教育王國

標題: 發展遲緩同路人 [打印本頁]

作者: lamlianyu 時間: 16-6-7 12:29 標題: 發展遲緩同路人

小兒3歲有整體發展遲緩, 請問應該加入哪些機構才可以找到同路人?

作者: a6u1 時間: 16-6-7 15:04

小兒都係整體發展遲緩，13個月先爬，19個月先識行，而家2歲11個月，只講到極少極少單字，剛剛在CAC做完評估，整體發展得2歲。

我相信呢度有好多同路人。

作者: KCHK 時間: 16-6-7 18:33 標題: 回覆：發展遲緩同路人

我仔係自閉譜系加整體發展遲緩，現讀緊S 位

作者: Vicky0101 時間: 16-6-8 10:42 標題: 回覆：a6u1 的帖子

你好，我仔仔今年3歲，都係俾同齡慢1年!請問你小朋友宜家排咩位?

作者: babecat1 時間: 16-6-8 13:27 標題: 引用：小兒都係整體發展遲緩，13個月先爬，19個月

原帖由 a6u1 於 16-06-07 發表
小兒都係整體發展遲緩，13個月先爬，19個月先識行，而家2歲11個月，只講到極少極少單字，剛剛在CAC做完評估 ...

當年小兒2歲8個月，評估能力只得1歲，現在小兒8歲半了，能力和同年齡小朋友一樣，小朋友發展每個不同，大家要繼續努力

作者: wincat 時間: 16-6-8 13:40 標題: 回覆：發展遲緩同路人

global development delay.

不過我仔细d，未到2歲。依傢開始揾訓練俾佢。

作者: sharonho98 時間: 16-6-8 15:11 標題: 引用：Quote:原帖由+a6u1+於+16-06-07+發表小兒都

原帖由 babecat1 於 16-06-08 發表
當年小兒2歲8個月，評估能力只得1歲，現在小兒8歲半了，能力和同年齡小朋友一樣，小朋友發展每個不同，大家 ...

請問過程中訓練及有沒有其他特別食療分享？謝謝！

作者: a6u1 時間: 16-6-8 15:13

回覆 Vicky0101 的帖子

醫生轉介咗佢去排早期訓練服務（好像是叫 "E" 位？）。不過佢依家都有在私家做PT同ST，現在可能要安排埋OT比佢，因為小手肌唔得，評估得1歲半嘅能力。

作者: a6u1 時間: 16-6-8 15:15

回覆 babecat1 的帖子

見到你個仔個case, 真係讓人感到鼓舞！

作者: waiwai2468 時間: 16-6-8 18:28 標題: 引用：Quote:原帖由+a6u1+於+16-06-07+發表小兒都

原帖由 babecat1 於 16-06-08 發表
當年小兒2歲8個月，評估能力只得1歲，現在小兒8歲半了，能力和同年齡小朋友一樣，小朋友發展每個不同，大家 ...

想問下您點幫佢追番上，定大大下就追番，thx

作者: babecat1 時間: 16-6-8 19:09 標題: 引用：Quote:原帖由+babecat1+於+16-06-08+發表當

原帖由 sharonho98 於 16-06-08 發表
請問過程中訓練及有沒有其他特別食療分享？謝謝！

其實冇乜特別，只是積極樂觀面對，盡力配合治療師，勤力做訓練，沒有特別介口，另外有做了3年針灸

作者: psad2 時間: 16-6-10 12:59 標題: 回覆：babecat1 的帖子

提示: 作者被禁止或刪除內容自動屏蔽

作者: waiwai2468 時間: 16-6-11 13:16 標題: 引用：Quote:原帖由+sharonho98+於+16-06-08+發表

原帖由 babecat1 於 16-06-08 發表
其實冇乜特別，只是積極樂觀面對，盡力配合治療師，勤力做訓練，沒有特別介口，另外有做了3年針灸

...

謝謝，我囡都係發展遲緩，亦都係不停訓練訓練咁，返緊S位

作者: DollyCC 時間: 16-6-14 15:27 標題: 回覆：waiwai2468 的帖子

我囡都係s位訓練，進步中。但家長要明白正常小朋友都高速發展進步，我地既小朋友就算進步要追正常唔係1，2年可以.

作者: babecat1 時間: 16-6-15 00:17 標題: 引用：我囡都係s位訓練，進步中。但家長要明白正

原帖由 DollyCC 於 16-06-14 發表
我囡都係s位訓練，進步中。但家長要明白正常小朋友都高速發展進步，我地既小朋友就算進步要追正常唔係1，2 ...

小兒也入讀S位一年，可想而知當年小兒情況，大家千萬別放棄，要知道兒童發展各有不同，我也清楚路是艱難的，但要相信什麼都有可能發生的，努力加油

作者: Vkeeleung 時間: 16-6-16 13:05

Hello,我BB而家七個半月，昨日我自己去咗沙田做評估，係健康院轉介，佢話BB能力只有四至五個月，大小肌肉要train,智力要做咗真正測試才知，因case urgent同我排快棋大嘅五個月可以做測試，但之後仲要再排醫院做物理治療。我琴日其實崩潰左，好自責、好難過，猛喊。以圖搵第二啲醫生再同佢睇吓，希望姑娘評估錯，但醫生評估都係一樣, 我見佢平時真係冇乜嘢，會笑會玩有時認下你但有時牛牛地，冇諗過咁大件事，姑娘仲叫我唔好返工要train佢，我啱啱見咗工有份新工返，都唔知點，想問下你地發展遲緩嘅BB，係點遲法呢？其實我呢排都係咁train佢坐定同反身，佢一見我想同佢train就就猛係度叫或者喊，大家BB係咪咁？

作者: DollyCC 時間: 16-6-16 16:28 標題: 回覆：Vkeeleung 的帖子

老實講，醫生姑娘話佢遲，初初我唔覺佢地講得禁嚴重，因樣無野好得意，坐行企係遲但都識，但慢慢覺得點解識行禁耐都未識跑未識跳，仲係內8行，講野都只是呀呀，同其他小朋友比越差越遠。政府只有睇漏，佢講得嚴重都無死錯，加油努力。我都係辭工training,係好辛苦，同training係要燒錢。若有工人湊去train,你搵錢亦都可以。

作者: sukilulu 時間: 16-6-16 16:45

我仔1歲7個月, 評估大小肌肉得8個月, 唔係好識坐, 唔識行, 而家排緊政府物理治療,二星期覆疹一次!

作者: Vkeeleung 時間: 16-6-17 02:02

sukilulu 發表於 16-6-16 16:45
我仔1歲7個月, 評估大小肌肉得8個月, 唔係好識坐, 唔識行, 而家排緊政府物理治療,二星期覆疹一次! ...

既然我7個月已知問題，自己仲有少少能力，唔想等到1、2歲先做物理治療,私家早啲做，同埋物理治療會唔會教埋家長點幫佢郁呢？如果自己train得好可能一兩歲嘅時候已經跟得到，都是排到政府嗰度買比佢繼續follow囉。但我老公好煩，唔俾我去，錢又係我自己比嘅，話我係怪獸家長喎，成日講到自己個仔有問題，遲啲咪遲啲喎，九唔搭八，攬住啲錢都大入棺材架啦，況且我啲錢又唔係佢啲錢。

作者: DollyCC 時間: 16-6-17 10:09 標題: 回覆：Vkeeleung 的帖子

物理治療家長要一齊入，好似我囡治療師教我日日點同佢拉筋，又叫我買脈衝機幫佢日日電腳，淨靠治療師自己唔日日train 效果不大

作者: psad2 時間: 16-6-17 14:02 標題: 回覆：DollyCC 的帖子

提示: 作者被禁止或刪除內容自動屏蔽

作者: psad2 時間: 16-6-17 14:05 標題: 回覆：psad2 的帖子

提示: 作者被禁止或刪除內容自動屏蔽

作者: JamBBoy 時間: 16-6-17 22:36 標題: 回覆：lamlianyu 的帖子

我個女係細B，而家讀緊英普較谷嘅幼稚園K1，之前已在此校讀PN升上的，開學兩個月老師建議阿女重讀K1，因為行為上不夠成熟，不能安坐位上堂及唔集中精神，另外不能用英文及普通話用三個字組成句子說話，易哭、怕分離、怕生寶，但學業上完全跟得上，我有質疑學校判斷，因為一心想個女仲細啫，但我都即刻去健康院求救，要求評估，健康院醫生話阿女語言及認知發展較慢，再轉介去智力能力評估測試中心，言語治療師評估完話阿女語言慢咗1歲，再寫信比我去排威記醫生，出年3月先輪候到。上年年尾我都即刻quit咗份工，帶阿女去私家一星期做三次training，而家佢識講好多嘢，有時覺得有點兒煩，但佢理解力及語言能力提升咗之前，小朋友及大人都開心咗，因為大家溝通到！嚟緊九月會原校重讀，希望出年見醫生時醫生會評估佢追上進度！作為家長知道自己小朋友有問題一定難受！但我哋要支持小朋友，唔可以放棄佢！大家同路人要一齊努力，唔好放棄呀！六歲前治療係黃金期，一定會有成效！自己嘅付出係值得嘅！大家加油！

作者: cowboy2007 時間: 16-6-18 10:52 標題: 回覆：lamlianyu 的帖子

有兩盒訓練書本/習作可以教小朋友社交/中文。全新嘅，想比有需要的媽媽參考，耀能出版。有需要的可以跟我聯絡

作者: cowboy2007 時間: 16-6-18 14:00 標題: 回覆：JamBBoy 的帖子

大家唔好放棄呀！大下大下係會好d!
但不要計較評估分數，找緊六歲前治療係黃金期，

我睇佐好多書，不斷做訓練及練習，付出嘅時間係值得嘅！

作者: Vkeeleung 時間: 16-6-23 00:07

DollyCC 發表於 16-6-17 10:09
物理治療家長要一齊入，好似我囡治療師教我日日點同佢拉筋，又叫我買脈衝機幫佢日日電腳，淨靠治療師自己唔 ...

上咗第一堂私家職業治療，治療師話BB轉身有8，9成，坐亦有特別方法夾佢令佢覺得安全肯坐，上星期六做，反來狂train,番身要幫扣腳，但冇好似好辛苦咁，雙手又肯禁地抬頭，又教關節按摩等佢feel下D力。借咗細件玩具反屋企玩多咗，不再呆呆下，鬼咁好玩好笑。咁我24小時陪玩都有用嘅，亦train到佢揸奶樽同學習杯，我有信心排到做評估（政府）已經追得上，所有媽媽都認為不要錯過黃金機會，好開心BB有進步，錢使得有價值！

作者: 慧威喂 時間: 16-6-23 15:09

回覆 JamBBoy 的帖子

你好, 我小朋友2歲半, 評估左整體遲緩, 特別語言及認知發展, 請問你係報邊種堂上? 謝謝

作者: Vkeeleung 時間: 16-6-24 02:14

DollyCC 發表於 16-6-17 10:09
物理治療家長要一齊入，好似我囡治療師教我日日點同佢拉筋，又叫我買脈衝機幫佢日日電腳，淨靠治療師自己唔 ...

冇呀，8個月大梗要我係度，有mark notes點按摩關節同引佢坐及反，坐好咗好多起碼唔會屈埋，不過仍要雙手咁地，反身都係要我扣腳仔，不過而家雙手開始識放去前面，不過佢真係好懶，坐冼底成日等人救都死晤肯反。其實都驚自己有產後抑鬱，出半日街就覺得少咗一曰同佢train好自責，睇戲也心不在然，7月中反番工都驚自己冇心機掛住個仔，E生姑娘朋友個個都話：「個仔好醒目周圍望成日笑，冇嘢呀，俾D心機慢慢train。」而先前3－6個月停滯，私家E生話可能同工人有關（因為呢段期間我反咗工），今日又俾我發現抱B玩電話，之前一日抱，唔係就放藍仔，人哋想轉都冇得轉啦，交畀佢train仲擔心，但唔反工邊有咁多錢去做治療呀，哎呀，好矛盾呀！就快癲！

作者: JamBBoy 時間: 16-6-24 15:04 標題: 回覆：慧威喂的帖子

而家小朋友喺私人training centre上緊一D行為社交言語治療，由心理學家進行單對單及小組培訓，喺centre亦見到一D整體發展遲緩嘅小朋友，如果你有興趣，可以PM你有關centre資料

作者: wincat 時間: 16-6-24 15:46 標題: 回覆：Vkeeleung 的帖子

真係唔好靠工人，我仔delay, part of the reason 係冇乜stimulation, 工人响我面前就有同我仔玩，我一轉背就啋你都傻。4月炒左佢，我仔進步都多了！但我又不能不工作，只有辛苦d帯多d出去做training.

作者: yufy 時間: 16-6-24 23:37

回覆 JamBBoy 的帖子

可否給單對單訓練的資料給我,謝謝!

作者: Vkeeleung 時間: 16-6-25 04:16

我有學，有mark notes

作者: JamBBoy 時間: 16-6-25 11:05 標題: 回覆：yufy 的帖子

其實進行單對單定小組訓練係由心理學家評估後佢提出安排的，如評估後小朋友較嚴重的話，起初係單對對訓練的；如不太嚴重會混合單對單及小組訓練，小朋友單對單可針對佢自身需要改善問題，而小組令小朋懂得同步留心身邊嘅人做緊乜發生咩事，可以進步得好快，但都視乎小朋友嘅程度進度！舊生通常改善得好咗就淨係上小組便足夠了！你可以先打電話去預約做pre-screening，見家長及小朋去評估吓邊方面需要，係免費嘅，聽完comment再考慮做唔做training，不過地點係銅鑼灣

圖片附件: 1466823922920.jpg (16-6-25 11:05, 24.05 KB) / 下載次數 144
/forum.php?mod=attachment&aid=NzA4MTh8MGFmMjgyYzF8MTc1MDY3NzQ5NXww

作者: lamlianyu 時間: 16-6-30 12:55

回覆 JamBBoy 的帖子

hi, 睇唔清張圖, 你可吾俾CENTER既資料我?

作者: JamBBoy 時間: 16-6-30 16:38 標題: 回覆：lamlianyu 的帖子

已send咗比你，希望幫到你同你嘅小朋友啦！加油呀！

作者: coechow 時間: 16-6-30 21:07 標題: 回覆：JamBBoy 的帖子

可否都pm比我

作者: yufy 時間: 16-6-30 23:52

回覆 JamBBoy 的帖子

請問銅鑼灣邊度,可否給我地址及電話?

作者: miyokitam 時間: 16-7-1 00:38 標題: 回覆：babecat1 的帖子

很令人鼓舞的回覆！謝謝你！

作者: JamBBoy 時間: 16-7-1 10:17 標題: 回覆：yufy 的帖子

已send比你了！加油！

作者: coechow 時間: 16-7-1 10:27 標題: 回覆：JamBBoy 的帖子

Pls pm me also

作者: coechow 時間: 16-7-1 10:28 標題: 引用：已send比你了！加油！ +

原帖由 JamBBoy 於 16-07-01 發表
已send比你了！加油！

Pls pm me also

作者: JamBBoy 時間: 16-7-1 19:41 標題: 回覆：coechow 的帖子

都send埋比你了！加油呀！

作者: 大大大妹 時間: 16-7-1 22:57

借問聲,如果遲緩小朋友唔做訓練,大大下會唔會自己追返?

作者: waiwai2468 時間: 16-7-2 08:29 標題: 引用：借問聲,如果遲緩小朋友唔做訓練,大大下會唔

原帖由 大大大妹 於 16-07-01 發表
借問聲,如果遲緩小朋友唔做訓練,大大下會唔會自己追返?

如果知小朋友係發展遲緩，真係要係黃金時段同佢追6歲前，唔係踢下踢下就大，而且特殊小朋友放既時間心機亦相對多，亦有一樣的是小朋友既資質問題，您放心機落去亦要佢肯吸引先得，可能正常既講一兩次就明，但自己既小朋友就要重覆重覆咁教，但點都好如果自己唔放時間心機落教做訓練，只會令佢比正常發展拉遠了距離，加油呀。

作者: VictoriaMa 時間: 16-7-3 17:43

回覆 DollyCC 的帖子

知妳在那治療師訓練……基本個别私人pt、ot 訓練再大啲做埋感統訓練
二歲返香港大學個別st training
最近返緊個別私人特殊幼師課針對性指導

作者: VictoriaMa 時間: 16-7-3 17:53

VictoriaMa眼……… 發表於……適切6-7-3 1!時7:4時3
回覆 DollyCC 的帖子

知妳在那治療師訓練……基本個别私人pt、ot 訓練再大啲做埋感統訓練

好多時孩子未ready急唔黎他們自有一套生理規劃

我們只有盡力安排最適切訓練
曾有人講咁急進安排超多予孩子上
時間飛逝越早介入事到功倍。。。

回想呢段年半日子不停訓練上堂
有時更走幾轉不同區域
曾被批說倒錢落海

眼見BB某項目追趕至正常程度
絕對值得欣慰！

作者: VictoriaMa 時間: 16-7-3 17:58

提示: 該帖被管理員或版主屏蔽

作者: VictoriaMa 時間: 16-7-3 18:42

babecat1 發表於 16-6-8 19:09
其實冇乜化身特別，只是積極樂觀面對，盡力配合治療師，勤力做訓練，沒有特別介口，另外有做了3年針灸

...

借問系咪針頭？幾耐針一次？在那區咩醫師呢？囝上月再徃CAC確診ADHD &A仔傾向

作者: VictoriaMa 時間: 16-7-3 19:08

sukilulu 發表……於 16-6-16 16:45
我仔1歲7個月, 評估大小肌肉得8個月, 唔係好識坐, 唔識行, 而家排緊政府物理治療,二星期覆疹一次! ...

政府既每月一次覆診訓練坦白講一定唔夠予孩子既需求

作者: VictoriaMa 時間: 16-7-3 19:13

DollyC言"lC 發…表 16-治療師-17 10:09
物理治療家長要一齊入，好似我囡治療師教我日日點同佢拉筋，又叫我買脈衝機幫佢日日電腳，淨靠治療師自己唔 ...

細既孩子需家長陪同囝更正歲半後訓練巳可單獨上堂
完結後治療師會滙報情況

作者: VictoriaMa 時間: 16-7-3 19:19

sharonho98 發表於 16-6-8 15:11
請問過程中訓練及有沒有其他特別食療分享？謝謝！

囝囝睇中醫兼食補充劑真的具果效。。。。
根據外國醫學文獻紀錄

作者: imlcc 時間: 16-7-3 22:11

我女宜家讀主流小學小二，成續唔錯，老師重經常俾佢上台比賽表演，校際音樂比賽亦攞到獎，但回想起佢再細D嘅時候，我真係擔驚受怕。我好早已發覺佢有異於同齡小朋友，三歲喺CAC做評估話佢各方面都係得兩歲左右，之後自費去過協康做訓練，五歲終於排到政府早期訓練中心，期間不斷進步。雖然現在阿女體能同社交都較弱，但起碼可以肯定佢智力無問題，甚至叻過好多小朋友，所以大家千萬唔好灰心，明天會更好。

作者: coechow 時間: 16-7-3 22:20 標題: 引用：我女宜家讀主流小學小二，成續唔錯，老師重

原帖由 imlcc 於 16-07-03 發表
我女宜家讀主流小學小二，成續唔錯，老師重經常俾佢上台比賽表演，校際音樂比賽亦攞到獎，但回想起佢再細D ...

我想問你私人是否返協康"伴我雲彩路"？有用嗎?

作者: imlcc 時間: 16-7-3 22:25

coechow 發表於 16-7-3 22:20
我想問你私人是否返協康"伴我雲彩路"？有用嗎?

我唔係好記得個名，但好似係類似幼兒導師訓練。

作者: 貓大姐 時間: 16-7-4 00:58

如欲提供/索取資料，請直接pm有關會員
請勿在版面留下 pm 或 email 等相關字句，否則本文將會被關閉，謝謝合作

作者: babecat1 時間: 16-7-4 18:11 標題: 引用：Quote:babecat1+發表於+16-6-8+19:09+其實

原帖由 VictoriaMa 於 16-07-03 發表
借問系咪針頭？幾耐針一次？在那區咩醫師呢？囝上月再徃CAC確診ADHD &A仔傾向
...

小兒在灣仔針灸了兩年，在大埔也針了兩年(共四年)，每星期兩次左右

作者: banana0319 時間: 16-7-9 15:23

回覆 babecat1 的帖子

想請教你當初係用咩方法幫佢！？因為我仔仔同你小朋友一樣！好擔心，好無助！因為好多都要等！

作者: Aomuimui 時間: 16-7-12 21:50 標題: 回覆：a6u1 的帖子

各位知唔知遲緩9個月至1年排到既E位可以比幾多訓練呢？一星期幾次呢？

我始終對I位冇信心，好驚揀錯，但又真係冇時間帶出帶入去E位，如果E位一星期得1次訓練，咁就算啦

作者: Aomuimui 時間: 16-7-12 21:51 標題: 回覆：Aomuimui 的帖子

港島區

作者: 慧威喂 時間: 16-7-13 17:25

本帖最後由慧威喂於 16-7-13 17:26 編輯

我囝宜加2歲半, 行為係一歲半前. 2歲1個月被評為得13個月大, 整體發展遲緩. 一直政府都有做緊ot, pt . 旦最近被個朋友(以前做楊震) 睇過. 佢話佢有嚴重delay, 可能會有中度至嚴重弱智. 聽到好驚, 準備辭工全力照顧佢, 同申請左個密集課程. 其實甘嚴重, 有無機會好返?......好擔心!

作者: babecat1 時間: 16-7-14 01:05 標題: 引用：回覆+babecat1+的帖子想請教你當初係用咩

原帖由 banana0319 於 16-07-09 發表
回覆 babecat1 的帖子

想請教你當初係用咩方法幫佢！？因為我仔仔同你小朋友一樣！好擔心，好無助！因為好 ...

綜合所有治療師、特殊導師、醫生意見，制定一套適合自己小朋友方法(例如小朋友作息時間，有什麼缺點，什麼優點)，持之以恆用心在家中和透過日常生活訓練，中醫針灸，最緊要自己有適量運動，保持心境開朗，慢慢就會看到成績，加油。(剛開始時可能未能掌握訓練方法，當年我也用了2個月才能掌握)

作者: KCHK 時間: 16-7-14 19:59 標題: 回覆：慧威喂的帖子

我仔第一次的評估仲衰過你小朋友, 心理學家講過一定要搞好情緒同聽指令, 跟著搞社交, 之後做認知同言語訓練, 中間試過唔信, 幫佢做言語訓練,訓練一小時浪費了45分鐘, 又音樂治療, 感統, 真係咩都訓練下, 都一直進步(雖然係慢)，直至入左S 位, 就真係好針對3T 訓練, 立刻進步好多, 老師覺得佢好大機會入到主流, 及好多方面已經追近同年齡的小朋友, 如果小朋友本身係智力問題就真係無得搞, 如果唔係的話, 在6歲前係有機會無事的, 比心機去訓練吧！

作者: lamkwan 時間: 16-7-15 08:35 標題: 引用：Quote:原帖由+a6u1+於+16-06-07+發表小兒都

提示: 作者被禁止或刪除內容自動屏蔽

作者: babecat1 時間: 16-7-15 08:40 標題: 引用：Quote:原帖由+babecat1+於+16-06-08+發表當

原帖由 lamkwan 於 16-07-15 發表
有冇做任何training

有，3T、社交訓練全部有做

作者: lamkwan 時間: 16-7-15 08:49 標題: 回覆：發展遲緩同路人

提示: 作者被禁止或刪除內容自動屏蔽

作者: lamkwan 時間: 16-7-15 08:52 標題: 回覆：發展遲緩同路人

提示: 作者被禁止或刪除內容自動屏蔽

作者: babecat1 時間: 16-7-15 12:10 標題: 引用：我個仔係cac+做佐speech+aessessment.話del

原帖由 lamkwan 於 16-07-15 發表
我個仔係cac 做佐speech aessessment.話delay了半年。我有需要係d大學做多次?

如再做評估，倒不如留返d錢去做訓練好一點

作者: DollyCC 時間: 16-7-15 13:33 標題: 回覆：babecat1 的帖子

反正做訓練第一堂都係評估

作者: roy_ming8374 時間: 16-7-21 13:47 標題: 回覆：發展遲緩同路人

細囡8月尾2歲，之前歲半去健康院都合格，但我發覺呢幾個月說話冇進步，仍然講媽咪爸爸姐姐嫲嫲，之後我返健康院檢查醫生俾左轉介信去下葵涌排期，約8月頭第一次證記。我身邊冇朋友有相同經歷。我知排政府可能要排好耐。想問各位媽媽有出去私人做評估嗎？可以介紹俾我嗎？我心情好亂又擔心，唔知點解細囡會咁、大囡完全冇問題。希望各位有相同經歷媽媽可以俾多意見我。謝謝

圖片附件: myphoto.jpg (16-7-21 13:47, 45.65 KB) / 下載次數 56
/forum.php?mod=attachment&aid=NzQ2NTd8MTUyMjZlOGN8MTc1MDY3NzQ5NXww

作者: a6u1 時間: 16-7-23 23:59

回覆慧威喂的帖子

其實有點唔明，CAC評估只係慢咗大概一年，點解突然又變咗嚴重delay? 你個朋友係根據什麼來判斷？

作者: 慧威喂 時間: 16-7-27 11:49

本帖最後由慧威喂於 16-7-27 11:52 編輯

回覆 a6u1 的帖子

果個姑娘其實只係以佢多年經驗來分折, 佢話以我仔既情況, 腦細胞應該有一半或以上未被激活, 以我仔既情況黎睇, 黃金期只係到4歲, 如果4歲仲未激活到果一半腦細胞, 佢就會變成死細胞, 甘既意思啫係會有機會變弱智. 唔知係真, 定嚇我, 旦都叫俾左心理準備我, 和埋我更加都要著緊D. 宜加我都係唔太知點訓練阿仔, 仲諗緊點制定一套適合自己小朋友方法或時間表俾佢.

作者: KCHK 時間: 16-7-27 13:28 標題: 回覆：發展遲緩同路人

其實媽媽自己要好清楚小朋友需要什麼治療，要針對小朋友的弱項做訓練，不仿家長參加多d 家長會, 訓練堂, 我自已在政府都上過好多呢d 家長堂, 真的好有用。的確去到4歲都仲係delay 成年就係麻煩d ，不過小朋友唔係一d 進步都無係仲有機會的, 比d 心機吧！

作者: cookieman 時間: 16-8-8 14:45

roy_ming8374 發表於 16-7-21 13:47
細囡8月尾2歲，之前歲半去健康院都合格，但我發覺呢幾個月說話冇進步，仍然講媽咪爸爸姐姐嫲嫲，之後我返健 ...

我女女都係咁，啱啱2歲排緊下葵涌去登記，佢連媽媽、爸爸都唔講﹗只係講好小BB話…hello、byebye、車、街街……嗰D…出面D治療好貴，我唔係好負擔到

作者: nickykiu 時間: 16-8-8 16:05

我仔現25個月，向政府做左評估，各樣都遲左1年，而家冇返工，照顧佢，佢早上返普通學校n 班，見到好明顯差過其他同學，下午再上言語治療，希望真係幫到佢，好擔心

作者: Yukiruirui888 時間: 16-8-8 22:20 標題: 引用：Quote:roy_ming8374+發表於+16-7-21+13:47+

原帖由 cookieman 於 16-08-08 發表
我女女都係咁，啱啱2歲排緊下葵涌去登記，佢連媽媽、爸爸都唔講﹗只係講好小BB話…hello、byebye、車、街 ...

你住邊啊？

作者: roy_ming8374 時間: 16-8-9 11:20 標題: 引用：Quote:roy_ming8374+發表於+16-7-21+13:47+

原帖由 cookieman 於 16-08-08 發表
我女女都係咁，啱啱2歲排緊下葵涌去登記，佢連媽媽、爸爸都唔講﹗只係講好小BB話…hello、byebye、車、街 ...

你好媽媽，我8月頭去下葵約期，姑娘話要排9個月至一年。我自已又排緊協康會。其實我又係只有先生工作都怕金錢問題，只有係其他方便唔用錢。可以做個朋友嗎？大家可互相幫助

作者: cookieman 時間: 16-8-9 12:18

Yukiruirui888 發表於 16-8-8 22:20
你住邊啊？

長沙灣區

作者: cookieman 時間: 16-8-9 12:21

roy_ming8374 發表於 16-8-9 11:20
你好媽媽，我8月頭去下葵約期，姑娘話要排9個月至一年。我自已又排緊協康會。其實我又係只有先生工作都怕金 ...

hi~同路人…已回妳的PM

作者: hazelnuttty 時間: 16-8-10 16:35 標題: 引用：+本帖最後由+慧威喂+於+16-7-27+11:52+編輯

原帖由 慧威喂 於 16-07-27 發表
本帖最後由慧威喂於 16-7-27 11:52 編輯

回覆 a6u1 的帖子

佢點樣判斷一半腦細胞未被激活? 照腦掃描同磁力共震都都唔會睇到啲細胞! 佢點得出呢個結論真係無從稽考!

腦細胞唔用就變死細胞呢個更加無科學根據!!

唔好自己嚇自己, 實事求事, 認清小朋友嘅能力, 家長理智配合訓練才是上策!

作者: DollyCC 時間: 16-8-11 12:30 標題: 回覆：a6u1 的帖子

政府資源有限，個人認為政府講得有事都無死錯人。

作者: yoyoslam 時間: 16-8-12 00:15

回覆 babecat1 的帖子

good good , glad to hear that .

作者: Sask999 時間: 16-8-14 22:45 標題: 引用：Quote:roy_ming8374+發表於+16-7-21+13:47+

原帖由 cookieman 於 16-08-08 發表
我女女都係咁，啱啱2歲排緊下葵涌去登記，佢連媽媽、爸爸都唔講﹗只係講好小BB話…hello、byebye、車、街 ...

我仔2歲時都係未會叫媽媽，CAC評估言語delay 9個月＋自閉譜系。
入左E位3年＋平日同佢多D練習，依家6歳半，九月入主流小一，各方面都追及同齡。只係間中都有少許脾氣。我自己已經好滿意。
各位媽媽，加油！好好把握6歲前的黃金時期！

作者: cookieman 時間: 16-8-15 15:24

Sask999 發表於 16-8-14 22:45
我仔2歲時都係未會叫媽媽，CAC評估言語delay 9個月＋自閉譜系。
入左E位3年＋平日同佢多D練習，依家6歳半， ...

thank you﹗

作者: roy_ming8374 時間: 16-8-18 14:39 標題: 引用：Quote:原帖由+cookieman+於+16-08-08+發表

原帖由 Sask999 於 16-08-14 發表
我仔2歲時都係未會叫媽媽，CAC評估言語delay 9個月＋自閉譜系。
入左E位3年＋平日同佢多D練習，依家6歳半， ...

想請問平時係屋企同佢做乜訓練多？我囡唔鐘意玩玩具，都幾頭痛

作者: Sask999 時間: 16-8-18 18:52 標題: 引用：Quote:原帖由+Sask999+於+16-08-14+發表我

原帖由 roy_ming8374 於 16-08-18 發表
想請問平時係屋企同佢做乜訓練多？我囡唔鐘意玩玩具，都幾頭痛

這種小朋友好多時都不太玩玩具。我仔喜歡食野，我用食物引佢開口。
另外，多些同佢講不同的詞語。好似蘋果，橙，水，電視、、等。見什麼講什麼，因為佢地唔似一般小朋友自己吸收，你要不斷的講比佢地知，重覆又重覆，佢地可以徙中學習。

另外可以教下用飲管，飲飲品及吹出，都可以幫助佢地的口肌。

多多加油！

作者: benny3163 時間: 16-8-19 15:07

我個女20個月大，唔識行唔識講野，keep住有係QE做物理治療，但作用不太，直到琴日QE先叫我去做智力測驗，會唔會太遲?如果私家做智力測驗及Train大家有冇介紹?我而家真係好擔心同傍遑

作者: psad2 時間: 16-8-20 15:27 標題: 引用：我個女20個月大，唔識行唔識講野，keep住有

提示: 作者被禁止或刪除內容自動屏蔽

作者: Sask999 時間: 16-8-21 21:31 標題: 引用：我個女20個月大，唔識行唔識講野，keep住有

原帖由 benny3163 於 16-08-19 發表
我個女20個月大，唔識行唔識講野，keep住有係QE做物理治療，但作用不太，直到琴日QE先叫我去做智力測驗，會 ...

20個月仲細，努力加油，小學前仲有時間追！

作者: benny3163 時間: 16-8-21 23:53

回覆 psad2 的帖子

請問係唔係青蔥計劃?

作者: benny3163 時間: 16-8-21 23:54

回覆 Sask999 的帖子

知道，多謝妳既鼓勵!

作者: psad2 時間: 16-8-22 18:16 標題: 引用：回覆+psad2+的帖子請問係唔係青蔥計劃?

提示: 作者被禁止或刪除內容自動屏蔽

作者: benny3163 時間: 16-8-22 22:53

回覆 psad2 的帖子

錢真係唔係問題，真係可以幫到個小朋友，借錢都要去!我都入左紙申請la,請問你之前等左幾耐先可以做評估?

作者: benny3163 時間: 16-8-22 23:31

我想問下各位媽媽，醫生有冇叫你地既小朋友照磁力共振?

作者: nickykiu 時間: 16-8-23 07:20 標題: 回覆：benny3163 的帖子

等左半年

作者: psad2 時間: 16-8-23 07:58 標題: 引用：我想問下各位媽媽，醫生有冇叫你地既小朋友

提示: 作者被禁止或刪除內容自動屏蔽

作者: psad2 時間: 16-8-23 08:09 標題: 引用：Quote:原帖由+benny3163+於+16-08-22+發表

提示: 作者被禁止或刪除內容自動屏蔽

作者: goodmorningsir 時間: 16-8-23 12:52 標題: 引用：我個女係細B，而家讀緊英普較谷嘅幼稚園K1

原帖由 JamBBoy 於 16-06-17 發表
我個女係細B，而家讀緊英普較谷嘅幼稚園K1，之前已在此校讀PN升上的，開學兩個月老師建議阿女重讀K1，因為 ...

想問問大約上左幾耐training見有進步？平時係屋企可以點做去令佢講多D野/進步？

作者: goodmorningsir 時間: 16-8-23 12:55 標題: 引用：Quote:原帖由+cookieman+於+16-08-08+發表

原帖由 Sask999 於 16-08-14 發表
我仔2歲時都係未會叫媽媽，CAC評估言語delay 9個月＋自閉譜系。
入左E位3年＋平日同佢多D練習，依家6歳半， ...

可否分享一下自閉譜系有什麼病徵？

作者: AngelVenus 時間: 16-8-23 17:20

我囝2歲評估得1歲發展, 排左1年多岩岩見完早期教育訓練姑娘同四大治療師, 準備大約九月等通知份開始上早期教育訓練(E位)

作者: JamBBoy 時間: 16-8-23 17:47 標題: 回覆：goodmorningsir 的帖子

其實每次做完training都見阿女有進步，大約開始training咗3個月後已進步得好快！
首先屋企一定要閂電視戒電子奶咀，even美語世界都要戒，因為睇電視只係單向性，冇互動性，會令小朋友沉醉自我世界，脫離現實！
然後不斷同小朋友做實物名明，可以用圖卡、相片或真實物品話比小朋友D嘢叫做咩嘢，可以用一連串圖片好似連環圖咁話比小朋友知因果關係，初時都覺得自己好似傻咗咁自言自語係咁話比小朋友知係D咩，但慢慢真係可以改善認知能力！
當小朋友改善認知能力就會肯開口講，大人要盡量回應，便可增加小朋友自信心，令小朋友樂意表達，唔會因為表達唔到而發脾氣喊！
另外要多D同小朋友預告嚟緊會做咩事或發生咩事，例如會同佢去邊到玩、見D咩人，有理冇理起勢講，唔駛理佢有冇回應或明唔明，慢慢小朋友會將大人預告嘅嘢入咗腦，會有心理準備，去陌生地見陌生人亦唔會驚，對大人都充滿信心，唔再怕分離！當然大人應承咗小朋友嘅嘢一定要做到先可以得到小朋友信任！
由於阿女進步不少嘅關係，七月攞成績表時學校比阿女升K2，唔駛留班了！雖然到目前為止已用咗等同一年嘅幼稚園學費去做training，但可以換來阿女嘅進步及追噃一年嘅留班時間，我哋做家長嘅非常開心！
呢個暑假我仲帶阿女去跳芭蕾舞及去其他幼稚園in K2插班，阿女每次都玩得非常開心，表現投入，阿女嘅正面改變真係令我鬆一口氣！
所以大家要對自己小朋友有信心，多D同佢互動，佢一定可以改善到㗎！大家加油！

歡迎光臨教育王國 (/)