教育王國

標題: 心急查詢---升中訓練班 [打印本頁]

作者: PeckyWanCK 時間: 16-5-26 01:36 標題: 心急查詢---升中訓練班

發問...發問, 請問邊到有好的升中訓練班? 暑假有沒有? 幾多錢? 有沒有好介紹?

作者: PeckyWanCK 時間: 16-5-26 01:41

我意思係, 面試訓練,

作者: metrochung 時間: 16-5-26 06:54 標題: 回覆：PeckyWanCK 的帖子

週圍都有，補習社有，N G O又有，有D專訓練面試都有。

作者: ppchanchan 時間: 16-5-30 20:05

回覆 metrochung 的帖子

如何選擇好呀, 有咩心水?? 我都想知,

作者: shypama 時間: 16-5-31 01:25

回覆 ppchanchan 的帖子

好幾天前就看到您這個問題了,以為會有不少人回答,所以當時沒有理會

首先版規是不能替別人賣廣告的,甚至私聊也不准

其次您要找齊全港18區嗎?--->叫人點回答您好呢'''

作者: metrochung 時間: 16-5-31 15:38 標題: 引用：回覆+metrochung+的帖子如何選擇好呀,+有

原帖由 ppchanchan 於 16-05-30 發表
回覆 metrochung 的帖子

如何選擇好呀, 有咩心水?? 我都想知,

我覺得唔係咁大需要，冇比錢参加過

作者: maggie789 時間: 16-5-31 15:41 標題: 回覆：心急查詢---升中訓練班

學校有否模擬面試？如有己足夠！我間學校真係唔多人出去另上面試班的！

作者: 王家爸爸 時間: 16-5-31 16:21

maggie789 發表於 16-5-31 15:41
學校有否模擬面試？如有己足夠！我間學校真係唔多人出去另上面試班的！

...

記得當年老師問小朋友填咗邊兩間，然後用翻過去兩年從師兄師姊收集翻嚟既題目做模擬面試。到咗真正面試嗰日，老師提醒學生要記得寫低面試題目，等師弟師妹明年可以用。

作者: aeiou_drm 時間: 16-5-31 17:01 標題: 回覆：心急查詢---升中訓練班

ywca, 明愛，小童群益會果D 都有。

我囝冇報，不過，我自己有做功課， draft 定一些常見問題比呀仔去睇下，不外乎中英文自我介紹 1 分鐘，了解下所揀學校，中英文閱讀文章 (得閒就找的文比佢讀下，練下流暢度)，有些學校會叫你介紹中英文故事書...

其實最有用是到時報一兩間直資取經驗。

我地學生老師都有幫學生做group discussion, 也有利用早一兩屆題目幫學生準備。

作者: tws2010 時間: 16-5-31 21:23

回覆 maggie789 的帖子

我個個無出外上, 只參加學校個D, 個人覺得無需特別參加, 最緊要做番自己, 自然d, 好足夠, 阿仔學校好好, 搜集了一大堆比學生準備, 阿仔無特別去練習, 但每次面試感覺良好

作者: moon.ng 時間: 16-5-31 23:09 標題: 引用：回覆+maggie789+的帖子 +我+個個+無+出+外

原帖由 tws2010 於 16-05-31 發表
回覆 maggie789 的帖子

我個個無出外上, 只參加學校個D, 個人覺得無需特別參加, 最緊要 ...

「每次面試都感覺好好」你們學校幫他做模擬面試嗎？

作者: tws2010 時間: 16-6-1 21:12

回覆 moon.ng 的帖子

沒有, 只是學校與其他教育機構辦面試班, 阿仔話無大作用, 個人認為面試時淡定, 做回自己, 放心去講, 無需太介意對與錯, 自然有好效果

作者: MokTC9080 時間: 16-6-6 00:42

回覆 PeckyWanCK 的帖子

我沒有什麼可以推介, 但我可以分享一下, 我早前在網上找到一本有關升中的 Tips 及有些練習, 可以參看.
我個人認為家長做功課都是重要的, 看看自己小朋友的長處及心水學校的教學理念, 是否配合小朋友發展. 其實報讀一些面試班, 係可以比小朋友感受下面試的形式, 從中了解自己的長處與可改善的地方,學習如何在緊張的面試環境下放鬆心情, 這才能發揮出應有的表現等, 而且, 現今很多時都只有一個小朋友, 有時未必太懂得與人相處或與人討論時應如何發表自己意見又不會讓人覺得是搶住來答問題, 所以報讀面試班也未嘗不是好事, 只要家長不要太強迫或太大壓力的出發點來報讀訓練課程, 這才是重點.

作者: miriam 時間: 16-6-6 00:52

我囡係學校老師要求佢去上面試班, 唔係都懶得報.

去同區中學搞既模擬面試時我囡表現太突出, 又可以話死剩把口個種, 小組時講到對手都無聲出, 學校好似辯論時都係咁, 所以老師想佢學下點樣收一收唔好太盡.

上左幾堂我囡話無乜用, 成班都唔多出聲, 變左做完份 paper 後到討論時好似唱獨腳戲咁, 得佢同導師講, 基本上無一個討論氣氛出到黎.

我囡去左三間中學面試, 現就讀個間係由副校長面試, 完全係傾偈形式.

作者: 大貓媽媽 時間: 16-6-9 11:57

報唔報、報咩班、去邊度報，我覺得要睇你地心儀學校係邊間先喎。
如果你要報津校自行，先決是考好呈分試先啦，考好左先有面試入場券。
有啲學校要成績達標先有得見，成績未到就只會浪費機會。
如果係人人有得見嘅學校，面試係咪真係好緊要呢？
未必喎，津校好少搞花臣，
來來去去都要你自我介紹，講下點解揀佢地學校之類啦，
早少少同小朋友度好篇自我介紹啦，
而呢類練習，大多數小學會幫小朋友做嘅，我覺得唔一定要去上面試班喇。

咁如果你TARGET直資呢，又唔同講法喇。
直資多數英文見，寫好英文面試嘅稿，操熟用英文面試是為上策。
有啲學校係小組面試嘅，出去面試班反而可以見下世面。
我嘅小朋友舊年同同學仔一考完試就去上面試班，
出得去上堂，大家個目標都好明確，
實係TARGET果幾間直資架啦。
老師年年見不同學校嘅小朋友，
都可以好坦白咁俾到意見我地教小朋友點樣改善，
所以我覺得讀唔讀面試班，真係要睇下你目標係咩。

順帶一提，學校大多數會練面試，但個個見慣見熟，
冇乜火花；
出去學有度好，就係咩人都見下，
遇到叻人就鼓勵自己要上進，
遇到無心學習嘅人都可以同自己講我都唔差吖。

作者: mymelody2003 時間: 16-6-10 10:15

其實小朋友最緊要係練習 group disscussion 及看圖表達圖意, 你可以選多一些題目跟他一起討論, 多看一點書及報紙; 個人認為大路既問題學校唔會考的.

歡迎光臨教育王國 (/)