教育王國

標題: 自閉症小朋友好難教，可以點 [打印本頁]

作者: yiyi0401 時間: 16-6-15 00:30 標題: 自閉症小朋友好難教，可以點

2歲幾，仲未識講野，疑似有自閉傾向，但未排到評估，成日一唔鍾意就發好大脾氣，成日唔聽我講教，我湊得好辛苦，可以點處理呀。。。好簡單叫佢唔好成日玩風扇，好危險，教極都唔聽。。。唉。。。

作者: Yukiruirui888 時間: 16-6-15 00:49 標題: 回覆：yiyi0401 的帖子

我仔都係2歲幾，係自閉傾向，都係唔識講野，我唯有重複重複的講，如果唔係太危險的野，我會比巨試，同我會好狠心，只要傷害唔係太嚴重

作者: peonybibi 時間: 16-6-15 07:24 標題: 回覆：yiyi0401 的帖子

唔識講嘢係唔識句子定唔識單字？了解下特殊幼兒訓練，小組訓練，俾專業導師教吓。

作者: money82 時間: 16-6-15 08:20 標題: 回覆：自閉症小朋友好難教，可以點

如果危機野，最好唔好比距地摸到。改用壁扇，鐘意按制，搞／望轉動野，開關門，都係特徽。我仔剛3歲，識講野，知唔岩，知你罵距，但依照成日玩開門，按風扇制。

作者: LeeCC 時間: 16-6-15 11:12

唔好話兩三歲啦，我個就快八歲，都係有d嘢好似吾受個腦控制甘，個口應左知道，對手會吾受控甘做

作者: apple~y 時間: 16-6-15 12:50

唉!!有排捱,漫漫長路,我個a仔都八歲
你要習慣a仔固執性格,甘容易聽你講就唔係自閉啦
佢成日玩風扇,因為鍾意不停重覆轉

作者: Catcattherine 時間: 16-6-15 12:51

提示: 作者被禁止或刪除內容自動屏蔽

作者: ellene 時間: 16-6-15 13:43 標題: 引用：2歲幾，仲未識講野，疑似有自閉傾向，但未

原帖由 yiyi0401 於 16-06-15 發表
2歲幾，仲未識講野，疑似有自閉傾向，但未排到評估，成日一唔鍾意就發好大脾氣，成日唔聽我講教，我湊得 ...

口講他可能收吾到，試試用社交故事書交可能會容易明白

作者: yiyi0401 時間: 16-6-17 07:33 標題: 引用：我仔都係2歲幾，係自閉傾向，都係唔識講野

原帖由 Yukiruirui888 於 16-06-15 發表
我仔都係2歲幾，係自閉傾向，都係唔識講野，我唯有重複重複的講，如果唔係太危險的野，我會比巨試，同我會 ...

明白，但佢真係好固執。。。

作者: yiyi0401 時間: 16-6-17 07:34 標題: 引用：Quote:原帖由+yiyi0401+於+16-06-15+發表2

原帖由 ellene 於 16-06-15 發表
口講他可能收吾到，試試用社交故事書交可能會容易明白

好我都嘗試緊講故事，但佢成日都唔聽走左去

作者: yiyi0401 時間: 16-6-17 07:35 標題: 引用：唉!!有排捱,漫漫長路,我個a仔都八歲你要習

原帖由 apple~y 於 16-06-15 發表
唉!!有排捱,漫漫長路,我個a仔都八歲
你要習慣a仔固執性格,甘容易聽你講就唔係自閉啦
佢成日玩風扇,因為鍾意 ...

佢掉轉呀，佢係唔俾開風扇呀。。。或者開左風扇放個咀埋去

作者: yiyi0401 時間: 16-6-17 07:36 標題: 引用：唔識講嘢係唔識句子定唔識單字？了解下特殊

原帖由 peonybibi 於 16-06-15 發表
唔識講嘢係唔識句子定唔識單字？了解下特殊幼兒訓練，小組訓練，俾專業導師教吓。

...

仲講緊疊字但仲係識好少只識稱呼多，已排到e位準備9月返

作者: yiyi0401 時間: 16-6-17 07:37 標題: 引用：如果危機野，最好唔好比距地摸到。改用壁扇

原帖由 money82 於 16-06-15 發表
如果危機野，最好唔好比距地摸到。改用壁扇，鐘意按制，搞／望轉動野，開關門，都係特徽。我仔剛3歲，識講 ...

係呀就係咁啦。。。

作者: T96 時間: 16-6-17 09:29

yiyi0401 發表於 16-6-17 07:36
仲講緊疊字但仲係識好少只識稱呼多，已排到e位準備9月返

理解，跟指令做ok?

作者: ellene 時間: 16-6-18 07:53 標題: 引用：Quote:原帖由+ellene+於+16-06-15+發表口講

原帖由 yiyi0401 於 16-06-17 發表
好我都嘗試緊講故事，但佢成日都唔聽走左去

是否還本書

圖片附件: myphoto.jpg (16-6-18 07:53, 99.47 KB) / 下載次數 53
/forum.php?mod=attachment&aid=NzAyNjF8MTEwNGUyYmJ8MTc0NzM0OTQ2MXww

作者: yiyi0401 時間: 16-6-21 01:21 標題: 引用：Quote:原帖由+yiyi0401+於+16-06-17+發表好

原帖由 ellene 於 16-06-18 發表
是否還本書

不是呀，應該睇哩本嗎？

作者: rose-mag 時間: 16-6-21 03:32

係要不斷重覆不斷講解，大個D理解能力又會好咗，但唔好期望講幾次會聽，我個仔10歲啦，依然講完又講，有D收到有D收極都收唔到，我同老公係要不停咁提，我仔仲會不停問點解唔得，解到我地都有時唔想睬佢，唔危險嘅真係狠心俾小朋友試下會點，有一次痛就唔敢再有下次，但當然係無傷大雅嘅至得。

作者: hokinhei 時間: 16-6-21 07:44

想想問下你地小朋友有無情緒問題？我仔常大哭及癹脾氣，成家人都搞佢唔掂，可怎麼辦？

作者: ellene 時間: 16-6-21 19:32 標題: 引用：Quote:原帖由+ellene+於+16-06-18+發表是否

原帖由 yiyi0401 於 16-06-21 發表
不是呀，應該睇哩本嗎？

你可以看看吓哪本比較岩你小朋友用

作者: ellene 時間: 16-6-21 19:41 標題: 引用：係要不斷重覆不斷講解，大個D理解能力又會

原帖由 rose-mag 於 16-06-21 發表
係要不斷重覆不斷講解，大個D理解能力又會好咗，但唔好期望講幾次會聽，我個仔10歲啦，依然講完又講，有D收 ...

你講得冇錯我個仔16歳，每天都要不斷重複提他這樣，哪様，有的事物其他人不用較都會學會的，但我們的小朋友要重複好多次講同較，他們都會不明白要點做的。

作者: ellene 時間: 16-6-21 19:51 標題: 引用：想想問下你地小朋友有無情緒問題？我仔常大

原帖由 hokinhei 於 16-06-21 發表
想想問下你地小朋友有無情緒問題？我仔常大哭及癹脾氣，成家人都搞佢唔掂，可怎麼辦？ ...

每當他發脾氣時，你們是否會問他為什麼發脾氣，他說了你們不知道，他想要説什麼所以發脾氣（或者他每次發脾氣你們就會好容易比他得到，他想要的東西）

作者: vyvycollection 時間: 16-6-22 07:02 標題: 回覆：yiyi0401 的帖子

可以在家品買风扇纲。當我仔20至22個月時，都經常搞垃圾蛹，洗衣机，門，风扇，常做叛亂行為，越鬧佢越差。在家有不當行為多講解佢知道，比多D野佢試做，例如浪衫，拋垃圾在垃圾桶，多D讚佢，如果佢开心左，學野會快D，我仔由22个月开始有發音，學講单字，上個月开始上特殊幼兒導師訓練，每月3堂，在遊戲中學習講单子，另上星期开始言語治療，他上完言語治療常常講話，有時不懂他說什麼，有時講单字，佢肯开口講話，我已好开心，各位家長，努力加油

作者: Sask999 時間: 16-6-22 08:14 標題: 引用：2歲幾，仲未識講野，疑似有自閉傾向，但未

原帖由 yiyi0401 於 16-06-15 發表
2歲幾，仲未識講野，疑似有自閉傾向，但未排到評估，成日一唔鍾意就發好大脾氣，成日唔聽我講教，我湊得 ...

佢地好多時就係因為未識講野，唔識表達自己所以發脾氣。試下引佢地講，例如講到餅餅先有餅食。如果講到要大讚！不斷同佢講身邊的事物，例如去超市，橙，蘋果，西瓜，什麼都講（雖然周圍的人會以為你係儍的），但對小朋友很有幫助的。加油！

作者: yiyi0401 時間: 16-6-24 01:02 標題: 引用：係要不斷重覆不斷講解，大個D理解能力又會

原帖由 rose-mag 於 16-06-21 發表
係要不斷重覆不斷講解，大個D理解能力又會好咗，但唔好期望講幾次會聽，我個仔10歲啦，依然講完又講，有D收 ...

最大問題我仔唔怕痛，所以就算佢整親過都唔會識驚

作者: chris-BB 時間: 16-6-25 16:54 標題: 回覆：yiyi0401 的帖子

你仔唔怕痛，應該感統上出現問題，先搞好感統方面！上多啲私人感統堂，改善先，學野慢慢來！

作者: creamyXDD 時間: 16-6-25 22:32 標題: 回覆：自閉症小朋友好難教，可以點

我兒3歲確診，依家4歳半。我地一星期上足7日。社交班，專注力，感統之類。其實覺得好似有某方面問題就立刻上堂，有時上左十堂八堂先發覺原來另一種原因影響佢，所以都成日浪費錢。試過介奶介蛋食魚油之類，日日在家訓練，整圖card提示，又刷身，叫成家做戲引導佢，總之諗到就試下，日日見學校老師，見姑娘，跟進佢做過d咩，慢慢先真正了解佢需要d咩幇助。唉，教A仔係會好辛苦，大家努力呀。

作者: idak 時間: 16-6-28 16:28 標題: 回覆：yiyi0401 的帖子

我初初都以為我個女唔怕痛，後來覺得佢感覺唔到，最好多d幫後按摩。

作者: idak 時間: 16-6-28 16:38 標題: 回覆：自閉症小朋友好難教，可以點

我果時都好狠，我會尤得佢玩門，試過有次夾瘀咗手指，之後無再玩，重識開門會好小心。我用張紙插入個風扇度比佢睇，話比佢知，如插隻手指入去就好似張紙咁爛晒。因為A仔好多時都要睇到先會明，你就咁講，講到口臭脷爛，佢都係唔明。

作者: sunday987 時間: 16-7-3 16:53 標題: 回覆：hokinhei 的帖子

我個a仔而家5歲，言語智力無問題，係情緒問題，由細個開始就會有不同嘅情緒失控問題 (打人，箍頸，踢人，大叫，鬧人等等。)，以前我唔識 handle, 經常罰佢，後來佢對自己嘅信心越黎越底，同埋有極度負面嘅諗法，試過同我講叫我不如無生佢出來，我開始發覺我嘅 approach錯晒，可能因為成日抱住佢可以變返正常嘅心態，所以唔肯面對佢有啲嘢就係無得改變。

anyways, 後來佢每次發脾氣我會帶佢入房，係街嘅話我會同佢行埋一邊少人啲嘅地方，比佢發洩下，之後講返佢發脾氣嘅原因，例如佢想玩電話但係係食飯時間，佢接受唔到遊戲時間被中斷，所以發癲，咁我會話：“你係咪想玩電話呀？” “咁但係要食飯喎，不如我哋再玩10分鐘就食啦，好唔好？” 我一定要佢應承我先得，通常佢都會跟約定。好多嘢要俾好多預告同埋提醒佢，等佢 keep 住都有個心理準備，佢會安心啲。

其實無一套必定有效嘅方法，但係，我發覺我哋嘅心態首先要接受到佢係唔同嘅先，同埋每次佢發脾氣我要調整心態話俾自己聽佢其實唔係曳，只係唔識表達，咁我就要教佢我接受到嘅表達方法。而且要成日同佢 role play 等佢明白。

到而家，佢都間唔中控制唔到，但係可以好快 calm down, 你俾多啲諒解佢，佢就會好啲，當然我唔祈求佢會100%好，我只求70%就 ok, 降低啲自己嘅要求對大家都好。

希望幫到你，加油！

作者: Happy寶寶 時間: 16-7-6 09:56

提示: 作者被禁止或刪除內容自動屏蔽

作者: Trustmyself 時間: 16-7-6 17:17

提示: 作者被禁止或刪除內容自動屏蔽

作者: moomin_sze 時間: 16-8-30 12:58

可以試下ABA therapy 呀！同埋愈早handle愈好呀！

作者: Fanleebbee 時間: 16-9-3 17:01 標題: 回覆：自閉症小朋友好難教，可以點

我仔都係唔鍾意就發脾氣，但我由得佢發，等佢平復返再同佢講返。
如果風扇無插由佢玩，插左電一定唔畀佢玩，仲會不停同佢講話唔好玩，好危險，如果受左傷咁點算，你受傷咁媽媽點算，受左傷要去醫院睇醫生，要食藥要打針架喎，咁你想唔想打針想唔想食藥。不停哦哦哦！
好鬼固執，你越叫佢唔好做佢越係去做

作者: Catcattherine 時間: 16-9-4 18:34 標題: 回覆：yiyi0401 的帖子

提示: 作者被禁止或刪除內容自動屏蔽

作者: p_ma 時間: 16-9-6 22:30 標題: 引用：++可以試下ABA+therapy+呀！同埋愈早handle

原帖由 moomin_sze 於 16-08-30 發表
可以試下ABA therapy 呀！同埋愈早handle愈好呀！

其實難教、行為問題係咪一定要用ABA 先有效？因為小朋友而家已經上緊密集包括特殊幼師、OT and ST, 但仍然改善不到在家裏的不合作及固執行為。

作者: mo515 時間: 16-9-8 23:15 標題: 回覆：自閉症小朋友好難教，可以點

我都覺得教得好辛苦，我仔剛2歲，仍是小量單字，唔識講嘢令佢脾氣好大，大到有時來撞頭發洩，好彩排到10月上言語治療，希望返N 加言語治療會幫到佢講嘢啦！

作者: KidBuddy 時間: 16-9-9 15:31

sunday987 發表於 16-7-3 16:53
我個a仔而家5歲，言語智力無問題，係情緒問題，由細個開始就會有不同嘅情緒失控問題 (打人，箍頸，踢人，大 ...

非常好的分享，謝謝你！

我特別喜歡你的分享有幾點：

1） “可能因為成日抱住佢可以變返正常嘅心態，所以唔肯面對佢有啲嘢就係無得改變。”
先接受孩子的現在條件是很重要的。接受不是説認命和孩子以後不能進步。接受的意義是按孩子的條件（如智能，言語能力及問題的大小等因素）進行訓練。而且先接受將使我們有一個較平穩的心態去長期支援孩子。

2） "我一定要佢應承我先得，通常佢都會跟約定。好多嘢要俾好多預告同埋提醒佢，等佢 keep 住都有個心理準備，佢會安心啲。"
他們一般很難/不能面對環境轉變，而且有很多在譜系上的人群祇流於口語的“勸告”。家長除了先告訴孩子以後將發生什麽之外，也可以利用視覺提示(如用手機拍下經常去的地方讓孩子看看在配合口語提示)；有些孩子可能需要在過程當中重複的提示，增加成功(例如不哭鬧)的機會。現時沒有一種訓練方法是100%有效的，但如果持續適當的使用將增加孩子成功機會。能改善10%就是10%，千萬要相信比較有科學根據的方法。

3）"而且要成日同佢 role play 等佢明白"
這是不錯的做法，因爲孩子本身就不會跟一般的孩子一樣，所以時常讓他瞭解一些情況/處境將對他適應不斷變化的社交情景有幫助。(比如説，一般孩子能在不同時間被帶到不同地方見不同的人是很容易適應，有發展障礙的孩子就不然，有很多幼兒照顧者都忘記，以爲講兩句清楚的就可以令孩子完全明白)

4） “到而家，佢都間唔中控制唔到，但係可以好快 calm down, 你俾多啲諒解佢，佢就會好啲，當然我唔祈求佢會100%好，我只求70%就 ok, 降低啲自己嘅要求對大家都好。”

也希望這媽媽你成功，加油！

作者: zenwin 時間: 16-10-4 10:41

我女兒有過度活躍症和專注力不足,朋友送了一隻共振音樂CD 給我,我覺得都幾有用

作者: arghost 時間: 16-12-1 01:59

本帖最後由 arghost 於 16-12-1 02:00 編輯

回覆 mo515 的帖子

唔識講嘢可以教小朋友用動作表達, 簡單手語, 係屋企準備唔同用品照片, 比佢指出佢想要乜

作者: farm712 時間: 16-12-8 07:40

yiyi0401 發表於 16-6-15 00:30
2歲幾，仲未識講野，疑似有自閉傾向，但未排到評估，成日一唔鍾意就發好大脾氣，成日唔聽我講教，我湊得 ...

有一個NGO叫做"努力試"Louis Program，你可以上網找，這個係教爸爸媽媽，照顧者，點去照顧自閉的小朋友。我覺得很好。我和老公一齊去的。你可以試下。

歡迎光臨教育王國 (/)