教育王國

標題: 懷疑１歲ＢＢ有自閉症 [打印本頁]

作者: szeleunghk 時間: 16-6-7 17:24 標題: 懷疑１歲ＢＢ有自閉症

好驚呀,好無助。我最唔想發生同擔心的事終於發生
仔仔岩岩1歲,好少眼神接觸,叫佢個名又唔應（１０次有９次），要用大聲佢先望一望你,想要樣野要唔到就好蚊,少少野就大叫,自己一個人玩玩具,唔識bye bye同指令，同佢講野又唔望你完全教唔到佢野好似咩都唔明活係自己世界，怕陌生人,一有朋友黎我地屋企佢就喊到人地走。咁樣係咪有自閉症？大家可以分享下嗎？

作者: KCHK 時間: 16-6-7 18:52 標題: 回覆：懷疑１歲ＢＢ有自閉症

1歲太細了，好難評估小朋友是否自閉，因為我小朋友1歲時仲好精靈，無咩自閉特徵。到2歲先出問題

作者: lavender_baby 時間: 16-6-7 22:28 標題: 回覆：懷疑１歲ＢＢ有自閉症

自己估估下好辛苦，不如你報協康嘅playgroup，導師好專業，如果有問題會同你講，或者你可以將你嘅疑問問下佢，睇下從老師角度有咩提議

作者: unfunny 時間: 16-6-7 23:35 標題: 回覆：KCHK 的帖子

請問2歲出現啲咩問題？

作者: Yukiruirui888 時間: 16-6-8 02:33 標題: 引用：1歲太細了，+好難評估小朋友是否自閉，+因

原帖由 KCHK 於 16-06-07 發表
1歲太細了，好難評估小朋友是否自閉，因為我小朋友1歲時仲好精靈，無咩自閉特徵。到2歲先出問題

...

我仔都係

作者: T96 時間: 16-6-8 09:55

szeleunghk 發表於 16-6-7 17:24
好驚呀,好無助。我最唔想發生同擔心的事終於發生
仔仔岩岩1歲,好少眼神接觸,叫佢個名又唔應（１０次有９次 ...

返健康院姑娘會做BB成長監察，整體發展有delay就要留意。

作者: lavender_baby 時間: 16-6-8 10:53 標題: 引用：Quote:szeleunghk+發表於+16-6-7+17:24+好

原帖由 T96 於 16-06-08 發表
返健康院姑娘會做BB成長監察，整體發展有delay就要留意。

健康院啲姑娘講嘅嘢真係信5成好啦，我小朋友1歲果陣我同佢講過我發現嘅問題，個姑娘果時都話有人快有人慢叫我唔使太擔心，好啦，到歲半，我仔仲未識講嘢，佢都話再觀察，但我真係唔想再等，係咁煩佢要佢俾我見醫生，佢先幫我安排，結果？真係自閉，我唔係想推卸責任俾姑娘，只係我後來去聽講座識咗幾個a仔媽媽，佢哋都異口同聲話當初又係俾健康院姑娘hea，但佢哋無好似我咁去chur個姑娘，搞到佢哋嘅小朋友成三四歲先確診，要知道治療係越細個做效果越好的，所以奉告樓主，如果有疑問就去求證，而家你小朋友太細未做得評估住，就問多啲唔同方面嘅意見，見導師問導師見醫生問醫生

作者: szeleunghk 時間: 16-6-8 11:06

請問各位去邊度評估好呀? 本人係全職媽媽,但收入好少,只夠兩個人生活同住.平時婆婆湊佢, 如果太貴又俾唔到錢

我都知健康院好hea, 咩都話大個少少先知. 唔想第時2,3歲先確診,果時真係太遲。係唔係上下playgroup會對佢好D?

作者: choichoibb2011 時間: 16-6-8 11:15

lavender_baby 發表於 16-6-8 10:53
健康院啲姑娘講嘅嘢真係信5成好啦，我小朋友1歲果陣我同佢講過我發現嘅問題，個姑娘果時都話有人快有人慢叫 ...

Agree! same case as me....

作者: lavender_baby 時間: 16-6-8 11:45 標題: 引用：請問各位去邊度評估好呀?+本人係全職媽媽,

原帖由 szeleunghk 於 16-06-08 發表
請問各位去邊度評估好呀? 本人係全職媽媽,但收入好少,只夠兩個人生活同住.平時婆婆湊佢, 如果太貴又俾唔到 ...

你小朋友先1歲，建議你搵協康嘅playgroup上下，千幾蚊有10堂，不過好難報，係先到先得，你打電話去問下佢幾時有得報名到時早啲去交表，其他出面嘅playgroup無咩用架

作者: szeleunghk 時間: 16-6-8 11:54

但協康會D Training同playgroup要醫生評估完先可以參加. 如果真係要等評估完先上已經2,3歲.可能太遲

作者: T96 時間: 16-6-8 12:30

本帖最後由 T96 於 16-6-8 12:33 編輯

szeleunghk 發表於 16-6-8 11:06
請問各位去邊度評估好呀? 本人係全職媽媽,但收入好少,只夠兩個人生活同住.平時婆婆湊佢, 如果太貴又俾唔到 ...

其實健康院最後見完醫生後都係轉介CAC評估，如果你想快，去兒科醫生寫封轉介信排CAC，但咁細未必寫。

http://www.dhcas.gov.hk/tc_chi/information_nr/information_nr.html

作者: T96 時間: 16-6-8 12:35

本帖最後由 T96 於 16-6-8 12:36 編輯

lavender_baby 發表於 16-6-8 10:53
健康院啲姑娘講嘅嘢真係信5成好啦，我小朋友1歲果陣我同佢講過我發現嘅問題，個姑娘果時都話有人快有人慢叫 ...

都係啱。

作者: szeleunghk 時間: 16-6-8 15:52

謝謝各位

作者: lavender_baby 時間: 16-6-8 17:31 標題: 引用：但協康會D+Training同playgroup要醫生評估

原帖由 szeleunghk 於 16-06-08 發表
但協康會D Training同playgroup要醫生評估完先可以參加. 如果真係要等評估完先上已經2,3歲.可能太遲 ...

Training 要評估報告，playgroup唔使，詳情可打電話去問下

作者: peonybibi 時間: 16-6-8 17:49 標題: 回覆：lavender_baby 的帖子

一歲太細，現可以做嘅係chur 健康院俾你排cac評估，就算佢話你多疑叫你等多半年，你都唔好聽好說話信佢。好多訓練要歲半至上得，你而家要做嘅係狂睇資料學訓練佢。可以睇協康網頁同書，train大肌肉，狂去公園玩。小肌肉，買啲小玩具同玩手指遊戲。了解感統。仲有訓練佢指令同埋認知，呢啲可全靠自己。仲有，認識自己住區自閉小朋友家長，了解本區資源，睇下有咩中心有平嘅playgroup,有借玩具或者社工可傾下計問下嘢。playgroup教唔到啲咩，但可自己觀察到同齡小朋友之發展同表現，同埋導師睇你小朋友正唔正常。現在你自己己有懷疑，唔駛靠pg幫你發現都得啦，你睇得書多自己仲專家，資金不多，唔好上貴嘅，平平哋可試玩下。

作者: szeleunghk 時間: 16-6-17 12:08

感謝各位媽媽意見，星期一已見了健康院姑娘，我同佢講我仔仔有咁情況，佢一味話佢無事，大少肌肉正常，只係唔識指領，叫我慢慢教佢，但事實上佢原全唔望你，你點教佢呢。我一路講佢有咩問題，姑娘只係話，佢仲細唔識要等多半年再返去睇下。不過未去之前已經估到個結果會係咁，我相信如果小朋友唔係呆哂唔郁果Ｄ，佢都唔會幫我排評估。而家希望協康可以幫下手。

作者: Yeahly_ly 時間: 16-6-19 01:29 標題: 引用：感謝各位媽媽意見，星期一已見了健康院姑娘

原帖由 szeleunghk 於 16-06-17 發表
感謝各位媽媽意見，星期一已見了健康院姑娘，我同佢講我仔仔有咁情況，佢一味話佢無事，大少肌肉正常，只係 ...

過多兩個月...14M再返健康院再chur多次姑娘比你見醫生啦!

作者: 貓后 時間: 16-6-19 11:02 標題: 回覆：懷疑１歲ＢＢ有自閉症

我過來人覺得1歲的確有d太早。我仔仔當時係就快歲半，未識任何單字、唔識手指指要野、眼神弱（叫極都唔應），很喜歡玩膔。

到左歲半我就叫健康院幫我排評估，我自己就自費去協康做言語治療， 2歲頭就排到做評估，接近3歲就上社交小組，今年度3歲半就排到E位了

作者: szeleunghk 時間: 16-6-20 11:45

回覆貓后的帖子

咁你仔仔上完堂而家ＯＫ嗎？

作者: szeleunghk 時間: 16-6-20 11:46

想問下社交小組同Ｅ位係Ｄ咩黎ＧＡ？

作者: 貓后 時間: 16-6-20 21:07 標題: 回覆：szeleunghk 的帖子

其實已接近同一般小朋友一樣，係佢性格有d怪唔好囉！

作者: 貓后 時間: 16-6-20 21:35 標題: 引用：想問下社交小組同Ｅ位係Ｄ咩黎ＧＡ？

原帖由 szeleunghk 於 16-06-20 發表
想問下社交小組同Ｅ位係Ｄ咩黎ＧＡ？

社交小組係我喺d私人機構自費做的，內容有d教言語、專注力、守秩序咁，樣樣有d

E位係早期訓練, 有專人同你評左先決定會比咩治療，通常係每星期1-2日去排到果間幼稚園上堂做訓練。不依家又多左到校服務，我仔仔已見好轉，所以我都放棄左個E位，繼續用到校服務更方便。

作者: szeleunghk 時間: 16-6-22 14:30

黎緊準備排協康做1.5歲評估,希望可以先評估睇下下一步仲有咩幫到佢,謝謝各位媽媽!

歡迎光臨教育王國 (/)