教育王國

標題: 小朋友懶惰，有什麼辦法幫她？ [打印本頁]

作者: bobo98 時間: 16-6-1 10:57 標題: 小朋友懶惰，有什麼辦法幫她？

就快考試，她一啲都唔緊張，叫她温書，佢可以温温吓瞓咗，又或者偷偷上網，真係好驚佢温唔切，請問大家有咩辦法？

作者: 王家爸爸 時間: 16-6-1 11:10

bobo98 發表於 16-6-1 10:57
就快考試，她一啲都唔緊張，叫她温書，佢可以温温吓瞓咗，又或者偷偷上網，真係好驚佢温唔切，請問大家有咩 ...

唔緊張、唔鍾意温書、温温吓瞓咗、會偷偷上網，有好多原因。例如，太淺，唔駛温都識，但係又會應付爸媽既温書要求；亦可能係太深，點温都唔識，所以無興趣；亦可能係反叛心態，想同爸媽作對或者引起爸媽既注意等等...

作者: bobo98 時間: 16-6-1 11:33

王家爸爸發表於 16-6-1 11:10
唔緊張、唔鍾意温書、温温吓瞓咗、會偷偷上網，有好多原因。例如，太淺，唔駛温都識，但係又會應付爸媽既温 ...

原因係因為她懶惰，唔肯認真温書，叫佢寫下背下都懶，成日齋睇，都唔知佢記得有幾多。

作者: brother4 時間: 16-6-1 11:33 標題: 回覆：小朋友懶惰，有什麼辦法幫她？

就考試，可能是資優，也成績好好

作者: 王家爸爸 時間: 16-6-1 11:38

bobo98 發表於 16-6-1 11:33
原因係因為她懶惰，唔肯認真温書，叫佢寫下背下都懶，成日齋睇，都唔知佢記得有幾多。 ...

懶惰、唔肯認真温書、齋睇唔寫筆記，呢啲都係表面現象。要解決問題，需要揾出真正原因。

作者: bobo98 時間: 16-6-1 12:09

王家爸爸發表於 16-6-1 11:38
懶惰、唔肯認真温書、齋睇唔寫筆記，呢啲都係表面現象。要解決問題，需要揾出真正原因。 ...

除了懶惰，好大原因係冇興趣，對上網睇片就好有興趣，成日都掛住添，不過其實有幾多人係對讀書有興趣㗎，只不過現階段係求學期間，呢個就係佢地嘅責任。同埋她對自己的要求不高，又係原因之一，佢覺得差過佢的人仲有好多，但佢唔諗下有幾多人叻過佢，她的性格就係得過且過。

作者: bobo98 時間: 16-6-1 12:50

本帖最後由 bobo98 於 16-6-1 13:57 編輯

回覆 bobo98 的帖子

一次比一次差，第一次ut級十，上學期考試級二十幾，下學期ut級退到四十，全級160人，都好驚佢唔知退到幾多先會停。

作者: MariaTsui 時間: 16-6-1 13:12 標題: 引用：回覆+bobo98+的帖子一次比一次差，第一次

原帖由 bobo98 於 16-06-01 發表
回覆 bobo98 的帖子

一次比一次差，第一次ut級頭十，上學期考試級二十幾，下學校ut級退到四十，全級160人 ...

是中一嗎？一向都是這種溫書態度？

作者: bobo98 時間: 16-6-1 13:22

回覆 MariaTsui 的帖子

中一，温習態度唔多認真，寫多啲都唔願意。

作者: brother4 時間: 16-6-1 13:49 標題: 回覆：小朋友懶惰，有什麼辦法幫她？

叻/年年全級頭，也不是ㄧ件好事，上大學/將來工作挫折感好大，鑽牛角尖，先挫吓孩子，將來出社會逆境生存，未嘗是件好事

作者: bobo98 時間: 16-6-1 14:00

回覆 brother4 的帖子

我係想她做事認真，對自己的責任負責。但講極都冇用。

作者: brother4 時間: 16-6-1 14:26 標題: 回覆：小朋友懶惰，有什麼辦法幫她？

講冇用，不如動作吧，一家人去做義工，等小朋友知道自己幾咁幸福，希望從中明白做事做人道理，做下醫院等，可能双贏，有推薦信/加許獎，將來做醫生

(想得多咗)

作者: Yanamami 時間: 16-6-1 14:28

可能佢覚得唔温都成百幾人墊自己底，洗乜禁搏？佢性格家長自己最清楚吧~係唔輸得凡事要最好，定係总之做夠数good enough就算(維持到級头20%就夠？)，还是求求其其乜都無所謂唔care……小学時係禁定升中後变哂？

作者: bobo98 時間: 16-6-1 14:36

回覆 brother4 的帖子

已經每星期六都有去做義工。

作者: bobo98 時間: 16-6-1 14:45

Yanamami 發表於 16-6-1 14:28
可能佢覚得唔温都成百幾人墊自己底，洗乜禁搏？佢性格家長自己最清楚吧~係唔輸得凡事要最好，定係总之做夠 ...

她一向都係求求其其乜都無所謂唔care果類，有機會佢都唔會把握果類。

作者: Yanamami 時間: 16-6-1 14:59

本帖最後由 Yanamami 於 16-6-1 14:59 編輯

bobo98 發表於 16-6-1 14:45
她一向都係求求其其乜都無所謂唔care果類，有機會佢都唔會把握果類。

父母对孩子發揮最大的影响，期限在十歲以內吧~~如果她—向是这样，上到中学也难指望可以改变她了--除非是她遇上甚麼事，覚得有需要改变，又或者她遇上—个可以影响她的朋輩或老師~要改变行為先得改变态度，有个她崇拜的mentor会有效些~

作者: bobo98 時間: 16-6-1 15:14

Yanamami 發表於 16-6-1 14:59
父母对孩子發揮最大的影响，期限在十歲以內吧~~如果她—向是这样，上到中学也难指望可以改变她了--除非是 ...

希望佢會開竅。

作者: MariaTsui 時間: 16-6-1 17:37 標題: 引用：回覆+MariaTsui+的帖子中一，温習態度唔

原帖由 bobo98 於 16-06-01 發表
回覆 MariaTsui 的帖子

中一，温習態度唔多認真，寫多啲都唔願意。

中一上學期考得好，可能是小學的底子好，到了中二，就要看自己啦！，要改善讀書態度真的不易

作者: little_yolky 時間: 16-6-2 12:21

Yanamami 發表於 16-6-1 14:59
父母对孩子發揮最大的影响，期限在十歲以內吧~~如果她—向是这样，上到中学也难指望可以改变她了--除非是 ...

唔好嚇我啦, 我諗住可以捱到小學畢業架, 大女過多年幾就十歲了...............

作者: anna59 時間: 16-6-2 14:08

唉, 有排捱呀

作者: little-baby 時間: 16-6-3 17:10

bobo98 發表於 16-6-1 12:09
除了懶惰，好大原因係冇興趣，對上網睇片就好有興趣，成日都掛住添，不過其實有幾多人係對讀書有興趣㗎，只 ...

我個女同你個女好相似，又係懶惰，成日掛住上網。亞女現在中二，中一第一次UT 由級10名跌到剛一次的UT級50鬆名，我覺得佢自己覺得唔係最差果個，大把人差過佢，而佢口中又成日講自己點努力，都係唔會考得好，但佢小學時差不多年年考第一，令到我心好煩。

作者: bobo98 時間: 16-6-3 20:01

回覆 little-baby 的帖子

我個女冇你個女咁叻,她小學時都係級十名內上上落落,尋日開始考試,前日開始感覺到佢認真咗小小,有攞起筆寫下,希望她以後會努力啲。

作者: skkeung 時間: 16-6-4 19:15 標題: 回覆：王家爸爸的帖子

極可能討厭讀書，為何討厭就有很多因素！

作者: waiwai1224 時間: 16-6-4 21:15 標題: 回覆：小朋友懶惰，有什麼辦法幫她？

提示: 作者被禁止或刪除內容自動屏蔽

作者: mimi005 時間: 16-6-14 15:39

我女也是天天上綱
完全不溫習
個人好 pea

作者: wendy_jed 時間: 16-6-14 15:59

我囝囝都係咁上下, 小學時好有目標, 就係要升間好既中學, 到中學就好似無乜方向無乜目標咁......... 成績跌跌跌....佢自己話升到中二由頭黎過, 會跟足d功課,成績..................
而家大考喇, 佢要求我幫佢溫書, 我心諗佢有心溫書當然係好事, 但依懶我到幾時?? 唔通升到大學都要我陪太子讀書??

作者: bobo98 時間: 16-6-14 21:28

wendy_jed 發表於 16-6-14 15:59
我囝囝都係咁上下, 小學時好有目標, 就係要升間好既中學, 到中學就好似無乜方向無乜目標咁......... 成績跌 ...

你囝囝比你同佢温書都幾好,起碼你知佢識啲咩，唔識啲咩，但係又唔可以唔放手比佢自己温,真係好難做,其實中學生應該要自己揾一個温書的方法,我會時不時提醒囡囡怎樣係有效嘅温書方法，希望佢温書時有效率啲。

作者: 香香 時間: 16-6-18 08:17 標題: 引用：講冇用，不如動作吧，一家人去做義工，等小

提示: 作者被禁止或刪除內容自動屏蔽

作者: 香香 時間: 16-6-18 08:21 標題: 引用：Quote:wendy_jed+發表於+16-6-14+15:59+我

提示: 作者被禁止或刪除內容自動屏蔽

作者: brother4 時間: 16-6-18 08:27 標題: 回覆：香香的帖子

網上有很多，暑假特別多

作者: Yanamami 時間: 16-6-18 09:05

如果小学成績好，係咪家長同補习老師功勞？奶果小学唔建立好一个良好讀書态度，或者佢唔明讀書係自己責任，以為係為向父母交待就好难上到中学自动波｡态度同責任心決定佢既行為~

作者: bobo98 時間: 16-6-18 14:22

回覆香香的帖子

社區中心，東華三院，保良局辦的社區中心。

作者: bobo98 時間: 16-6-18 14:35

回覆香香的帖子

我教她温書時一定要寫筆記，因為自己寫過會印象深啲，用列表、列點、mind map等方式先記要點，然後再每點再加以解釋，筆記寫得靚靚地温書都會開心啲，我囡囡開頭都有咁做，做做下又開始懶，有啲科目有做，有啲冇做。

作者: brother4 時間: 16-6-18 15:07 標題: 回覆：小朋友懶惰，有什麼辦法幫她？

考慮要放手啦!懶惰不能用自己衡量，因自己曾放手，放手第一年心都停頓，之後有驚喜，現孩子自由發揮

作者: birdmom 時間: 16-6-18 15:14

俾d壓力她，她不達標就cut一樣她所喜歡的。我們就在考試期間換一部低b機給他，令他不能打機，他今次final好努力，雖然結果未知，但肯努力過最緊要。

作者: brother4 時間: 16-6-18 15:17 標題: 回覆：小朋友懶惰，有什麼辦法幫她？

可能女仔容易，朋友是男仔，後果是房門爛咗，要去看專業。。。

歡迎光臨教育王國 (/)