教育王國

標題: 補習老師一問 [打印本頁]

作者: mypineapple 時間: 16-6-14 17:27 標題: 補習老師一問

一般補習老師會自己出練習和上堂教議？還是用出面買的練習？

作者: shanshankakamum 時間: 16-6-14 19:16

回覆 mypineapple 的帖子

以前請的補習姐姐(大學生)會幫手買坊間練習教做，現在請的補習老師(學校老師)會提供練習和筆記，教材較多，但也有時教做她推薦是好的坊間練習。

作者: mypineapple 時間: 16-6-15 15:29 標題: 回覆：shanshankakamum 的帖子

補完有好大進步？

作者: Abibe 時間: 16-6-15 17:31

提示: 作者被禁止或刪除內容自動屏蔽

作者: mypineapple 時間: 16-6-15 23:02 標題: 回覆：Abibe 的帖子

補習老師有時間先會出練習？我係担心老師無料先買坊間練習

作者: yukyanchan0412 時間: 16-6-15 23:24

自己出都未必出得好. 最終都係睇個老師功力.

作者: karenhoshan 時間: 16-6-19 16:13 標題: 回覆：補習老師一問

睇下補咩科啦，有時坊間練習都好多元化同有唔同題型，都岩補習用。但有d學校係學校自己出教材，坊間無咩練習岩用，同埋學生用坊間練習溫習未係最effective，我就會自己出練習同工作紙。至於係咪自己出練習，未必反映到個老師本身有無料既，有時出哂一堂既教材+練習+功課可能已經用左超過2個鐘私人時間，如果成堂都係要用老師出既教材，可能個學費好非常貴了！

作者: mypineapple 時間: 16-6-20 09:56 標題: 回覆：karenhoshan 的帖子

咁又係～
練習係其次，老師有無料最重要

作者: IloveJJ 時間: 16-6-20 10:09 標題: 引用：咁又係～練習係其次，+老師有無料最重要 +

提示: 作者被禁止或刪除內容自動屏蔽

作者: mypineapple 時間: 16-6-20 11:59 標題: 回覆：IloveJJ 的帖子

如果補英文，可要求老師全程用英文教授，這要求唔過份吧？

作者: momama 時間: 16-6-20 12:57 標題: 回覆：補習老師一問

其實教得明白重要過做練習！小小分享，以前教會考數，我只用教科書及past paper; 平時學校d功課，錯完、教過、再做、再錯，即係未明啦，咁我就再教；遅d又再做，直到完全明白。

作者: mypineapple 時間: 16-6-20 13:09 標題: 回覆：momama 的帖子

如果真係唔明，去到考試會繼續唔明

作者: karenhoshan 時間: 16-6-21 00:24 標題: 回覆：mypineapple 的帖子

你可有此要求，但最好一開始已經表明此要求，令老師同學生都習慣呢個溝通模式。不過有時老師認為學生有呢個需要，都有機會會用多d英文去同小朋友溝通，唔需要你主動要求既，大前提係學生適應到，同埋喜歡呢個學習方法。我都有教過學生係全英上堂，雖然家長一開始無呢個要求，但我學生係吸取能力都快，我就慢慢加多d英文，一開始都係會加d中文解釋幫手，直至學生慢慢適應，我就全英上堂，大前提係學生真係適應到同明白講緊d咩。如果學生係好細個既小朋友，用遊戲方法慢慢配合，好快就投入到。睇下你要全英上堂係aim d咩，如果你aim補oral同listening，想佢聽多d, 講多d, 全英可能會有d幫助。但如果你aim補grammar呀、補作文呀，對部分學生來講，本身覺得全英對答好難好辛苦，用仲要佢聽英文來學grammar, 聽又聽唔明，愈學愈無心機，到頭來學習動機可能仲差左。所以全英教學都要睇下你個expectation係d咩，有好有唔好～

作者: mypineapple 時間: 16-6-21 07:20 標題: 回覆：karenhoshan 的帖子

我諗住首先執文法，之後再執聆聽說話

作者: babywoman 時間: 16-6-21 09:38 標題: 回覆：mypineapple 的帖子

執文法，估計配合廣東話好啲。
我自已教仔文法。聆聽及説話就交俾外籍老師。

作者: mypineapple 時間: 16-6-21 11:43 標題: 回覆：babywoman 的帖子

外籍老師1:1嗎？

歡迎光臨教育王國 (/)