教育王國
標題: 『維也納海外生』交流 [打印本頁]
作者: 家熹媽咪 時間: 16-6-24 23:33 標題: 『維也納海外生』交流
小兒上年去了維也納升學，當時14歲，Repeat了一年讀Year9，自己一個住，想認識一下有孩子在維也納讀書的家長！無論是中學或是大學～
圖片附件: myphoto.jpg (16-6-24 23:33, 55.71 KB) / 下載次數 47
/forum.php?mod=attachment&aid=NzA3OTd8YTU0ODIwYWJ8MTc2MTk3MDE1NXww
作者: 家熹媽咪 時間: 16-7-13 01:38 標題: 回覆：家熹媽咪 的帖子
作者: 123BB 時間: 16-7-13 09:08
請問如何申請維也納寄宿中學? 可以講多d嘛?
作者: 家熹媽咪 時間: 16-8-30 09:16 標題: 回覆：123BB 的帖子
其實香港冇中介公司做維也納中學生的，上年因為我個仔既同學仔去維也納讀書，我先能夠接觸倒昨！我用緊既中介超差，所以我都5推介比你喇！正因為此，所以想搵家長交流吓😔
作者: 123BB 時間: 16-8-30 12:15
回覆 家熹媽咪 的帖子
可以講下每年要幾多錢嗎? 學費、住宿同埋其他洗費, 唔該。
作者: 家熹媽咪 時間: 16-9-5 05:05 標題: 回覆：123BB 的帖子
一年駛費係25－28萬，其實好視乎你讀邊間學校，住咩地方，如果慳慳地，其實18至20萬應該都可以的。
我仔仔上年過去讀，原本應該係讀Yeah 10 ,但係因為奧地利母語係德文，我個仔又從來都未讀過德文，所以最後決定重讀一年，再喺果邊搵補習。
奧地利有好多學校都唔使錢，就算5係當地人都好，只要你考得入，而間學校有收你嘅，都可以享有免費教育！
上年四月我同個仔飛過去Interview，我哋見到三間學校，一間係公校（免學費） ，兩間係直置，其中一間係IB學校，學費分別為€2XX及€5XX。
非常幸運，三間學校都收咗小兒！其中一間仲係125年嘅老校添！
作者: 123BB 時間: 16-9-5 10:37
家嘉媽, 你真係叻, 奧地利都俾你搵到學校, 咁你仔仔成績應該都唔錯啦, 我之前曾經叫過我個女學德文, 日後可以去德國讀書,但係佢唔中意, 其實我比較中意歐洲, 但又真係冇乜agecy做歐洲既中學, 請問你仔仔考既入學試係唔係香港考? 使費25-28萬其中學費係幾多錢一年呢? 唔好意思咁多問題, 麻煩你啦。
作者: 家熹媽咪 時間: 16-9-9 03:21 標題: 回覆：123BB 的帖子
123BB
其實真係啱啱遇着剛剛，天時地利人和三樣嘢同時間出現，所以先做就呢一次過機會！個agecy係我個仔個同學仔媽咪介紹嘅，因為香港冇agecy做奧地利中學留學生，所以輾轉要搵中國大陸嗰啲中介公司，但係呢間中介公司超級唔掂，未過去之前乜嘢都話得得得，過咗去之後，你想搵佢都好難，好在平時自己訓練有功，阿仔一嬲都獨立開，如果唔係真係幾大獲！
語言呢家野真係冇得迫，如果佢自己想嘅話，你唔叫佢自自然然都會去學，最緊要係你同佢溝通嘅時候，唔係逼佢去學，只係分析俾你聽點解要學多個語言，當佢接受左之後，佢就自自然然會死心蹋地去學好語言。
至於學費方便，真係好睇你揀啲咩類型學校讀，公立學校係全免嘅，聽講奧地利有90％嘅公立學校，只要你考得入都係唔使錢嘅（我指嘅係中學），直資學校就由€3000／一年 ～ €30000／一年都有，我個仔因為喺香港讀開lB，雖然三間學校都收咗，但係我哋因為唔想佢讀得太辛苦，所以放棄左間傳統學校，揀返讀lB，阿仔學費上年€6000／一年（交12個月學費），今年升Yeah10 學費都會微調，但係唔會爭太多，一個月都好似係多幾十蚊€！
作者: 123BB 時間: 16-9-9 12:15
家嘉媽, 資料好詳盡啊, 唔該你! 學歐洲語言既重要性我已經解釋俾我女女聽架啦, 依家等緊佢主動開口要求學! 你d資料好有用, 我又了解多樣野啦, 不過, 我認為應該可以自己直接聯絡學校, 唔需要經agency架。
作者: 家熹媽咪 時間: 16-9-9 13:55 標題: 引用：家嘉媽,+資料好詳盡啊,+唔該你!+學歐洲語言
原帖由 123BB 於 16-09-09 發表
家嘉媽, 資料好詳盡啊, 唔該你! 學歐洲語言既重要性我已經解釋俾我女女聽架啦, 依家等緊佢主動開口要求學! ...
至於考入學試，嗰邊就冇呢一樣野， interview完之後，有啲學校會即時話比你聽佢哋收唔收你，有啲學校就會過一兩日先通知你，當然係要個人親身飛返去啦！呢一點我覺得比英、美國好，因為佢哋係網上做卷，網上Interview，我個人覺得非常十分之兒戲，卷可以再做，webcams 後面可以有貓紙，我見身邊有好多人去英國讀書，只係填左啲資料，交左啲成績表，係咁以做一份paper ,跟住就話收咗！我冇諗過係咁草草了事～
作者: 123BB 時間: 16-9-12 10:21
回覆 家熹媽咪 的帖子
我女英文已經好好, 所以我想佢學多一門外語, 亦有恐嚇佢只會供佢去歐洲讀書, 英文國家唔考慮
,
我其實有留意德國一間IB寄宿中學, 一年3萬幾歐羅, 可以自己經佢校網申請, 親身過去都冇問題, 其實可以當旅行, 不過因為今年去過德國玩左十幾日, 食唔慣, 佢情願留香港都唔去德國讀書
, 當然時機成熟我都鼓勵佢去歐洲既。家嘉媽, 請問你仔仔係自己一個人租屋住? 佢自己洗衫煮飯? 依家德文係唔係已經好流利?
作者: 梁媽媽 時間: 16-9-12 17:26
回覆 家熹媽咪 的帖子
請問你仔仔住在學校? 還是寄宿家庭?
作者: 家熹媽咪 時間: 16-9-17 03:51
123BB 發表於 16-9-12 10:21 
回覆 家熹媽咪 的帖子
我女英文已經好好, 所以我想佢學多一門外語, 亦有恐嚇佢只會供佢去歐洲讀書, 英文國 ...
本帖最後由 家熹媽咪 於 16-9-17 03:53 編輯
仔仔過去時本來係住大學生宿舍，點知住咗三個月之後，監護人通知唔可以再住，原因係我個仔唔夠16歲（嗰陣佢啱啱足15歲），後來個咁監護人Sale我哋住中學生宿舍，我哋兩公婆同個仔都唔係好想，所以最後決定租屋住，佢而家自己一個人住，洗衫煮飯、吸塵拖地等家務都係自己一個人做，同住宿舍比較，佢會比較鍾意自己搬開住，因為大學生宿舍太熱鬧，樓上樓下，隔離左右D學生成日開P～
我上年陪個仔過去Interview嘅時候，都覺得自己好難適應，啲嘢食好多都係凍冰冰，但係反而我個仔超級鍾意
維也納9月5號出咗直航，你可以考慮吓下次去維也納走一轉，真心講句除左食嘢之外，維也納的而且確係生活指數最好嘅地方，難怪佢連續七年都成為全球生活指數最好嘅地方！
讀左一年德文，而家都算唔錯，可以自己去做護照，攪學生簽證，當然～仲有好大好大嘅進步空間啦
作者: 家熹媽咪 時間: 16-9-17 03:54
梁媽媽 發表於 16-9-12 17:26
回覆 家熹媽咪 的帖子
請問你仔仔住在學校? 還是寄宿家庭?
梁媽媽，家熹依家係自己一個人租屋住的，生活上所有細節都係自己處理！
作者: 123BB 時間: 16-9-19 09:42
本帖最後由 123BB 於 16-9-19 09:53 編輯
回覆 家熹媽咪 的帖子
你個仔真係叻叻! 如有需要我再麻煩你, 家嘉媽, 第日你仔可以做ageny幫手翻譯喎
家嘉媽, 請問你仔仔係唔係音樂好好?
作者: smellycat 時間: 16-9-19 20:40
家熹媽咪，你仔仔好叻，咁細個就自己獨立租屋住，我18歲時都去咗維也納讀書，不過係讀大學。我想問下你仔仔間IB嘅學校，學校主要語言係英文還是德文？
作者: 家熹媽咪 時間: 16-9-19 23:43
123BB 發表於 16-9-19 09:42
回覆 家熹媽咪 的帖子
你個仔真係叻叻! 如有需要我再麻煩你, 家嘉媽, 第日你仔可以做ageny幫手翻譯喎:happ ...
講真我都有咁同佢講第時喺嗰邊做德語翻譯都幾好！
我仔音樂一般，主要係佢唔係主修音樂，嗰邊有好多華人問我，個仔係咪主修音樂，我一答唔係佢哋都覺得好奇怪
講真，我都唔知點解明明唔係讀音樂，但係又會揀維也納
作者: 家熹媽咪 時間: 16-9-19 23:50
smellycat 發表於 16-9-19 20:40
家熹媽咪，你仔仔好叻，咁細個就自己獨立租屋住，我18歲時都去咗維也納讀書，不過係讀大學。我想問下你仔仔 ...
Smellycat ：
家熹果間學校Year11 之前都係以德語做主語，Year12,13 就半德半英！
但佢D老師好好，知道佢德語5好，都會用英文再講一次比佢聽
可否分享一吓果陣妳讀書所遇呢？妳？係咪主修音樂
作者: smellycat 時間: 16-9-20 00:22
係，我去讀音樂的。維也納幾適合讀書嘅，冇其他城市例如London, New York 咁多資多彩，學生讀書會專心D. 不過我覺得奧地利人唔係好講英文，會逼住自己好快學識德文。
作者: 家熹媽咪 時間: 16-9-20 03:43
smellycat 發表於 16-9-20 00:22
係，我去讀音樂的。維也納幾適合讀書嘅，冇其他城市例如London, New York 咁多資多彩，學生讀書會專心D. 不 ...
我上年陪個仔去interview時，又覺得OK喎～都好多人講英文。
當初之所以揀呢間學校，係因為我哋唔想個仔讀得太辛苦同埋太大壓力，傳統學校99％係德文教學，人哋未必會停係度逐句逐句教你，所以我選擇俾錢繼續讀ib，點知返咗學之後先至知道原來半德半英，係要等到Year12 (emoji) 但係好好彩嘅係，呢間學校啲師資幾好，老師們都好肯講英文，D土生土長既同學仔又肯教佢，所以佢D德文都進步得好快
咁你係咪讀完書之後就返咗嚟香港呀？仲有冇同嗰邊啲朋友仔或者同我仔聯絡呢？
作者: 123BB 時間: 16-9-20 09:15
回覆 家熹媽咪 的帖子
家嘉媽, 俾你講到挑起左我條筋, 可以話我知你仔讀邊間中學嗎? 我想上網睇下岩唔岩我女讀, 如果要去讀程序要點做? 一定要搵agency? 定係搵你個仔介紹就得啦?聽你咁講, 睇怕IB比例適合香港人讀喎, 起碼可以講一半英文先。家嘉媽 你仔仔得15歲就可以自己租屋住???
作者: smellycat 時間: 16-9-20 10:51
家熹媽咪 發表於 16-9-20 03:43
我上年陪個仔去interview時，又覺得OK喎～都好多人講英文。
當初之所以揀呢間學校，係因為我哋唔想個仔讀 ...
我同以前依家都有聯絡㗎，加上有FB點樣都搵得返。
我一去到租屋係經我個老師介紹個agent, 佢真係一句英文都唔識，嗰陣時我啱啱去真係雞同鴨講。
你仔仔將來是target奧地利、德國D大學嗎？
作者: 123BB 時間: 16-9-20 11:22
回覆 smellycat 的帖子
smellycat, 請問你讀完書就返來香港啦? 冇打算留在當地嗎?
作者: smellycat 時間: 16-9-20 17:55
123BB 發表於 16-9-20 11:22
回覆 smellycat 的帖子
smellycat, 請問你讀完書就返來香港啦? 冇打算留在當地嗎? ...
冇喎，屋企人都喺HK.
作者: 家熹媽咪 時間: 16-9-20 18:20
123BB 發表於 16-9-20 09:15
回覆 家熹媽咪 的帖子
家嘉媽, 俾你講到挑起左我條筋, 可以話我知你仔讀邊間中學嗎? 我想上網睇下岩唔岩我 ...
真係抱歉，家熹讀緊呢間學校，可能會係短時間內（即係兩至三年內）就要停止運作，因為學校財政出現左問題，我哋而家仲未知道去向，其實上個禮拜我先至知道，我美國維也納之前，其實都search過Vienna 既 ib school ，其實真係幾貴，係唯獨是而家我個仔讀呢間，唔知點解會平得咁緊要，可能因為咁嘅原因所以學校都唔可以再經營到，校方有通知家長佢哋正尋求解決嘅方法，所以其實我哋已經作咗最壞嘅打算，就係要轉校。
雖然係咁，但係我個仔真係非常鍾意呢間學校，因為佢一級的一班，一班得10鬆啲人，最多嗰班都係15個倒，我每日都祝福佢哋呢間學校，可以渡過呢個難關。
其實，維也納呢個地方我真係覺得好正，但係唔係個個人都適合，第一華人多嘅地方，佢哋多數會聚埋一堆玩，中國人同中國人玩，台灣人同台灣人玩，而我個仔，由未過去讀書之前，我已經同佢講，叫佢唔好痴啲華人玩，如果唔係會更加難學得好嘅德文！
你做任何決定之前，我都建議你同佢去嗰邊玩一轉先，如果佢唔反感的話你先再慢慢諗，但係如果佢覺得嗰邊好悶嘅話，你幾想都冇用
作者: 家熹媽咪 時間: 16-9-20 18:23
smellycat 發表於 16-9-20 10:51
我同以前依家都有聯絡㗎，加上有FB點樣都搵得返。
我一去到租屋係經我個老師介紹個agent, 佢真係一句英文 ...
應該會留返係維也納讀大學，或者轉過瑞士都唔定，其實都要取決於佢中學成績，再考慮去邊度升大學
但係佢去到第三個月之後，已經問我：「媽咪如果我讀完書之後想留低喺呢度住，你OK嗎？」其實果一刻都真係俾佢嚇一下，但係我有OK ,估唔到啲咁悶嘅地方，佢都竟然會睇得上眼，哈哈哈哈哈哈哈
作者: 家熹媽咪 時間: 16-9-20 18:28
123BB 發表於 16-9-20 09:15
回覆 家熹媽咪 的帖子
家嘉媽, 俾你講到挑起左我條筋, 可以話我知你仔讀邊間中學嗎? 我想上網睇下岩唔岩我 ...
另外仲有一樣野， 18歲以下嘅學生，一定要有監護人監護，香港冇agent做中學生留學，所以當初我點解要搵倒上大陸呢？但係而家唔使怕，我呢次已經有經驗，出年應該都會轉監護人，到時候你肯定過去讀書時，我再俾啲資料你。
因為佢未夠18歲，所以無論係租屋、買保險、申請Wifi上網等，都係要監護人幫佢搞。
如果你係讀音樂的話，l 唔 lB 其實真係無所謂，因為音樂嗰啲都好少睇你成績
作者: 123BB 時間: 16-9-21 09:33
家嘉媽! oh,真係太可惜啦, 我都會為呢間好學校祈禱! 希望你仔仔可以喺呢間學校讀完中學啦。家嘉媽, 你經驗咁豐富真係可以開間公司做歐洲寄宿中學agency喎, 我認真架。其實大陸都好多人去歐洲讀中學, 只係香港人比較中意去英國, 如果我女好似你仔咁就好啦, 我地就會覺得歐洲悶, 但係對細路來講, 佢地會覺得好好, 因為親近大自然既機會比較多! 而且, 我相信維也納既中國學生應該好少, 今年暑假我女已經去過英國summer school, 明年暑假我計劃俾佢去德國, 睇下佢中意邊度, 生活既係佢, 當然係由佢來決定啦, 我地做父母既只可以支持佢幫佢一把。
作者: 家熹媽咪 時間: 16-9-21 14:04
123BB 發表於 16-9-21 09:33
家嘉媽! oh,真係太可惜啦, 我都會為呢間好學校祈禱! 希望你仔仔可以喺呢間學校讀完中學啦。家嘉媽, 你經驗 ...
冇錯，讀書係佢地自己，所以一定要佢地自己揀～但作為家長，也要多加提供參考數值比佢地。
英國誘惑太多，而且華人亦都非常十分之多，有好多學生完書返嚟，唔單止講唔到一口流利英語，反之普通話仲肋肋聲(emoji)
好多家長以為搵遠啲、避遠啲就見唔倒中國人，但係就會撞到好多香港人，人嘅心態好得意，同皮膚同聲氣，就算幾唔鍾意都好都一定會埋堆，如果你要揀英國，真係要考慮清楚！
考慮歐洲嘅因素，除咗因為價錢比較經濟，嗰邊誘惑比較少，學生投入度亦都會大大提升。當然亦都有好多學生反感，因為要乜冇乜
其實我都有諗過做歐洲留學agent，但中間涉及嘅嘢太多，而且一啲都唔容易，但我好樂意做過來人同大家分享！
作者: 123BB 時間: 16-9-21 15:56
回覆 家熹媽咪 的帖子
家嘉媽, 我真心希望你做agency, 因為香港真係未有人做, (大陸都有啦)!!!! 我女好簡單, 唔係追求熱鬧生活既人, 如果你做, 我第一個幫襯你! 我好中意歐洲唔知點解, 所以想我女女完成我既夢想
作者: 家熹媽咪 時間: 16-9-21 17:43
123BB 發表於 16-9-21 15:56
回覆 家熹媽咪 的帖子
家嘉媽, 我真心希望你做agency, 因為香港真係未有人做, (大陸都有啦)!!!! 我女好簡 ...
哈哈～咁我5駛做agent 都可以幫妳既～放心，如果有日妳位千金真係喺奧地利讀書，答倒妳既，或我識既都可以問我
作者: 123BB 時間: 16-9-22 09:14
回覆 家熹媽咪 的帖子
家嘉媽, 唔該你先, 如果日後有需要, 我一定麻煩你
作者: 家熹媽咪 時間: 16-9-23 14:42
123BB 發表於 16-9-22 09:14
回覆 家熹媽咪 的帖子
家嘉媽, 唔該你先, 如果日後有需要, 我一定麻煩你 ...
歡迎
作者: BigMac16 時間: 16-9-25 09:10
家熹媽媽， 首先感謝你開post分享！見到此post十分開心因為這地方留學的資料真係不多。因家庭關係我計劃安排女兒遲些過去讀書， 但想在香港先學德文， 請問可有老師介紹？
作者: 家熹媽咪 時間: 16-9-25 11:59
BigMac16 發表於 16-9-25 09:10
家熹媽媽， 首先感謝你開post分享！見到此post十分開心因為這地方留學的資料真係不多。因家庭關係我計劃安 ...
Hi～ BigMac～
妳女女今年幾大呀？
我喺元朗學㗎！因為我住天水圍區。
但費用超甘，＄600／1小時／單對單上
如果妳計劃的，可以join 大班學，但千其5好貪平，如果學壞口音，到時過到去要從新學過都好痛苦。
作者: BigMac16 時間: 16-9-25 15:08
家熹媽媽已pm你
作者: 家熹媽咪 時間: 16-9-25 15:29
BigMac16 發表於 16-9-25 15:08
家熹媽媽已pm你
已回覆！
作者: bbdou 時間: 16-9-29 09:41
家熹媽咪 發表於 16-6-24 23:33
小兒上年去了維也納升學，當時14歲，Repeat了一年讀Year9，自己一個住，想認識一下有孩子在維也納讀書的家 ...
家熹媽咪你好，我仔不是去維也納讀書而是去了德國，可以一齊傾下交流下嗎？
作者: 123BB 時間: 16-9-29 10:40
回覆 bbdou 的帖子
我又想知多d德國讀書既資料, 你仔係讀中學?
作者: bbdou 時間: 16-9-29 11:01
123BB 發表於 16-9-29 10:40
回覆 bbdou 的帖子
我又想知多d德國讀書既資料, 你仔係讀中學?
係，佢主要係讀跳舞學校，上午讀附近的state school，下午跳舞。但佢未轉入正式中學，跳舞學校先送佢去special school 狂學德文，半年後考試合格才轉入正式中學。
作者: 123BB 時間: 16-9-29 11:14
回覆 bbdou 的帖子
你仔仔居然中意跳舞
, 請問你仔仔喺德國邊度讀? 點樣搵學校同地收生條件又係點架? 可唔可以講多d ? 學費同生活費又點計? 住宿舍嗎? 我聽講柏林個邊多大陸人
作者: 家熹媽咪 時間: 16-9-29 11:51
bbdou 發表於 16-9-29 09:41
家熹媽咪你好，我仔不是去維也納讀書而是去了德國，可以一齊傾下交流下嗎？
...
非常歡迎呀
作者: 家熹媽咪 時間: 16-9-29 11:52
bbdou 發表於 16-9-29 11:01
係，佢主要係讀跳舞學校，上午讀附近的state school，下午跳舞。但佢未轉入正式中學，跳舞學校先送佢去spe ...
仔仔幾大？讀跳舞我都係第一次聽，感覺非常新奇，可以分享更多嗎？
作者: bbdou 時間: 16-9-29 14:00 標題: 回覆樓主：
本帖最後由 bbdou 於 16-9-29 14:18 編輯
其實我哋都係第一次，盲摸摸，初頭完全唔知點開始，又冇agent，好彩我哋目標係跳舞學校，就先上網搵舞團，睇下有冇附屬學校，再搵跳舞學校的ranking list，再逐間入學校網頁睇要求，鎖定幾間後，拍audition video，寄去作初步甄選，過到就親身飛過去audition。收生條件真係唔知，我只可以講唔同學校注重唔同的嘢，有的注重先天條件，有的注重後天技巧。
我仔現在斯圖加特 (Stuttgart)，住跳舞學校宿舍，包三餐，全校大約30個海外生，只有我仔一個中國人，其他的有來自日本、韓國、巴西、法國、羅馬尼亞、烏克蘭、俄羅斯、意大利、美國及加拿大的學生。
我仔過去之前係完全唔識德文，但讀書要用德文讀，所以跳舞學校會送所以海外新生去special school學德文先，半年後考試合格就轉入state school。
至於學費同生活費，真係超級抵。
首先，special school & state school係免學費，連書都唔使買，只需要自己準備文具同筆記簿；而跳舞的學費，真係抵到爛，一個月Euro140，包晒每星期上足六日，每日兩堂，每堂個半或兩個鐘，再加如有表演的綵排；住宿連膳食及洗衣係Euro520一個月，有營養師設計餐單，每星期仲有兩餐係食"飯"，開心死我仔。宿舍有七、八位職員照顧宿生，大部份擁有心理學或社會學學位，無論在心理或生理上都照顧得好好。雖然現在校舍有點舊，不過新校舍2018年落成啟用，到時就好靚好專業！
我哋年頭飛過去時，去咗Stuttgart, Hamburg 同 Berlin，個人不喜歡柏林，好似比較亂及污糟，Hamburg 同 Stuttgart 差不多，好舒服，感覺個城市好整齊企理。
開左學差不多三個星期，我覺得個仔好似如魚得水咁，好開心，希望佢可以繼續努力，唔好被人踢返來。
作者: 123BB 時間: 16-9-29 15:15
回覆 bbdou 的帖子
鄧你開心, 斯圖加特係好舒服又靚既一個地方, 我都係中意德國南部比較多, 人亦nice , 喺德國讀書比較放心既一個地方係, 佢地既師資非常好, 知識好全面, 要學埋心理學, 考老師資格絕唔容易
。學費好吸引, 比維也納更加平, 等我都上網搵下資料先, 唔該你, bbdou!
作者: 123BB 時間: 16-9-29 15:50
唔識德文應該點搵學校? 
作者: bbdou 時間: 16-9-29 22:10
123BB 發表於 16-9-29 15:50
唔識德文應該點搵學校?
我搵嗰D個學校網頁有英文㗎喎
作者: 家熹媽咪 時間: 16-9-30 15:08
123BB 發表於 16-9-29 15:15
回覆 bbdou 的帖子
鄧你開心, 斯圖加特係好舒服又靚既一個地方, 我都係中意德國南部比較多, 人亦nice , 喺 ...
超級詳盡，德國嗰邊好多香港交流生，要問你起野上嚟我相信會比我更加容易。
維也納過去德國都好近，但係因為我仔啱啱先過去，我想佢熟咗維也納或奧地利D地形先，再去鄰近國家玩。
佢而家每個星期六、日，如果冇特別野做，都鍾意遊地鐵河，游到邊就落車行
作者: bbdou 時間: 16-9-30 16:06
家熹媽咪 發表於 16-9-30 15:08
超級詳盡，德國嗰邊好多香港交流生，要問你起野上嚟我相信會比我更加容易。
維也納過去德國都好近，但係 ...
請問在哪裡可以搵到德國交流生的群組？我仔係全校唯一的中國學生，有問題只可以問同學和 head of residence hall。
遊地鐵河幾好玩㗎，我仔得13歲，我未俾佢自己一個出街，一定要 in groups，好彩同學們好好，個個周未出街都帶埋佢。
作者: 123BB 時間: 16-10-3 11:34
bbdou! 我搵過幾間中學, 都要18萬一年啊, 點解你仔仔個間咁平既?係因為跳舞嗎?
作者: bbdou 時間: 16-10-3 12:17
123BB 發表於 16-10-3 11:34
bbdou! 我搵過幾間中學, 都要18萬一年啊, 點解你仔仔個間咁平既?係因為跳舞嗎? ...
阿仔跳舞學校同讀書學校是分開的，讀書學校是state school，政府學校唔使學費喎
作者: 123BB 時間: 16-10-3 13:39
回覆 bbdou 的帖子
慕尼黑個邊可能貴d
作者: bbdou 時間: 16-10-7 10:03
個仔開咗學一個月，我覺得佢適應得非常好，似乎一開始也沒有什麼home sick，每個周末都同住宿舍的同學及學長一齊出去行下玩下，昨天告訴我有本地同學邀請佢去生日會，相信佢同同學相處得不錯。
讀書暫時仍然輕鬆，除德文外加了 arts 堂，但仔話有兩堂唔知點解老師帶咗成班出去玩，又去圖書館，好搞笑。
跳舞剛開始時很累很辛苦，但經過一個月的訓練，已漸漸適應，最近也開始了12月學校表演的綵排，希望個仔繼續好好努力加油，一步一步地踏踏實實咁向目標前進。
作者: 123BB 時間: 16-10-7 10:17
回覆 bbdou 的帖子
恭喜你仔仔適應得咁好
作者: 梁媽媽 時間: 16-10-7 10:20
回覆 bbdou 的帖子
聽到你仔仔適應得咁好, 替你感到安落呀。
加油。
作者: 家熹媽咪 時間: 16-10-7 15:41
bbdou 發表於 16-10-7 10:03
個仔開咗學一個月，我覺得佢適應得非常好，似乎一開始也沒有什麼home sick，每個周末都同住宿舍的同學及學 ...
做父母嘅最開心真係莫過於見到孩子適應力強，而且冇掛住屋企，我身邊好多小朋友去讀書，佢哋啲思鄉病嚴重，你仔仔相信都應該本身係獨立型，所以可以適應得咁快，絕對係一件好事！可惜我哋唔係喺同一個國家，如果唔係相信佢哋應該都好快可以做到好朋友
作者: fcatherinehk 時間: 16-10-13 03:55
見到呢個post太興奮啦！
我想搵維也納／德國嘅中學資料比我囡，佢喜歡音樂和科學，請問我應該從何入手揾資料？自己上學校網頁？
另外維也納租屋費用多少? 家長第一年可以陪讀嗎？
期待你們繼續分享那邊讀書和生活的事！
作者: 家熹媽咪 時間: 16-10-13 04:03
fcatherinehk 發表於 16-10-13 03:55
見到呢個post太興奮啦！
我想搵維也納／德國嘅中學資料比我囡，佢喜歡音樂和科學，請問我應該從何入手揾資 ...
Fcatherinehk:
早晨呢個鐘數竟然有人仲未瞓，還是係你已經起咗身？
維也納如果要租屋，可以由€300幾起，當然其實要睇下你到底想租住邊一區，我個仔住嗰區價錢會貴少少，因為果區係成個維也納治安最好嘅其中之一區。€520（包管理費）水電費另計。
至於搵學校，其實主要係睇下你想搵公立學校定係私立學校，然後再睇下你到底想搵邊一區，其次就係睇吓學校嘅種類，例如係音樂學校，還是係普通學校。
作者: 家熹媽咪 時間: 16-10-13 04:05
fcatherinehk 發表於 16-10-13 03:55
見到呢個post太興奮啦！
我想搵維也納／德國嘅中學資料比我囡，佢喜歡音樂和科學，請問我應該從何入手揾資 ...
家長陪讀，可能要再了解一下先覆到你。我見係有嘅，但係用咩途徑真係唔清楚。
作者: fcatherinehk 時間: 16-10-13 19:00
謝謝回覆！
我依家應該搵agent /自己揾德奥D中學資料？
我自己上網search過但唔係有好多資料。
租屋你係through agent/自己搵？
作者: fcatherinehk 時間: 16-10-13 19:00
謝謝回覆！
我依家應該搵agent /自己揾德奥D中學資料？
我自己上網search過但唔係有好多資料。
租屋你係through agent/自己搵？
作者: bbdou 時間: 16-10-13 19:52
fcatherinehk 發表於 16-10-13 19:00
謝謝回覆！
我依家應該搵agent /自己揾德奥D中學資料？
我自己上網search過但唔係有好多資料。
香港的agent多做大學，中學我揾過都搵唔。德國中學係10歲開始，因小學只有4年，而中學又分三類，你要自己做多D資料搜集。
作者: 家熹媽咪 時間: 16-10-14 03:51
fcatherinehk 發表於 16-10-13 19:00
謝謝回覆！
我依家應該搵agent /自己揾德奥D中學資料？
我自己上網search過但唔係有好多資料。
本帖最後由 家熹媽咪 於 16-10-14 04:02 編輯
香港暫時未有Agent會做奧地利嘅中學留學生，所以係呢方便可能真係要花啲功夫！
但係你依然可以喺網上面search到中國內地嘅中介公司，見議既中學資料，然後自己再search間學校名～
維也納一共分23區，我個仔好鍾意22區，所以我哋都揀返22區來租。
我個仔租果間屋，係上網自己搵嘅，維也納有一個租屋網，你可以自己隨着自己喜好，喺嗰個網搵心儀嘅住屋，當然梗係會有啲風險，因為要自己睇條文，要自己同agent傾，中介一般好少會同你搵屋，就算佢搵俾你，你都真係要好小心，因為我聽好多人講過，中介推介既屋好多問題。
作者: bbdou 時間: 17-1-24 14:18
大家好，兩星期的聖誕節假期話咁快就完，仔也已回到德國兩個多星期了。三個多月冇見，似乎也沒有什麼改變，係高咗少少，大個仔咗少少咁。佢好喜歡留學生活，每天和有共同目標的同學一起努力，更有動力，我也見到佢進步了。來緊2月的 half term break，有意大利的同學邀請佢一齊返屋企，咁我就唔使煩要搵人收留佢。
作者: ccn008 時間: 17-1-24 16:26
家熹媽咪 發表於 16-9-21 14:04
冇錯，讀書係佢地自己，所以一定要佢地自己揀～但作為家長，也要多加提供參考數值比佢地。
英國誘惑太多 ...
作者: 家熹媽咪 時間: 17-1-24 19:37
bbdou 發表於 17-1-24 14:18
大家好，兩星期的聖誕節假期話咁快就完，仔也已回到德國兩個多星期了。三個多月冇見，似乎也沒有什麼改變， ...
bbdou 新年快樂(emoji)(emoji) 上年聖誕我又係過咗去維也納探個仔，順便參觀一下佢新屋～玩咗20日，令我哋兩公婆更加愛上維也納！
真感恩妳同我地分享仔仔的點滴，小朋友越早出國，其實對佢哋嘅適應力會更加好！祝福仔仔前程錦繡～生活愉快！
作者: 家熹媽咪 時間: 17-1-24 19:39
ccn008 發表於 17-1-24 16:26
請問可以提供幾間中學來參考下嗎? 我仔想出外讀書. 謝
本帖最後由 家熹媽咪 於 17-1-24 19:42 編輯
Ccn妳好！唔好意思我唔係中介公司，所以唔能夠提供學校資料比妳我開呢一個topic，就係想睇下有冇其他係維也納留學嘅家長可以交流下～我嘅資料只係我依家仔仔所知道嘅，其他你哋想知道嘅中學資料，好抱歉我未能提供
作者: alungma 時間: 17-5-17 13:35
回覆 bbdou 的帖子
Hi bbdou
好開心睇到你的post.
我囡囡只有11歲，都係好鐘意跳舞，jazz，想做dance teacher.
可以再介紹多D當地dance school資料嗎？
謝謝
作者: bbdou 時間: 17-5-17 14:14
alungma 發表於 17-5-17 13:35
回覆 bbdou 的帖子
Hi bbdou
Hi alungma,
Jazz 學校我唔識，我仔係跳 ballet。
如果你囡囡想做 Jazz 老師，其實唔需要去到咁遠，香港都有好多 Jazz 老師，可以跟個好老師，一路考上去考埋教師牌就得。
| 歡迎光臨 教育王國 (/) |
Powered by Discuz! X1.5 |