教育王國

標題: 發展遲緩 [打印本頁]

作者: kityikwok 時間: 16-5-24 14:28 標題: 發展遲緩

幼稚園提出，我仔四歲半，學野俾一般同齡小朋友慢，有機會係發展遲緩，我有邊一方面可以搵到支援？

作者: long107 時間: 16-5-24 14:42 標題: 回覆：kityikwok 的帖子

去健康院見䕶士，再要求評估，但要等好耐。或考慮去協康等機構作私人評估。
你覺得小朋友有沒有幼稚園老師所講的發展遲緩的問題呢？

作者: ChattyST 時間: 16-5-24 15:17

你小朋友已經4歲, 應該已入讀幼稚園了, 可以向學校問一問到校服務.

作者: kityikwok 時間: 16-5-24 15:23 標題: 引用：去健康院見䕶士，再要求評估，但要等好耐。

原帖由 long107 於 16-05-24 發表
去健康院見䕶士，再要求評估，但要等好耐。或考慮去協康等機構作私人評估。
你覺得小朋友有沒有幼稚園老師 ...

暫時約咗星期五去健康院做評估，幼稚園班主任覺得佢上堂好多時要老師幫先可以完全件事，同埋學野慢，俾同齡既小朋友佢既資質只係响k1尾k2頭，要佢夾硬上k3，會好辛苦，所以要求我哋做評估同俾佢重讀

作者: kityikwok 時間: 16-5-24 15:24 標題: 引用：去健康院見䕶士，再要求評估，但要等好耐。

原帖由 long107 於 16-05-24 發表
去健康院見䕶士，再要求評估，但要等好耐。或考慮去協康等機構作私人評估。
你覺得小朋友有沒有幼稚園老師 ...

佢係揸筆寫字上有一定難道，永遠要人揸住嚟寫

作者: kityikwok 時間: 16-5-24 15:25 標題: 引用：你小朋友已經4歲,+應該已入讀幼稚園了,+可

原帖由 ChattyST 於 16-05-24 發表
你小朋友已經4歲, 應該已入讀幼稚園了, 可以向學校問一問到校服務.

而家k2了

作者: methy 時間: 16-5-24 15:27 標題: 引用：幼稚園提出，我仔四歲半，學野俾一般同齡小

原帖由 kityikwok 於 16-05-24 發表
幼稚園提出，我仔四歲半，學野俾一般同齡小朋友慢，有機會係發展遲緩，我有邊一方面可以搵到支援？

...

幼稚園本身有無兼收位?如果有可請教一下兼收位老師意見。兼收位老師會熟悉支援既資訊多d,班主任就熟悉小朋友多d,兩邊都聽下意見。

遲緩都分程度&分範疇：學習（認知）上？體能？小手肌？言語慢？等等。

支援上可搵政府或私人：
平但慢既方法：去健康院要求轉介CAC(體力智力測驗中心，再經醫生評估，睇下邊方面問題，再安排排服務：i位幼稚園兼收，E位早期訓練中心，S位特殊幼兒中心，過程以年計。

快但貴既方法；比數千蚊去私人兒童發展中心做評估（例如STEP,Links)再係中心做訓練。

作者: methy 時間: 16-5-24 15:32 標題: 引用：Quote:原帖由+ChattyST+於+16-05-24+發表你

原帖由 kityikwok 於 16-05-24 發表
而家k2了

係k2細仔定大仔？如果細仔大機會小手肌未發展到，無得迫，多做寫前練習，穿珠，筷子夾野，夾衫夾，多玩泥膠等等....

我仔小手肌特別差，k1-k2學校見到佢手肌未發展，唔比佢用筆，免佢寫唔到唔開心，做好多寫作前訓練，泥膠砌字認字型認筆順，用筆只畫線條，到k3期中小手肌ok，一寫就好靚喇d字（我仔大小肌勁差讀S位）

作者: long107 時間: 16-5-24 15:55 標題: 回覆：kityikwok 的帖子

排政府評估要好幾個月，不如搵私人評估，再排CAC排I/E/S,再申請到校服務啦！

作者: kityikwok 時間: 16-5-24 18:01 標題: 回覆：methy 的帖子

k2細仔

作者: kityikwok 時間: 16-5-24 18:02 標題: 引用：Quote:原帖由+kityikwok+於+16-05-24+發表

原帖由 methy 於 16-05-24 發表
係k2細仔定大仔？如果細仔大機會小手肌未發展到，無得迫，多做寫前練習，穿珠，筷子夾野，夾衫夾，多玩泥膠 ...

k2細仔

作者: kityikwok 時間: 16-5-24 18:03 標題: 引用：排政府評估要好幾個月，不如搵私人評估，再

原帖由 long107 於 16-05-24 發表
排政府評估要好幾個月，不如搵私人評估，再排CAC排I/E/S,再申請到校服務啦！

...

我都想搵私家，但錢係一個問題，因為得我老公一份糧，兼且仲有個細仔

作者: irenelwl 時間: 16-5-24 21:00

回覆 kityikwok 的帖子

趁summer搵D中心COURSE比佢上, 練小肌個D

作者: karenhoshan 時間: 16-5-25 10:14 標題: 回覆：發展遲緩

其實可以上下summer course, 知道有咩類型既training, 可以返屋企同小朋友練習
同埋書局其實都有d書教點練小肌肉, 可以去買來參考下, 唔洗下下當做訓練, 好多都係活動同遊戲形式, 小朋友又會玩得開心
有時你會見到網上講d 小肌肉活動, 寫前練習, 不過要知點樣先fit到個小朋友, 同埋咩時間你覺得已經ok, 可以upgrade個治療活動

作者: legolas625 時間: 16-5-25 11:34

小肌明顯慢，我仔K1細仔，可以自己用筆了

作者: long107 時間: 16-5-25 14:35 標題: 回覆：legolas625 的帖子

我仔係K1大仔，揸筆都未得。

作者: Yukiruirui888 時間: 16-5-25 16:08 標題: 引用：Quote:原帖由+long107+於+16-05-24+發表排

原帖由 kityikwok 於 16-05-24 發表
我都想搵私家，但錢係一個問題，因為得我老公一份糧，兼且仲有個細仔

...

妳打電話去協康會問，巨有個青蔥計劃，有得減費，for低收入家庭，但呢個計劃唔知岩妳嗎？我仔今日岩去左評估，減左50%

歡迎光臨教育王國 (/)