教育王國

標題: 見到佢報返嚟嘅成績, 個心真係離一離!! [打印本頁]

作者: 哈利媽 時間: 16-6-15 14:18 標題: 見到佢報返嚟嘅成績, 個心真係離一離!!

今年小三, , 平時都已經係中游份子又超大意, 下學期明顯見佢學習同溫習嘅態度都有改善, 大家仲期望佢成績上會有進步, 可惜派成績出嚟嘅結果仲差過之前, 都唔知點面對好

,
最慘係數學同英作呢2科已經有補習緊, 可惜偏偏最差又係呢2科 (低見6字呀

), 真係好擔心佢升小四點攪.......

作者: 妹妹頭 時間: 16-6-15 14:20

回覆哈利媽的帖子

首先要了解係唔係整體成績都係咁上下, 有時卷深, 小朋友可能個個都只係有依個分數, 唔係你果個特別低

作者: little_yolky 時間: 16-6-15 14:22

哈利媽發表於 16-6-15 14:18
今年小三, , 平時都已經係中游份子又超大意, 下學期明顯見佢學習同溫習嘅態度都有改善, 大家仲期望佢成績上 ...

係派成績定派成績表? 有無問阿女其他同學點? 我阿女上學期中文狂瀉1X分, 但最後名次升咗, 因為大圍股市大瀉, 佢其他科無瀉所以有得執。不過, 6X分又係要搞搞佢好D。數學補緊習都得6X, 究竟邊度出事? 佢平時測驗卷衰D乜? 數學已經係最易止跌回升了。

作者: 哈利媽 時間: 16-6-15 14:50

回覆 little_yolky 的帖子

未派成績表, 只係口頭報分數, 卷都冇得睇! 小朋友就實話份卷深咗, 人人都退步, 我冇科科問老師, 只係問咗一科數學, 老師話比我見到佢份卷會爆血管

, 因為當中有2X-30分係大意錯, 仲話佢呢類型嘅小朋友去補習都冇咩用, 因為實質佢係識, 只係做嘅過程太大意, 叫我暑假著重執佢嘅態度同專注喎!!!

作者: little_yolky 時間: 16-6-15 14:57

哈利媽發表於 16-6-15 14:50
回覆 little_yolky 的帖子

未派成績表, 只係口頭報分數, 卷都冇得睇! 小朋友就實話份卷深咗, 人人都退步, ...

咁即係有得執啦, 我又返而好放心喎, 唔係真係唔識。咁即係唔夠熟啫, 做多D練習就得了。

你要注意執執佢D英文, 小學英文較淺, 都得6X分, 一般係grammar錯得勁又多錯別字, 要搞搞佢。

作者: 哈利媽 時間: 16-6-15 15:35

回覆 little_yolky 的帖子

英作佢主要失分應該係4幅圖最尾嘅問號圖, 要自己作結局, 佢每次都係寫一句收尾, 多數得分係 ~ 5/20

, 完全冇創意!

作者: bbq2008 時間: 16-6-15 16:16

其實唔駛灰心，做媽媽一定緊張，小孩子也會唔開心的。我同意你女的老師講，唔係唔識，只是專注問題，我女也一樣，上學期見到佢份卷(中英數也是7x分)，就想鬧爆佢，因為唔係唔識的題目，而是唔專心去做的結果。
之後，我就諗下計仔，一來我是在職媽媽，二來無去補習社，三來我女有ADHD。我就跟阿女約定，如果成績有進步，唔理進步多或少，可以有獎勵(當然是她喜歡的，由她開價)，有默書9字頭又有粒星記錄，儲滿就換禮物。(其實學校默書佔好小比例，但比佢平時也能努力學習，專注溫習)。最後，下學期真的有很大進步，中數也有9字，英文是8字。雖然卷未派回來簽名，但我問番阿女，點解你會做到既？她說因為我有目標(當然是禮物)和專心做試卷。
當下我好感動呀，昨晚話我知，聖經科取滿分(成績表不計成績的，全班也有十多個同學仔滿分)，但見她很高興，我也很替她開心。
哈利媽，加油呀，別人多睇分數，但我們要作個明白和支持孩子的媽媽。阿女必定會有成長的，因為有你的愛！

作者: 哈利媽 時間: 16-6-15 16:42

回覆 bbq2008 的帖子

多謝你嘅分享, 大家一同努力吧!

作者: mayyylai 時間: 16-6-15 17:27

回覆哈利媽的帖子

所以一考試，兩個女就會話我好長氣，我會同佢哋講：睇清楚題目、唔好漏窿窿、計完直式唔好抄錯去橫式度、記得寫清楚名詞（個、支、厘米，等）。
人都顛

作者: conniecheung 時間: 16-6-15 18:09 標題: 回覆：見到佢報返嚟嘅成績, 個心真係離一離!!

我細女又係英文好差，每次測考都係剛剛合格，要幫我都盡量幫，唯有希望佢慢慢進步！

作者: brother4 時間: 16-6-15 18:28 標題: 回覆：見到佢報返嚟嘅成績, 個心真係離一離!!

慾速則不達，放鬆D先，未算太差，還有時間，平常心，暑假打好基礎，温番小三先

作者: 大件仔 時間: 16-6-15 22:40

唉. , 我個小四, 第2段考都OK, 今次第3段考, 數學趺到6字頭, 歷史新低, 好彩今年不是呈分試, 否則一科就趺去B3.

作者: dora2009 時間: 16-6-16 00:56

提示: 作者被禁止或刪除內容自動屏蔽

作者: Gella77 時間: 16-6-16 01:50 標題: 回覆：哈利媽的帖子

我嘅小三都系粗心大意！其他科尚好，就數學超級頭痛！次次睇份卷就想罵人了，呵呵，但又唔知點好⋯只能慢慢調教了

作者: ren 時間: 16-6-17 08:41 標題: 引用：回覆+哈利媽+的帖子所以一考試，兩個女就

原帖由 mayyylai 於 16-06-15 發表
回覆哈利媽的帖子

所以一考試，兩個女就會話我好長氣，我會同佢哋講：睇清楚題目、唔好漏窿窿、計完直式 ...

我同你一樣，有次老師問考試要注意咩，阿仔舉手搶答呢堆嘢，老師仲讚佢…叻仔。

我宜家直頭錄音，考xx科注意事項，考前叫佢自己聽，慳番啖氣，佢就一路聽一路卡卡笑。

作者: IloveJJ 時間: 16-6-17 10:30 標題: 引用：今年小三,+,+平時都已經係中游份子又超大意

提示: 作者被禁止或刪除內容自動屏蔽

作者: COE1205 時間: 16-6-17 16:39

我仔都係小三, 今次數學都跌咗,數學科一向係佢最好嘅一科, 一向都係高分果班,但今次就跌到全班最低分果個,派卷時老師講今次卷其實唔深,如果做卷時小心,唔粗心大意,應該好容易攞滿分! 仔收到成績果一刻好失望,但我反而覺得狠狠跌一次可能會令佢改善粗心大意

歡迎光臨教育王國 (/)