教育王國

標題: 唔開心...原以為小問題，但心理學家斷錯症，令我超失落 [打印本頁]

作者: 【小癲癲】 時間: 16-6-16 10:55 標題: 唔開心...原以為小問題，但心理學家斷錯症，令我超失落

我仔仔今年K1，剛剛上星期帶左佢去cas做評估...醫生診症細仔係自閉症譜系+較活躍，轉介E/I位，兒童精神科及建議重讀幼兒園，個一刻我真的好唔開心.....其實之前我都帶過佢去恊康做評估，當時只話發展遲緩+言語障礙，心理學家話我小朋友冇自閉症症狀....俾左咁多錢出去，但佢斷錯症，令到我小朋友浪費了時間，明明有機會今年9月入讀I位，但而家只能等下年。

但我之後同細仔學校校長詳細傾過...其實暫時細佬係跟到課程，唔排除之後跟唔跟到，建議我照俾細佬升級先，睇下K2個年情況如何先（我細佬參加緊到校服務），如果到時情況未如理想，先再考慮重讀。校長仲話如果重讀最好擇K3，咁樣會有利佢升小學作準備。

校長亦應承到時會出信學卷組，幫我申請多一年資助（其實cas都有寫信俾我，但唔知可唔可以有效2年咁耐），所以我覺得好開心...雖然細佬情況不好，但是有咁好既學校同校長支援，亦提供不少建議&會安排特殊訓練或額外資源給細佬，令我放心不少。

作者: lawwct 時間: 16-6-16 21:14

你仔仔幾多歲去恊康做評估?

作者: 【小癲癲】 時間: 16-6-16 21:58 標題: 回覆：lawwct 的帖子

3歲4個月去恊康做評估...同而家相差3個月左右

作者: KCHK 時間: 16-6-17 09:03 標題: 回覆：唔開心...原以為小問題，但心理學家斷錯症，令我超失落

樓主, 上星期CAC 評估, 協康是今年三月份做評估是嗎？如果當時建議入I /E 也無可能九月份有位, 不過, 就係因為你用協康的報告所以有到校服務是嗎？唔好唔開心, 因為現在的學校很好呀！好支援你小朋友, 繼續努力吧！

作者: 【小癲癲】 時間: 16-6-17 13:50 標題: 回覆：KCHK 的帖子

細佬係今年2月做評估，分左3次做...3月頭先俾報告我....如果一次過評估及即日俾報告我，當時又肯俾I位我細佬的話，今年9月真係有機會入讀....我擇個間幼稚園I位剛剛派到206年2月....我細佬係2016年3月入紙申請E位...

作者: Shirleyloveyou 時間: 16-6-17 16:28 標題: 引用：我仔仔今年K1，剛剛上星期帶左佢去cas做評

原帖由 【小癲癲】 於 16-06-16 發表
我仔仔今年K1，剛剛上星期帶左佢去cas做評估...醫生診症細仔係自閉症譜系+較活躍，轉介E/I位，兒童精神科及 ...

jm你仔仔情況同我仔情況有d似，我今日都去完cac，結果有d超出預算，所以我都好唔開心。

作者: 【小癲癲】 時間: 16-6-17 19:13 標題: 回覆：Shirleyloveyou 的帖子

超出預算外....而且覺得浪費左錢囉😡😡😡

俾左咁多錢做評估，但份報告乜都寫輕左

作者: emilyhmw 時間: 16-6-17 23:12 標題: 回覆：唔開心...原以為小問題，但心理學家斷錯症，令我超失落

聽完你們這樣說，我深表同情。不過既然學校肯接納你兒，又無投訴，可能borderline case居多。情況已算好！
等我下星期去cAc見姑娘講到佢有咁衰得咁衰先，呢D嘢真係唔加多幾錢肉緊都當你儍

歡迎光臨教育王國 (/)