教育王國

標題: 小學升中分Banding機制: 弱勢學校的困局 [打印本頁]

---

作者: hkpapa852    時間: 16-6-13 13:52     標題: 小學升中分Banding機制: 弱勢學校的困局



我所謂的「弱勢學校」，是指小學的小六畢業生能夠升讀B1中學比例較低的小學。

何謂我眼中的B1中學？可以參考這個帖的資料：
http://www.edu-kingdom.com/forum.php?mod=viewthread&tid=3241251

每年升小一，最後總有一批家長，自願或無奈地讓子女入讀這些「弱勢學校」，而我絕對相信「弱勢學校」有不少優點，例如對學生既關愛、功課量，都可能比地區一線小學，甚至名校做得更好。

我出這文的主因，是希望提醒家長一件事：「弱勢學校」在現行升中派位制度上所遇到的問題。

不少家長可能會認為，只要自己努力，找到一間適合小朋友既學校，不管是否「弱勢學校」，日後升中時只要做到第一組別學生(即坊間俗稱B1學生)便一樣可以容易入到較理想的中學。

可惜，這個想法在現行的升中派位制度，並不完全正確，甚至極難實現；因為現行升中派位制度，主要不是按照現有學生能力來為他們分配Banding，而是按照學校以前畢業生在「中一入學前香港學科測驗」(簡稱HKAT或Pre-S1) 的公開考試中的表現來決定。

現有小學升中機制運作大致如下：
1. 每次的雙數年 (如2010，2012)，當年小六畢業生在升中派位後一星期左右，便要在派獲/考獲的中學(直資和官津中學都要)參加「中一入學前香港學科測驗」 (簡稱HKAT或Pre-S1)。中學一般以考試成績為小一學生作分班之用，EDB就會收集此成績，用作計算各小學日後學生的banding歸屬。

   其實關於Pre-S1的安排，個人認為亦衍生了以下幾個問題：
   a. 派位後一星期便考試，如派位不理想，那叩門應該還未有結果，考生會以甚麼心態去考試呢？
   b. 雖然說Pre-S1用作中學分班試（也有中學不以此考試分班），但到底學生會有多盡力去考一個對他們沒有太大影響既試呢？

2. 學生在小五下學期，到小六上學期至學期中會有3次呈分考試 (其實亦是校內試)。每次呈分考試完成後，學校會將學生各科成績輸入EDB統一的呈分系統，系統就自動會為學生定出校內的呈分排名；

3. 教育局收到該小學校內呈分排名後，會再參照該小學畢業生對上兩次的Pre-S1成績，將相關名次的Pre-S1調整分配對予該小學的所有學生；EDB會對全港有呈分的小學作出相同運作，詳情可參考EDB的升中資料：2016升中派位組別分配解說 (Video)

3. 如是者，每次呈分後，教育局內部會定出了一個全港學生次弟(即全港性排名)和地區次第(即地區性排名)，然後再按次弟的優先序為全港學生定出全港性banding和地區性banding。

4. 因此，在弱勢學校中，由於過往畢業生在Pre-S1既成績較不理想，結果Pre-S1調整分會較差，導致學生能分配入B1組別機會降低，最後出現的結果是，能在升中時派獲坊間所謂B1中學的學生的比例亦會很低。

5. 結果，現在學生無論幾努力，都無法改變先天因素的影響(前人Pre-S1成績不理想)，全港/地區排名依然會是較低，即B1比例依然偏低。

除非該小學既學生在往後兩次的Pre-S1考得好成績，或同區其他小學都考得差，否則學校的banding比例好難會有改善。因要等到2次Pre-S1才有較明顯的結果，所以即是要等至少3年(因Pre-S1只在雙數年考)，即有三屆家長願意留守在「弱勢學校」，為學校爭取好的Pre-S1成績。

但，又會有多少家長願意呢? 所以不少子女就讀弱勢學校的家長，最終都會選擇中途跳船。結果，弱勢學校就像跌入一個無盡的循環。

正因升中制度目前是這樣安排，結果容易做成「強校越強，弱校越弱」這個惡性循環，甚至可以說是把小學升中的表現，推向一個「世襲」的模式。

我再重申一次，這篇文章的目的不是鼓勵大家不要讀一間你認為適合子女的「弱勢學校」，只是想提醒家長，如果子女在弱勢學校升學，應早點為日後升中作好準備，不要一廂情願以為，選到合適學校，做好自己就足夠了。

---

作者: hkpapa852    時間: 16-6-13 13:53



其餘值得參考既資料：

1. 升中派位組別分配只按前人成績的"不公平"問題:
    參考番過往政府既資料, 其實政府同教育局係當年推教改時都認同有"公平"呢個問題, 但都係無去處理和跟進:
http://www.info.gov.hk/gia/general/200503/16/03160199.htm

2. 新開辦小學既Banding分佈是如何呢？好多人話係每個Band各佔1/3 ，其實係一個以訛傳訛既講法（至少EDB無話過會係），係EDB既升中派位FAQ其實有答案：
http://www.edb.gov.hk/attachment/tc/edu-system/primary-secondary/spa-systems/secondary-spa/general-info/SSPA_QA_2014-16_c_Final.pdf

可以參考P.3問答(一), 以下是節錄相關資料:

問(1)	教育局如何調整學生的校內成績？
答(1)	2014/2016派位年度的統一派位採用學校在2014/2016派位年度的統一派位採用學校在2012年及2014年「中一入學前香港學科測驗」抽樣所得的平均成績作為調整工具。那些沒有2012年或2014年「中一入學前香港學科測驗」抽樣成績的小學（如新校），會以該校所屬學校網內所有小學在該年度有關測驗的平均成績作調整。

用平均成績去計點解每個band會唔係1/3? 去呢度睇吓個舉例:
http://www.edu-kingdom.com/forum.php?mod=redirect&goto=findpost&ptid=3279383&pid=43009566&fromuid=1389083

但如果用另一種計法, 又會變到係1/3, 參考吓:
http://www.edu-kingdom.com/forum.php?mod=redirect&goto=findpost&ptid=3279383&pid=43011072&fromuid=1389083

邊種方法先啱? 我唔知, 只有EDB知. 但如果一定係1/3, 我會頃向相信EDB直接話係1/3, 唔會話用"平均成績作調整"。

---

作者: 妹妹頭    時間: 16-6-13 13:59

回覆 hkpapa852 的帖子

想問問, 小女9月升小五, 即係佢係跟據今年9月升中果班師兄師姐PRE-S1成績去排次第?

---

作者: hkpapa852    時間: 16-6-13 14:01

妹妹頭 發表於 16-6-13 13:59
回覆 hkpapa852 的帖子

想問問, 小女9月升小五, 即係佢係跟據今年9月升中果班師兄師姐PRE-S1成績去排次第? ...

係根2014年畢業生同今年畢業生(2016年畢業生既Pre-S1在今年7月12日考)既Pre-S1成績去排名

---

作者: sissysze    時間: 16-6-13 14:03     標題: 回覆：小學升中分Banding機制: 弱勢學校的困局

---

作者: 妹妹頭    時間: 16-6-13 14:04

回覆 hkpapa852 的帖子

咁即係下年畢業果一屆唔駛考PRE-S1 ??  

---

作者: erniewellie    時間: 16-6-13 14:09     標題: 回覆：小學升中分Banding機制: 弱勢學校的困局

又一傑作！

---

作者: lovecupid    時間: 16-6-13 14:11

妹妹頭 發表於 16-6-13 14:04
回覆 hkpapa852 的帖子

咁即係下年畢業果一屆唔駛考PRE-S1 ??

2016小六畢業的要考，2017不用考...2018要考...2019不用考...

其實EDB都有咁樣講過

一名學生如果轉讀一間派位成績較好的小學，是否有較佳的機會取得較好的派位組別？

學生的派位組別跟他／她經調整後的校內成績有關，所以，即使學生成功轉入一間成績較好的小學，他／她亦必須努力獲取優異的校內成績，方可取得較高的派位組別。在一 間成績較好的小學就讀，競爭一般較大，要獲得較高的校內名次，難度亦相對增加。所 以，家長應為子女選擇一間適合他／她程度和性向的學校。

---

作者: hkpapa852    時間: 16-6-13 14:12

妹妹頭 發表於 16-6-13 14:04
回覆 hkpapa852 的帖子

咁即係下年畢業果一屆唔駛考PRE-S1 ??

考唔考係中學決定, 但EDB只會收集雙數年既Pre-S1成績.
不過考試局年年都有出Pre-S1模擬試卷

---

作者: Yanamami    時間: 16-6-13 14:17

唔好－廂情願以為做好自己就得……禁仲有乜野可以做？

---

作者: mcl203    時間: 16-6-13 14:18     標題: 回覆：hkpapa852 的帖子

仲要睇下間學校有無運仔，即係有批學生會讀到尾，成績係好好既，但佢係2013 / 2015年P6畢業，都幫唔到學校改善Banding

---

作者: hkpapa852    時間: 16-6-13 14:21

Yanamami 發表於 16-6-13 14:17
唔好－廂情願以為做好自己就得……禁仲有乜野可以做？

係弱勢學校, 成績再好如果靠派位都係無乜運行, 早D操Fit D搏考到直資會好D

---

作者: Yanamami    時間: 16-6-13 14:27

hkpapa852 發表於 16-6-13 14:21
係弱勢學校, 成績再好如果靠派位都係無乜運行, 早D操Fit D搏考到直資會好D

直資咪－样睇小学？弱勢小学頂多收級－……即係係果d全級得幾个係band1学生既弱勢小学，必須成為級－再加突異功能……

---

作者: mcl203    時間: 16-6-13 14:28     標題: 引用：唔好－廂情願以為做好自己就得……禁仲有乜

原帖由 Yanamami 於 16-06-13 發表
唔好－廂情願以為做好自己就得……禁仲有乜野可以做？

最近有網友又提出條條大路通羅馬論，小學部署可以睇到幾遠既巴閉論? 真係要睇唔同家長心態，為子女選擇適合路行

---

作者: zanezane    時間: 16-6-13 14:31

係制度唔變下，入"弱勢學校"真係幾不利。
要靠師兄師姊pre-s1, 考果批小朋友考黎又唔關自己事，真係有d唔合理。

---

作者: karen55407    時間: 16-6-13 14:35     標題: 回覆：小學升中分Banding機制: 弱勢學校的困局

抵錫

---

作者: Bobo1210    時間: 16-6-13 14:39



回覆 hkpapa852 的帖子

恩 多謝分享 弱勢學校始終學術弱些 就算升band 1 中 都怕跟不上學業

---

作者: kirstyau    時間: 16-6-13 14:52

小池大魚, 最驚第日去到中學先發現跟唔到出面大池!

---

作者: lovecupid    時間: 16-6-13 14:53

基本上寶校上位難過登天
正所謂跌落嚟好易，爬上去就好難

因為學校兩極化已經出現咗，這個影響學校派位的考試，只會令學校跌band，不會升band…..

總不會一線小學跌band…..除非校長退休，換了個百興俱廢的校長，令家長失信心….老師無心教書，成日請假搵代課行行企企……學生家長又甩甩漏漏唔跟…..再收生率下跌……

嘩….真係跌咗架飛機落學校都無咁易……


寶校上位…..最經典係「鮮魚行」….奇蹟

但現實世界，學校想谷，學生要受得住，家長要肯郁先得….

---

作者: Yanamami    時間: 16-6-13 14:53

根本就同貧富懸殊－样禁無得搞~貧者愈貧、富者愈富……

---

作者: hkpapa852    時間: 16-6-13 15:09

Yanamami 發表於 16-6-13 14:27
直資咪－样睇小学？弱勢小学頂多收級－……即係係果d全級得幾个係band1学生既弱勢小学，必須成為級－再加突 ...

聽聞.... 有某一兩間著重語力能力多D.... 不過當然成績都唔可以太差

---

作者: kk80400    時間: 16-6-13 15:10

有時有d攻略係甘, 原本讀緊一線小學, 但係排名唔多理想

家長就係(情)分試前幫小朋友轉校

變咗....小朋友係班別考第1, 最後入到band 1中學

---

作者: hkpapa852    時間: 16-6-13 15:18

kk80400 發表於 16-6-13 15:10
有時有d攻略係甘, 原本讀緊一線小學, 但係排名唔多理想

家長就係(情)分試前幫小朋友轉校

都要選啱學校先得, 否則, 去咗一間比想像中強既學校, 小朋友又係去到中游, 結果都係得個攪自, 仲可能子孫日後繼承名校世襲位呢個權利..... 去到一間太弱既學校, 除非真係做到級一, 否則去到一間級三都唔係B1既學校做咗級二級三, 你都咪話唔煩!

---

作者: Yanamami    時間: 16-6-13 15:28

hkpapa852 發表於 16-6-13 15:09
聽聞.... 有某一兩間著重語力能力多D.... 不過當然成績都唔可以太差

我有d疑问……如父母有能栽培到小朋友有过人既語文能力，点会入弱校？点都会考直私吧,叩门都叩走~就算係黑过墨斗入左，点都会插小二去番其他学校吧~点会留到P5?

---

作者: siukitty    時間: 16-6-13 15:35

但弱校仍有佢存在價值！因不是所有人適合名校，各有各市場

---

作者: peggy    時間: 16-6-13 15:40

妹妹頭 發表於 16-6-13 14:04
回覆 hkpapa852 的帖子

咁即係下年畢業果一屆唔駛考PRE-S1 ??

YES, 但有D中學會用PRE-S1作分班試, 而B1中學通常會自己出試卷考分班試

---

作者: hippoo    時間: 16-6-13 15:41

erniewellie 發表於 16-6-13 14:09
又一傑作！

---

作者: MC1128    時間: 16-6-13 15:43

hkpapa852 發表於 16-6-13 13:52
我所謂既"弱勢學校", 係指小學既小六畢業生能夠升讀B1中學比例較低既小學.
何謂我眼中既B1中學, 可以參考吓 ...

樓主:

真心相信你出於好意發此帖, 但擔心, 效果是負面大於正面, 不符你原來的良好意願。部分家長網友可能解讀為: 一入弱校, 便無前途, 結果為逃離「弱校」, 叩門叩十幾廿間, 真心覺得大人小孩都疲累。

---

作者: hkpapa852    時間: 16-6-13 15:50

MC1128 發表於 16-6-13 15:43
樓主:

真心相信你出於好意發此帖, 但擔心, 效果是負面大於正面, 不符你原來的良好意願。部分家長網友可能 ...

呢點出呢個帖之前亦已諗過, 不過, 就算唔出呢個帖, 我相信要叩門的還是會繼續叩.

只係眼見近年不少原本係"弱勢學校"忽然升呢, 甚至變埋區內"熱門學校", 加上部份唔知係咪"家長"既會員不斷唱好, 所以想提醒大家, 選校要自己諗清諗楚, 無謂要個小朋友讀咗5/6年後嚟後悔.

更期望的, 多D家長早D瞭解制度上既問題, 或者有多D人會聚集一起要求EDB正視問題. (可能想得太遠了!)

---

作者: miriam    時間: 16-6-13 15:52

弱校點解好難改變係有原因, 學生初小時成績好既會轉去更好既學校就讀, 變相去到高小時能力好既已轉校, 剩返既能力普通或再差............

---

作者: miriam    時間: 16-6-13 15:54

Yanamami 發表於 16-6-13 15:28
我有d疑问……如父母有能栽培到小朋友有过人既語文能力，点会入弱校？点都会考直私吧,叩门都叩走~就算係黑 ...

大抽獎時中左, 又叩門不成都要入讀架, 有能力者咪初小時轉晒校囉.

---

作者: miriam    時間: 16-6-13 15:56

hkpapa852 發表於 16-6-13 15:50
呢點出呢個帖之前亦已諗過, 不過, 就算唔出呢個帖, 我相信要叩門的還是會繼續叩.

只係眼見近年不少原本係 ...

講出事實會中箭架...............我都選擇性地封口不談.

---

作者: littlefaith    時間: 16-6-13 15:56

miriam 發表於 16-6-13 15:52
弱校點解好難改變係有原因, 學生初小時成績好既會轉去更好既學校就讀, 變相去到高小時能力好既已轉校, 剩返 ...

呢個亦間接解釋咗點解名校就算師資一般，仍可以一直保持強勢，道理好簡單：不斷汰弱留強，不斷收其他學校尖子，如此，差極都有個譜。

---

作者: miriam    時間: 16-6-13 16:06

littlefaith 發表於 16-6-13 15:56
呢個亦間接解釋咗點解名校就算師資一般，仍可以一直保持強勢，道理好簡單：不斷汰弱留強，不斷收其他學校 ...

識人小朋友因轉校份左寶校, 曾去我囡學校插班但唔成功, 學期尾去稍次既小學即成功, 所以該寶校少左一位有能力既學生.

---

作者: www    時間: 16-6-13 16:16

lovecupid 發表於 16-6-13 14:11
一名學生如果轉讀一間派位成績較好的小學，是否有較佳的機會取得較好的派位組別？

學生的派位組別跟他／她經調整後的校內成績有關，所以，即使學生成功轉入一間成績較好的小學，他／她亦必須努力獲取優異的校內成績，方可取得較高的派位組別。在一 間成績較好的小學就讀，競爭一般較大，要獲得較高的校內名次，難度亦相對增加。所以，家長應為子女選擇一間適合他／她程度和性向的學校。

也有道理。

弱校較少Band1位，但較容易取得較高的校內名次。

強校較多Band1位，但同時較難取得較高的校內名次。

e.g. 弱校要全級頭50名才算Band 1，強校全級頭100名已算Band 1。但在弱校考的頭50名，可能比在強校考的頭100名容易。

---

作者: lovecupid    時間: 16-6-13 16:19

www 發表於 16-6-13 16:16
也有道理。

弱校較少Band1位，但較容易取得較高的校內名次。

這個是教育局中一學位分配辦法的其中一條常見問題啊.....

---

作者: www    時間: 16-6-13 16:22

MC1128 發表於 16-6-13 15:43
樓主:
真心相信你出於好意發此帖, 但擔心, 效果是負面大於正面, 不符你原來的良好意願。部分家長網友可能解讀為: 一入弱校, 便無前途, 結果為逃離「弱校」, 叩門叩十幾廿間, 真心覺得大人小孩都疲累。

不必過分憂慮，樓主出唔出帖，要叩門離開寶校的家長都會照叩門。

不信？你可出一帖說說「讀寶校的種種好處」，試試家長們會否立即停止叩門。

---

作者: Lsm948    時間: 16-6-13 16:36     標題: 引用：+本帖最後由+www+於+16-6-13+16:17+編輯+\

原帖由 www 於 16-06-13 發表
本帖最後由 www 於 16-6-13 16:17 編輯

有啲弱勢學校只有一班或兩班，可能一級只有約50人，要考級一，可能最多級5先可以去到band 1,就算係弱勢學校，考頭級5內都好大壓力！

---

作者: hkpapa852    時間: 16-6-13 17:01

Lsm948 發表於 16-6-13 16:36
有啲弱勢學校只有一班或兩班，可能一級只有約50人，要考級一，可能最多級5先可以去到band 1,就算係弱勢學校 ...

最弱的學校見過有以下幾間:

1. 港島某小學一級27人, 只有2個派到B1中學
2. 九龍B1中學學額最高既中學區某兩間小學一級27/28人, 只有3-4個派到B1中學
3. 九龍另一區某小學, 近3年前一級6X人, 每年只有不多於5人派到/考入B1中學

自己計吓, 弱校可以有幾弱

---

作者: hkpapa852    時間: 16-6-13 17:06

hkpapa852 發表於 16-6-13 17:01
最弱的學校見過有以下幾間:

1. 港島某小學一級27人, 只有2個派到B1中學

Soundervolt 有一間將會停辦...

我講嗰幾間, 已經未計將會停辦個間..... 事實上將會停辦個間既B1比例, 係統計上發現原來唔係最差, 同區差過佢既仲有好幾間......

---

作者: 夏日麼麼茶    時間: 16-6-13 17:16     標題: 回覆：小學升中分Banding機制: 弱勢學校的困局

好有用嘅資訊…

---

作者: babieblue    時間: 16-6-13 17:17     標題: 引用：+本帖最後由+hkpapa852+於+16-6-13+15:52+

原帖由 hkpapa852 於 16-06-13 發表
本帖最後由 hkpapa852 於 16-6-13 15:52 編輯

"多D家長早D瞭解制度上既問題, 或者有多D人會聚集一起要求EDB正視問題"

---

作者: babieblue    時間: 16-6-13 17:20     標題: 回覆：小學升中分Banding機制: 弱勢學校的困局

認同制度問題令富者越富貧者越貧，如果改返做統一公開考試形式，自己成績自己負責，反而可能有機會令弱校翻身

---

作者: hkpapa852    時間: 16-6-13 17:24

babieblue 發表於 16-6-13 17:20
認同制度問題令富者越富貧者越貧，如果改返做統一公開考試形式，自己成績自己負責，反而可能有機會令弱校翻 ...

我都認為咁樣係好D, 自己Banding自己負責, 不過一樣會有大批家長話唔應該一試定生死, 甚麼加大小學生考試壓力之類既反對意見 (唔通呈分三次壓力真係會細D?).....

---

作者: 夏日麼麼茶    時間: 16-6-13 17:32     標題: 回覆：小學升中分Banding機制: 弱勢學校的困局

我記得我細個時有考學能測驗，果個試都喺有呈分作用?是否學能測驗好啲?

---

作者: babieblue    時間: 16-6-13 17:33     標題: 引用：+本帖最後由+hkpapa852+於+16-6-13+17:25+

原帖由 hkpapa852 於 16-06-13 發表
本帖最後由 hkpapa852 於 16-6-13 17:25 編輯

...咁變成三次公開考試，統一試卷，全港一齊拉curve 評分，個人感覺反而公平D。
其實都明白一定極大阻力

---

作者: hkpapa852    時間: 16-6-13 17:34

夏日麼麼茶 發表於 16-6-13 17:32
我記得我細個時有考學能測驗，果個試都喺有呈分作用?是否學能測驗好啲?



  ...

學校測試其實類似依家Pre-S1, 但其實都要參考五年班同六年班既校內成績. 不過都算係只係自己Banding自己負責.

我諗依家仲係度浦既家長, 應該無乜幾多個會參加過升中試 (1977年已取消).

---

作者: 夏日麼麼茶    時間: 16-6-13 17:35     標題: 回覆：小學升中分Banding機制: 弱勢學校的困局

轉網又有啲咩影響?有啲又話可能升band或跌band?是否同弱強學校有關係?

---

作者: cattz288    時間: 16-6-13 17:39

夏日麼麼茶 發表於 16-6-13 17:32
我記得我細個時有考學能測驗，果個試都喺有呈分作用?是否學能測驗好啲?



  ...

我記得學能試都係睇分banding, 結果派位都係大抽獎!

---

作者: lovecupid    時間: 16-6-13 17:41



寧為雞咀、莫為牛後。寶校好處多

花生友真人．真事．親眼看見

乖學生一定是你
只要你正正常常，肯交齊功課回條飯錢支票….已是老師心目的勤力乖學生…並會特別坐在老師正前面，甚麼班長行長科長風紀午膳大使清潔糾察圖書館理員升旗手都是你……年尾優點多到寫唔晒

好成績 好easy，自信返晒嚟
老師還是要教書的，可能教學方法比較單向，又或管理課室秩序已心力交瘁。功課嘅嘢，在寶校環境，交唔交都已經無咩所謂，最緊要你仲記得帶，仲肯交返本空白功課出嚟，湊齊人數就得。考試默書功課都少好多，唔駛12樣。。。輕輕鬆鬆無壓力又一day…..仲有時間去學琴練體操添

培養超強的愛心和忍耐力
寶校的SEN學生人數比較多，老師會搵啲醒目啲的同學照顧他們，幫他們收拾書包、寫家課冊，帶他們進出班房，需要有無比愛心耐性。學習對人處事、得到寶貴經驗。

家教會主席非你莫屬
寶校家長都忙於搵食，人哋真係手停口停，邊個得鬼閒去學校做午膳姨姨、故事姨姨呢啲咁有愛心的工作，更甚至比人大政協更有權勢的家長教師會主席？家教會主席未至能呼風喚雨，至少老師們都對　貴子弟留三分薄面。全班罰抄都應可以唯獨你唔駛交。

學校大量活動推薦你
最出名當然是「成長的天空」計劃，真係又多內容活動、又好玩、又有得宿營，最要係一蚊都唔駛。另外你咁乖，阿媽又係家教會主席，甚麼外出參觀活動、成績好去廸士尼，點會無你份？！

參賽證書都當冠軍
有學生肯出去參加比賽，老師已經想攬住你錫兩啖。無冠亞季金銀銅獎唔緊要。甚麼校際音樂節、朗誦節。。。有張參賽證書攞返學校已經好威水！

平實樸素，與世無爭
都話家長們忙於搵食，邊有閒錢買貴價文具？大家都平平實實中華牌鉛筆唔駛煩。人人無比較，精神滿足才是真正的滿足！

---

作者: hkpapa852    時間: 16-6-13 17:42

夏日麼麼茶 發表於 16-6-13 17:35
轉網又有啲咩影響?有啲又話可能升band或跌band?是否同弱強學校有關係?

我試吓舉個假設:

假設校網A, 全區小學學生Pre-S1平均分為80, 校網B既平均分係75.

理論上校網A應該強過校網B, 但校網A弱校學生平均分可能得70, 咁如果該校學生轉網, 咁好大機會低過人地校網既平均分.....

---

作者: 夏日麼麼茶    時間: 16-6-13 17:50     標題: 引用：Quote:夏日麼麼茶+發表於+16-6-13+17:35+轉

原帖由 hkpapa852 於 16-06-13 發表
我試吓舉個假設:

假設校網A, 全區小學學生Pre-S1平均分為80, 校網B既平均分係75.

咁呢個案例，轉唔轉都低過人。即喺成日聽人講嘅邊沿人，如果A網低於平均分嘅78分，轉去B網就會變成高於平均分嘅75分，即喺升咗呢?

---

作者: 夏日麼麼茶    時間: 16-6-13 17:55     標題: 回覆：小學升中分Banding機制: 弱勢學校的困局

但係又實在太難預計，我地點知甲綱同乙網嘅平均分喺幾多呢？同埋上年又可能唔同今年?莫非要派彩時才知曉? 唔好意思咁多問題

---

作者: Tophand8899    時間: 16-6-13 18:02     標題: 回覆：小學升中分Banding機制: 弱勢學校的困局

響香港讀小學，幾好成績都唔自己嘅成績，pre s1 用嚟計咪失敗咯，大把學生Hea考

---

作者: hkpapa852    時間: 16-6-13 18:03

夏日麼麼茶 發表於 16-6-13 17:50
咁呢個案例，轉唔轉都低過人。即喺成日聽人講嘅邊沿人，如果A網低於平均分嘅78分，轉去B網就會變成高於平均 ...

其實我個例子唔係咁好, 我再諗吓點樣講會好D.....

---

作者: hkpapa852    時間: 16-6-13 18:07

Tophand8899 發表於 16-6-13 18:02
響香港讀小學，幾好成績都唔自己嘅成績，pre s1 用嚟計咪失敗咯，大把學生Hea考



  ...

坦白講, 我一直都懷疑, 要求一班學生去考一個對自己未必咁重要 (需然話用嚟分班, 但真係好重要咩?) 既試, 加上係派位後一星期左右 (門都未叩完啦!) 就考, 到底有幾咁反映到現實呢?

派位差會否hea考? 派得好係咪又一定有心同你搏呢?

---

作者: www    時間: 16-6-13 18:14

babieblue 發表於 16-6-13 17:20
認同制度問題令富者越富貧者越貧，如果改返做統一公開考試形式，自己成績自己負責，反而可能有機會令弱校翻身 ...

你想爭取回復 升中試/香港小學會考 ？

---

作者: whitepurin    時間: 16-6-13 18:19     標題: 回覆：hkpapa852 的帖子

可能又咁講，既然大家都hea考，咁咪反映到真正實力，唔讀都識咪叻d囉！不過我個人較支持以前學能測驗。

---

作者: mcl203    時間: 16-6-13 18:19

夏日麼麼茶 發表於 16-6-13 17:50
咁呢個案例，轉唔轉都低過人。即喺成日聽人講嘅邊沿人，如果A網低於平均分嘅78分，轉去B網就會變成高於平均 ...

假設全港得2區，A區係強區 有100個B1生， B區係弱區 得80個B1生
你既成績係全港排160， 本區A區排110， 屬B2生


咁你轉區去B區， 你仍係全港排160， 因2區加埋頭180個係B1生， 咪會肯定轉區变成B1生～～～

---

作者: lovecupid    時間: 16-6-13 18:24

whitepurin 發表於 16-6-13 18:19
可能又咁講，既然大家都hea考，咁咪反映到真正實力，唔讀都識咪叻d囉！不過我個人較支持以前學能測驗。



  ...

不會hea考。這個試也是分班試...
小學在第三次呈分試後，一樣谷爆啲學生
還有，這個試內容頗深的

---

作者: starrymama    時間: 16-6-13 18:32

回覆 MC1128 的帖子

大家需要理解制度的真相

---

作者: Yanamami    時間: 16-6-13 19:06

hkpapa852 發表於 16-6-13 18:07
坦白講, 我一直都懷疑, 要求一班學生去考一個對自己未必咁重要 (需然話用嚟分班, 但真係好重要咩?) 既試,  ...

呢个咪就係学校教育既－部份囉~学校唔止傳遞知識，仲要教曉学生責任感同有担當、人人為我，我為人人、受人恩果千年記……嘛｡学生会為学校、為学弟妹去考好个試，定hea考，就要睇学校平曰点教学生了~

---

作者: hkpapa852    時間: 16-6-13 19:08

Yanamami 發表於 16-6-13 19:06
呢个咪就係学校教育既－部份囉~学校唔止傳遞知識，仲要教曉学生責任感同有担當、人人為我，我為人人、受人 ...

傳統名校較著重傳承，係呢方面係會有多少少優勢

---

作者: erniewellie    時間: 16-6-13 19:14     標題: 引用：Quote:Yanamami+發表於+16-6-13+19:06+呢个

原帖由 hkpapa852 於 16-06-13 發表
傳統名校較著重傳承，係呢方面係會有多少少優勢

對呀，好多人好 proud of their formers schools，一定會盡全力！

---

作者: oldgamesman    時間: 16-6-13 20:05

我本人係贊成好似dse咁,一戰定江山,生死各安天命

---

作者: claudialuk2011    時間: 16-6-14 04:52     標題: 回覆：hkpapa852 的帖子

如龍小校學又有呈分但不留龍中學！係咪用同一方法？
而不留龍中學，應學生有D料！係咪有so ?

---

作者: BABA124    時間: 16-6-14 05:07     標題: 回覆：小學升中分Banding機制: 弱勢學校的困局

早幾日先同朋友傾呢個問題，仲要呢幾年學生人數暴升，啲弱勢學校，呢幾屆升中可以得一兩班，其中可能真係一個band 1 都冇，到你小朋友嗰年五六班，當中可能有啲標青嘅，都冇用，好慘囉～呢啲真係唔公平，以前學能測驗自己命運自己決定幾好!

---

作者: hkpapa852    時間: 16-6-14 07:35

claudialuk2011 發表於 16-6-14 04:52
如龍小校學又有呈分但不留龍中學！係咪用同一方法？
而不留龍中學，應學生有D料！係咪有so ?



  ...

所有有呈分既小學安排一樣，不過不留龍中唔一定係成績好。而且亦要睇吓你所謂既"龍"係咩龍啦!

---

作者: sunnygirl    時間: 16-6-14 08:13     標題: 引用：+本帖最後由+hkpapa852+於+16-6-13+15:52+

原帖由 hkpapa852 於 16-06-13 發表
本帖最後由 hkpapa852 於 16-6-13 15:52 編輯

完全同意，眼見有d學校早幾年係自行都有位剩，呢兩年忽然變熱門學校，自行又爆滿，大抽獎又多左人放乙一，抽到仲開心到要開香檳，見到咁嘅情形真係R哂頭

---

作者: cattz288    時間: 16-6-14 08:15     標題: 引用：早幾日先同朋友傾呢個問題，仲要呢幾年學生

原帖由 BABA124 於 16-06-14 發表
早幾日先同朋友傾呢個問題，仲要呢幾年學生人數暴升，啲弱勢學校，呢幾屆升中可以得一兩班，其中可能真係一 ...

以前學能試都唔係關自己事架喇！

---

作者: kittytyl    時間: 16-6-14 08:17     標題: 回覆：小學升中分Banding機制: 弱勢學校的困局

請問直資/私小，計法是否一樣？我也比較過幾間冇中學的直私，點解有些派中又真的一般？我想法是考入的也實力不差，但6年後升中就不是預期理想？

---

作者: hkpapa852    時間: 16-6-14 08:27

kittytyl 發表於 16-6-14 08:17
請問直資/私小，計法是否一樣？我也比較過幾間冇中學的直私，點解有些派中又真的一般？我想法是考入的也實 ...

所有有呈分既小學, 不管係官津, 私立定直資, 分banding方法一樣.

私校/直資揀人見收個D一定係叻人? 一個5/6歲小朋友真係有幾叻, 你唔係以為只靠一至三場10分鐘至半個鐘既面試, 就真係可以完全分辦到呀?

而且, 你揀人時人揀你.

---

作者: sissysze    時間: 16-6-14 08:38     標題: 回覆：小學升中分Banding機制: 弱勢學校的困局

識揀就揀龍校啦，完

---

作者: sell2japan    時間: 16-6-14 09:04

starrymama 發表於 16-6-13 18:32
回覆 MC1128 的帖子

大家需要理解制度的真相

明眼人太少, 諗太多無用疊埋心水都係一定要入一線津校有SO!

---

作者: guoyingpeng    時間: 16-6-14 09:05

回覆 babieblue 的帖子

我也是覺得三次公開考試會公平一D

---

作者: Wonderlady    時間: 16-6-14 09:10     標題: 引用：認同制度問題令富者越富貧者越貧，如果改返

原帖由 babieblue 於 16-06-13 發表
認同制度問題令富者越富貧者越貧，如果改返做統一公開考試形式，自己成績自己負責，反而可能有機會令弱校翻 ...

我諗返以前為什麼要取消學能測驗呢，因為怕自己個小朋友以往幾年好叻，只考一個試定生死，唔公平，亦有人話男仔入band 1 少過女仔。

不過我贊成自己成績自己負責，做乜要師兄師姐去為自己爭取，不合邏輯之餘，又不公道。

有冇人去教育局反映，我支持

---

作者: qpalzm    時間: 16-6-14 09:19

Wonderlady 發表於 16-6-14 09:10
我諗返以前為什麼要取消學能測驗呢，因為怕自己個小朋友以往幾年好叻，只考一個試定生死，唔公平，亦有人話 ...

[size=30.3998px]我都讚成命運由自己決定。

[size=30.3998px]另取消男女一半半派位其實歧視男性，由男性生理上係發展慢D，所以個個歲數一定無咁叻。如果要公平應該要等大家一齊發展完先派位囉。

---

作者: babywoman    時間: 16-6-14 09:21     標題: 回覆：Yanamami 的帖子

我地校長也是這樣教學生-要幫下師弟姐。

---

作者: 夏日麼麼茶    時間: 16-6-14 09:24     標題: 回覆：小學升中分Banding機制: 弱勢學校的困局

對…支持自己成績自己負責。如果話男仔遲發展咪女仔五年級考，男仔六年級先考。

---

作者: babywoman    時間: 16-6-14 09:32     標題: 引用：我地校長也是這樣教學生-要幫下師弟姐。 +

原帖由 babywoman 於 16-06-14 發表
我地校長也是這樣教學生-要幫下師弟姐。

師弟妹

---

作者: gracelam    時間: 16-6-14 09:35     標題: 引用：對…支持自己成績自己負責。如果話男仔遲發

原帖由 夏日麼麼茶 於 16-06-14 發表
對…支持自己成績自己負責。如果話男仔遲發展咪女仔五年級考，男仔六年級先考。



  ...

跟住只有女的家長又話唔公平架喇!!

---

作者: 夏日麼麼茶    時間: 16-6-14 09:40     標題: 引用：Quote:原帖由+夏日麼麼茶+於+16-06-14+發表

原帖由 gracelam 於 16-06-14 發表
跟住只有女的家長又話唔公平架喇!!

咩都有人話唔公平。

---

作者: Soundervolt    時間: 16-6-14 09:40     標題: 引用：對…支持自己成績自己負責。如果話男仔遲發

原帖由 夏日麼麼茶 於 16-06-14 發表
對…支持自己成績自己負責。如果話男仔遲發展咪女仔五年級考，男仔六年級先考。



  ...

我都贊成自己對自己負責任，如果驚一戰定生死嘅考試失手，有實力嘅學生其實仲可以喺自行收生階段攞住成績表去申請學校。男仔的確比女仔發展比較遲，但如果話男仔遲發展咪女仔五年級考，男仔六年級先考，平機會收投訴收到手軟。

---

作者: hkpapa852    時間: 16-6-14 09:47

個人認為要改變機制可能性極低, 但至少大家要瞭解制度上既限制, 唔好入咗間往績差但忽然爆紅既學校就諗住好好!

---

作者: qualcomm    時間: 16-6-14 09:49     標題: 回覆：小學升中分Banding機制: 弱勢學校的困局

其實要學校改弱勢，先取消自行收生計分制，只保留兄弟姊妹在一起上課便可

---

作者: Soundervolt    時間: 16-6-14 09:50     標題: 引用：個人認為要改變機制可能性極低,+但至少大家

原帖由 hkpapa852 於 16-06-14 發表
個人認為要改變機制可能性極低, 但至少大家要瞭解制度上既限制, 唔好入咗間往績差但忽然爆紅既學校就諗住好 ...

成績差但又可以忽然紅爆嘅學校？

---

作者: hkpapa852    時間: 16-6-14 10:00

Soundervolt 發表於 16-6-14 09:50
成績差但又可以忽然紅爆嘅學校？

話說, 某區既"寶校", 有個新校舍+轉校網後, 係新校網竟然有不少人乙2入唔到話好傷心.....

仲有一D, 係都要寧願係原區寶校得到學位, 都不願選他區二線....

而且近年升小人數大增, 不少"前寶校"係自行都已收滿, 有D仲有200+人去叩門

---

作者: LeeCC    時間: 16-6-14 10:01

夏日麼麼茶 發表於 16-6-14 09:24
對…支持自己成績自己負責。如果話男仔遲發展咪女仔五年級考，男仔六年級先考。



  ...

有些男仔遲到中學先開竅,要等上左中學先考？

---

作者: iedummy    時間: 16-6-14 10:02



回覆 hkpapa852 的帖子

HKpapa, 可以列舉一些(成績差但又可以忽然紅爆嘅學校) 嗎?

---

作者: hkpapa852    時間: 16-6-14 10:04

iedummy 發表於 16-6-14 10:02
回覆 hkpapa852 的帖子

HKpapa, 可以列舉一些(成績差但又可以忽然紅爆嘅學校) 嗎?

去11, 34, 62, 91睇吓吧!

---

作者: qualcomm    時間: 16-6-14 10:06     標題: 引用：Quote:iedummy+發表於+16-6-14+10:02+回覆+

原帖由 hkpapa852 於 16-06-14 發表
去11, 34, 62, 91睇吓吧!

最厲害應該是千禧校舍，40區大量

---

作者: qpalzm    時間: 16-6-14 10:15

LeeCC 發表於 16-6-14 10:01
有些男仔遲到中學先開竅,要等上左中學先考？

係呀，要絕對公平咪咁囉。

所以之前一半半派位其實係個平衡黎，係個法官鑽牛角尖啫。

我都好想司法覆核現有制度歧視男性...

利申: 1仔1女

---

作者: hkpapa852    時間: 16-6-14 10:16

SoLM 發表於 16-6-14 10:08
其實又唔好讀到二、三線就世界未日咁，就算弱校都會變好、成績差也可以變好。葵青屯門上水也可以出狀元（重 ...

讀到二、三線就世界未日咁

呢句係你講, 我無講過, 我一路都強調, 呢個帖主旨係講山制度上對弱勢學校不利既地方, 你要咁理解, 係你個人問題, 不要亂扣帽子.

而且, 制度上既問題, 唔係8萬5, 唔會話唔講就會自動消失咗. 唔知度制度上既問題, 先係最可悲.

---

作者: ericngkc01    時間: 16-6-14 10:23

照你呢種邏輯思維, 新校唔讀得, 因為無往績!

---

作者: ericngkc01    時間: 16-6-14 10:26

又或者學校轉左校長, 作風改變, 但成績唔會咁快有改善, 都需要時間去發展, 咁呢D 學校往績又唔好, 又唔讀得!

---

作者: ericngkc01    時間: 16-6-14 10:29

呢個世界係動態發展的, 唔係靜態發展的!

---

作者: ericngkc01    時間: 16-6-14 10:30

回覆 SoLM 的帖子

同意!

---

作者: nlc775s    時間: 16-6-14 10:30     標題: 引用：Quote:原帖由+ericngkc01+於+16-06-14+發表

原帖由 SoLM 於 16-06-14 發表
有時數據只能反映過去的經驗結果，未必能反映事實的因果關係。新校、二線也可成狀元。例港同、鄧顯⋯



  ...

留名

---

作者: hkpapa852    時間: 16-6-14 10:35

SoLM 發表於 16-6-14 10:27
有時數據只能反映過去的經驗結果，未必能反映事實的因果關係。新校、二線也可成狀元。例港同、鄧顯⋯



  ...

你始乎唔明白, 小學升中制度, 同中學升大學制度上既分別.

小學升中: 現有學生Banding要睇前人Pre-S1成績, 自己成績再好未必一定有用
中學升大學: 自己DSE成績自己負責

不如再講遠D, 每個人都會生老病死, 人生只係一個過程, 點過其實都唔係咁重要!

仲想side track D乜?

---

作者: babycat1230    時間: 16-6-14 10:35



回覆 hkpapa852 的帖子

我覺得你用各小學升中數據, 用升中制度黎分析好有道理, 多謝你既用心
但到家長真係要落場實戰既時做就唔係單單要睇升中數據, 周邊仲有好多野要考慮, 上小學唔係淨係為左考好成績, 而係一個小朋友既成長, 一家人既成長, 要配合各家庭唔同既生活, 小學六年, 一家人既六年, 各有因由, 各有考慮

---

歡迎光臨 教育王國 (/)

Powered by Discuz! X1.5