教育王國

標題: 一事無成 [打印本頁]

作者: happy105 時間: 16-6-25 14:02 標題: 一事無成

我女十歲，呢十年八載都盡量比佢報讀不同課程，睇下佢有咩鍾意，問佢就樣樣都想學，但從不練習，學琴成日比老師鬧，學畫又成日唔記得返屋企做功課，細個做手工又搞搞陣，游水又話辛苦⋯咁落去大左有無大問題，如果無我就算喇等佢自己想果陣再讀

作者: 786 時間: 16-6-25 16:20 標題: 引用：我女十歲，呢十年八載都盡量比佢報讀不同課

原帖由 happy105 於 16-06-25 發表
我女十歲，呢十年八載都盡量比佢報讀不同課程，睇下佢有咩鍾意，問佢就樣樣都想學，但從不練習，學琴成日比 ...

我會問番自己我自己學友所成嗎？我自己小時候的樂器也只是馬馬虎虎，所以對自己的孩子也沒有太大期望。孩子考到甚麼也已超越同齡的我了，所以我對孩子沒有甚麼可介意的

作者: yannie_man 時間: 16-6-25 17:49 標題: 回覆：happy105 的帖子

提示: 作者被禁止或刪除內容自動屏蔽

作者: Jane1983 時間: 16-6-25 21:36

甘樣係有d氣餒，但如果佢學得有樂趣，都有價值。

朋友個女细個都係甘，讀書幾叻，但兿話無興趣，體又嫌辛苦。朋友勸吓唔聽就算，一樣都無學。一直ok，及至中二三大個d，就慢慢覺得自己和同學相比好乏味，但想學又好似太遲……

作者: Katma 時間: 16-6-25 22:47

咁...佢讀書又點呢?

作者: cdn 時間: 16-6-26 07:47 標題: 引用：Quote:原帖由+happy105+於+16-06-25+發表我

原帖由 786 於 16-06-25 發表
我會問番自己我自己學友所成嗎？我自己小時候的樂器也只是馬馬虎虎，所以對自己的孩子也沒有太大期 ...

已超越了同齡的你

作者: karmaine 時間: 16-6-26 08:04

始終只係十歲人仔，可能未搵到興趣啫，加油

作者: cdn 時間: 16-6-26 08:53 標題: 回覆：一事無成

我明，成日叫練琴，好傷感情，但佢宜家細個唔練，我怕佢會遲左，好似樓上咁講，同同學比覺得乏味，我都唔知點好

作者: happy105 時間: 16-6-26 19:54 標題: 引用：甘樣係有d氣餒，但如果佢學得有樂趣，都有

原帖由 Jane1983 於 16-06-25 發表
甘樣係有d氣餒，但如果佢學得有樂趣，都有價值。

朋友個女细個都係甘，讀書幾叻，但兿話無興趣，體又嫌辛 ...

我就係驚佢第時先發覺樣樣都唔識無人岩傾，到時自卑又賴我！

作者: happy105 時間: 16-6-26 19:56 標題: 引用：咁...佢讀書又點呢?+

原帖由 Katma 於 16-06-25 發表
咁...佢讀書又點呢?

讀書都好一般兼上落大，六十幾七十幾八十幾九十幾都有，好難測度⋯情緒都係大上大落，不折不扣奇人

作者: hoihoima 時間: 16-6-27 08:39

happy105 發表於 16-6-25 14:02
我女十歲，呢十年八載都盡量比佢報讀不同課程，睇下佢有咩鍾意，問佢就樣樣都想學，但從不練習，學琴成日比 ...

她多出來的時間用來做什麼？

作者: hoihoima 時間: 16-6-27 08:47

happy105 發表於 16-6-25 14:02
我女十歲，呢十年八載都盡量比佢報讀不同課程，睇下佢有咩鍾意，問佢就樣樣都想學，但從不練習，學琴成日比 ...

其實是否在課外活動學有所成未免太重要，不過她這樣反映她不夠堅毅容易放棄，就可能對她有長遠影響了

作者: Barbe 時間: 16-6-27 20:25

純分享：
我覺得每樣學習都要長時間浸的，所以學之前我會先問佢，亦會講明一開始學就是長學下去，不會停。所以我女的學習都會起碼持續一至兩年，直至我確認小朋友無乜天份或者再學落去都無謂才會幫佢停。我覺得興趣有時是要培養的，有時可以是因為遇着一班投契的同學或者遇到好老師就愛上的。
我聽過好多小朋友長大後怨父母當年沒堅持要他們學下去，如：樂器、舞蹈，長大後同輩比自己叻，就掉頭怪父母。所以，假如是小朋友要求停止學的話，我會同他坐低傾，了解清楚原因，如果佢堅持要停，我會要他寫低在紙上是他自己要求停學（會keep record),並且佢要明白我的立場是一但停止一個學習，將來我是不會再交學費俾佢學番的，我覺得咁樣小朋友會認真去思考及慎重地決定。

我自己覺得work, 因為我女是會想清想楚才會決定，而所有的學習佢有參與決定去學同唔學，所以都學得ok

作者: happy105 時間: 16-6-27 21:33 標題: 回覆：Barbe 的帖子

畫畫同琴佢由五歲學到宜家,畫畫佢都有啲興趣，但佢話唔鍾意老師規定畫咩畫，所以唔想再上，想搵第二間
其實學野我覺得佢好似係玩咁，好似去冒險樂園咁，幾時去都得，入到去就隨時玩得咁！

作者: happy105 時間: 16-6-27 21:35 標題: 引用：Quote:happy105+發表於+16-6-25+14:02+我女

原帖由 hoihoima 於 16-06-27 發表
其實是否在課外活動學有所成未免太重要，不過她這樣反映她不夠堅毅容易放棄，就可能對她有長遠影響了
...

無咩時間架，一至五返學做功課補習，星期六日就要出去學琴游水同畫畫，淨返既時間就要溫書，默書測驗只得星期六日溫，一至五無時間

作者: Katma 時間: 16-6-27 21:57

本帖最後由 Katma 於 16-6-27 21:59 編輯

學甚麼課外活動、學多少課外活動、幾多歲學唔緊要, 當佢有興趣時, 自然會用心和落力學習。

從你所講, 其實我擔心佢的學習態度和方法。佢情緒大上大落, 成績大上大落, 對學習的態度唔用心唔上心, 繼續升上去成績j都唔會好, 到11-12歲青春期就更反叛, 到時想教都教唔到啦! 與其擔心他課外活動, 建議幫佢找一些成長課程, 建立佢的態度和品行, 反而幫助佢一生。

作者: Barbe 時間: 16-6-27 23:10

其實樓主幫小朋友㨂呢幾個課外活動的原因是什麼？課外活動如果不是特別有天份，可以比賽攞奬，就只是ECA, 去到覺得玩都正常吖，畫畫、游水時開心都幾好吖，可以relax 下，練琴應該不是個個小朋友都中意，就唯有幫佢set 時間表每天練習。
至於學習，學生要讀好書是他的本份和責任，其實佢開始返學就應該教他。
情緒人人都會有，家長應該多點關心和同佢傾多啲計，應該會有幫助。

作者: Barbe 時間: 16-6-27 23:33

轉畫室都可以吖，我女都會轉下畫室，或者會遇到好老師呢！
如果學習真是太hea, 亦可以試下一齊set 個目標，當然不能定的太高，高到做唔到

作者: monkeydiary 時間: 16-6-28 09:03 標題: 引用：我女十歲，呢十年八載都盡量比佢報讀不同課

原帖由 happy105 於 16-06-25 發表
我女十歲，呢十年八載都盡量比佢報讀不同課程，睇下佢有咩鍾意，問佢就樣樣都想學，但從不練習，學琴成日比 ...

有, 樣樣都3分鐘熱度,你覺得有冇問題?

作者: mimi222shi 時間: 16-6-28 09:45

課外活動係為興趣, 我從來不會迫
但你小朋友係學習態度有問題.

作者: sweetylulu 時間: 16-6-28 10:07

提示: 作者被禁止或刪除內容自動屏蔽

作者: tiger789 時間: 16-6-28 10:49

小朋友有興趣才學, 不過就迫學游泳, 要懂得求生

歡迎光臨教育王國 (/)