教育王國

標題: 點樣叫小朋友去扣門好? [打印本頁]

作者: samhongkong    時間: 16-6-5 14:49     標題: 點樣叫小朋友去扣門好?

家中小朋友比較早熟,咩都知,但心寧脆弱,好易唔開心。我應該點樣同佢講,等佢積極D同認真咁去扣門,而又唔會令佢覺得派到既學校唔好?
作者: michelle1222    時間: 16-6-5 15:01     標題: 回覆:samhongkong 的帖子

我同佢講左派左邊間學校,而媽媽覺得佢可以入一間更好的,依家要辛苦佢了。佢好欣然接受。因為佢覺得間學校好細。




作者: edith208    時間: 16-6-5 15:03     標題: 引用:家中小朋友比較早熟,咩都知,但心寧脆弱,

原帖由 samhongkong 於 16-06-05 發表
家中小朋友比較早熟,咩都知,但心寧脆弱,好易唔開心。我應該點樣同佢講,等佢積極D同認真咁去扣門,而又 ...
花D時間同仔女講下你們對所派學校同扣門學校的分別,當然入讀係仔女,最女子從佢地的角度解釋。

另外扣門程序要俾佢知,我揀人,人揀我,扣多幾間,俾機會多幾間學校認識自己。

仔女會sense到父母的失望,所以大人都要控制情緒。

當年我在阿女面前冇野,6月尾等消息中的某日,返到office, lunchtime同同事講起,自己爆喊出來。

我7月頭收到兩間offer, 兩日內喺三間攞返派位證。朋友住屯門,出九龍城扣門,等到八月中先有offer. 希望你們早D有好消息。




作者: Jane1983    時間: 16-6-5 15:18

以鼓勵的口吻、正面的態度同佢講,只要唔踩佢派到的學校就得。

派到什麼學校係運氣,唔關小朋友事,佢唔應該有hard feeling。
作者: sell2japan    時間: 16-6-5 15:53

身教, 大人都欣然接受事實, 積極幫助小朋友叩門, 小朋友也會明白,
作者: Englandbaby    時間: 16-6-5 17:52     標題: 回覆:點樣叫小朋友去扣門好?

話去參觀下其他學校,做下工作紙,同老師自我介紹下。




作者: karen55407    時間: 16-6-5 18:19     標題: 回覆:點樣叫小朋友去扣門好?

我有朋友個小朋友喺呢間學校讀緊,原來啲老師好有愛心㗎!校舍又大又靚!課外活動又多,又有你至鍾意嘅⋯啲同學又好乖,不如我哋試下考呢間學校,順便可以參觀下!




作者: twlo    時間: 16-6-5 18:31

其實宜家的小朋友很醒,知道大人想做怎麼的?
我的小朋友上年也抽得不好,要叩門,我如實同佢講。不過完全沒有俾任何壓力給他,只是同佢講,老師問怎麼,明白便答怎麼。當中有不明白或聽不清楚,便禮貌地問多次。
最後,叩了五間,有四間成功。
作者: AgapePa    時間: 16-6-5 18:33     標題: 引用:家中小朋友比較早熟,咩都知,但心寧脆弱,

原帖由 samhongkong 於 16-06-05 發表
家中小朋友比較早熟,咩都知,但心寧脆弱,好易唔開心。我應該點樣同佢講,等佢積極D同認真咁去扣門,而又 ...
話俾佢聽過咗level 1, 要升呢打大佬.




作者: mcl203    時間: 16-6-5 18:38     標題: 引用:其實宜家的小朋友很醒,知道大人想做怎麼的

原帖由 twlo 於 16-06-05 發表
其實宜家的小朋友很醒,知道大人想做怎麼的?
我的小朋友上年也抽得不好,要叩門,我如實同佢講。不過完全沒 ...
我小朋友當年6歲仲係一舊飯,考乜都唔知,亦唔使佢知,6月交埋私校學費,仲要收指示去面試,升小係由父母揀的,最後都會同佢講下,但我唔覺佢會明




作者: cattz288    時間: 16-6-5 18:59     標題: 引用:其實宜家的小朋友很醒,知道大人想做怎麼的

原帖由 twlo 於 16-06-05 發表
其實宜家的小朋友很醒,知道大人想做怎麼的?
我的小朋友上年也抽得不好,要叩門,我如實同佢講。不過完全沒 ...
我之前都係咁教定個仔咁,同埋老師鍾意答問題既小朋友, 答錯唔會罰, 但唔答就會無禮貌架




作者: virginbaby    時間: 16-6-5 19:45     標題: 回覆:twlo 的帖子

我想問下,叩既係神校定地區名校,二線學校?
我唸自己之前準備唔夠好,有啲學校面試撞期,攪到好似要再搵多啲去叩,但時間有限,好迷惘




作者: samhongkong    時間: 16-6-5 20:27

回覆 twlo 的帖子

多謝大家既意見!我打算讚美要扣門既學校,然後叫佢去試下考。希望成功啦,萬一落選左,就話唔係佢唔叻,只係有比佢更叻既小朋友,佢盡左力就得,反正原本個間都唔差。
Twlo 既經驗好有用,感謝分享。

作者: twlo    時間: 16-6-5 20:43

不是怎麼神校,只是同區比較多人選的學校。
因為我一間私校或直資也沒有報,我心想:如果同區叩門也不成功,其他也不用想,同埋,讀到書的話,怎麼學校也一樣讀到。
作者: virginbaby    時間: 16-6-6 07:27     標題: 回覆:twlo 的帖子

咁都係,神校機會仲少,可能只累了小朋友




作者: wankapo    時間: 16-6-25 23:25     標題: 引用:其實宜家的小朋友很醒,知道大人想做怎麼的

原帖由 twlo 於 16-06-05 發表
其實宜家的小朋友很醒,知道大人想做怎麼的?
我的小朋友上年也抽得不好,要叩門,我如實同佢講。不過完全沒 ...
好勁。請問同宗教嗎?




作者: gk678    時間: 16-6-26 00:39     標題: 回覆:點樣叫小朋友去扣門好?

我地無咁複雜,剩係直接同佢講抽獎抽得唔好,要去搵學校,面試時佢叫你做乜就照做就得喇。




作者: twlo    時間: 16-6-26 14:01

回覆 wankapo 的帖子

沒有宗教分,只是舊生。
作者: lazywife    時間: 16-6-27 08:09     標題: 回覆:點樣叫小朋友去扣門好?

帶佢認識派到位既學校。。又帶佢去想叩門既學校睇下。。無講過一句好或唔好既野。。我只係同佢講:今日有面試遊戲,去唔去玩下?佢都係開心咁答好。。仲要同佢講我地今日要著靚D....爸爸同我地遊車河。。。大人,要將心中擔憂收藏。。面上要寬容。。小朋友更易受大人情緒影響。。。




作者: girafflau    時間: 16-6-27 12:08

其實我小朋友無乜意識面試, 每次都會同小朋友講, 我地去唔同既小學玩, 今日去邊間邊間, 你玩完記得話我知好唔好玩喎..
作者: kelvinkei    時間: 16-6-27 14:36     標題: 回覆:點樣叫小朋友去扣門好?

無論你講更好,或派左果間幾差。 都已經造成比較既訊息

若你想小朋友無壓力及表現理想,建議話佢聽只係去玩。平常心既表現絕對比壓力下更好




作者: zanezane    時間: 16-6-27 14:58

同小朋友講,香港有好多好學校,但只會派一間俾我地,面下試如果成功就可有多d好學校去選擇。
好嘅地方可以係唔同ga, 好似學校a近d, 學校b多d課外活動。。。。考到就有得選,無論係邊間都要俾心機讀。或者係面試後話返俾我知邊間好d, 到時我地再諗。
作者: adriantai    時間: 16-6-27 15:28

Jane1983 發表於 16-6-5 15:18
以鼓勵的口吻、正面的態度同佢講,只要唔踩佢派到的學校就得。

派到什麼學校係運氣,唔關小朋友事,佢唔應 ...
以鼓勵的口吻、正面的態度同佢講,只要唔踩佢派到的學校就得。X2, 不過除非真係好接受唔到, 否則唔應該係又扣唔係又扣.

作者: kloklo199    時間: 16-6-28 00:31

同小兒講, 第一關1st round 筆試打怪獸 第二關2nd round 面試打大佬(校長)好彩小兒明白, 照做
作者: kloklo199    時間: 16-6-28 00:34

唔好講得太白, 孩子壓力很大的 壓力大反而面試情緒唔好, 讓孩子當面試是游戲一部分, 認真玩面試游戲就可以了
作者: mimi222shi    時間: 16-6-28 09:15

早熟既小朋友最易教, 你照實講,佢自己會思考同配合.




歡迎光臨 教育王國 (/) Powered by Discuz! X1.5