教育王國

標題: 自閉小孩和兄弟姊妹相處 [打印本頁]

作者: yanfaifai 時間: 16-6-27 20:13 標題: 自閉小孩和兄弟姊妹相處

日日嘈，樣樣爭，就來發神經

作者: irenelwl 時間: 16-6-27 21:05

回覆 yanfaifai 的帖子

SAME HERE~

作者: ncls 時間: 16-6-29 13:06

same here
6Y7M (marginal ASD) vs 3Y10M

作者: yl88 時間: 16-6-29 18:56 標題: 引用：日日嘈，樣樣爭，就來發神經 +

原帖由 yanfaifai 於 16-06-27 發表
日日嘈，樣樣爭，就來發神經

me too
我都就快癫

作者: lavender_baby 時間: 16-6-29 20:42 標題: 回覆：自閉小孩和兄弟姊妹相處

不是正常小孩的家庭都這樣嗎？

作者: irisban 時間: 16-6-29 21:20 標題: 回覆：yanfaifai 的帖子

正常小朋友可能仲勁，我屋企自閉果個最乖

作者: rose-mag 時間: 16-7-1 01:14

普通小朋友都會，唔駛太將目光放喺自閉上。年紀接近嘅難免爭寵，父母嘗試了解小朋友，同佢地傾多D計，如果真係因為爭寵，安排單對單時間令孩子覺得受重視。我屋企仔女日日嘈日日打交，但佢地又好愛對方，好果陣攬頭攬頸，不過哥哥好多時唔識點樣睇眉頭眼額，成日搞到妹妹發脾氣，我唯有同妹妹解釋哥哥有D特別，佢要體諒下。

作者: Fanleebbee 時間: 16-7-1 06:14

有無媽媽知道自閉寶寶點同初生B相處？

我家弟婦生左個b(3months),我囝好鍾意去摸，去拍，去撳，但知道佢無惡意，可能想同bb玩又或者係呷醋，因為有時候又大力得濟，有捉住過佢隻手，教佢摸要輕輕力，有傷害性既都語氣重咁話佢整到BB。但佢都係固執大過天，牛皮燈籠點極都唔明咁，有時就似明非明，但又重複犯錯。

屋企有老人家，又係牛皮燈籠，成日擔心囝囝會傷害bb，當一想接近，一想接觸就鬧，又要話你個囝點點點，日日都聽到十幾廿次，人有時候都會炆架嘛，咪講個b咁經貴就咪抱佢出黎啦，抱佢入房閂埋門啦！所以真係都唔知點搞

作者: rose-mag 時間: 16-7-2 00:39

Fanleebbee 發表於 16-6-30 14:14
有無媽媽知道自閉寶寶點同初生B相處？我家弟婦生左個b(3months),我囝好鍾意去摸，去拍，去撳，但 ...

你個仔幾大？我女出世果陣我仔18個月都未夠，當時都未知我仔有自閉傾向，佢好錫妹妹，好鍾意抱妹妹，由陀住妹妹果陣已教我仔，呢個係妹妹，以後要大家相親相愛，我都驚佢呻醋，所以我餵妹妹（我餵人奶）果陣，我會叫我仔喺身邊同佢傾計，佢飲奶樽睇住我餵妹妹，之後我又會叫個仔幫手去拎尿片拎紙巾之類，不過我仔有時都會打妹妹抓傷妹妹，我地大人冇鬧佢，只會不斷同佢講唔好咁做，妹妹會痛，抓花妹妹塊面佢會好醜樣，後來我地懷疑係因為妹妹有時喊好大聲，我仔覺得嘈，於是想制止佢，但因為整痛妹妹，妹妹喊得仲大聲。。。

果陣我媽幫手湊，我媽係好錫小朋友，尤其係呢對孫，所以我媽係唔捨得打鬧，只係不斷咁哦我仔。我同老公到個仔大D都會有時因為佢百厭鬧佢罰佢，不過效用不及不斷去提醒（比普通小朋友提醒多過千百次，我仔都係不斷忘記，或者以為我地睇唔到或唔知道而偷偷地做百厭嘢），所以最終都係會坐低慢慢傾，同了解下點解個仔會咁做，搵到原因再同個仔解釋點解唔好咁做，或者點做至係啱，不過有時都真係頭都大，我仔可以不斷問點解，解完一層又一層，解到有時要叫佢收聲。

試下同老人家傾吓，擔心的話只要睇緊D，唔駛下下鬧你仔，鬧太多會令仔仔將BB連結去負面情緒上面，小朋友只要教就得，以前社工同我講，每年都有進步嘛，唔好要求太高就會見到我仔比上年叻咗好多乖咗好多，事實又的確係。

歡迎光臨教育王國 (/)