教育王國

標題: 有無資優係eye level學數學啊？ [打印本頁]

作者: kaychan1985 時間: 16-6-7 18:50 標題: 有無資優係eye level學數學啊？

我仔3歲4個月，讀緊PN，數學好有天份同好有興趣，想佢去學數學，岩去左eye level 做評估，發覺佢程度好高，想俾佢學，有無家長有經驗？俾d意見，謝謝。

作者: 小王子J 時間: 16-6-7 18:55 標題: 引用：我仔3歲4個月，讀緊PN，數學好有天份同好有

原帖由 kaychan1985 於 16-06-07 發表
我仔3歲4個月，讀緊PN，數學好有天份同好有興趣，想佢去學數學，岩去左eye level 做評估，發覺佢程度好高， ...

仔四歲開始學，又係話程度可以上高少少 level，不過學咗一年，真心覺得老師教得一般，啟發唔到阿仔的興趣⋯⋯⋯⋯可能個別 centre 師資參差吧！

作者: Rachelmummy2008 時間: 16-6-7 19:08

初學時有外籍教，那時只有三歲，那個老師幾好，學了幾個月。
後來轉老師，又係外籍，但很快覺得無進步，有次開門見到佢掛住睇手機，跟本只有一個本地助教哥哥仔教小朋友，我打去問佢，知他跟本係無心教，立即轉centre。後來覺得都係不停做，無考慮小朋友個別的差異，便停學了。

作者: kaychan1985 時間: 16-6-7 19:13

本帖最後由 kaychan1985 於 16-7-13 12:06 編輯

你地小朋友咩level開始學起啊？我個老師係ABC，我今日大部份時間坐係隔離睇，老師都有耐性教，之後行開左～但唔知以後我唔係度時，會係咩情況？我都驚d老師無心機教，浪費我仔d時間。。

我仔3歲4個月，評估後可以由level 5 - 6學起

作者: 小猴子兒 時間: 16-6-7 21:06

提示: 作者被禁止或刪除內容自動屏蔽

作者: kaychan1985 時間: 16-6-7 21:30

我自己本身有教啊仔，用自己方法，不過唔係好系統性～去到某d數好似樽頸位咁，唔係太識引導佢，所以先打算搵人教～原來一堂得45分鐘，我還以為1個鐘～咁200蚊45分鐘真係好貴><. 可惜買不到佢套教材，如果唔係我都想自己教

作者: kaychan1985 時間: 16-6-7 21:31

本帖最後由 kaychan1985 於 16-6-7 21:31 編輯

回覆小猴子兒的帖子

你大仔學到咩level？你係咪有教材copy啊？

作者: 小猴子兒 時間: 16-6-7 22:26

提示: 作者被禁止或刪除內容自動屏蔽

作者: 小猴子兒 時間: 16-6-7 22:33

提示: 作者被禁止或刪除內容自動屏蔽

作者: 小猴子兒 時間: 16-6-7 22:37

提示: 作者被禁止或刪除內容自動屏蔽

作者: kaychan1985 時間: 16-6-7 22:52

回覆小猴子兒的帖子

咁你個仔平均1個月完成到1個level？好快喔～你係邊間eye level啊？

作者: 小猴子兒 時間: 16-6-7 23:00

提示: 作者被禁止或刪除內容自動屏蔽

作者: Ocean419 時間: 16-6-17 09:32 標題: 回覆：有無資優係eye level學數學啊？

我想請教大家eye level k3小一程度大概係學d咩？

作者: iamadc 時間: 16-7-2 09:54 標題: 回覆：有無資優係eye level學數學啊？

我仔上了兩個月，不斷話好淺。我已經同中心講了，佢亦跳了一次level，但我見佢做功課，都係may 著眼做都做到。係唔係又要叫佢跳level? 定係其實這種訓練，佢這些數感好，好快grasp 到數學概念的小朋友，其實無乜用？佢K3, 才開始教進位，但佢自己已懂，自己出四位進位計。我見佢個level chart, 佢其實已懂到簡單乘除。學校老師話要比佢expose 多些唔同的數學概念，mention 過外國有些website 會有。有無介紹？

作者: 小曳人 時間: 16-7-2 12:46

我仔無跟過外面學數，主要係我自己同佢响街除口講，3歲多，加減數無問題，就買咗time table poster，貼响牆，自己消化，升K1 (3歲4個月) 自行做到升小一嘅暑期作業，之後買d 數獨書，佢又玩到，放d數學百科書，又自己消化，後尾買咗一大堆唔同級別嘅二手奧數書，佢又自己搞掂....
所以基本上係無乜點教過，直至升小三暑期，老公買咗d高小數學練習返屋企逐樣睇佢識唔識，教返佢...所以今年升小四，數學係初中程度
我亦識得唔少人跟公文數，慢慢就快過學校，小二學到小五六係閒事！

作者: kaychan1985 時間: 16-7-3 00:55

回覆小曳人的帖子

你仔自學能力好高👍

作者: kaychan1985 時間: 16-7-3 00:56

回覆 iamadc 的帖子

我都覺得eye level s練習好簡單，我下一堂都打算叫老師俾d深d既，唔想浪費時間

作者: iamadc 時間: 16-7-4 15:10 標題: 引用：我仔無跟過外面學數，主要係我自己同佢响街

原帖由 小曳人 於 16-07-02 發表
我仔無跟過外面學數，主要係我自己同佢响街除口講，3歲多，加減數無問題，就買咗time table poster，貼响牆 ...

謝謝你的分享。佢對數學的書好似好有興趣，在書局一看就十五分鐘（每本）。最後要吹佢走。我唔望佢要好超前或有獎，只望佢可以keep住興趣！

作者: 小曳人 時間: 16-7-4 15:16

iamadc 發表於 16-7-4 15:10
謝謝你的分享。佢對數學的書好似好有興趣，在書局一看就十五分鐘（每本）。最後要吹佢走。我唔望佢要好超前 ...

係呀，佢地嘅興趣轉得都幾快，但火車頭一路向前，就已經好夠，學邊科~其實唔太重要

作者: kaychan1985 時間: 16-7-12 23:45

本帖最後由 kaychan1985 於 16-7-12 23:48 編輯

報告一下，岩上第二堂同老師講d練習好淺，個老師即刻根據我仔進度俾左另外一d深既練習，我仔又pick up到～

上堂教得好少，如果無人跟，齋跟centre教的話進度會好慢，都係自己跟緊d，一齊教，雙管齊下，先會學得快d同吸收得好d～
＊Basic maths，第一堂做左個綜合評估，第二堂學緊level 5同level 6，聽日第三堂繼續level 6

＊Critical thinking，學緊level 2

作者: Rachelmummy2008 時間: 16-7-13 09:41

老師肯就囝囝好學非常好

不過點解critical thinking只做level 2。純好奇問下，不要介意。

作者: kaychan1985 時間: 16-7-13 12:04

本帖最後由 kaychan1985 於 16-7-13 12:10 編輯

回覆 Rachelmummy2008 的帖子

按照正常年齡，佢個程度係around level 2，只不過係basic maths我係屋企教過佢而佢自己又好鐘意所以學得快左～～而critical thinking係比較難的，無教過佢，但佢都好鍾意同覺得好有趣，做得好快～
而家上完1堂，老師俾4本maths，2本critical thinking練習，佢都好有興趣好快完成到

作者: sala222 時間: 16-7-16 01:34 標題: 引用：我仔無跟過外面學數，主要係我自己同佢响街

原帖由 小曳人 於 16-07-02 發表
我仔無跟過外面學數，主要係我自己同佢响街除口講，3歲多，加減數無問題，就買咗time table poster，貼响牆 ...

我想問下，小兒3歳半，做過皮紋測試2次被定為資優，我知要等6歳左右做test先準，不過一直有留意發展。我發覺佢對數學好有興趣，最近見佢識加減用心算，讀緊K1做12月細b，學校冇教咁深，自學的。其實相比其他小朋友，是否較快？我唔敢多問其他家長，怕人哋以為我覺得自己小朋友好叻。另一煩惱，我一早計劃repeat K1避龍b同少雙非，今年會repeat另一幼稚園。但越來越怕小朋友重讀K1會好悶，1-100一早已經識，要由認1字開始再學，見最近用埋心算。唉，我對12月b龍年考小冇信心，但repeat又唔知是對定錯，可以幫幫我，分享你們的看法嗎？

作者: 小曳人 時間: 16-7-16 08:58

回覆 sala222 的帖子

建議眼光落咗社交/情意發展上

我身邊都有個朋友，孩子來年重讀K2，原因係社交發展遲緩，都係12月細仔，但學術嘅嘢，佢完全無問題
當然，d嘢太容易，大少少又可能引發其他問題...

外人好難幫你決定，但我個人傾向係唔留班，隨緣，如果你孩子真係叻仔嘅，無人係佢嘅對手，我意思唔係叻哂，而係欣賞佢嘅學校自然會收佢，唔適合佢嘅..你留一年亦唔見得會收佢

我同其他資優兒家長都係咁講：佢地各有長處，只要俾空間佢地，就自然會發揮到出嚟，大家並唔係對方嘅競爭對手，路係佢地自己行出嚟，每個人有自己要走嘅路，唔好以為呢條路好容易行，係要付出先有成功嘅機會

加油呀！

作者: sala222 時間: 16-7-18 10:28 標題: 引用：回覆+sala222+的帖子建議眼光落咗社交/情

原帖由 小曳人 於 16-07-16 發表
回覆 sala222 的帖子

建議眼光落咗社交/情意發展上

多謝你分享。我最近都開始反思，究竟入小學有何重要，將來成功之道主要靠人緣，品德，自信... 自己多年工作亦深明，可惜現實造就幼稚園就出現競爭環境，希望找個平衡點。所以最近開始察覺可能重讀未必對小朋友好，一來學術重覆，小朋友可能太悶，影響專注力，二來我懷疑因將轉換環境，引發小朋友情緒不穏，K1學期尾的2星期日日係學校小便失禁（之前未發生過），日日咬手指，脾氣非常大，成日大叫... 我仍在觀察中，希找出根源。所以在考慮是否應該回原校上K2。

作者: kaychan1985 時間: 16-8-2 23:40

我問過幼稚園老師，就算去到k2都係學到1-20，我仔而家k1都未讀，已經識數到200，倒數仲係好流暢果隻，加減法心算筆算能力都幾好，我唔指望學校會教到佢d咩學術，但希望佢係學校可以學下同人相處，提升社交能力及紀律，畢竟呢d係屋企都教唔到～至於你話是否需要repeat，我個人認為唔需要，除非你小朋友某方面發展遲緩

作者: iamadc 時間: 16-8-3 03:11 標題: 引用：我問過幼稚園老師，就算去到k2都係學到1-20

原帖由 kaychan1985 於 16-08-02 發表
我問過幼稚園老師，就算去到k2都係學到1-20，我仔而家k1都未讀，已經識數到200，倒數仲係好流暢果隻，加 ...

我覺得要同學校溝通一下。我仔對數學亦係好敏感，K1 升K2係幾大轉變。k1係玩，k2真係要學野（我間係錦），社交亦開始多，小朋友唔再bb。我當時唔知，亦無想過佢有問題，開學唔夠一個月就比老師召開會，話佢在學校魂遊，表達唔到自己。佢講唔到自己乜事，我們估佢一方面係唔明點解教錦淺（當時已開始自學乘數，英文K1已ORT5-6)，另外情緒社交發展強差人意，我們同學校溝通很久，亦有同佢上社交班，要令佢平均發展。現在佢數學發展還有比較快，但因很多小朋友都有操，相對差距無那麼大。eye level 我只enroll 了兩個月，上完都唔會上，佢都係一級一級上，一個leve要做20本（好似係），跟本佢做兩三本知道原理，就唔需要操。我push 了幾次才比佢學乘數，但都係教佢已懂的東西，我見到佢做功課都好無聊，同我講唔鐘意做佢d功課，太淺，佢自己去書局選exercise 做，又平。

作者: kaychan1985 時間: 16-8-3 23:57

本帖最後由 kaychan1985 於 16-8-3 23:58 編輯

iamadc 發表於 16-8-3 03:11
我覺得要同學校溝通一下。我仔對數學亦係好敏感，K1 升K2係幾大轉變。k1係玩，k2真係要學野（我間係錦）， ...

咁我都同意你quit，你仔仔能力高，你咪俾佢自己去發掘下，揀自己鐘意的書同練習，咁先會有興趣學落去～
另外，想問你，你仔仔ORT 5-6，要唔要伴讀？佢可否明白所有英文句子？我仔而家睇緊ORT 3

作者: iamadc 時間: 16-8-4 07:17 標題: 引用：+本帖最後由+kaychan1985+於+16-8-3+23:58+

原帖由 kaychan1985 於 16-08-03 發表
本帖最後由 kaychan1985 於 16-8-3 23:58 編輯

不用伴讀，這是三歲兩三個月時學校評估完比佢的level。在家可以自己看更高level.

作者: rafaelbaba 時間: 16-8-4 12:13

回覆 sala222 的帖子

我囝囝與你小朋友一樣年紀,都已經識加減數(但他對數字並不敏感),認中文字較叻,組織及鑼緝也不錯~

已經repeat PN,(因15分較難競爭)

作者: kaychan1985 時間: 16-8-4 12:45

iamadc 發表於 16-8-4 07:17
不用伴讀，這是三歲兩三個月時學校評估完比佢的level。在家可以自己看更高level.

...

你意思係佢自己可以睇得明白ORT5-6的英文句子及識得自己讀出來？如果係，佢英文程度真係好高喔！

作者: iamadc 時間: 16-8-4 23:05 標題: 引用：Quote:iamadc+發表於+16-8-4+07:17+不用伴

原帖由 kaychan1985 於 16-08-04 發表
你意思係佢自己可以睇得明白ORT5-6的英文句子及識得自己讀出來？如果係，佢英文程度真係好高喔！ ...

係。但我唔係一級一級操佢。佢一可以讀就已經差不多這個水平。但好似之前講，社交發展係好重要。認知發展亦不只是字和數，聯想、創意思維、表達溝通能力要同步發展。我仔K1時同小朋友話要一起數5的倍數，K2問人1-2=? (佢還要吋人負1囉）真係好驚佢無朋友！又驚人地阿媽以為我係怪獸！

作者: kaychan1985 時間: 16-8-6 01:47

回覆 iamadc 的帖子

嘻嘻，但我好鍾意你仔咁問人，好有趣，同我仔好似

作者: lui 時間: 16-8-12 04:13 標題: 引用：+本帖最後由+kaychan1985+於+16-8-3+23:58+

原帖由 kaychan1985 於 16-08-03 發表
本帖最後由 kaychan1985 於 16-8-3 23:58 編輯

我女4.5歳。佢半歲懂叫媽咪。一歲已說句子。説話能力理解比一般人強。但年幼時沒有話一早識a-z,認好多字。三歲時英文突飛猛進，半年内由單字變可以看chapters book.個時未到四歲。之後我才給她看回ORT直至早幾個月，老師說他一教便懂、又好奇，相信是資優叫我六歲帶去check.有幸遇上一位港大資優研究博士。他在一些他辨的課程了解左女女，早兩天我們有一面談。我把我的困擾説出。佢確切鉿我一系列建議。因為他們比較固執凡事理性思考要求原因，我很多時招架不住。現在心放鬆了。父母最重要不要發脾氣。

作者: lui 時間: 16-8-12 04:15 標題: 引用：Quote:原帖由+kaychan1985+於+16-08-03+發

原帖由 lui 於 16-08-12 發表
我女4.5歳。佢半歲懂叫媽咪。一歲已說句子。説話能力理解比一般人強。但年幼時沒有話一早識a-z,認好多字。 ...

資優小朋友理解力高，我們應該多以question 指導，not by telling .現在train 他們做judgment .以上是教授建議。

作者: kaychan1985 時間: 16-8-15 21:50

lui 發表於 16-8-12 04:15
資優小朋友理解力高，我們應該多以question 指導，not by telling .現在train 他們做judgment .以上是教授 ...

yes, agree, questioning is very important to lead the kids to think more instead of just telling the answer. My son recently likes to ask us lots of questions and he is very 八掛 what we talk about and want to discuss together. I think this is a good start for him now.

作者: lui 時間: 16-8-15 22:05 標題: 引用：Quote:lui+發表於+16-8-12+04:15+資優小朋

原帖由 kaychan1985 於 16-08-15 發表
yes, agree, questioning is very important to lead the kids to think more instead of just telling the ...

博士說我們一般用你晤好.....應該以question 引導思考什麼是正確，他們自己説以後也記住。

作者: kaychan1985 時間: 16-8-15 23:40

lui 發表於 16-8-15 22:05
博士說我們一般用你晤好.....應該以question 引導思考什麼是正確，他們自己説以後也記住。

...

你女而家4歲半還是6歲？ check左資優啦？

作者: lui 時間: 16-8-16 08:04 標題: 引用：Quote:lui+發表於+16-8-15+22:05+博士說我

原帖由 kaychan1985 於 16-08-15 發表
你女而家4歲半還是6歲？ check左資優啦？

4.5。未check博士叫六歲才check.不過佢已和他相處了一個月，佢分辨到佢系。佢真的好好。佢自己的孩子是資優所以他有很多好方法。叫我不用浪費金錢上乜上乜，我女是happy girl沒有其他陪隨問題。叫我feel blessed.總之大人控制情緒。你小朋友加入你們的話題情況，我女也有。所以一般人認為佢的行為是小學生。連看中醫的醫生傾談完看電腦見他的年齡也差點跌落地（佢本身生得高）

作者: lui 時間: 16-8-16 08:17 標題: 引用：Quote:原帖由+kaychan1985+於+16-08-15+發

原帖由 lui 於 16-08-16 發表
4.5。未check博士叫六歲才check.不過佢已和他相處了一個月，佢分辨到佢系。佢真的好好。佢自己的孩子是資優 ...

未check IQ 佢地叫talented.

作者: kaychan1985 時間: 16-8-17 11:51

lui 發表於 16-8-16 08:17
未check IQ 佢地叫talented.

got it，thanks😊

歡迎光臨教育王國 (/)