教育王國

標題: 當年今晚⋯⋯小一放榜前夕 [打印本頁]

作者: yunbb 時間: 16-6-4 01:09 標題: 當年今晚⋯⋯小一放榜前夕

仲記得心情緊張到不得了，擔心第二日放榜嘅結果。個個家長都話要準備叩門嘅資料，我只係影印曬需要嘅文件，準備咗相片，郵票，信封，文具，列印曬各學校叩門申請表。不過仲未準備親手撰寫嘅叩門信。當晩不斷update EK嘅資料，瀏覽各學校嘅網頁，點都係瞓唔着，仲計劃定叩門嘅先後次序。
星期六早上，我哋兩公婆決定晏啲先去睇結果，希望唔使排隊。九點左右，同學家長便開始在WhatsApp群組報告各區嘅排隊情況，好多區都要打蛇餅去攞放榜結果。
我哋就同小朋友安安樂樂食個早餐，跟住送埋小朋友去畫畫班。我哋決定唔帶小朋友去接受這個恐怖經驗，兩公婆自己面對可能嘅失敗，調整好心情先去接小朋友放學。
陸陸續續好多家長公布佢哋嘅結果，好多同學都派唔到第一志願，即刻返幼稚園搵校長寫信。
11點幾，真係懷着戰戰兢兢嘅心情走入去派位中心。嘩！竟然一個人都冇，唔使排隊不特止，職員仲好誠懇咁指導我地喺邊度攞結果。職員俾張小一註冊證我嘅時候，我都唔知係邊度睇派咗邊間學校，當佢講比我聽派到第一志願嘅時候，仲要為自己聽錯。今晚，我同小朋友回憶返當日嘅時侯，佢仲記得媽咪接佢放畫班嘅時候，好開心話比佢知派左一間好的學校。
今年嘅家長們，仲有幾個鐘頭，祝願你哋個個都派到心儀嘅學校。希望你哋同小朋友都有一個開心嘅回憶。
每年都會聽到有啲家長係派位中心責怪自己個小朋友唔叻，所以派唔到好嘅學校。其實派位真係同佢地冇關係，唔好將呢啲負面嘅情緒轉嫁落小朋友身上。BTW,同學的家長大部份都可以叩番入心儀嘅學校，叩門過程係好漫長，要有耐心及毅力。加油。

作者: ALK 時間: 16-6-4 01:20 標題: 回覆：當年今晚⋯⋯小一放榜前夕

多謝你嘅分享！係好美麗嘅回憶！我唔敢幻想會發生在自己身上，怕會失望…anyway，希望大家都加油！為孩子好好努力！

作者: aldousng0831 時間: 16-6-4 01:31 標題: 回覆：yunbb 的帖子

多謝分享！今晚時間真係過得特別慢長，令人無法安睡，希望明天大家都有個好既答案

作者: maccy523 時間: 16-6-4 01:33 標題: 回覆：當年今晚⋯⋯小一放榜前夕

雖然未到我女放榜，但睇完你篇文，我感動到喊，尤其是見到你話調整心情去送小朋友上畫班，我D眼淚就不停流😢

作者: sbux 時間: 16-6-4 01:37 標題: 回覆：當年今晚⋯⋯小一放榜前夕

有心人，謝謝你

好高興今年 EK 見返好多正能量，要持續啊

作者: lingan 時間: 16-6-4 01:48 標題: 回覆：當年今晚⋯⋯小一放榜前夕

大家relax~~

作者: bb0930 時間: 16-6-4 03:03

多謝分享！

作者: suito 時間: 16-6-4 05:49 標題: 回覆：當年今晚⋯⋯小一放榜前夕

喺呢一刻，我驚到想喊

作者: CherChar 時間: 16-6-4 06:06 標題: 回覆：當年今晚⋯⋯小一放榜前夕

真係瞓唔到，好驚

作者: Septlemon 時間: 16-6-4 06:09 標題: 引用：仲記得心情緊張到不得了，擔心第二日放榜嘅

原帖由 yunbb 於 16-06-04 發表
仲記得心情緊張到不得了，擔心第二日放榜嘅結果。個個家長都話要準備叩門嘅資料，我只係影印曬需要嘅文件， ...

我心裡一直禱告著，很感動，謝謝你

作者: TwogirlsMama 時間: 16-6-4 06:39 標題: 回覆：當年今晚⋯⋯小一放榜前夕

Thanks for sharing

作者: jomami 時間: 16-6-4 07:14 標題: 回覆：當年今晚⋯⋯小一放榜前夕

多謝你
好touching EK有咁窩心嘅分享嘅support。
四點幾問老公幾點出發，老公都問我遲小小會唔會好d。有你嘅分享，我明白曬

作者: lovecupid 時間: 16-6-4 07:29

我老公今朝5點已經起咗身...落地區中心排隊了.....佢份人平日沉著從容又冷靜....在日本地震時，都可以輕鬆買圍行，我就驚到死...
佢昨晚竟然失眠.......
我真係估佢唔到

作者: beagoodman 時間: 16-6-4 07:45 標題: 回覆：lovecupid 的帖子

祝你地順利!

作者: QQQme 時間: 16-6-4 08:07 標題: 引用：我老公今朝5點已經起咗身...落地區中心排隊

原帖由 lovecupid 於 16-06-04 發表
我老公今朝5點已經起咗身...落地區中心排隊了.....佢份人平日沉著從容又冷靜....在日本地震時，都可以輕鬆 ...

5am???

佢排唔排到第一呀???

作者: pakyin11302009 時間: 16-6-4 08:13 標題: 回覆：當年今晚⋯⋯小一放榜前夕

仲有一個鐘多D,保佑！

作者: pmlai 時間: 16-6-4 08:28 標題: 回覆：CherChar 的帖子

我都訓吾到

作者: WaWa_fish 時間: 16-6-4 08:35 標題: 回覆：當年今晚⋯⋯小一放榜前夕

回想舊年等方榜心情，真是戰戰兢兢，一路上住ek 見到各區報喜，真係有衝動想打尖攞成績，哈！今年準小一家長，加油呀！為你們打氣！

作者: lovecupid 時間: 16-6-4 08:35

排第一。緊張到....帶蚊怕水，橩仔....

作者: urbanarea 時間: 16-6-4 08:38

提示: 作者被禁止或刪除內容自動屏蔽

作者: lovecupid 時間: 16-6-4 08:42

urbanarea 發表於 16-6-4 08:38
一陣好多、記者影住,補補快妝先

發生咩事，都唔好喊...喊就唔靚。

作者: TwogirlsMama 時間: 16-6-4 08:54 標題: 回覆：當年今晚⋯⋯小一放榜前夕

冇諗到會有記者採訪，冇化妝又冇帶口罩XD

作者: urbanarea 時間: 16-6-4 09:09

提示: 作者被禁止或刪除內容自動屏蔽

作者: helencheng1207 時間: 16-6-4 09:10

加油! 舊年我接到結果即刻喊咗, 係開心到喊!

作者: urbanarea 時間: 16-6-4 09:11

提示: 作者被禁止或刪除內容自動屏蔽

作者: kirstyau 時間: 16-6-4 09:13 標題: 回覆：當年今晚⋯⋯小一放榜前夕

當年今日我8：30已經去等，叩門文件預左2份，因為好清楚1，2唔入一定入3，最後落3，個個成日話放3要係包入即係唔喜歡但會接受到，但我想話個刻我係接受唔到，喊就緊，之後以經冇時間傷心，即刻交左叩門申請去第1，2志願，之後傻左咁就連其它冇放1，但唔放1唔會入既都叩！

最後第一叩唔到，但叩到第2，另外之前有間口碑好好的2線私小都call waiting，最後係尚可負擔一個入私小既情況下入左（仲有妹妹）。最後姐姐好幸運地3年級插左間有英中直屬的津貼學校。妹妹亦順利跟姐姐入左！

講出黎不是要曬，只想講路有好多條，可能轉折左，但有心一定會行到！柳暗花明又一村！加油

作者: TwogirlsMama 時間: 16-6-4 09:13 標題: 引用：加油!+舊年我接到結果即刻喊咗,+係開心到喊

原帖由 helencheng1207 於 16-06-04 發表
加油! 舊年我接到結果即刻喊咗, 係開心到喊!

我都希望有機會喜極而泣

作者: 786 時間: 16-6-4 09:16

yunbb 發表於 16-6-4 01:09
仲記得心情緊張到不得了，擔心第二日放榜嘅結果。個個家長都話要準備叩門嘅資料，我只係影印曬需要嘅文件， ...

工作人員無可能知你的志願是第幾.... 所以, 你應該中左一間唔放第一無機會既學校.

作者: lovecupid 時間: 16-6-4 09:16

巧緊張，巧緊張

作者: urbanarea 時間: 16-6-4 09:18

提示: 作者被禁止或刪除內容自動屏蔽

作者: dora2009 時間: 16-6-4 10:07

提示: 作者被禁止或刪除內容自動屏蔽

作者: SingMom 時間: 16-6-4 10:35

kirstyau 發表於 16-6-4 09:13
當年今日我8：30已經去等，叩門文件預左2份，因為好清楚1，2唔入一定入3，最後落3，個個成日話放3要係包入 ...

確實係仲一招係小二至小五 (呈分試前)時叩門轉到好學校.

歡迎光臨教育王國 (/)