教育王國

標題: 面試班 [打印本頁]

作者: kkwish 時間: 16-7-4 21:26 標題: 面試班

想問下有直資/私立/受歡迎津校叩門offer的小朋友，是否都有上面試班？
沒有上面試班又有多於一個offer 的有嗎？

作者: ozduckie 時間: 16-7-4 23:41 標題: 回覆：kkwish 的帖子

有，我仔冇面試班，有八個offer , 將會讀一線直資男校

作者: mrs.frog 時間: 16-7-4 23:54 標題: 引用：有，我仔冇面試班，有八個offer+,+將會讀一

原帖由 ozduckie 於 16-07-04 發表
有，我仔冇面試班，有八個offer , 將會讀一線直資男校

非常恭喜你！可分享一下小朋友備考的情況嗎？例如有冇考Cambridge gapsk 及其他証書？

作者: iamiris 時間: 16-7-5 08:52 標題: 引用：有，我仔冇面試班，有八個offer+,+將會讀一

原帖由 ozduckie 於 16-07-04 發表
有，我仔冇面試班，有八個offer , 將會讀一線直資男校

勁!分享下育兒心得

作者: kkwish 時間: 16-7-5 19:22 標題: 回覆：ozduckie 的帖子

好叻仔呀！你仔仔係咪好中意表達果類小朋友？

作者: kkwish 時間: 16-7-8 14:07 標題: 回覆：面試班

Hmmm...睇來大部人有offer 的人都去面試班

作者: HK-MAN 時間: 16-7-8 14:50

kkwish 發表於 16-7-8 14:07
Hmmm...睇來大部人有offer 的人都去面試班

你係咪諗錯晒呀??我敢講大部份有OFFER 都冇去讀面試班.你係咪想賣廣告呀??

作者: terenceytf 時間: 16-7-8 15:23

我個仔本身冇特異功能，亦冇上任何面試班，因為我認為冇需要，最後叩門成功，入到區內一線津小。　

作者: dreamdream081 時間: 16-7-8 17:02

ozduckie 發表於 16-7-4 23:41
有，我仔冇面試班，有八個offer , 將會讀一線直資男校

DBS?

作者: HappyCheerBaby 時間: 16-7-8 18:03

回覆 kkwish 的帖子

我覺得可以唔使上面試班，阿囡無上都考到最少八間好好小學(包括神校)，後來亦收到多間小學來電要俾 Offer阿囡(之前係 waiting)，所以，上面試班倒不如自己教。

作者: kkwish 時間: 16-7-8 21:27 標題: 回覆：HappyCheerBaby 的帖子

聽到你咁講我都安樂d, 因我都唔想俾囝上面試班，但又聽d家長講咩考小學唔係考天材，冇預備（面試班）實唔得

作者: Sassa 時間: 16-7-8 21:50 標題: 回覆：kkwish 的帖子

佢地無講錯，係平時就準備，而唔係面試班

作者: matsushima 時間: 16-7-8 23:05

kkwish 發表於 16-7-8 21:27
聽到你咁講我都安樂d, 因我都唔想俾囝上面試班，但又聽d家長講咩考小學唔係考天材，冇預備（面試班）實唔得 ...

唔好信其他人怎麼說, 我認識有幾個家長的小朋友上2個面試班, 拿很多9588獎項, 到最後都係1個offer都冇

作者: littlefaith 時間: 16-7-9 09:16

kkwish 發表於 16-7-8 21:27
聽到你咁講我都安樂d, 因我都唔想俾囝上面試班，但又聽d家長講咩考小學唔係考天材，冇預備（面試班）實唔得 ...

考小學的確唔係考天才，而係考家教。父母多啲陪小朋友，多啲親子閱讀，多啲教待人接物、禮貌，比上咩面試班更緊重。

作者: bubuG 時間: 16-7-9 09:36 標題: 回覆：面試班

如果面試班真是冇用，有d幼稚園就唔會自己搞。我覺得去面試班冇壞。

作者: siden 時間: 16-7-9 09:39 標題: 引用：如果面試班真是冇用，有d幼稚園就唔會自己

原帖由 bubuG 於 16-07-09 發表
如果面試班真是冇用，有d幼稚園就唔會自己搞。我覺得去面試班冇壞。

Agree。

小朋友本身開朗活潑形梗係唔使去。

本身已經慢熱怕羞你面試班都唔上幾堂，咁你自己諗下佢入到去interview有乜表現囉。

作者: michelle1222 時間: 16-7-9 09:53 標題: 引用：我個仔本身冇特異功能，亦冇上任何面試班，

原帖由 terenceytf 於 16-07-08 發表
我個仔本身冇特異功能，亦冇上任何面試班，因為我認為冇需要，最後叩門成功，入到區內一線津小。　 ...

我小朋友都無上面試班，有叩五間，有五個offer.最後入區內一線津校

作者: batsumaru 時間: 16-7-9 09:54 標題: 引用：Quote:原帖由+bubuG+於+16-07-09+發表如果

原帖由 siden 於 16-07-09 發表
Agree。

小朋友本身開朗活潑形梗係唔使去。

講得啱！

作者: bubuG 時間: 16-7-9 10:54 標題: 回覆：面試班

叩津校和考直私是兩碼子的事。

作者: kkwish 時間: 16-7-9 14:28 標題: 回覆：bubuG 的帖子

何以見得？可否詳細解釋下？謝。

作者: hknote 時間: 16-7-9 14:37 標題: 回覆：面試班

我d小朋友都無上，面試太多變化。

作者: teambuilder 時間: 16-7-9 15:48

自己教同上面試班其實都係為面試準備(分分鐘自己教仲谷得勁)，不如問下有冇人乜都冇準備之下但考到好學校，我覺得實有！天才喎！咁先勁丫嘛！

作者: gccky 時間: 16-7-9 16:39 標題: 引用：Quote:原帖由+bubuG+於+16-07-09+發表如果

原帖由 siden 於 16-07-09 發表
Agree。

小朋友本身開朗活潑形梗係唔使去。

同意同意 🤗

作者: JoyceNgYY 時間: 16-7-10 16:19 標題: 回覆：面試班

真心想請教。。。

或者應該咁問，冇上面試班而有好多好offer既家長，可否分享吓成功既心得？

因為事實上，有啲小朋友有勁多offer，有啲考n間都冇。。。冇嗰啲，我總唔相信就係父母身教得唔夠好(當然有啲會係)。。。

令我困惑既係，依傢啲面試題目，已經去到2位數加減(甚至更深)，英文要識拼讀一本level x既書，中文要抄寫如"樹"，"鼻"等，當然，行為舉止亦係考核之一。。。而我囝讀緊既幼稚園，仲係教緊單位加減，中文最深都係"班"，"肉"。。。我認同可以唔洗上面試班，但如果咩都唔額外教 / 出去比錢學，真係可以考天才波？只要夠淡定有禮貌有問有答(即使10條9條唔識答)，咁就足夠？

作者: ok3 時間: 16-7-10 16:40

JoyceNgYY 發表於 16-7-10 16:19
真心想請教。。。

或者應該咁問，冇上面試班而有好多好offer既家長，可否分享吓成功既心得？

宜家d直私考得好全面,最好樣樣都好平均。是但則重一面都好易玩完。順帶一提, 識人的確冇上面試班有幾個唔錯嘅offer. 不過小朋友放假上中英數, 琴被棋書畫被操到不得了。我覺得慘過上面試班。

作者: DevilPig 時間: 16-7-11 09:05 標題: 引用：Quote:JoyceNgYY+發表於+16-7-10+16:19+真

原帖由 ok3 於 16-07-10 發表
宜家d直私考得好全面,最好樣樣都好平均。是但則重一面都好易玩完。順帶一提, 識人的確冇上面試班有幾個唔錯 ...

agree, 就等於D人話學卷幼稚園，要 happy school, 又要慳錢，但係出面係中，Cambridge, Trinity, eyelevex, phonics, 琴五級，外加私人教乜教乜

作者: DevilPig 時間: 16-7-11 09:11 標題: 引用：回覆+kkwish+的帖子我覺得可以唔使上面試

原帖由 HappyCheerBaby 於 16-07-08 發表
回覆 kkwish 的帖子

我覺得可以唔使上面試班，阿囡無上都考到最少八間好好小學(包括神校)，後來亦收到多間 ...

如果小朋友係自己面前答得好好，有笑容，但出到去緊張到腦閉塞，因為怕被其他人考核，可以點幫佢？考學校，識都唔等於收，性格好緊要

作者: creambun 時間: 16-7-11 09:37 標題: 回覆：面試班

其實無需參考其他人，每個小朋友性格不同，主動同被動性格係面試出黎嘅結果可以差好遠。人地無讀面試班都有好多offer, 唔代表你小朋友一樣有相同結果。自己教亦視乎你係FTM 定要返工，效果可以差好遠。小朋友是自己的，按他的需要給他所需，無需比較。

作者: L+H 時間: 16-7-11 09:42

creambun 發表於 16-7-11 09:37
其實無需參考其他人，每個小朋友性格不同，主動同被動性格係面試出黎嘅結果可以差好遠。人地無讀面試班都有 ...

agree, 如果家長也猶疑，咁咪上幾堂見識下也無妨既。

作者: ashleycece 時間: 16-7-14 12:34

每年呢個話題都好大爭議,其實每個小朋友唔一様,好難一刀切話要定唔要,視乎小朋友性格和家庭支持等因素而決定。好似補習一樣,有人唔駛補習年年考第一,有人一星期補五日都唔合格,好難比較。

歡迎光臨教育王國 (/)