教育王國

標題: 請問選擇性失控 [打印本頁]

作者: 肥豬豆豆 時間: 16-5-25 13:38 標題: 請問選擇性失控

囡囡五歲，在唔同場合有唔同表現，在學校同嫲嫲湊時會特別曳亦控制唔到，但我同爸爸或婆婆湊就乖，有曳但一叫就停，請問ADHD小朋友會因應環境而曳嗎

作者: wan_sosin 時間: 16-5-25 14:58 標題: 回覆：請問選擇性失控

真正ADHD,幾時都會曳！
你嘅情況係你囡囡在唔同方法管教下有唔同態度，搵出那一個方法係令佢乖嘅關鍵，盡量用同一個方法教佢，或找出令佢曳嘅原因

作者: 肥豬豆豆 時間: 16-5-25 16:00 標題: 回覆：請問選擇性失控

謝謝你的回覆。由於囡囡在學校的行為越來越差，我已向政府排期但要明年初才安排評估，我正在糾結是否應否儘快找其他機構做評估。

另一方面，她亦很容易分心，某些情況/老師才能令她專注，真的非常頭痛

作者: wan_sosin 時間: 16-5-26 07:08 標題: 引用：謝謝你的回覆。+由於囡囡在學校的行為越來

原帖由 肥豬豆豆 於 16-05-25 發表
謝謝你的回覆。由於囡囡在學校的行為越來越差，我已向政府排期但要明年初才安排評估，我正在糾結是否應否 ...

你講嘅曳，無描述清楚點曳法同曳嘅原因，唔一定唔聽人話就係ADHD,其實還有其他可能性，你可以的話，講多少少你囡囡個情況，還有佢嘅情緒方面如何？如果能力可以，搵協康等機構評估，唔洗擔心咁耐都好。

作者: 肥豬豆豆 時間: 16-5-26 09:25 標題: 回覆：請問選擇性失控

在學校(全日制K2): 在課室內坐唔定或四處走，有開心事會興奮得大笑不停跳; 試過在地上爬來爬去; 仰臥在桌上擦背; 在走廊跑和跳。

平日放學回家(嫲嫲婆婆姑姐)，不想做的事情 (換校服/洗手/做功課/吃飯)不肯去做，即使解釋無數次，或嚴厲指示。她只想做自己想做的事情，冇人可以阻止; 在家也會在地上爬。

Eye level數學班:(星期六一個小時)頭半個鐘無法專注玩文具，亦不會坐下。

以上情況，如果係我同老公湊，或eye level的英文堂，絕大部分不會出現的，係做功課難集中精神，有曳都叫得停。

作者: 肥豬豆豆 時間: 16-5-26 09:28 標題: 回覆：請問選擇性失控

但老師的評語是，他不專心但學習上沒有問題，第二天問她昨天課堂上的事情，她能原原本本一字不漏的講出來。

作者: wan_sosin 時間: 16-5-26 11:29

肥豬豆豆發表於 16-5-26 09:25
在學校(全日制K2): 在課室內坐唔定或四處走，有開心事會興奮得大笑不停跳; 試過在地上爬來爬去; 仰臥在桌 ...

同人溝通方面是否有些問題?

亦有可能有些感統問題.

媽咪跟爸爸同囡囡關係好好吧!所以囡囡較易聽從父母.對其他人就不太懂去尊重.

作者: 肥豬豆豆 時間: 16-5-26 12:02 標題: 回覆：請問選擇性失控

溝通應該冇問題。請問感统問題會有什麼徵狀?

作者: wan_sosin 時間: 16-5-26 12:14 標題: 引用：溝通應該冇問題。請問感统問題會有什麼徵狀

原帖由 肥豬豆豆 於 16-05-26 發表
溝通應該冇問題。請問感统問題會有什麼徵狀?

感覺統合範圍好廣，亦較為複雜，反應出嚟嘅行為可以有好多，例如怕某類形食物，某些質感，例如怕沙，草，怕某些聲音，又或是做某類特殊行為來滿足自己感覺，如你想知多少少，你去search下感覺統合，可以了解多些，當然要搵專業人仕評估才能準確知道。
你囡囡平日多唔多去公園玩？
既然你囡囡聽爸爸媽媽話，就要教導佢如何同其他人合作，相處，佢唔係無能力做得到，而係唔去做，所以可以再落多D力去教，用獎勵儲分換禮物等都可以試下

歡迎光臨教育王國 (/)