教育王國

標題: 鬥志是如何煉成的（李臻） [打印本頁]

作者: elbar 時間: 16-6-14 14:55 標題: 鬥志是如何煉成的（李臻）

在茶餐廳午飯，無心聽到鄰座幾位穿著時髦的太太對話。太太A說，老師要求兒子剪髮，說再不剪就在手冊打個大交叉：「傻的嗎？學校正考試，哪有時間剪髮？要打交叉便打吧……」太太B就說：「老師連頭髮長短也要管？很多時間嗎？」太太C也有道理：「老師都是打工，按校長風格辦事。校長頗為嚴肅傳統……」

難得幾位太太明白事理，相信她們的孩子應該不會被迫出情緒問題。但很多家長不是這樣，而是既敬畏又害怕權威。他們教導孩子時，是以學校和其他家長的意見，而不是以孩子的意願來出發。不是說反叛頑皮是美德，只是太嚴太緊迫的教育方式也未必適合這個年頭。特別是還聽到很多家長認為，考試測驗成績才是重中之重，成績好才有望成為專業人士，過穩定舒適的生活。但事情是這樣簡單嗎？

最近流行說Grit(鬥心或意志力)才是成功的關鍵，但孩子要有高的grit scale，不是IQ高、聽聽話話、做好功課和多補習就可以，而是要真正找到自己熱愛的事物，和鍛練出堅毅的性格。父母嚴格要求的同時，更重要是有充足的情緒支援，讓孩子真切感受到愛與溫暖，才能捱過艱苦的磨鍊。另一方面，家長應充分尊重孩子，當他們有能力做決定時，就盡早多讓他們做決定，不要怕失敗。這樣他們才會義無反顧地為理想付出和犧牲，成功機會才會高。

事無大小都過問嚴管，又要子女將來要做乜師物師，是否就能為他們帶來美好的未來？值得想想。

作者: Jane1983 時間: 16-6-14 19:25

盲撐仔女吾剪頭髮，同培育grit有乜關係呀？

如果學校校規有規定，叫小朋友為儀容剪個頭髮咁小事，家長都同個仔講「吾使理佢」，咁點搞呀。

作者: skkeung 時間: 16-6-14 20:01 標題: 引用：在茶餐廳午飯，無心聽到鄰座幾位穿著時髦的

原帖由 elbar 於 16-06-14 發表
在茶餐廳午飯，無心聽到鄰座幾位穿著時髦的太太對話。太太A說，老師要求兒子剪髮，說再不剪就在手冊打個大 ...

道理常道，多少人能做到！

作者: talknwrite 時間: 16-6-14 20:04

依家D細路鬥志十足, 還需鍛鍊嗎!
細路見到心愛東西, 阿媽話唔買, 就大吵大鬧大喊, 死都要買, 一定要鬥贏阿媽.
唔交功課, 話唔交就唔交, 死都唔做, 鬥到畢業都得.
唔讀書, 話唔讀就唔讀,
打機不眠不休, 仲唔係鬥志爆棚 .
跟老師父母頂嘴, 死都唔認衰. 鬥志可嘉.

頂級鬥志就係咁煉成

作者: hkpapa852 時間: 16-6-15 12:03

elbar 發表於 16-6-14 14:55
在茶餐廳午飯，無心聽到鄰座幾位穿著時髦的太太對話。太太A說，老師要求兒子剪髮，說再不剪就在手冊打個大 ...

可能李臻的小孩還小, 很多事情未瞭解, 才會有呢番感受.
從他這篇文章, 我我感受到的, 郤是另一回事: 幾個自我中心, 對孩子個份保護的港媽

香港小學, 一般考試都只係3-4日, 學校一般都唔會係呢幾日要求學生做D特別嘢, 如果學校覺得小朋友儀容有問題, 學校一定會通知家長在一定時間內處理, 不會要求"馬上/立刻"處理, 更絕對唔會係測考時提出呢D要求.

所以對呢幾個港媽話學校在考試期要求, 本身我已經好有懷疑了. 而且, 考試只得個3/4日, 之後馬上處理, 相信學校亦不會不允許.

我亦相信, 香港大多數學校, 對學生儀容都有要求, 而且到非不得而, 亦不會"要求"家長去處理吧! 呢D反而可能係呢幾位港媽做成既問題 (可能過去一直無視學校既要求).

加上, 學校亦有學校規舉, 孩子亦需學習遵守. 阿媽帶頭叫兒子唔守, 又是一個好榜樣嗎?

放手還是縱容, 只差一線.

作者: Wonderlady 時間: 16-6-15 17:24 標題: 回覆：鬥志是如何煉成的（李臻）

個例子用得怪怪的。

作者: ABC-DAD 時間: 16-6-15 19:33

本帖最後由 ABC-DAD 於 16-6-15 22:32 編輯

標題講培養鬥志，骨子裡宣揚無理抗爭，好心少啲post呢啲糖衣毒藥嘅所謂教育專欄啦。所謂家長對話，任你點寫，鬥志如何練成？盲撐就係優秀出眾青年？未來棟樑？連方圓規（矩）分寸都莫視，同盲頭烏蠅有幾大分別？

作者: dse2017 時間: 16-6-16 02:44

提示: 作者被禁止或刪除內容自動屏蔽

歡迎光臨教育王國 (/)