

提示: 作者被禁止或刪除內容自動屏蔽

作者: AgapePa 時間: 16-7-15 16:51 標題: 引用：Quote:原帖由+serinac+於+16-07-11+發表我

本帖最後由 AgapePa 於 16-7-15 17:30 編輯

原帖由 haihaimom 於 16-07-11 發表
真係叻既人，真係唔怕教人，我見職場上也如是。

叻人梗係唔怕敎人，但現實是多數人都是平庸，自知唔叻，手揸某技術丶某智識，又點會輕易敎人，降低自己競爭力。
唔教還好，最怕老點，衰過唔識做。

作者: mayyylai 時間: 16-7-15 17:52

回覆魚兒小寶貝的帖子

我覺得呢樣嘢係個家長標籤咗，小朋友未必懂，佢哋係學校應該冇理呢樣嘢，係同學就係同學，唔會同學變咗敵人嘅。

歡迎光臨教育王國 (/)