教育王國

標題: 真心分享：各位仍在等offer的家長不要氣餒 [打印本頁]

作者: 晞晞爸b 時間: 16-6-2 20:35 標題: 真心分享：各位仍在等offer的家長不要氣餒

（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程，希望同仍然等待心儀學校（直資私小或是官津學校都好）放榜等offer的家長們打氣！

昨天下午終於有一間私小call我仔去面談（算係扣門，因為一路都冇報呢間私小，直到前兩個星期先寫信去問），今天上午果間學校打電話來通知我話收我仔，當時我個人全身震哂...我終於鬆了一口氣！這一年的努力及委屈，終於可以放下擔心...

我仔係虎年11月尾細仔，今年讀緊K3，學校老師建議佢來緊9月repeat多一年K3做大仔（對，又係大細仔嘅問題...唉），但我覺得佢跟到，所以我想佢照上小一。於是去年暑假已經開始部署，面試班亦報，就咁一路由去年六月開始音小第一間面試，一直到今天三、四月九龍塘小學最後一間面試，大大小小in超過10幾間，全部冇offer,只有1間waiting(呢個時候我終於明白點解K3老師叫我俾我仔repeat做大仔了）...

另外我今年冇報自行及大抽獎，因為我太太想佢做大仔，所以經過compromise 之下，我地決定下年（即係今年9月）先參加自行及大抽獎，而我自己搞定我仔今年報小一所有事情。

這一年，很辛苦，真的很辛苦，我仔亦很辛苦，10幾間面試。我完全冇俾壓力佢，每一次都同佢講，我地去玩，去認識新老師新朋友。

這一次又一次的失望（次次收reject信已經收到麻木咗），我又唔可以向我老婆講及呻（因為佢唔buy我，佢想我仔讀多年K3做大仔），眼涙只能往肚裏呑，心中的焦急及憂慮，大家真係感同身受...

今天符碌收到第一個私小offer,心中頓時踏實了好多，如釋重負。雖不是什麼有名的私小，但這一年來我所受的委屈，全都放低了。

後日（6月4日放榜）我會去扣門，不為別的，理由只是為了細佬考小一及學費兩個理由，因為有細佬跟尾，如果官津扣門又符碌扣到，日後細佬條路會輕鬆好多。

各位仍在等offer的家長們，加油！祝福大家都有好消息！

作者: 已刪除用戶 時間: 16-6-2 20:44 標題: 回覆：真心分享：各位仍在等offer的家長不要氣餒

恭喜晒

作者: yuensammi 時間: 16-6-2 20:53 標題: 引用：（以下內容有點長，不喜勿插，謝謝）太久沒

原帖由 晞晞爸b 於 16-06-02 發表
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

祝你叩門成功。也祝我叩門成功。你成功左記住報喜呀

作者: Sana2010 時間: 16-6-2 21:00 標題: 引用：（以下內容有點長，不喜勿插，謝謝）太久沒

原帖由 晞晞爸b 於 16-06-02 發表
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

恭喜你！🎉 祝大家好運

作者: Doris_Ray 時間: 16-6-2 21:08 標題: 回覆：真心分享：各位仍在等offer的家長不要氣餒

記得你呀，當年都係細B搵Pn呀！
加油，預祝成功!

作者: lingan 時間: 16-6-2 21:13 標題: 回覆：真心分享：各位仍在等offer的家長不要氣餒

晞爸，真心恭喜！

作者: yuyu222 時間: 16-6-2 21:31 標題: 回覆：真心分享：各位仍在等offer的家長不要氣餒

Add oil

作者: sai913 時間: 16-6-2 22:16 標題: 回覆：晞晞爸b 的帖子

加油呀

作者: cattz288 時間: 16-6-2 22:19 標題: 回覆：真心分享：各位仍在等offer的家長不要氣餒

恭喜晒！

老師真係希望佢做大b而repeat k3? 老實佢讀到，真係唔好side 左1 年囉

作者: ahpooh712 時間: 16-6-2 22:31 標題: 回覆：真心分享：各位仍在等offer的家長不要氣餒

恭喜！不過，其實你無參加大抽獎，無註冊証都可以照叩津校？

作者: boyi 時間: 16-6-2 22:36 標題: 引用：（以下內容有點長，不喜勿插，謝謝）太久沒

原帖由 晞晞爸b 於 16-06-02 發表
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

首先恭喜你！！
想問 repeat k3 是否即是下屆幼稚園升K3時有空缺？幼稚園畢業典禮進行2次，及幼稚園同學仔全部不同這會否影響心態？

作者: jkhn1234 時間: 16-6-2 22:45 標題: 回覆：真心分享：各位仍在等offer的家長不要氣餒

弓起你

作者: wongkitty 時間: 16-6-2 23:13 標題: 回覆：晞晞爸b 的帖子

你仔的case 同我仔一樣！月份都一樣，但我仔今年先升k3, 我都諗住同你做法一樣

作者: jesswu 時間: 16-6-2 23:17 標題: 回覆：真心分享：各位仍在等offer的家長不要氣餒

晞唏爸我好有印象，比較少認識爸爸對孩子求學咁出力(可能我家的那位咩都冇參予)
我家小孩都係今年升小，大家努力加油！祝馬到功成，有“叩”必應！！

作者: MT1212 時間: 16-6-2 23:28 標題: 回覆：真心分享：各位仍在等offer的家長不要氣餒

冇參加統一派位也可以扣門，未聽過

作者: Vana 時間: 16-6-2 23:45 標題: 引用：Quote:原帖由+晞晞爸b+於+16-06-02+發表（

原帖由 boyi 於 16-06-02 發表
首先恭喜你！！
想問 repeat k3 是否即是下屆幼稚園升K3時有空缺？幼稚園畢業典禮進行2次，及幼稚園同學仔 ...

我女女差不多情況, 虎年12月尾超細女, 原校k3 留左位.... 亦心大心細升小一中

我地幼稚園之前都有唔少repeat k3 做番大仔既case.... 其實都無乜問題, 睇吓老師家長點樣manage.... 好似我女佢知道自己未夠6歲.... 遲d 先讀小一...佢好ok 亦好期待讀多年k3 唔駛返小學咁早起身喎

作者: boyi 時間: 16-6-2 23:46 標題: 引用：冇參加統一派位也可以扣門，未聽過 +

原帖由 MT1212 於 16-06-02 發表
冇參加統一派位也可以扣門，未聽過

唔出奇啊，冇讀過幼稚園都可以讀小一啦，叩門點解吾得？入份申請表姐，又不一定有得見，又不一定收，買個希望

作者: cattz288 時間: 16-6-3 00:42 標題: 引用：冇參加統一派位也可以扣門，未聽過 +

原帖由 MT1212 於 16-06-02 發表
冇參加統一派位也可以扣門，未聽過

無問題架，一早有直資/私校收果d都可以唔玩大抽獎架！

作者: pc629 時間: 16-6-3 00:50 標題: 回覆：真心分享：各位仍在等offer的家長不要氣餒

恭喜你，身同感受，我都係自己一個攪哂，報in左差不多二十間。我好彩少少，都有一兩間有offer,但絕不是心儀的。成年以黎都冇法子放鬆，煩完in,煩完報，又要不斷寫信求位，又要顧個仔校內考試要考得好去叩門。直到今日，仲未有好歸宿。係人地太勁？定個仔太差？真係好心灰。但而家放棄就輸，唯有捱落去，盼有曙光。

作者: mcl203 時間: 16-6-3 01:26

MT1212 發表於 16-6-2 23:28
冇參加統一派位也可以扣門，未聽過

點解唔得

....放榜後即係第3階段自由收生...只係小學仲有幾多個位剩

作者: matsushima 時間: 16-6-3 03:16

mcl203 發表於 16-6-3 01:26
點解唔得 ....放榜後即係第3階段自由收生...只係小學仲有幾多個位剩
...

作者: 小小車厘子 時間: 16-6-3 08:52 標題: 引用：（以下內容有點長，不喜勿插，謝謝）太久沒

原帖由 晞晞爸b 於 16-06-02 發表
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

我係過來人，絕對明白，恭喜你，加油

作者: mamagu 時間: 16-6-3 10:04 標題: 引用：（以下內容有點長，不喜勿插，謝謝）太久沒

原帖由 晞晞爸b 於 16-06-02 發表
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

親力親為去做咁多準備真是超級好爸爸。支持你，祝叩門順利！

作者: Raccch 時間: 16-6-3 10:24

我個女又係細B明年K2考直私。。。原來細B考私小咁慘烈。。。唉，但真的不想無啦啦repeat

作者: lenny1130 時間: 16-6-3 12:19 標題: 回覆：真心分享：各位仍在等offer的家長不要氣餒

恭喜你！知你是個勤力的人，應該會知，但也在此提醒，先去教育局申請返張小一入學證才叩門，因你參加任何政府派位，你沒有這個文件，如要叩門，要去補領呢！我只知要補領，詳情打去教育局吧！

作者: lenny1130 時間: 16-6-3 12:20 標題: 回覆：真心分享：各位仍在等offer的家長不要氣餒

Sorry,漏字，是沒有參加派位，所以需要補領

作者: bearbee004 時間: 16-6-3 12:32

恭喜你!

充滿正能量的POST!

作者: JQKbaby 時間: 16-6-3 12:41

弓喜你.
我個仔都係細仔. 好彩係男校,
雖然會有同級同學大佢一年,
但初小階段只係開頭大家辛苦少少
跟住都可以
所以唔好擔心大細仔之能力
加油

作者: karen55407 時間: 16-6-3 12:46 標題: 引用：（以下內容有點長，不喜勿插，謝謝）太久沒

原帖由 晞晞爸b 於 16-06-02 發表
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

幼稚園重讀個䅁多數是家長提出，老師反而會認為小朋友跟到進度而反對，甚少是老師提出。我相信老師有這個意見，想必是考慮到小朋友能力未能銜接升小，所以家長應正視問題。

作者: elysion 時間: 16-6-3 13:52 標題: 引用：Sorry,漏字，是沒有參加派位，所以需要補領

原帖由 lenny1130 於 16-06-03 發表
Sorry,漏字，是沒有參加派位，所以需要補領

其實叩門學校都無話收都需要補領小一註冊證嗎？因申請左政府官津校有部分私校講明會把收返個offer，變做waiting,咁到時失落叩門又無埋私校個位點算？有無人可解釋下，我都想知

作者: 小寶貝兒 時間: 16-6-3 14:13

晞晞爸b 發表於 16-6-2 20:35
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

晞爸, 我記得你丫~ 我女都係12月虎年細B, 由於我地同老師都覺得佢跟到, 所以今年都直接參加埋統一派位~
幸運地, 因為我果區開左間新既私小, 於是早早就去左報名, 所以一早收左唔洗煩, 不過就要承擔新校既RISK囉~

話唔擔心就假, 不過自從經歷過女既幼稚園因為校舍冇左而要轉來轉去, 就發現小朋友自有佢地既讀書緣, 有時候我地覺得收佢既學校未必係最好, 但讀讀下就會發現, 原來係最適合佢~

大家一起加油!

作者: MrBeast 時間: 16-6-3 14:16

晞晞爸b 發表於 16-6-2 20:35
（以下內容有點長，不喜勿插，謝謝）
太久沒上EK了，寫這篇文並非想show off,而係自己今年報學校嘅心歷路程 ...

其實你馮什麼觀察到／覺得你孩子跟到？老師有沒有舉出什麼例子而建議repeat，同你自己的想法有乜gap，什至想下為什麼一定要做細，做大又如何？除了用多一年時間，一生人咁長，會有什麼損失？但若上到小一跟唔上，你會不會很後悔，另一半有yun言⋯
我不是想persuade 你轉做大，只是提出一些可能之前未想過的問題／angle

作者: jazzking 時間: 16-6-3 14:28

其實做細B都幾好，比別人多一次機會。
樓主小孩沒參加派位，有什麼不順意的，他明年可再玩多次。(樓主說的)

作者: siden 時間: 16-6-3 14:32 標題: 引用：Quote:晞晞爸b+發表於+16-6-2+20:35+（以下

原帖由 MrBeast 於 16-06-03 發表
其實你馮什麼觀察到／覺得你孩子跟到？老師有沒有舉出什麼例子而建議repeat，同你自己的想法有乜gap，什至 ...

我一早已經想講。

好少老師會提議K3 repeat。佢講得出，一定有佢原因。如果你要override老師suggestion, 要好清楚將會預計發生乜問題同如何應對。

作者: lovecupid 時間: 16-6-3 14:38

我今年的經歷和樓主的都一樣…..都係報十幾間….但無厘頭有兩間收咗……
又係無報自行分配學位……仲要等1月30日去觀塘直接揀學校參加統一派位….
等將小一申請表無自行紀錄，去叩門唔怕111問題。
現在都是現最後的叩門遊戲，小朋友上晒彈藥……參加公開比賽有晒名次…唔係豬肉獎或無認受的比賽……
希望有好結果….

作者: AgapePa 時間: 16-6-3 15:05 標題: 引用：Quote:原帖由+lenny1130+於+16-06-03+發表S

原帖由 elysion 於 16-06-03 發表
其實叩門學校都無話收都需要補領小一註冊證嗎？因申請左政府官津校有部分私校講明會把收返個offer，變做wai ...

如果有私校offer 又去參加統一派位，有部份私校會取消offer.
但去叩門是無影響，因為私校唔會知你去叩門。

作者: SumYausumsum 時間: 16-6-3 16:23

回覆晞晞爸b 的帖子

恭喜你 ... 好明白你既心情 .... 祝你叩門都成功 !

作者: mcl203 時間: 16-6-3 16:35

elysion 發表於 16-6-3 13:52
其實叩門學校都無話收都需要補領小一註冊證嗎？因申請左政府官津校有部分私校講明會把收返個offer，變做wai ...

部份私校係話....若你已接受佢地offer...仲去參加統一派位....佢地知道有權/會取消留俾你個位
叩門....即係第3階段自行收生....私小係無從得知/無力阻止你去叩某D官津

只係...若最終放棄私校offer...係唔會退水啫
呢類叩門係好普遍 ~~~

作者: sissysze 時間: 16-6-3 16:45 標題: 回覆：真心分享：各位仍在等offer的家長不要氣餒

叩門其實重難玩過考直資，私小。直資，私小係你報名就有得in, 叩門好多都係揀人見，你有無信心憑你準備嗰份個人檔案可以令人揀你個仔見？

作者: cyndiwong 時間: 16-6-3 16:58 標題: 引用：（以下內容有點長，不喜勿插，謝謝）太久沒

提示: 作者被禁止或刪除內容自動屏蔽

作者: elysion 時間: 16-6-3 19:00 標題: 引用：Quote:elysion+發表於+16-6-3+13:52+其實叩

原帖由 mcl203 於 16-06-03 發表
部份私校係話....若你已接受佢地offer...仲去參加統一派位....佢地知道有權/會取消留俾你個位
叩門....即係 ...

唔係呀，我打去問叩門小學要註冊証，我無抽獎所以無，叩門學校話要有先會考慮見，我問教育局有得宜家可以申請，到攞証時會比埋間派左小學校名在證上，即等如參加左統一咁，咁私校知我有官津校在手，我怕無左個私校位但又想叩門，可以點？

作者: mcl203 時間: 16-6-3 19:17 標題: 引用：Quote:原帖由+mcl203+於+16-06-03+發表部份

原帖由 elysion 於 16-06-03 發表
唔係呀，我打去問叩門小學要註冊証，我無抽獎所以無，叩門學校話要有先會考慮見，我問教育局有得宜家可以申 ...

咁係間小學問題，我地當年一樣但無煩惱，但我地就真係叩門，係放榜前入信~~~

作者: darling333 時間: 16-6-3 19:42 標題: 引用：Quote:原帖由+mcl203+於+16-06-03+發表部份

原帖由 elysion 於 16-06-03 發表
唔係呀，我打去問叩門小學要註冊証，我無抽獎所以無，叩門學校話要有先會考慮見，我問教育局有得宜家可以申 ...

我今日打去教育局問註冊證問題，我話叩門津校要註冊證副本，佢叫我打返去我註冊佐果間直資問註冊證問題。我追問幾次，唔係你地出翻比我個咩？佢亦都答我幾次，叫我打去直資學校問。咁當然，我係唔會打去問啦

。咁我想叩門果間係寫明要註冊證，但係我無，到時佢收表就收，唔收就算

作者: lightingchung 時間: 16-6-3 23:01 標題: 引用：我個女又係細B明年K2考直私。。。原來細B考

原帖由 Raccch 於 16-06-03 發表
我個女又係細B明年K2考直私。。。原來細B考私小咁慘烈。。。唉，但真的不想無啦啦repeat ...

放心,细女是没問題的,比多D信心佢。

作者: porkbau1 時間: 16-6-3 23:19 標題: 回覆：darling333 的帖子

因直資收了，所以我叩門文件只俾自行果張黃紙加教育局果封信話直資收了冇得大抽獎這信咋！

作者: Raccch 時間: 16-6-4 09:17

回覆 lightingchung 的帖子

仲有一年，我地會盡力train！

歡迎光臨教育王國 (/)