教育王國

標題: 小一學術成績好差。 [打印本頁]

作者: py84ko 時間: 16-6-14 20:19 標題: 小一學術成績好差。

我小朋友的小學唔係一間谷的學校，功課亦唔算多，唔計改正，平均每日4-5樣功課，每年4次考試，沒有測驗，4次考試裡的中文，英文主科未試過合格（3x 分），數學及常識上學期也keep到合格，有7x 及8x 分，但下學期4月考試時，連數學都唔合格，中文都唔合格但進步咗有51分。之前一直只有補英文，到下學期一月及四月也開始補中文及數學，6月啱啱考完試，中文只比上次多幾分，英文……唉！數學及常識仲未派，除了找補習老師幫忙，我都唔知再做D乜去幫佢，雖然話讀書不是求分數，但身為家長的我，見到小一成績咁樣，都唔知佢點樣繼續讀上去，因為仲有5年小學及6年中學。大家有乜意見？

作者: karen55407 時間: 16-6-14 20:34 標題: 引用：我小朋友的小學唔係一間谷的學校，功課亦唔

原帖由 py84ko 於 16-06-14 發表
我小朋友的小學唔係一間谷的學校，功課亦唔算多，唔計改正，平均每日4-5樣功課，每年4次考試，沒有測驗，4 ...

首先了解吓小朋友是否有學習障礙，如沒有，最好就是親自跟返小朋友小一整個課程，要改善到合格並非難事，出外補高階課程是無意思的，應該係針對返自己學校課程內容。

作者: conniecheung 時間: 16-6-14 20:43 標題: 回覆：小一學術成績好差。

買補充練習比佢做，見唔識即刻教，睇下邊樣弱，專攻果樣！
我細女都係小一，中文開學都偏差（60幾分），做完練習，發覺原來佢閱讀理解差，就日日做兩篇閱讀理解練習，下學期兩次測考都有改善（80幾分）！
數，常一樣，攻弱項做（執返穩定分數80幾分）！
英文，暫時未搞得掂，每次都係剛剛合格，我唔接受，仲搵緊方法幫佢！

作者: Yanamami 時間: 16-6-14 20:45

平曰功課做成点，明唔明？識唔識？功夫要平曰做，唔好等考完試派卷先做。考試点錯法？做唔切份卷？錯漏百出？漏做？唔識？

作者: conniecheung 時間: 16-6-14 20:53 標題: 回覆：小一學術成績好差。

平日做功課，見佢唔識 ..要即刻教識佢！
唔教只會愈積愈多...考試先補救就趕唔切！
如果你有時間，最好自己跟...
補習我覺得第一時間有限，第二或者跟唔足！

作者: aptcan 時間: 16-6-14 21:01 標題: 回覆：小一學術成績好差。

小朋友係咪專科專補，功課係咪你自己跟返，做父母一定唔可能懶，最少也要跟功課，起碼知佢係學校或補習明唔明嗎！

作者: py84ko 時間: 16-6-14 21:04 標題: 引用：Quote:原帖由+py84ko+於+16-06-14+發表我小

原帖由 karen55407 於 16-06-14 發表
首先了解吓小朋友是否有學習障礙，如沒有，最好就是親自跟返小朋友小一整個課程，要改善到合格並非難事，出 ...

我小朋友K3 做過評估，没有學障的！

作者: py84ko 時間: 16-6-14 21:08 標題: 引用：平曰功課做成点，明唔明？識唔識？功夫要平

原帖由 Yanamami 於 16-06-14 發表
平曰功課做成点，明唔明？識唔識？功夫要平曰做，唔好等考完試派卷先做。考試点錯法？做唔切份卷？錯漏百出 ...

平時D功課，大部份數學及常識自己做哂，但我唔會check佢有冇錯，英文就一時時，中文通常唔識做，我自己有跟佢功課的。

作者: py84ko 時間: 16-6-14 21:09 標題: 引用：小朋友係咪專科專補，功課係咪你自己跟返，

原帖由 aptcan 於 16-06-14 發表
小朋友係咪專科專補，功課係咪你自己跟返，做父母一定唔可能懶，最少也要跟功課，起碼知佢係學校或補習明唔 ...

佢啲功課我自己有跟哂，不過我冇check佢啲功課有冇做錯。

作者: karen55407 時間: 16-6-14 21:19

py84ko 發表於 16-6-14 21:08
平時D功課，大部份數學及常識自己做哂，但我唔會check佢有冇錯，英文就一時時，中文通常唔識做，我自己有跟 ...

成績咁差, 你都唔對佢功課, 唔對都算, 咁佢做錯要改正係要教返佢, 其實第一次考試成績唔好就要正視

作者: MrBeast 時間: 16-6-14 21:19

py84ko 發表於 16-6-14 21:04
我小朋友K3 做過評估，没有學障的！

咁assume你有察覺到一些學習上困難先會去做評估，是在cac做的嗎？e生有否建議什麼follow up?

作者: Jane1983 時間: 16-6-14 22:20

無學障的話，針對問題，善用暑假，日日執d，追番中上吾係吾可能的事。

作者: Yanamami 時間: 16-6-14 22:25

本帖最後由 Yanamami 於 16-6-14 22:29 編輯

禁佢派番卷番黎点錯法？講黎听下睇下因乜事禁低分？考試你点同佢温書？有無發現乜问題？
幼稚園讀happy school? 有無閱讀习慣？你有無伴讀呢？

作者: egg.plant 時間: 16-6-14 22:26 標題: 引用：Quote:原帖由+aptcan+於+16-06-14+發表小朋

原帖由 py84ko 於 16-06-14 發表
佢啲功課我自己有跟哂，不過我冇check佢啲功課有冇做錯。

我仔小五，放學後有去功課班，有老師check功課，但我都會check多次，我要知道佢d功課錯左邊度，邊d弱，要跟貼。咁你平時只check佢有無做齊但唔check佢有無錯，只是make sure佢無欠交，咁又點知佢邊d弱，邊d要加強練習呢？

作者: TaroMum 時間: 16-6-14 22:47

提示: 作者被禁止或刪除內容自動屏蔽

作者: py84ko 時間: 16-6-14 23:12 標題: 引用：Quote:py84ko+發表於+16-6-14+21:08+平時D

原帖由 karen55407 於 16-06-14 發表
成績咁差, 你都唔對佢功課, 唔對都算, 咁佢做錯要改正係要教返佢, 其實第一次考試成績唔好就要正視
...

如果佢有做錯，老師派回時會即時纠正教佢並即刻改正的。

作者: py84ko 時間: 16-6-14 23:18 標題: 引用：Quote:py84ko+發表於+16-6-14+21:04+我小朋

原帖由 MrBeast 於 16-06-14 發表
咁assume你有察覺到一些學習上困難先會去做評估，是在cac做的嗎？e生有否建議什麼follow up?
...

其實之前懷疑佢專注力不足才去CAC做評估，但结果話佢冇明顯專注力不足，亦有學習障疑的特徵，只是有言語障礙，主力是發音唔準，所以我預計佢中文比較弱。現在中文雖然仍然唔合格，但起碼進步了。

作者: holaespana0802 時間: 16-6-14 23:19

回覆 py84ko 的帖子

唔好咁擔心！同小朋友傾吓！睇下係咪上堂時唔明老師講的課題. 平時補英文嘅老師有沒有對小朋友作出D評語？有沒有學習問題?如果英文補習老師同小朋友唔"甲”，可以試吓D敎育中心試下多D小朋友上堂有冇好D！

作者: py84ko 時間: 16-6-14 23:25 標題: 引用：+本帖最後由+Yanamami+於+16-6-14+22:29+編

原帖由 Yanamami 於 16-06-14 發表
本帖最後由 Yanamami 於 16-6-14 22:29 編輯

禁佢派番卷番黎点錯法？講黎听下睇下因乜事禁低分？考試你 ...

試卷派回來，中文科主要寫錯字多，有得抄也抄錯，全部衰哂閱讀理解。而英文佢完全唔明題目問乜嘢，另外全份卷有5篇 Comphrension, 好多答案是撞的。至於數學，佢計數冇問題，全是理解文字題弱。

作者: Barbe 時間: 16-6-14 23:26

幼稚園是不是happy school? 是不是程度跟不上？

作者: py84ko 時間: 16-6-14 23:28 標題: 引用：+本帖最後由+Yanamami+於+16-6-14+22:29+編

原帖由 Yanamami 於 16-06-14 發表
本帖最後由 Yanamami 於 16-6-14 22:29 編輯

禁佢派番卷番黎点錯法？講黎听下睇下因乜事禁低分？考試你 ...

考試通常我會比練習佢做，大部份佢識做，只是英文要我解題。

作者: py84ko 時間: 16-6-14 23:30 標題: 引用：幼稚園是不是happy+school?+是不是程度跟不

原帖由 Barbe 於 16-06-14 發表
幼稚園是不是happy school? 是不是程度跟不上？

幼稚園不算happy school, 都幾多抄寫功課的！

作者: py84ko 時間: 16-6-14 23:31 標題: 引用：小朋友的興趣是什麼？喜歡上學吗？

原帖由 TaroMum 於 16-06-14 發表
小朋友的興趣是什麼？喜歡上學吗？

我小朋友喜歡上學的，與同學也相處融合的。

作者: Barbe 時間: 16-6-14 23:33

那麼每天的手冊、課堂上的notes 可以自己抄齊回來嗎？

作者: Barbe 時間: 16-6-14 23:39

小朋友有沒有戴眼鏡？會不會是視力問題影響了學習？

作者: py84ko 時間: 16-6-14 23:42 標題: 引用：那麼每天的手冊、課堂上的notes+可以自己抄

原帖由 Barbe 於 16-06-14 發表
那麼每天的手冊、課堂上的notes 可以自己抄齊回來嗎？

家課册抄齊，但D字打風咁，有時我睇唔明佢寫乜，課堂冇note要抄的。

作者: py84ko 時間: 16-6-14 23:46 標題: 引用：小朋友有沒有戴眼鏡？會不會是視力問題影響

原帖由 Barbe 於 16-06-14 發表
小朋友有沒有戴眼鏡？會不會是視力問題影響了學習？

我小朋友冇帶眼鏡的，我每年也有帶佢去 Poly 驗眼，佢keep住只有100度遠視，50度散光，無須帶眼鏡，我有問過佢睇黑板清楚與否，佢話睇得好清楚的。

作者: Yanamami 時間: 16-6-15 00:01

py84ko 發表於 16-6-14 23:25
試卷派回來，中文科主要寫錯字多，有得抄也抄錯，全部衰哂閱讀理解。而英文佢完全唔明題目問乜嘢，另外全份 ...

要加强認字同伴讀，你讀完问番佢关於个故事內容，就似阅讀理解禁……要build up vocabs, 中英一样做法~

作者: Barbe 時間: 16-6-15 00:01

咁有沒有見過老師，了解下他上課的情形？專唔專心、掛住傾計之類？老師有沒有什麼建議？

作者: brother4 時間: 16-6-15 00:30 標題: 回覆：小一學術成績好差。

先醫好語言問題先，另教好英文不是跟學校走，做小朋友有興趣，自然學好英文

作者: Gella77 時間: 16-6-15 01:04 標題: 回覆：py84ko 的帖子

小一嘅野唔算太難，除左粗心大意，平時最好跟下距嘅功課，一般考試嘅範圍都系平時嘅功課練習紙之類。如果基礎太弱，越讀越吃力，趁暑期好好幫距，平時如有時間可適當做下一D補充練習。希望慢慢進步！

作者: py84ko 時間: 16-6-15 02:32 標題: 引用：Quote:原帖由+MrBeast+於+16-06-14+發表咁a

原帖由 py84ko 於 16-06-14 發表
其實之前懷疑佢專注力不足才去CAC做評估，但结果話佢冇明顯專注力不足，亦有學習障疑的特徵，只是有言語障 ...

打錯字，是冇學習障礙特徵！

作者: py84ko 時間: 16-6-15 02:57 標題: 引用：Quote:py84ko+發表於+16-6-14+23:25+試卷派

原帖由 Yanamami 於 16-06-15 發表
要加强認字同伴讀，你讀完问番佢关於个故事內容，就似阅讀理解禁……要build up vocabs, 中英一样做法~ ...

你這個也是好提議，因為佢知自己表達能力弱，有時言語治療師都佢不算嚴重，要佢加強佢表達及理解能力，我讀完一次，便叫佢講一次，但佢好多時好抗拒，上到小學好少少，因為中文科也考口試（廣東話）

作者: stockmike 時間: 16-6-15 03:06 標題: 回覆：小一學術成績好差。

你個 case 無論中英也要伴讀佢有興趣的書，15 至 30 分鐘都夠，要識認多字及唔怕看字，根本唔會影響其他學習 (意即其他惡補，但唔多贊成太多，啲靚仔係唔會用心記你惡補的字)。至於數學，經驗話俾我知無得迫，開竅先識，免强盞你一路教一路鬧，仲可能會衝口講啲傷自尊的說話。

作者: py84ko 時間: 16-6-15 05:16 標題: 引用：你個+case+無論中英也要伴讀佢有興趣的書，

原帖由 stockmike 於 16-06-15 發表
你個 case 無論中英也要伴讀佢有興趣的書，15 至 30 分鐘都夠，要識認多字及唔怕看字，根本唔會影響其他學 ...

謝謝你的意見，其實佢認讀到好多字，就夾埋一句就唔係好明白講乜，就因為咁不懂理解，要口語化就明白。

另外，英文我完全冇哂辦法幫佢，本身我自己英文唔叻，而補習老師（不論中文、英文）覺得佢唔夠自信。要好多讚，鼓勵佢先有動力去完成。

好似上學期中文科攞得3x 分，而下學期4月考試有51分，的確進步咗，造句，重做句子，填標符號，供詞填充也答啱哂，只是寫字筆劃錯及閱理扣分，雖然唔合格，但我已經好開心，剛剛6月考完大考，派中文卷只多了幾分，差少少合格，進步慢D，我都沒駡佢，只是見到分英文卷……我問自己真係唔知係咪要轉另一位補習老師呢？佢班主任是教佢英文及常識，班主任話佢講英文冇乜問題，是夠膽講，至於上堂，我今天問我小朋友，其實上英文堂明唔明老師講乜（全英文）？佢有話好多時唔明，但做英文功課佢又識做，當然有啲careless mistake, 例如: 寫錯大细楷，漏寫標點符號，至於今次英文考試裡5份閱讀理解，每份4-5題，只是一份啱一、兩題，其他什至全錯，根本佢唔明問乜野，反而考另一本故事書内容，可能有準備（是考試範圍），5條題只錯一條。

作者: MrBeast 時間: 16-6-15 06:12

本帖最後由 MrBeast 於 16-6-15 06:15 編輯

py84ko 發表於 16-6-14 23:18
其實之前懷疑佢專注力不足才去CAC做評估，但结果話佢冇明顯專注力不足，亦有學習障疑的特徵，只是有言語障 ...

我覺得你可兵分3路：1）如冇伴讀習慣，就今天開始每晚bed time story，一中一英，英文audio book也可
2）正苦條bar set得很低，趁署假找職業治療C看看有冇其他地方要跟，又或協康有些小組課程比有學習困難的小朋友（但又未至於學障），
3) 你提到的問題其實都好common, 找一弱項most likely 會有進步的，每日花十分鐘做練習，日子久必定會有進步，one thing at a time。

作者: SoLM 時間: 16-6-15 07:05 標題: 引用：+本帖最後由+MrBeast+於+16-6-15+06:15+編

提示: 作者被禁止或刪除內容自動屏蔽

作者: Yanamami 時間: 16-6-15 07:28

好同意MrBeast既意見，記得bb細時幾日無popo, 健康院都話無问題！禁都得~~自己要揾專家check多次同接受專業治療。

作者: Barbe 時間: 16-6-15 07:40

http://www.edu-kingdom.com/forum ... &extra=page%3D2

希望幫到你！

作者: 200904 時間: 16-6-15 10:27

回覆 py84ko 的帖子

我覺得如果小朋友閲讀理解差，可以平時多增加陪讀，并自製些比較簡單的問題，誘導他回答，并給予肯定或幫助。

家長平時檢查功課時，也需要自己跟進。畢竟老師要對2x-3x人，未必能面面俱到，就要靠家長個別補習跟進了，而不衹是看完成與否，要看孩子懂多少？不懂得要即刻自己教。

平時評估考試都要瞭解他的弱點，在下一次考試前多加提點。

也可以用這次暑假，適量的幫孩子追上學術進度，否則越積愈多，孩子難免會失去學習興趣。

作者: ericby 時間: 16-6-15 15:52

take time to improve

作者: smb329 時間: 16-6-15 15:54

py84ko 發表於 16-6-14 23:25
試卷派回來，中文科主要寫錯字多，有得抄也抄錯，全部衰哂閱讀理解。而英文佢完全唔明題目問乜嘢，另外全份 ...

咁你應該平時自己出啲題目佢做, 以中文科而言, 你可以用番學校課本啲詞語, 唔好口講答案, 一定要照抄. 你對答案時, 見到錯, 唔好即時話佢知邊到錯 (抄詞語答案個PART).
等佢自己搵,
搵多幾次, 佢自己會專心啲.
閱讀呢PART就真係要多睇書先有幫助了.

數學理解, 你就要花啲時間慢慢同佢解釋, 其實小一黎黎去去都係個啲題目, 黎黎去去都係個啲字詞,
解多幾次, 解到明為止就可以.
叫小朋友用手指逐個逐個字讀出聲. 會易啲明白題目.

英文唯有多閱讀.

作者: mayyylai 時間: 16-6-15 17:37

回覆 py84ko 的帖子

係直資？定私校？還是津校？
其實有冇諗過呢間學校係咪唔啱你個小朋友，我覺得 4 考都算谷嘅學校，有冇分析過呢樣.

作者: sissysze 時間: 16-6-15 18:09 標題: 回覆：小一學術成績好差。

我正想講，英文卷有5篇comprehension, 神校？名校？正常都係3篇左右。係咪根本學校唔適合你小朋友？

作者: natnat519 時間: 16-6-15 18:45 標題: 引用：我正想講，英文卷有5篇comprehension,+神校

原帖由 sissysze 於 16-06-15 發表
我正想講，英文卷有5篇comprehension, 神校？名校？正常都係3篇左右。係咪根本學校唔適合你小朋友？

...

我小朋友讀直資小三，都係得一篇閱讀理解，亦未聽過有學校出5篇咁多

作者: kirstyau 時間: 16-6-15 18:57 標題: 引用：我小朋友的小學唔係一間谷的學校，功課亦唔

原帖由 py84ko 於 16-06-14 發表
我小朋友的小學唔係一間谷的學校，功課亦唔算多，唔計改正，平均每日4-5樣功課，每年4次考試，沒有測驗，4 ...

在職家長？如果唔係低小應該唔洗補習，自己跟返，搵出問題所在，係老師教得唔好/平時會唔會夜訓冇精神聽書/上堂唔專心？功課自己跟貼，佢唔識唔明要解釋教到佢明，但又唔好講答案。

作者: py84ko 時間: 16-6-15 19:40 標題: 引用：回覆+py84ko+的帖子係直資？定私校？還是

原帖由 mayyylai 於 16-06-15 發表
回覆 py84ko 的帖子

係直資？定私校？還是津校？

我小朋友讀的普通津校，其實一年4考是好過三考又測驗，因為考試範也不多，亦没有測驗，亦不是一間谷的學校，功課只重質不重量，所以功課量唔多，老師亦重來冇push學生的，亦冇比壓力给家長。老師也叫我別將佢同其他同學比較，要同佢自己去比較，每個小朋友學習有快有慢，而我小朋友是慢的一個，比起上學期，但佢有進步，只是慢啲，不是完全冇進步過。

作者: py84ko 時間: 16-6-15 19:44 標題: 引用：我正想講，英文卷有5篇comprehension,+神校

原帖由 sissysze 於 16-06-15 發表
我正想講，英文卷有5篇comprehension, 神校？名校？正常都係3篇左右。係咪根本學校唔適合你小朋友？

...

我也覺得多的，不過今日再去學校了解，老師普遍出卷是這樣，而每篇也很短及大部份是MC題，只有一篇要答 short answer. 當然也不是神校！

作者: py84ko 時間: 16-6-15 19:49 標題: 引用：Quote:原帖由+py84ko+於+16-06-14+發表我小

原帖由 kirstyau 於 16-06-15 發表
在職家長？如果唔係低小應該唔洗補習，自己跟返，搵出問題所在，係老師教得唔好/平時會唔會夜訓冇精神聽書/ ...

上學期時，我仍然在職工作，直至今年4月開始冇返工，以為多咗D時間同佢溫習，跟功課，點知成績仲衰過我返工嗰陣時。至於補習……英文一向都有，中文及數學都是今年1月及4月才開始。

作者: little_yolky 時間: 16-6-15 20:53 標題: 引用：Quote:原帖由+kirstyau+於+16-06-15+發表在

原帖由 py84ko 於 16-06-15 發表
上學期時，我仍然在職工作，直至今年4月開始冇返工，以為多咗D時間同佢溫習，跟功課，點知成績仲衰過我返工 ...

你無返工係理想既開始。

我細女同妳女女好似，不過課程淺，所以無妳咁慘情。佢都係有說話問題，但我K3已經KO咗。說話改善以後她有自信話就多了。

另外我女女又係認唔到字。不過好彩佢地學校有網上閱讀練習，咁我哋唔太努力咁做，中文係明顯有改善的。

我哋學校都係無乜功課，本來4測2考，仲堅過你哋，上學期我真係差D發瘋，好彩下學期學校改了只有1測1考。問題係功課太少，我又無補習，所以佢唔夠熟練。同佢睇功課主要唔係改佢錯，而係要知佢錯乜。咁你可以base on佢既弱項，每禮拜俾一D相關練習佢做，英文文法熟能生巧。你哋閱讀理解咁多，教教佢underline重點字，幫助答題。慢慢來，一步步，暑假肯定能學到合格的。但要高分就要多花時間，學學上面JM教路。你先不要給自己壓力，雖然我知道很廢話，我自己當時都唔得，但我發現我笑哈哈，阿女係學得快一點的。

作者: haihaimom 時間: 16-6-15 21:28 標題: 回覆：py84ko 的帖子

聽過講座，語言遲緩係會影響文字理解。最常見既係單字認到，但併埋一齊就唔理解。有冇語言治療師跟緊？英文有冇學phonics？等佢有能力併讀生字，對英文閱讀好有幫助。家長真係要伴讀，選擇適合佢程度既中、英文書，淺啲冇所謂，至少每日中、英各15分鐘，一人讀一版，要好好利用今個暑假，一定可以進步的。

作者: py84ko 時間: 16-6-15 21:30 標題: 引用：Quote:原帖由+py84ko+於+16-06-15+發表上學

原帖由 little_yolky 於 16-06-15 發表
你無返工係理想既開始。

我細女同妳女女好似，不過課程淺，所以無妳咁慘情。佢都係有說話問題，但我K3已經 ...

可能我不懂用技巧去教導佢，我正諗緊方法去幫佢！

作者: py84ko 時間: 16-6-15 21:45 標題: 引用：聽過講座，語言遲緩係會影響文字理解。最常

原帖由 haihaimom 於 16-06-15 發表
聽過講座，語言遲緩係會影響文字理解。最常見既係單字認到，但併埋一齊就唔理解。有冇語言治療師跟緊？英文 ...

佢只是去學校提供言語治療服務咋！一個月只有一、兩次訓練，每次單對單訓練。

你講得冇錯，佢認讀到單字，但併埋一齊就唔明點解，這個是有言語障礙嘅小朋友特徵。

作者: stockmike 時間: 16-6-15 22:09 標題: 回覆：小一學術成績好差。

無論係唔係有學障，伴讀真係走唔甩。我之建議看故仔書係因為我相信孩子是喜歡故仔多過閱讀理解，進行時氣氛也較好及自然。先要訓練認字同唔怕多字，而理解方面就講番故事中的因果關係，等他多留意因果及故事中比喻。至於數學我話無得迫，係因為我試過教深少少數講極唔明，放棄後，一兩個月後我發現佢明咗。(我無任何數學補習的) ,我就諗如果我有補習，我一定歸功補習老師。由此推論，佢未開竅，佢腦重發育緊，在我的個人歸類，閱讀理解也得象。所以小一至二目標應該為認多啲字同唔怕看密麻麻的字，理解可放較後。如果有日仔女舉一反三，嗰日就係佢開始理解力開竅，到時著力 train 也不遲。

作者: py84ko 時間: 16-6-16 01:18 標題: 引用：Quote:原帖由+py84ko+於+16-06-15+發表上學

原帖由 little_yolky 於 16-06-15 發表
你無返工係理想既開始。

我細女同妳女女好似，不過課程淺，所以無妳咁慘情。佢都係有說話問題，但我K3已經 ...

其實冇返工是暫時性，只是身體問題迫於無奈要離開職場，不過返回職場都不是短時間之內，所以趁自己休養其間可以幫到佢就幫，因為得我一個人去處理佢學業，真的比較吃力。

作者: py84ko 時間: 16-6-16 01:56 標題: 回覆：小一學術成績好差。

今日派埋數學及常識卷回來，常識都keep住合格，又是供詞填充及答短題目因為筆劃寫錯而扣分，都是careless mistake多。而數學……佢真是跌得好甘，一條文字題也攞唔到分數，因為分數比例重，所以很能分（3x分），真的未試過咁低分，我也打去學校揾班主任去了解，她說普遍全班的數學科考得偏低，可能分卷真係出得深咗，因為唔係佢教數學，佢都要去了解咗先。仲叫我唔好因為咁灰心，佢話我小朋友其實有努力緊，尤其中、英文默書，下學期各共6次默書，頭各3次未合格過，只是4月開始至現在後各3次才合格，有7
x, 8x ,也有90分。見到佢真的有努力，覺得男孩子未開竅，比啲時間佢。

作者: little_yolky 時間: 16-6-16 08:43

py84ko 發表於 16-6-16 01:56
今日派埋數學及常識卷回來，常識都keep住合格，又是供詞填充及答短題目因為筆劃寫錯而扣分，都是careless m ...

最重要係學校無俾壓力你, 又唔駛你留班。唔知你係咩學校, 因為你一直強調無谷少功課, 但四考一學期6次默書, 仲甘過我學校。睇咗咁耐, 都係語文出問題啫, 包括數學, 因為主要錯文字題。我女小一時都試過文字題全抄, 但都只係16分無晒, 都未至於咁慘重, 所以, 你學校應該係偏深, 咁唯有俾D時間佢, 只要解決咗語文問題, 一切迎刃而解。不過要D時間囉, 可能要一兩年。伴讀時記得係讀, 唔好用口語翻譯返個故仔出嚟。

作者: ckh311 時間: 16-6-16 09:11 標題: 回覆：小一學術成績好差。

其實我小朋友都類似，英文就好少少，唔多使温都有8x分，但中文就真係攞我命，係屋企做練習，篤住佢逐個字讀，問題目問咩，一齊做就好d，但一考試，就題目都唔睇，自己盲中中做，雖然未唔合格，但都係得6字頭，閲讀理解又係，文章短就ok，但文章一長，又開始攪唔掂，佢話太多字，好難睇，唯有暑假再惡補下。但我覺得最緊要係建立佢地信心，多d鼓勵，等佢地唔好怕咗，我成日同佢講，唔使怕，有咩唔識，爸爸媽媽一齊教你一齊諗辦法解決，終有一日實會成功。加油呀，慢慢長路，唔好放棄

作者: tutik 時間: 16-6-16 09:15

本帖最後由 tutik 於 16-6-16 09:16 編輯

回覆 py84ko 的帖子

我見你情況有以下建議:
1. 在家教小朋友數學文字題，要佢大聲把題目讀一次，跟住問佢識唔識做(啲細路個個都話識但又做錯曬)，叫佢解比你聽，見佢有含糊地方，就口術幫下佢，噏完就開始寫横式...直式...答案..總結
大概你觀察到佢邊度 kick住，跟住就示範做一次題目畀佢睇，口噏噏咁比佢知道個思考形式。

2. 自制寫字簿(有筆順果啲)，派咗新書，中文大概已知詞彙。暑假每日寫十個，每個两次...自己睇情況。這方法升小一、二我都有做，之後太多字，我攪唔惦。

3. 唔建議初小補習，會佔滿晒啲休息時間，返到屋企呀媽又發功，邊應酬得咁多。且補習社幫佢又改又抄啲答案，邊睇到佢有乜唔識？平時功課、學習比考試時先黎谷係事半功倍。

作者: karen55407 時間: 16-6-16 09:30 標題: 回覆：小一學術成績好差。

會否是讀寫障礙或專注力不足

作者: haihaimom 時間: 16-6-16 09:41 標題: 回覆：py84ko 的帖子

介紹你睇青田出版社既彩虹系列，分紅橙黃綠青藍紫，每套有四本，可以按程度選，啲文章都幾有趣，每篇文章都有問題引度小朋友理解內容，好多中文考師推薦

作者: lui 時間: 16-6-16 10:41 標題: 引用：介紹你睇青田出版社既彩虹系列，分紅橙黃綠

原帖由 haihaimom 於 16-06-16 發表
介紹你睇青田出版社既彩虹系列，分紅橙黃綠青藍紫，每套有四本，可以按程度選，啲文章都幾有趣，每篇文章都 ...

而且價錢非常相宜

作者: bbq2008 時間: 16-6-16 11:32

回覆 haihaimom 的帖子

好書呀，幫到小朋友的，阿女幼稚園都係用呢個系列！

作者: 201097 時間: 16-6-16 12:06 標題: 回覆：bbq2008 的帖子

呢套for閱讀理解，只得文字，；而幼稚園嗰套係有字，有圖畫，有認字咭仔……兩套唔同

作者: piglet0529 時間: 16-6-16 12:23 標題: 引用：Quote:原帖由+Yanamami+於+16-06-14+發表本

原帖由 py84ko 於 16-06-14 發表
試卷派回來，中文科主要寫錯字多，有得抄也抄錯，全部衰哂閱讀理解。而英文佢完全唔明題目問乜嘢，另外全份 ...

建議你找協康會或邁步之類機構再做一次評估, CAC做的較鬆同埋K3仲細, 學障未必能於當時測出來

作者: HaYi 時間: 16-6-16 15:09

我識幾個有相似問題的, 1個有Delay(1年), 2個有學障 (中/ 英), 另外的有ADD/ADHD, 外表真冇問題, 因見一直都是改善不太到, 幸好學校(是不同校) 有安排如抽出來小班, 課後補課, 考試加時, 或接受以40分為合格 (正常班60), 所以都可以應付到, 只不過真要慢慢追. 但無一俾佢地留班, 我猜如留班可能相對會易追D.

作者: py84ko 時間: 16-6-16 21:41 標題: 回覆：小一學術成績好差。

多謝大家意見，我也得到不少你們的意見，畢竟只是一個小一生，黎緊9月讀小二，還有很長，很長的讀書生涯。暑假也會keep住中文補習，其餘兩科，反正自己冇返工，又冇暑期作業做，所以也會趁暑假幫佢打番好基礎。

作者: jollysandie 時間: 16-6-16 23:01

提示: 作者被禁止或刪除內容自動屏蔽

作者: py84ko 時間: 16-6-16 23:26 標題: 引用：Quote:py84ko+發表於+16-6-14+23:25+試卷派

原帖由 jollysandie 於 16-06-16 發表
係5係細仔……會難跟上！！

我小朋友唔係细仔，6月7歲了。可能是男仔，學習比女仔慢！

歡迎光臨教育王國 (/)