教育王國

標題: 明明戒左片，但幼兒園老師話唔夠人手留意佢幾時要wee wee [打印本頁]

作者: rosalaw 時間: 16-6-3 01:12 標題: 明明戒左片，但幼兒園老師話唔夠人手留意佢幾時要wee wee

老師話要幫佢著返片，因仔仔好多尿痾，講wee wee又好細聲，所以一不留神就瀨尿，搞到佢地手忙腳亂，叫我要幫佢著返片，但其實仔仔20個月時都戒左日片了…可以拒絕嗎？

作者: ETCM 時間: 16-6-3 10:52 標題: 回覆：rosalaw 的帖子

咩幼稚園？老師吾應咁

作者: L+H 時間: 16-6-3 11:03

仔仔在家也是這樣？

我覺得唔應該著返片，應該train up佢適當時間講去廁所，返n班就係要train 自理，學校有d不負責任。

作者: 小新mama 時間: 16-6-3 11:04 標題: 引用：老師話要幫佢著返片，因仔仔好多尿痾，講we

原帖由 rosalaw 於 16-06-03 發表
老師話要幫佢著返片，因仔仔好多尿痾，講wee wee又好細聲，所以一不留神就瀨尿，搞到佢地手忙腳亂，叫我要 ...

其實我真係覺得你應該著返片先，因為20個月太細了，其實佢只係有去vv的意式，而不是真的戒到片，因為真係戒到片係唔會去得咁密架。而且小朋友咁細其實你不用心急。佢已經好叻

作者: nic_bb 時間: 16-6-3 11:34 標題: 引用：Quote:原帖由+rosalaw+於+16-06-03+發表老

原帖由 小新mama 於 16-06-03 發表
其實我真係覺得你應該著返片先，因為20個月太細了，其實佢只係有去vv的意式，而不是真的戒到片，因為真係戒 ...

其實我估你誤會左, 樓主嘅意思應該係小朋友20個月嘅時候已經戒左片，依家返緊N班應該已經兩歲幾啦

作者: nic_bb 時間: 16-6-3 11:36 標題: 回覆：明明戒左片，但幼兒園老師話唔夠人手留意佢幾時要wee wee

另外，假如我係樓主，我會拒絕，老師咁樣好唔負責任，點會因為人手不足而叫一個已經戒片嘅小朋友着返片？！

作者: ensy 時間: 16-6-3 14:07 標題: 回覆：rosalaw 的帖子

首先，大部分幼兒園會協助小朋友戒片，莫講話你小朋友已經戒咗，就算完全未戒，老師都會密密帶小朋友去洗手間，希望幫佢哋戒到。但過程中，小朋友係要著學習褲，因為佢哋未必控制得好，會失手。瀨濕褲除咗要老師嬸嬸做多d嘢外，小朋友亦會唔開心。所以我覺得先要攪清楚，其實你小朋友真係ok，ready唔著片？我小朋友完全戒片，係當佢可以控制到兩三小時唔去廁所，就算話急，都可以忍到5分鐘，否則，我係唔會除片返學。

我唔係challenge你，只係想了解多d情況，學校未必咁無人情味。不如再同老師傾下先？

作者: vpo0615 時間: 16-6-3 15:30

我間幼稚園嘅老師就好熱心幫我個小朋友戒片, 個老師通知我帶後備衫褲而唔使再帶片返學..... 我覺得樓主話學校提及"搞到佢地手忙腳亂", 令我覺得學校只係縑麻煩唔想做, 因為幼稚園嘅小朋友會瀨尿是正常不過, 做得幼稚園嘅應該有心理準備啩?

作者: vpo0615 時間: 16-6-3 15:34

而樓主亦可鼓勵小朋友講wee wee時大聲DD, 我都係洗腦式咁教我個小朋友咋, 佢學戒片學咗好耐....

作者: rosalaw 時間: 16-6-3 19:00

多謝大家意見，等我再同老師傾傾先，謝謝。

作者: 芬芬分分 時間: 16-6-3 22:31 標題: 回覆：rosalaw 的帖子

提示: 作者被禁止或刪除內容自動屏蔽

作者: teambuilder 時間: 16-6-4 09:49

一次半次頼尿好多小朋友都會，你小朋友是番學後慣性頼尿嗎？

作者: crystal媽咪 時間: 16-6-4 15:46

呢間學校咁都得，唔聽佢講又唔係，我會着學習褲先

作者: onkileung1018 時間: 16-6-6 07:53 標題: 回覆：明明戒左片，但幼兒園老師話唔夠人手留意佢幾時要wee wee

我想問你們怎樣幫小朋友介片？小囡2歲仍然沒有在坐便器去VV。

作者: vpo0615 時間: 16-6-6 16:05

回覆 onkileung1018 的帖子

我個囡上年2歲時, 夏天我俾戒片褲佢著但唔成功, 到今年接近3 歲至成功戒到片. 當然好多小朋友兩歲已戒到片, 我個囡算遲, 我諗成個過程最重要係唔好同人比, 順其自然, 有時間嘅話, 隔一個鐘帶佢去便盤OR馬桶, 有無得VV都俾佢坐一陣…..

作者: 貝珠 時間: 16-6-6 17:50 標題: 回覆：明明戒左片，但幼兒園老師話唔夠人手留意佢幾時要wee wee

我女兒也是過了兩歲半才戒到。每個人方法不同，我成日叫女去小便上廁所，佢好反感。佢開始在底褲又唔肯著片，所以無論返學去街，都有瀨尿風險，只有晚上睡覺，才肯著片（午睡也不肯）。咁濕左咪換囖，有什麼大不了。佢有決心戒片，大人反而不信任，又話擔心街廁所dirty . 嘩！咁點介呀。小朋友都好confused . 放心，過渡時期很短，小朋友要學識忍尿，要學習幾時話俾大人知要尿尿。

作者: vpo0615 時間: 16-6-7 16:37

我本來都煩緊唔知點幫個囡戒, 係個老師狠狠地要佢著底褲唔著片, 要求我哋配合.....就係咁戒咗咯. 當然其實由上年夏天開始已嘗試幫佢戒, 一直以嚟我都時時刻刻教導佢急急要出聲, 奈何佢唔合作.

作者: lauywa 時間: 16-6-13 15:59

本帖最後由 lauywa 於 16-6-13 16:02 編輯

回覆 vpo0615 的帖子

Sorry, 我是要回覆onkileung1018 的帖子才對

作者: lauywa 時間: 16-6-13 16:00

回覆 onkileung1018 的帖子

唔駛心急呀,我仔都經歷過想戒未戒到(N班上學期開學時),到下學期(5月)班主任再試,一星期便戒到日片/夜片了,因小朋友一ready,便容易戒片.
5-9月是戒片最佳時機,因天氣熱.

歡迎光臨教育王國 (/)