教育王國

標題: 校長推薦信對於叩門有冇用？ [打印本頁]

作者: k-pa 時間: 16-6-12 18:05 標題: 校長推薦信對於叩門有冇用？

想問下係咪只要出聲校長就會寫？
通常幾時要出聲？
會唔會人人都有，其實冇用？
叩門時收唔收？
應該幾時俾學校？
有冇人可分享一下？

作者: 洗米華 時間: 16-6-12 18:19

提示: 作者被禁止或刪除內容自動屏蔽

作者: kyowong 時間: 16-6-12 18:33 標題: 回覆：k-pa 的帖子

校長一個電話勝過10封信

作者: kristal78 時間: 16-6-12 18:34 標題: 引用：想問下係咪只要出聲校長就會寫？通常幾時

原帖由 k-pa 於 16-06-12 發表
想問下係咪只要出聲校長就會寫？
通常幾時要出聲？
會唔會人人都有，其實冇用？

有D學校係唔會收哩D信

作者: Charlotte_mom 時間: 16-6-12 18:39 標題: 回覆：校長推薦信對於叩門有冇用？

如果小朋友係品學兼優，自然本身有獎唔需要靠校長信去証明自己。如果唔係咩特別優異，一封標準校長信又足以証明咩呢？

作者: lukeskywalker 時間: 16-6-12 18:45 標題: 引用：想問下係咪只要出聲校長就會寫？通常幾時

原帖由 k-pa 於 16-06-12 發表
想問下係咪只要出聲校長就會寫？
通常幾時要出聲？
會唔會人人都有，其實冇用？

寫信＋電話(如果2間學校校長friend) 就有用

作者: mobimobi 時間: 16-6-12 20:47 標題: 引用：想問下係咪只要出聲校長就會寫？通常幾時

原帖由 k-pa 於 16-06-12 發表
想問下係咪只要出聲校長就會寫？
通常幾時要出聲？
會唔會人人都有，其實冇用？

無嘜用，但攞到又好過無甘😅有d學校係唔會寫的

作者: lovecupid 時間: 16-6-12 20:53

有好過無

作者: dereklg 時間: 16-6-12 21:52

你覺得有用果時就係有用，你覺得冇用果時就係冇用...........

但，.......當你要去叩門，校長又肯幫你寫，.........你因咩事要唔夾埋封校長信入去呢 ?

作者: zuzu888 時間: 16-6-12 22:12 標題: 回覆：校長推薦信對於叩門有冇用？

睇下佢點寫，我相信特別的小朋友內容應該係比較特別用心寫！同埋有校長講明一個小朋友一封，有校司一個小朋友三封，咁你話呢

作者: SingMom 時間: 16-6-12 22:18

回覆 k-pa 的帖子

呢個係睇你間幼稚園有無江湖地位，我小朋友以前間幼稚園可以邀請到D名小學校長黎講小一入學講座，個校長仲講到明話好鐘意我地幼稚園的學生入讀就知關係深厚

作者: yannie_man 時間: 16-6-12 22:40 標題: 引用：如果小朋友係品學兼優，自然本身有獎唔需要

提示: 作者被禁止或刪除內容自動屏蔽

作者: 已刪除用戶 時間: 16-6-12 23:07 標題: 回覆：校長推薦信對於叩門有冇用？

校長同校長fd，勝過一封信。但都聽過學校拒絕寫信，唔係間間願寫！

作者: Jane1983 時間: 16-6-12 23:16

有封信，無幫助，但吾會差左。

到叩門時候，一係就人事（不幸地，見吾少成功叩門的人，都係靠人事），一係就靠實力和運氣。校長肯奮力幫手，多少有用，但幾多個學生可以令校長咁做！

作者: twlo 時間: 16-6-13 00:27

我之前間幼稚園校長講咗話唔寫，因為封信印出嚟加個簽名無咩用。

作者: miriam 時間: 16-6-13 01:15

我囡當年校長寫左五封推薦信, 因為派得實在太差.................最終入到既小學係無交過推薦信既.

作者: krw 時間: 16-6-13 02:16

我小朋友讀普通幼稚園但係老師校長好好
校長封信係真係特登幫我女寫唔係罐頭嚟
內容係對照返我形容嘅佢
唔知有冇用但係如果學校鍾意咁樣嘅小朋友可以證明我唔係亂嗡

作者: kokubi_diru 時間: 16-6-13 03:57

回覆 yannie_man 的帖子

其實咁樣做我覺得幾好，唔收portfolio 考小朋友真實表碗識唔識合學校！如果間間好既都收既話又會造就咗更多多怪獸家長架啦！

作者: kokubi_diru 時間: 16-6-13 04:02

回覆 k-pa 的帖子

首先要睇下學校會唔會幫學生寫，如果會既就要自己寫封信俾校長講要recommend letter

作者: matsushima 時間: 16-6-13 04:05

kyowong 發表於 16-6-12 18:33
校長一個電話勝過10封信

作者: nillnill 時間: 16-6-13 07:11 標題: 引用：我囡當年校長寫左五封推薦信,+因為派得實在

原帖由 miriam 於 16-06-13 發表
我囡當年校長寫左五封推薦信, 因為派得實在太差.................最終入到既小學係無交過推薦信既. ...

我都係。反而無寫推薦信的就有機會及收左小朋友

作者: 夏日麼麼茶 時間: 16-6-13 07:58 標題: 回覆：校長推薦信對於叩門有冇用？

請問校長推薦信一般會否封口? 是否不用開信，只需要正接交俾叩門學校校長?

作者: cattz288 時間: 16-6-13 08:31 標題: 回覆：校長推薦信對於叩門有冇用？

我覺得係安慰家長多d! 實質作用不大！不過睇得出校長真係有心寫，唔係罐頭！

作者: twlo 時間: 16-6-13 08:41

反而我認為寫封有心的叩門信仲有誠意，我上年用手寫，(D字仲要唔靚，因為太耐未試家手寫信)，最後叩門成功。

作者: micmicmic123 時間: 16-6-13 09:20 標題: 回覆：校長推薦信對於叩門有冇用？

好過無。

作者: lolo1112 時間: 16-6-13 11:04 標題: 回覆：校長推薦信對於叩門有冇用？

我貴校校長K3開學家長日已經講明唔會寫信😓

作者: kokubi_diru 時間: 16-6-13 11:26

twlo 發表於 16-6-13 08:41
反而我認為寫封有心的叩門信仲有誠意，我上年用手寫，(D字仲要唔靚，因為太耐未試家手寫信)，最後叩門成功 ...

呢個認同

作者: piglet0529 時間: 16-6-13 11:50 標題: 引用：想問下係咪只要出聲校長就會寫？通常幾時

原帖由 k-pa 於 16-06-12 發表
想問下係咪只要出聲校長就會寫？
通常幾時要出聲？
會唔會人人都有，其實冇用？

如果同一辦學機構會好有用

作者: bboo1 時間: 16-6-13 12:19

Jane1983 發表於 16-6-12 23:16
有封信，無幫助，但吾會差左。

到叩門時候，一係就人事（不幸地，見吾少成功叩門的人，都係靠人事），一係 ...

岩, 之前派左間三非, 話左比老師知, 老師話比校長知, 開頭問好多野好似好幫手, 因校長識某間小學校長有聯繫的, 當然幾日冇覆, 之後打黎話對個個學生一視同仁, 叫我地多d認識三非學校喎. 點知一個月之後, 比家長係佢面前篤爆佢幫自己個仔入到呢間小學. 校長超尴尬. 所謂教育工作者, 他們已心中有數

作者: dereklg 時間: 16-6-13 12:20

如果封信係校長對你小孩的真實評語，為什麼要考慮"有冇用" ?

你們是想得太多了，有校長信的，便好好的一拚交就可以了。

收信方可能會看，可能會不看，這方面你管不了的。

你要做的就是用盡各種方法推介你的小孩而已 !
清楚了嗎 ?!

作者: dereklg 時間: 16-6-13 12:22

piglet0529 發表於 16-6-13 11:50
如果同一辦學機構會好有用

同一辦學機構的，更有可能校長早就幫你打了招呼了

作者: starrymama 時間: 16-6-13 12:57

有好過冇, 有d寫明校長信佔扣門計分的幾多個%的

作者: dse2017 時間: 16-6-13 13:07

提示: 作者被禁止或刪除內容自動屏蔽

歡迎光臨教育王國 (/)