教育王國

標題: 普教中真如洪虎猛獸？ [打印本頁]

作者: jesswu 時間: 16-5-29 12:43 標題: 普教中真如洪虎猛獸？

好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我有少少忐忑，其實普教中真係咁唔店？望賜教……

(小女有普通話底)

作者: Yanamami 時間: 16-5-29 14:45

我覚得还可以，平日未听过阿女講普通話，佢同人溝通係广東話，係学校同学间係广東話，見到pth人先轉丽音用pth.

作者: little_yolky 時間: 16-5-29 16:57 標題: 引用：好多人有反面聲音，黎緊阿女小一間學校係採

原帖由 jesswu 於 16-05-29 發表
好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我 ...

有普通話底緊係OK啦，最慘係好多都無，咁就變相外語學中文了。不過一般小一老師都係會普粵夾雜的。

作者: 洋蔥頭媽咪 時間: 16-5-29 16:59 標題: 引用：好多人有反面聲音，黎緊阿女小一間學校係採

原帖由 jesswu 於 16-05-29 發表
好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我 ...

小學普教問題不算太大，因小朋友適應能力其實好快，但大前題係家長必須對孩子作出支援，否則小朋友跟唔上進度，就會直接影響學習及成績。

作者: AgapePa 時間: 16-5-29 17:15

jesswu 發表於 16-5-29 12:43
好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我 ...

中文已經係洪水虎猛獸喇, 加埋普通話就再猛D,再洪D,

作者: serinac 時間: 16-5-29 17:33 標題: 引用：好多人有反面聲音，黎緊阿女小一間學校係採

原帖由 jesswu 於 16-05-29 發表
好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我 ...

簡得普教中的小學，小朋友最好有一定的普通話基礎，最少也要識聽同明白老師講乜。如冇乜基礎，建議開學前快啲補習下，如果到二年級前都未上手（識聽、講），日後中文就好難追。

當然有啲小朋友在幼稚園時，已經係英普班，應該就冇適應問題。

作者: hkpapa852 時間: 16-5-29 18:10

本帖最後由 hkpapa852 於 16-5-29 18:10 編輯

jesswu 發表於 16-5-29 12:43
好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我 ...

小學考既中文，通常分4部份，閱讀理解，作文，聆聽，口試，自己衡量吓呢4部份用普通話教既你幫到個小朋友幾多。另外，用得普遍話，可能考埋拼音。

作者: Yanamami 時間: 16-5-29 18:34

我諗楼主係听到坊间对用普教中成效成疑，有d担心，多过怕跟唔上吧~~坊间話普教中对寫作無幫助，小朋友朗讀時有d字唔識用广東話謮之类……

Btw, 我地口試係分两part, 朗讀用pth, 討論用广東話｡

作者: 5kin 時間: 16-5-29 18:52

「普教中」的確令土生土長家長心裏頭唔多舒服，
總係覺得似會搞到自己小朋友會蝕底咗；

但其實當學多樣語文方便日後溝通（大陸、台灣、星馬），
亦無不過，

而且父母皆是香港人亦唔會令小朋友「普教中」時中文科蝕底咗，
小朋友識嘅就係識，唔明嘅用廣東話教都係會唔明，
而且就算父母皆是「新香港人」亦不見得小朋友「普教中」中文科成績會高人一等，
內地人來港獨有嘅讀寫障礙仍然係最大嘅難關，
相比起嚟本土學生只係需要响聽講兩方面要花多少少心機。

作者: Yanamami 時間: 16-5-29 19:09

5kin 發表於 16-5-29 18:52
「普教中」的確令土生土長家長心裏頭唔多舒服，
總係覺得似會搞到自己小朋友會蝕底咗；

有唔少国內人子女係HK讀幼稚园，識广東話、繁体字，屋企講pth, 係有优勢~

作者: 5kin 時間: 16-5-29 20:35

Yanamami 發表於 16-5-29 19:09
有唔少国內人子女係HK讀幼稚园，識广東話、繁体字，屋企講pth, 係有优勢~

例如？

如果個小朋友真係由細已經响香港讀書，
佢已經無咗因為响大陸讀書而早學拼音呢項優勢。

作者: MrBeast 時間: 16-5-29 20:46

5kin 發表於 16-5-29 20:35
例如？

屋企講pth不算嗎？

我身邊的大6fd孩子本身都叻，父母又有資源support，有得楝的都會揀普教中，對他們𣎴是洪水猛獸，而是如虎tim 翼

作者: 5kin 時間: 16-5-29 21:25

MrBeast 發表於 16-5-29 20:46
屋企講pth不算嗎？

我身邊的大6fd孩子本身都叻，父母又有資源support，有得楝的都會揀普教中，對他們 ...

如果佢屋企講嘅係無鄉音，標準嘅普通話，屋企又有教正確嘅拼音，當然有着數。

但係佢屋企有能力講到咁純正嘅普通話，
同父母有高學歷嘅本質又有何分別？

作者: 5kin 時間: 16-5-29 21:34

「普教中」對學普通話的確有正面作用，
但係對學中文本身就不敢認同。
有得揀我都會揀用廣東話教，
不過既然依家自己小朋友學校揀咗用「普教中」，
無可奈何地亦只有先接受，
再向校方反映可否調整

作者: jesswu 時間: 16-5-29 21:50 標題: 回覆：普教中真如洪虎猛獸？

謝謝咁多位家長的寶貴意見，非常有用值得參考

本身對此校是十分心儀的，即使明知是普教中亦會選擇，只是希望先了解此教學方法的利弊，日後可作相應對策……心目中計劃小女於小學後返回美國升讀中學大學，希望中文基礎可打好一點，因為小學過後去左外地可能很難追回了……

作者: MrBeast 時間: 16-5-29 21:54

jesswu 發表於 16-5-29 21:50
謝謝咁多位家長的寶貴意見，非常有用值得參考
本身對此校是十分心儀的，即使明知是普教中亦會選擇， ...

咁你更加要普教中la，因為第一唔使考死亡之料，第二大6出國讀書的人數一定比香港多。

作者: 5kin 時間: 16-5-29 22:00

回覆 jesswu 的帖子

依家外國多數嘅諗法係普通話-->中文（唔係等號）

作者: jesswu 時間: 16-5-29 22:05 標題: 引用：+本帖最後由+hkpapa852+於+16-5-29+18:10+

原帖由 hkpapa852 於 16-05-29 發表
本帖最後由 hkpapa852 於 16-5-29 18:10 編輯

謝謝hkpapa, 我本身中文程度很不錯……但普通話普通過普通……

有好幾年成日同d臺灣同學仔玩，聽同講溝通都冇問題……但距離標準……遙不可及……

作者: little_yolky 時間: 16-5-29 22:05 標題: 引用：Quote:jesswu+發表於+16-5-29+12:43+好多人

原帖由 AgapePa 於 16-05-29 發表
中文已經係洪水虎猛獸喇, 加埋普通話就再猛D,再洪D,

緊度贊成！

作者: little_yolky 時間: 16-5-29 22:12 標題: 引用：「普教中」的確令土生土長家長心裏頭唔多舒

原帖由 5kin 於 16-05-29 發表
「普教中」的確令土生土長家長心裏頭唔多舒服，
總係覺得似會搞到自己小朋友會蝕底咗；

阿女中默有時用普通話唔識，講返廣東話就識了。仲有一part叫課外讀寫，用普通話的，同新香港人有乜可能無分別。

不過，阿女口語高分過新香港人，因為其中50%係用廣東話看圖說一分鐘故事。呢part阿女好高分

作者: jesswu 時間: 16-5-29 22:16 標題: 引用：回覆+jesswu+的帖子依家外國多數嘅諗法係

原帖由 5kin 於 16-05-29 發表
回覆 jesswu 的帖子

依家外國多數嘅諗法係普通話-->中文（唔係等號）

這個明白的……正如自己本身中文水平不錯，但普通話唔店……

知道中文的重要性，即使一心安排小女日後定居美國，亦不敢忽略學好中文一環……

作者: jesswu 時間: 16-5-29 22:19 標題: 引用：我諗楼主係听到坊间对用普教中成效成疑，有

原帖由 Yanamami 於 16-05-29 發表
我諗楼主係听到坊间对用普教中成效成疑，有d担心，多过怕跟唔上吧~~坊间話普教中对寫作無幫助，小朋友朗讀 ...

多謝前輩媽咪分享……
希望小女能順利過渡……慶幸語言能力尚可……

作者: 5kin 時間: 16-5-29 22:22

little_yolky 發表於 16-5-29 22:12
阿女中默有時用普通話唔識，講返廣東話就識了。仲有一part叫課外讀寫，用普通話的，同新香港人有乜可能無分 ...

幫小朋友默書，有能力用普通話當然係用普通話同佢默，正如英文默書理應無人用中文解釋話乜乜，倒返轉要小學生默到啱默書果個字掛⋯⋯
好似我呢d唔識講普通話又唔仲意「普教中」嘅，
幫佢默書當然用返母語，
我可以教到小朋友係認識個字嘅正確寫法，
學校policy用普通話只能比返個波佢，
我最多唔幫倒忙，或者試下反映可唔可以改

作者: little_yolky 時間: 16-5-29 22:27 標題: 引用：Quote:little_yolky+發表於+16-5-29+22:12+

原帖由 5kin 於 16-05-29 發表
幫小朋友默書，有能力用普通話當然係用普通話同佢默，正如英文默書理應無人用中文解釋話乜乜，倒返轉要小學 ...

問題咪就係我無幫佢溫書lol，係阿女自己反映既。sorry我實在太懶了，其實我普通話唔錯的。但係阿女自己讀書丫嘛，緊係佢自己搞掂啦

作者: Yanamami 時間: 16-5-29 23:14

5kin 發表於 16-5-29 21:25
如果佢屋企講嘅係無鄉音，標準嘅普通話，屋企又有教正確嘅拼音，當然有着數。

佢地係大陸黎，点解会講唔到正確pth? 我女游水教練係大陸人，个女讀SC, 会繁体字广東話，係屋企講pth, 禁仲唔比我地有优勢？

作者: Yanamami 時間: 16-5-29 23:17

本帖最後由 Yanamami 於 16-5-29 23:22 編輯

jesswu 發表於 16-5-29 22:19
多謝前輩媽咪分享……
希望小女能順利過渡……慶幸語言能力尚可……

担心跟唔上，好好利用呢幾个月進補下拼音就ok, 好快適应~
你放心，我pth極爛，同女温書由头到尾广東話，佢自己番去識轉台~係屋企無人講pth的~

作者: jesswu 時間: 16-5-29 23:19 標題: 引用：Quote:jesswu+發表於+16-5-29+22:19+多謝前

原帖由 Yanamami 於 16-05-29 發表
本帖最後由 Yanamami 於 16-5-29 23:19 編輯

Thx

有個適應班都好……

作者: jesswu 時間: 16-5-29 23:51 標題: 引用：+本帖最後由+Yanamami+於+16-5-29+23:22+編

原帖由 Yanamami 於 16-05-29 發表
本帖最後由 Yanamami 於 16-5-29 23:22 編輯

話時話……我女k2先開始上pth,求求其其一星期1小時,講真程度好低……interview時有考pth，真心唔知佢如何蒙混過關……

作者: 5kin 時間: 16-5-29 23:58

Yanamami 發表於 16-5-29 23:14
佢地係大陸黎，点解会講唔到正確pth? 我女游水教練係大陸人，个女讀SC, 会繁体字广東話，係屋企講pth, 禁仲 ...

哦，原來响國內學發音一定無鄉音嘅⋯⋯

作者: Yanamami 時間: 16-5-30 00:21

拜託，而家又唔係去參家国家誴委普通話水平測試，小学上普教中堂，听得掂講得明唔係比我地d平曰唔用pth溝通既有优勢，唔通印度人重囗音英文就係差过我地d英文？

作者: 5kin 時間: 16-5-30 01:09

Yanamami 發表於 16-5-30 00:21
拜託，而家又唔係去參家国家誴委普通話水平測試，小学上普教中堂，听得掂講得明唔係比我地d平曰唔用pth溝通 ...

如果你認同屋企請個外佣，可以教到小朋友好嘅英文，我都無話可說啦。

如果你認為小學要考普通話口試，但係佢滿口鄉音都有分，
咁照直講廣東話得啦，無得扣分啦掛。

作者: Olympian 時間: 16-5-30 07:04 標題: 引用：好多人有反面聲音，黎緊阿女小一間學校係採

原帖由 jesswu 於 16-05-29 發表
好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我 ...

我仔係唔多叻果種人。佢讀普教中都適應得好好，好快。學校先用上學期教拼音，唔教課文住。所以拼音基礎較好。我覺得拼音都幾難。佢上學期學到8成左右。但之後繼續掌握多一點。沒大問題。默書我用廣東話。幼稚園時睇好多普通話卡通片，所以聽一直都冇問題。講就未係好有信心。我又唔覺得國內人好有優勢，佢地都有唔識唔鐘意拼音。未必係我地想像中咁順利，同埋可能真有響音影響，只是我地唔識分都唔奇。

作者: MASAYA 時間: 16-5-30 07:13

睇你想要d乜，想普通話好，咁普教中絕對係不二之選，thats all

作者: Yanamami 時間: 16-5-30 07:30

本帖最後由 Yanamami 於 16-5-30 07:47 編輯

5kin 發表於 16-5-30 01:09
如果你認同屋企請個外佣，可以教到小朋友好嘅英文，我都無話可說啦。

唔通你对來港這批移民既認知只係深水埗劏房既家庭？落得hk有两批，別忘了唔係个个乡下出城，有好多优才㗎！有厚職，仔女讀私校，交幾千一个月学費……去朗誦節見过果大批pth母語既，都水凖好高｡我大女年代無呢类人參加，而家係爆場，如果你仲以為个个乡音未改，就真係要多去朗誦節觀賽｡
要考拼音既係普通話科，唔洗呈分｡平曰上中文堂，佢听同講点都比一d普通話基礎都無既同学好。

嗱~~唔好又拗高薪厚職來港，有錢同高教育水平就無乡音呀~

作者: ANChan59 時間: 16-5-30 07:42 標題: 引用：+本帖最後由+Yanamami+於+16-5-30+07:35+編

原帖由 Yanamami 於 16-05-30 發表
本帖最後由 Yanamami 於 16-5-30 07:42 編輯

Sensible.

作者: HKTHK 時間: 16-5-30 08:13

本帖最後由 HKTHK 於 16-5-30 08:13 編輯

回覆 Yanamami 的帖子

其實只要屋企係講普通話係普教中就絕對有優勢, 淨係詞匯量都贏你幾條街啦! 學語文最緊要嘅係語景, 屋企用普通話就係最好嘅語景! 鄉音更加係無稽之談, 學好拼音之後, 自己會調節嘅啦。如果出問題係老師教拼音唔夠標準, 師資先係普教中最大嘅問題
有啲人仲停留係30年前, 真係應該要擘大眼認識吓大陸有資源嘅家長, 尤其是海歸嘅一班, 唔好話佢哋普通話着數啊, 英文都一樣得

作者: Olympian 時間: 16-5-30 08:26 標題: 引用：睇你想要d乜，想普通話好，咁普教中絕對係

原帖由 MASAYA 於 16-05-30 發表
睇你想要d乜，想普通話好，咁普教中絕對係不二之選，thats all

我地個網得8間學校架咋。咁我又鐘意2線學校。只得兩間選擇。咁我又鐘意而家呢間學校多好多。唔會為左普教而唔選呢間。唔係因為想學普教中而選呢間啊！

作者: MrBeast 時間: 16-5-30 08:30

我只知還珠格格2的晴兒的pth 好聽，個個講野似佢就世界和平了

作者: hkpapa852 時間: 16-5-30 08:39

jesswu 發表於 16-5-29 12:43
好多人有反面聲音，黎緊阿女小一間學校係採用普教中……學校其他一軟硬件都係我心目中的理想，唯一這樣叫我 ...

另一個現實角度去諗，如果子女語文天份唔高，普教中會否令佢中文科成績差咗? 中文差咗，升中影響都幾大。雖然你個小朋友無諗住係香港升中。

作者: Olympian 時間: 16-5-30 08:50 標題: 引用：+本帖最後由+HKTHK+於+16-5-30+08:13+編輯+

原帖由 HKTHK 於 16-05-30 發表
本帖最後由 HKTHK 於 16-5-30 08:13 編輯

回覆 Yanamami 的帖子

咁樓上都話來得香港有兩批。可能我見得多基層。同埋我識有一些國內家長，佢地本身唔係講普通話架。有些嫁左香港人老公，屋企都唔會講普通話。有個綜援內地朋友選普教中小學，佢同個仔都係講廣東話，佢都好自信話自己識教個仔拼音普通話，話自己細個係響下學過，但佢而家個仔因為普教中超驚中文。無話你地唔啱，只係內地人都有好多唔到處境，唔係個個都咁有優勢，佢地亦有難處，好似好多都唔識英文，小一英文都教唔到小朋友。

作者: 妹妹頭 時間: 16-5-30 08:53

回覆 jesswu 的帖子

我都分享下我個女既情況, 小女小四, 小學都係一間普教中既小學, 小一開始中文科已經係全普通話上課, 真的一句廣東話也沒有, 起初一個月, 佢真的聽不明, 更加說不到, 但由第二個月開始已慢慢掌握到, 到小一上學期完結, 已可以完全聽得明, 說簡單說話也可以, 現在小四, 中文老師更是一位由北京土生土長的老師, 她聽不明廣東話, 所以小朋友跟她說話也一定要用普通話, 我本來以為一定有問題, 但相反原來反令小朋友普通話更好.... 至於普通話有咩好處, 我有比較過小女中作同其他冇普教中既小學小朋友, 小女係冇咁容易犯錯(e.g. 沒有在文章中出現"口語化"及一些俗語), 所以我係比較喜歡普教中

作者: shadeslayer 時間: 16-5-30 08:56 標題: 引用：Quote:Yanamami+發表於+16-5-30+00:21+拜託

原帖由 5kin 於 16-05-30 發表
如果你認同屋企請個外佣，可以教到小朋友好嘅英文，我都無話可說啦。

有趣, 只有北京口音才可叫做普通話好? 在英国只有講 Queen's English 才叫英文好?

南方家庭孩子有南方口音, 注定普通話不好?

作者: HKTHK 時間: 16-5-30 08:58

回覆 Olympian 的帖子

絕對贊成, 我係寫俾上面另一位對大陸家長有偏見嘅人睇嘅!

作者: ANChan59 時間: 16-5-30 09:20 標題: 回覆：HKTHK 的帖子

我睇咗咁多年討論普教中及普通話的帖，我又講講自己的看法！

1。十多年前，教育局及部份學校普教中所 claimed 的中文能力提升，現在無法證明比粵教中有效。一如既往，當年我沒有選擇教育局的概念股。

2。當普通話是另一種外語，是沒有問題，有資源有語境，可以再提升。我會安排在外靣單對單學，師資反而最重要。老師都講學識拼音就事半功倍，她亦建議要在十歲前開始學。但以普通話學中文，老師反而笑我們香港家長，學中文用粵語可能是最好選擇，特別在詩詞方面，她是在國內主修中國文學。

3。不少家長，包括我在內可能工作上跟國內有聯繫，深明普通話的重要性，功利是沒有問題，但小朋友是否這樣想？我接觸到的大學生，如果別無選擇，唯有北上，如果有選擇，還是希望留在這裡或海外工作。

4。優才專才計劃行了十多年，我見到這批人材，在語文能力除了粵語還有改善空間，其他不比香港人低。専業方面更無話可說，去大學走走，或者上網看着教授們的姓名，就知道數量之多！哈哈，他們部分郷音亦好重！

5。我亦經常看到及聽到13億人的市場，我們的孩子就算精通普通話，在中國市場就事事如意？我反而覺得 guangxi 就更重要，一是到國內名牌大學修讀，或者在英美名牌大學修讀，可能效果更大(講笑)！如果這個市場咁易玩，個個都發咗，香港玩完啦。

我一直支持兩文三語，我選擇粵教中，普通話是第三語言。

你可以有你的選擇，我不會反對，但要自己真正明白深層的原因，就可以！

作者: MASAYA 時間: 16-5-30 09:38

ANChan59 發表於 16-5-30 09:20
我睇咗咁多年討論普教中及普通話的帖，我又講講自己的看法！

只想講廣東話、英文、普通話係三文三語，將似是而非併做同一文係政府銷售手法，國語又係另一文一語

作者: ANChan59 時間: 16-5-30 09:48

MASAYA 發表於 16-5-30 09:38
只想講廣東話、英文、普通話係三文三語，將似是而非併做同一文係政府銷售手法，國語又係另一文一語 ...

三文三語是過度期......... 最終還是兩文三語。

作者: 5kin 時間: 16-5-30 09:52

係囉，我小朋友讀普通平民讀嘅三線津小，
真係唔覺同校有幾多係內地來港嘅優才（可能人哋大隱隱於市掛），
亦唔覺平時講普通話勁流利d同學中文科真係拋離其他local好多囉，
恕我孤陋寡聞，可能真係得我哋學校係咁囉

作者: 5kin 時間: 16-5-30 10:22

就算真係有同校家長宣稱自己係內地來港優才，
如果佢唔打算融入本地文化要要其他人就佢，
我諗好多人會寧願同佢保持距離。

咁有人鐘意專登埋堆或者本身就係同一堆，我埋唔到人哋啦，
不過我見好多本地家長會免得過就免囉

作者: hkpapa852 時間: 16-5-30 10:32

ANChan59 發表於 16-5-30 09:20
我睇咗咁多年討論普教中及普通話的帖，我又講講自己的看法！

國內優才我都見唔少, 但對於第4點我不完全同意:

4。優才專才計劃行了十多年，我見到這批人材，在語文能力除了粵語還有改善空間，其他不比香港人低。

不少30+既國內優才, 佢地既英語能力, 仍不如我們這一輩做家長的香港土生土長既人咁好

作者: ANChan59 時間: 16-5-30 10:36 標題: 引用：Quote:ANChan59+發表於+16-5-30+09:20+我睇

原帖由 hkpapa852 於 16-05-30 發表
國內優才我都見唔少, 但對於第4點我不完全同意:

4。優才專才計劃行了十多年，我見到這批人材，在語文能力 ...

No problem, you have your own cluster.

作者: ppmmbb 時間: 16-5-30 10:42

hkpapa852 發表於 16-5-30 10:32
國內優才我都見唔少, 但對於第4點我不完全同意:

4。優才專才計劃行了十多年，我見到這批人材，在語文能力 ...

英文好果班，香港唔係佢哋首選！

作者: little_yolky 時間: 16-5-30 10:54

Olympian 發表於 16-5-30 08:50
咁樓上都話來得香港有兩批。可能我見得多基層。同埋我識有一些國內家長，佢地本身唔係講普通話架。有些嫁左 ...

講到國內嚟既連小一英文都教唔到呢樣, 令我勾起一段回憶.....話說阿女芭蕾舞班有個女仔, 爸媽都係大陸人, 唔知落咗嚟幾耐, 佢阿媽廣東話已經好流利了(當然有口音)。有一日等放學, 見佢阿媽揸住本書係咁睇, 原來係英文文法書, 佢溫返自己細個時本文法書, 原來係想教小朋友英文功課, 佢話太耐無讀唔記得晒了。唔理佢既教學成果係點, 但係佢為咗小朋友再次讀書既心, 真係讓我好佩服, 唔理邊度嚟既阿媽, 為咗自己小朋友都係一樣咁努力既。

作者: HKTHK 時間: 16-5-30 11:00

回覆 ANChan59 的帖子

走出來講兩句主要係因為上面有啲對大陸家長嘅偏見。講番普教中我的看法如下:
1) 學普通話今時今日係大勢所需。要學到幾好要自己選擇, 不過如果大個咗想係香港生活同做嘢, 必定要有普通話基本溝通能力, 而這一方面當外語學係可以做得到。所以用普通話學中文並唔係一個must。不過呢個係而家嘅情況, 可以想像嘅係這個基本溝通能力嘅minimum requirement會隨住時間提升

2) 既然唔係一個必須, 我覺得條條大路通羅馬, 普教中或者廣教中都係可行的方法。不過無論選邊一樣, 基本條件都係要有良好嘅師資同埋語境。睇返香港而家嘅環境, 除咗個別情況嘅學校, 我唔覺得有足夠嘅條件將普教中普及化。自己普通話都係有限公司嘅老師去教中文加上除咗上堂係完全唔會用嘅話就好似我哋以前學英文一樣。

3) 我哋選擇普教中係因為想有普通話, 廣東話同埋英文嘅first language能力。唔用功利嘅眼光去睇, 語言提供嘅係flexibility。至於搵工或者要target十三億人嘅市場, 就算有network或者guangxi都未必得, 始終唔係自己友, 中國同所有其他國家一樣做嘢有自己嘅一套文化, 這些機會不屬於我們的。

作者: HKTHK 時間: 16-5-30 11:05

回覆 hkpapa852 的帖子

係唔係海歸先?

作者: little_yolky 時間: 16-5-30 11:13

HKTHK 發表於 16-5-30 11:00
回覆 ANChan59 的帖子

走出來講兩句主要係因為上面有啲對大陸家長嘅偏見。講番普教中我的看法如下:

所以, 想學好普通話, 最好就係老老實實請個標準既普通話人教一科叫普通話的, 唔係普教中, 依家D老師培訓完就話普教中, 可能水平同我咁上下而已。

依家學校有註校NET, 小朋友D英文真係講得好過我哋以前細個果陣。

作者: 200904 時間: 16-5-30 11:13

回覆 Olympian 的帖子

其實一般國内大城市來的，40歲左右的家長，普通話都是標準的，因爲從小先從拼音學起。不過，中國那麽大，有地方比較師資條件比較落後，那麽就有可能夾雜有鄉音咯。

其實，我覺得小朋友適應能力強，聽下聽下就會，不用太擔心。

作者: ANChan59 時間: 16-5-30 11:13 標題: 引用：回覆+ANChan59+的帖子走出來講兩句主要係

原帖由 HKTHK 於 16-05-30 發表
回覆 ANChan59 的帖子

走出來講兩句主要係因為上面有啲對大陸家長嘅偏見。講番普教中我的看法如下:

我當然明白。

我跟你一樣是分享，而非黑即白的爭論，你一些觀點我都認同！

作者: HKTHK 時間: 16-5-30 11:17

本帖最後由 HKTHK 於 16-5-30 11:17 編輯

回覆 ANChan59 的帖子

其實我哋嘅結論幾接近!

作者: hkpapa852 時間: 16-5-30 11:18

HKTHK 發表於 16-5-30 11:05
回覆 hkpapa852 的帖子

係唔係海歸先?

咁我識果D都唔係海歸..... 海歸應該都唔會做優才過嚟香港, 除非佢地好急於要本Passport跳出去

好認同你#53最後果句:

至於搵工或者要target十三億人嘅市場, 就算有network或者guangxi都未必得, 始終唔係自己友, 中國同所有其他國家一樣做嘢有自己嘅一套文化, 這些機會不屬於我們的。

英文同國語點叻, 對佢地嚟講, 我地都只係外人, 非我族類, 待遇一定有差別; 唔好咁天真以為自己小朋友學到好"native"/地道, 就可以同人地平起平坐.

作者: ANChan59 時間: 16-5-30 11:18 標題: 引用：回覆+ANChan59+的帖子其實我哋嘅結論幾接

原帖由 HKTHK 於 16-05-30 發表
本帖最後由 HKTHK 於 16-5-30 11:17 編輯

回覆 ANChan59 的帖子

We are in similar clusters and ranks.

作者: little_yolky 時間: 16-5-30 11:20

shadeslayer 發表於 16-5-30 08:56
有趣, 只有北京口音才可叫做普通話好? 在英国只有講 Queen's English 才叫英文好?

南方家庭孩子有南方口 ...

其實係要標準普通話, 有北京口音係唔好的, 北京有自己土話, 有北京口音既普通話唔係好既普通話。大部份北方人D普通話已經好好了, 南方人真係好攞命, 尤其湖南, 真係聽唔明。不過, 南方人又會快D學懂廣東話, 同埋佢哋會比較易明白我哋講既普通話。北方嚟既, 開頭真係唔知我哋講乜。

BTW, 我最鐘意聽英女王講英文, 好好聽, 如沐春風。

美國總統們唔知係咪口音問題, 好似無英女王講嘢咁清楚咁。

作者: shadeslayer 時間: 16-5-30 11:27 標題: 回覆：普教中真如洪虎猛獸？

假設大家討論的是本地香港人家庭。其實小學普教中, 如果同學間是用廣東話, 我覺得是一個選擇, 無問題。但如果同學間係用普通話, 我担心小學生只有和父母才講廣東話, 孩子廣東話能力有所不足。

作者: shadeslayer 時間: 16-5-30 11:34 標題: 引用：Quote:shadeslayer+發表於+16-5-30+08:56+

原帖由 little_yolky 於 16-05-30 發表
其實係要標準普通話, 有北京口音係唔好的, 北京有自己土話, 有北京口音既普通話唔係好既普通話。大部份北方 ...

普通話不是以北京音為標準嗎?

Queen's 音好聽D係個人喜好。不能説蘇格蘭人或美国人澳洲人的英文不好。

作者: HKTHK 時間: 16-5-30 11:36

回覆 shadeslayer 的帖子

If you want to know what standard PTH is, turn on CCTV news

作者: little_yolky 時間: 16-5-30 11:43

shadeslayer 發表於 16-5-30 11:34
普通話不是以北京音為標準嗎?

Queen's 音好聽D係個人喜好。不能説蘇格蘭人或美国人澳洲人的英文不好。

北京地道人D口音好攞命的, 所以標準音唔可以有北京的地方口音, 因為佢哋始終有土話。東北三省就好了, 因為佢哋以前D满州人俾我哋漢人同化晒(搞到咁腐敗, 國都亡埋

), 所以無咗自己鄉下話, 個個一出世就係普通話, 無鄉音的。

其他英語國家既人英文當然好, 人哋係native, 不過, 我好鐘意聽英女王講嘢, D音好清楚, 好易明白咁。其實查理斯的說話都好易明白, 不過我唔鐘意佢啫。

作者: wan_sosin 時間: 16-5-30 11:54

shadeslayer 發表於 16-5-30 11:34
普通話不是以北京音為標準嗎?

Queen's 音好聽D係個人喜好。不能説蘇格蘭人或美国人澳洲人的英文不好。

呢個真係美麗誤會,北京腔真係唔標準,內地人反而知道呢點,係香港人成日以為北京正中啫!

我個仔讀了一年普教中,如果小朋友語言能力同中文水平好,應付到的,不一定會搞亂,呢年呀仔普通話事實好了很多!相信已足夠應付小學階段的普通話,所以三年級會轉返讀廣教中!

作者: subb 時間: 16-5-30 11:55

普通話已經獨立成科已經足夠, 不用在中文課用普通來教授 !
最怕小朋友生字只知普通發音,不知道自己日常用的粵音

另外老師的普通話也是半桶水,教出來學生,打個折可能只得1/3桶水 !

作者: MrBeast 時間: 16-5-30 11:59

本帖最後由 MrBeast 於 16-5-30 12:06 編輯

hkpapa852 發表於 16-5-30 11:18
咁我識果D都唔係海歸..... 海歸應該都唔會做優才過嚟香港, 除非佢地好急於要本Passport跳出去

好認同你#53 ...

要功利就要功利at the top end，要出國留學先有機會遇到達官貴人的子女，識返一兩個第時好做事，香港父母真無須咁緊張要考入乜乜乜一線小學，玩得有social skills 識pth 先有錢途

ps, 若果出國留學之後學到一口流利pth, 會不會覺得好諷刺？

作者: 200904 時間: 16-5-30 12:01

其實大家已經講到語言之社會應用的層面了。呵呵！

其實，我心目中，學普通話與學英語的作用差不多。學英文，是因爲很多世界頂級學術雜志是用英文溝通，且很多生意往來，英語作爲溝通語言占大多數。

學普通話，畢竟將來國内市場也是很重要的，所以用普通話溝通是基礎。就算現在去國内旅行，會普通話也相當重要嘛。

作者: wan_sosin 時間: 16-5-30 12:04

subb 發表於 16-5-30 11:55
普通話已經獨立成科已經足夠, 不用在中文課用普通來教授 !
最怕小朋友生字只知普通發音,不知道自己日常用 ...

基本我都贊成你所講,有些真的會有困難,但都有些學生應付到的.

我仔普教中位老師是native的,所以教得準確,但如果本地老師教,讀普教中就真係好無謂了!本地老師自己都要備一大輪課先可以上到堂,咁佢又點有心力教到真正要教的中文!

作者: 5kin 時間: 16-5-30 12:12

我無記錯好似英語標準唔係英國皇室口音，
應該係任何地區學英語嘅人都唔多會聽錯第二個字，先算得上係標準；

普通話個標準都好似唔係北京方言。

語言嘅發展因為地域歷史文化等因素，應該係多維（multi-dimensions），
簡化用一維表達，
離標準越遠嘅寫同講，對於另一端嘅人要閱讀同聆聽係困難嘅，
亦會容易產生表面嘅誤會，
所以先要學習時以標準為中心，
避免離開標準太遠，等絕大多數人能同一語言溝通

屋企講嘅語文有鄉音，意謂偏離標準，
對小朋友嘅學習有負面影響多於正面影響

屋企講鄉下話對學廣東話或普通話本身無單透面直接負面影響，
只係小朋友因為要學多一種表親語言而浪費多咗時間做轉換而影響到質素。

作者: MrBeast 時間: 16-5-30 12:25

我有理由相信一個中國人去英國local 地方除左講pth 會比d locals 打wok 金，另一個就是queens eng

作者: ANChan59 時間: 16-5-30 12:36 標題: 引用：我有理由相信一個中國人去英國local+地方除

原帖由 MrBeast 於 16-05-30 發表
我有理由相信一個中國人去英國local 地方除左講pth 會比d locals 打wok 金，另一個就是queens eng ...

又未必嘅！

當年在英國讀MBA，全班只有一個說 Corkney accent，但佢冇俾人打，重好多人錫添，因為是全班少數的靚女！

作者: MrBeast 時間: 16-5-30 12:42

ANChan59 發表於 16-5-30 12:36
又未必嘅！

當年在英國讀MBA，全班只有一個說 Corkney accent，但佢冇俾人打，重好多人錫添，因為是全班少 ...

corkney 地道local accent當然冇問題la, 仲要身邊都係知識份子，比人灌醉機會大d

作者: shadeslayer 時間: 16-5-30 13:08 標題: 回覆：普教中真如洪虎猛獸？

普通話唔係由北京「官話」來的嗎？我看維基咋。

xxxxxxxxxx

現代標準漢語，或標準現代漢語、漢語標準語、標準漢語，於中華人民共和國（中國大陸）所謂「普通話」、中華民國（台灣）所謂「國語」及新加坡、馬來西亞所謂「華語」，港澳地區前述兩者通用，是廣泛於華人間通行的漢語，以北京語音為基礎音，白話文著作為語法規範。

作者: jesswu 時間: 16-5-30 13:13 標題: 引用：Quote:原帖由+MrBeast+於+16-05-30+發表我

原帖由 ANChan59 於 16-05-30 發表
又未必嘅！

當年在英國讀MBA，全班只有一個說 Corkney accent，但佢冇俾人打，重好多人錫添，因為是全班少 ...

我唔太識聽英腔……聽到暈……
好奇怪……自少在香港學英式，就十幾歲去左美利堅只十年八載，此後就唔太識英文了……到而家仲串colour做color.....

就算美國本土，唔同州口音都好唔同……

作者: shadeslayer 時間: 16-5-30 13:17 標題: 引用：回覆+shadeslayer+的帖子 If+you+want+to+

原帖由 HKTHK 於 16-05-30 發表
回覆 shadeslayer 的帖子

If you want to know what standard PTH is, turn on CCTV news

That is not my point. I was saying one cannot conclude a person's PTH or English is no good simply because they don't speak like CCTV newscasters or BBC newscasters.

作者: shadeslayer 時間: 16-5-30 13:19 標題: 引用：Quote:原帖由+ANChan59+於+16-05-30+發表又

原帖由 jesswu 於 16-05-30 發表
我唔太識聽英腔……聽到暈……
好奇怪……自少在香港學英式，就十幾歲去左美利堅只十年八載，此後就唔太識 ...

我掉轉, 美国的 Southern accent 唔習慣。

作者: shadeslayer 時間: 16-5-30 13:22 標題: 引用：Quote:原帖由+ANChan59+於+16-05-30+發表又

原帖由 jesswu 於 16-05-30 發表
我唔太識聽英腔……聽到暈……
好奇怪……自少在香港學英式，就十幾歲去左美利堅只十年八載，此後就唔太識 ...

一般香港學生學串字係英式, 但口語只可以講係港式。

作者: jesswu 時間: 16-5-30 14:19 標題: 引用：Quote:原帖由+jesswu+於+16-05-30+發表我唔

原帖由 shadeslayer 於 16-05-30 發表
一般香港學生學串字係英式, 但口語只可以講係港式。

我同阿女美語交談……佢話我教錯佢……因為同學仔d英文唔係咁講

作者: Yanamami 時間: 16-5-30 16:46

十万九千七年前有个帖講囗音……而家又重新討論过~

shadeslayer可記得？

作者: 5kin 時間: 16-5-30 17:09

當校方決定實行「普教中」，中文科老師係應該要响指定年期內考獲特定資格嘅，
所以佢哋嘅發音應該係處於標準嘅偏差值之內，所以同另開普通話科嘅師資相比亦唔需要太擔心。

真係唔放心都仲可以跳船，仲有一定數量學校係用返廣東話教中文，依家未係強制規定全部官津一定要行「普教中」

作者: little_yolky 時間: 16-5-30 17:20

5kin 發表於 16-5-30 17:09
當校方決定實行「普教中」，中文科老師係應該要响指定年期內考獲特定資格嘅，
所以佢哋嘅發音應該係處於標 ...

我哋老師好醒目, 上堂課文即係播CD, 阿女又醒目, 無跟老師發音, 跟CD發音。

作者: A-Mum 時間: 16-5-30 18:04

5kin 發表於 16-5-30 17:09
當校方決定實行「普教中」，中文科老師係應該要响指定年期內考獲特定資格嘅，
所以佢哋嘅發音應該係處於標 ...

理想同現實係有差距嘛。理想中，考到資格嘅老師係有能力教；
現實中，考試有範圍，咁教到範圍以外時，咪可以錯囉。
錯唔緊要，人誰無過，最怕係無同學仔聽得出，一齊學錯；
更怕老師鬥氣，死唔認錯。揀唔揀普教中，我覺得一定要考慮埋該校嘅師資。

作者: shadeslayer 時間: 16-5-30 19:05 標題: 回覆：普教中真如洪虎猛獸？

OZ English会唔会更难

xxxxxxxxxx

個人覺得 Southern accent 難過 Glasgow, Irish, oz 好多。

作者: shadeslayer 時間: 16-5-30 19:09 標題: 引用：十万九千七年前有个帖講囗音……而家又重新

原帖由 Yanamami 於 16-05-30 發表
十万九千七年前有个帖講囗音……而家又重新討論过~

shadeslayer可記得？ ...

講過好幾次, 個人覺得重點係不要把「讀錯音」解析為「口音」便可。

作者: skmibb 時間: 16-5-30 20:52 標題: 引用：Quote:原帖由+jesswu+於+16-05-29+發表好多

原帖由 serinac 於 16-05-29 發表
簡得普教中的小學，小朋友最好有一定的普通話基礎，最少也要識聽同明白老師講乜。如冇乜基礎，建議開學前快 ...

我小朋友係被迫普教中,因學校全校都係普教中,冇得揀。

作者: s.andp 時間: 16-5-31 04:08 標題: 回覆：普教中真如洪虎猛獸？

提示: 作者被禁止或刪除內容自動屏蔽

作者: serinac 時間: 16-5-31 15:34 標題: 引用：Quote:原帖由+serinac+於+16-05-29+發表簡

原帖由 skmibb 於 16-05-30 發表
我小朋友係被迫普教中,因學校全校都係普教中,冇得揀。

冇得簡，但可以自己為小朋友多作準備，上小一時就易適應啲。

就好似我女兒咁，在K1時係英粵班，到K2都冇英普位轉，咪唯有幫佢創造語境囉，學普通話等。到現在，叫佢轉番粤語教中文都唔肯

其實，小朋友能掌握好多一種語言，對佢將來開拓視野也好、職業也好，點都有用嘅。

作者: MC1128 時間: 16-5-31 15:52

本帖最後由 MC1128 於 16-5-31 16:09 編輯

政府推廣用普通話教中文多年，目前已有七成小學開設普教中班，成效如何？當局委託大學進行的追蹤研究已經完成，有線電視新聞台取得仍未公開的終期報告，結論是沒有明顯證據，證明普教中能促進中文學習。

崇真小學二至四年班，所有班別的中文都是用普通話教授，亦是語常會委託教育學院，由二零一二年開始，追蹤研究的四間學校之一。

專家透過觀課、訪談、分析學生成績等，發現推行普教中時一些問題，例如有教師會叫學生分組讀、個別讀及輪流讀課文，但「為讀而讀」、未能深化知識。

有中學用廣東話教的一班，討論很熱烈，但普教中班則很靜。而且教學內容表面，本身成績好的學生感到缺乏挑戰，反而造成學習障礙。

還有師資問題，有學校起初用普通話教師教中文，他們本身不是中文本科，聽、講較好，但語文知識弱，有些就混淆了教普通話及教語文。

報告又提到教學用普通話，但考 TSA 時說話訓練又用廣東話，兩者不配合亦影響成效。研究中途語常會要求加入，學生聽說讀寫水平的量化比較，大部分班級，沒有顯著差異或者未能比較。

在「聽」方面，小五及中一普教中班較好；「讀」、就有四級普教中較優；「寫」、普教中在高小的優勢，到中二則逆轉；至於「說」、廣教中的學生較優，不過研究團隊多次強調﹛這樣的比較有先天局限。

因為學校一般將能力較高的新生，編入普教中班。最終結論是，沒有明顯證據證明，普教中對中文學習有促進作用，但普教中對中文科成績，沒有負面影響。

報告得出另一個結論是，若推行普教中，愈低年級開始成效會愈好。這份報告去年二月已經完成，但一直未發表，去年四月有議員追問何時公布，教育局表示等適當時候，本台亦嘗試用公開資料守則索取，但政府指可能妨礙內部討論，拒絕披露。

教育局局長吳克儉回應時指，已決定七月二日向立法會提交報告，又指推行「普教中」時會考慮師生水平。

作者: MASAYA 時間: 16-5-31 16:01

MC1128 發表於 16-5-31 15:52
政府推廣用普通話教中文多年，目前已有七成小學開設普教中班，成效如何？當局委託大學進行的追蹤研究已經完 ...

支持普教中既人一早改口因為普教中有利學習普通話喇，對有利中文學習一早冇人再提喇

作者: Yanamami 時間: 16-5-31 16:03

serinac 發表於 16-5-31 15:34
冇得簡，但可以自己為小朋友多作準備，上小一時就易適應啲。

就好似我女兒咁，在K1時係英粵班，到K2都冇英 ...

我都係~K1英普多人爭，而且我屋企無人講pth, 去面試不利，所以先入英粵班，收左再寫信去学校，話如果英普班有位就想轉入去，成功左~~K3再学埋拼音，小学普教中無难度｡不过而家阿女升中，反而揀番广教中，事关我覚得中学同小学唔同，真係学入肉d, 又古文又盛，小学果d好基礎，用普教中無乜问題~

作者: Yanamami 時間: 16-5-31 16:07

MASAYA 發表於 16-5-31 16:01
支持普教中既人一早改口因為普教中有利學習普通話喇，對有利中文學習一早冇人再提喇 ...

[size=34.9597px]大家係接受事实，唔係為支持而支持。不过其实又唔講得上支持，只不过心儀果间小学要普教中咪普教中，自己早作準備去適應，唔係禁抗拒禁解啫~如果心儀果间係粤教中，亦ok.

作者: wongchingching 時間: 16-5-31 16:18

阿女讀的是普教中的直資小學... 父母都完全唔識講普通話. 但我覺得效果好好. 雖然班內有幾位以普通話作母語的人, 以我觀察, 中文科,由口試至寫作. 全班top 3 的都是道地香港... 這證明, 小朋友吸收, 適應能力比我們想像中強....我見不到以普通話作母語的人有明顯優勢..

作者: MASAYA 時間: 16-5-31 16:22

Yanamami 發表於 16-5-31 16:03
我都係~K1英普多人爭，而且我屋企無人講pth, 去面試不利，所以先入英粵班，收左再寫信去学校，話如果英普班 ...

呢樣我又想問下，幼稚園+小學接近十年普教中，到中學繼續普教中有難度而想揀返廣教中？咁睇好似連有利學習普通話都有d懷疑喎，幼稚園+小學係英語教學既本地生，應該唔會中學想入中中架喎...

作者: Yanamami 時間: 16-5-31 16:34

本帖最後由 Yanamami 於 16-5-31 16:41 編輯

佢已可以流利用pth同人溝通，發音標準，mission accomplished. 至於中学揀广教中，我应該無提过係担心力有不逮，只係个人覚得用广東話学詩詞、文言文好d啫~
唔明你最尾—句~佢幼稚園係英普班，小学係中小，中学会升英中……當中無衝突吧？淨係中中先有广教中？

作者: ANChan59 時間: 16-5-31 16:35 標題: 引用：Quote:Yanamami+發表於+16-5-31+16:03+我都

原帖由 MASAYA 於 16-05-31 發表
呢樣我又想問下，幼稚園+小學接近十年普教中，到中學繼續普教中有難度而想揀返廣教中？咁睇好似連有利學習 ...

可能由始至終普教中有助中文，語常會是假設或誤導家長及社會大眾！

現在大家肯面對現實，70＋%普教中學校，可能會跟教學語文微調一樣，普/粵教中混合，不用一刀切了。

作者: MASAYA 時間: 16-5-31 16:46

Yanamami 發表於 16-5-31 16:34
佢已可以流利用pth同人溝通，發音標準，mission accomplished. 至於中学揀广教中，我应該無提过係担心力有 ...

第二個例子我講緊其他人，幼稚園同小學都係英語學習個d，因為長期以英語學習，升中應該唔會有人揀中文中學，然後又講返普教中，幼稚園同小學都係普通話學中文，我以為中學揀返普通話學中文係好合理

作者: MC1128 時間: 16-5-31 17:08

ANChan59 發表於 16-5-31 16:35
可能由始至終普教中有助中文，語常會是假設或誤導家長及社會大眾！

因為呢個"假設"，未有任何根據而搞到七成小學普教中

作者: Yanamami 時間: 16-5-31 17:15

本帖最後由 Yanamami 於 16-5-31 17:20 編輯

MASAYA 發表於 16-5-31 16:46
第二個例子我講緊其他人，幼稚園同小學都係英語學習個d，因為長期以英語學習，升中應該唔會有人揀中文中學 ...

根本普教中只用於課堂內，同学间或学生同屋企人朋友都係广東話溝通，个語境其实只係比0好(有利听、講)，但未影响深遠到你諗野都用普通話諗(呢个就係用普教中唔会有助学习中文其中原因之一)｡當然，如果小学係普教中，好多人中学亦会揀普教中，不过我諗呢个唔係你講果种順理成章，其实係因為無乜中学由中—至中六係普教中，而中—至三既普教中班通常係精英班禁啫~揀普教中只因要入精英班，而唔係覚得禁好d.

歡迎光臨教育王國 (/)