教育王國

標題: 真心請教安排N班接送選校問題 [打印本頁]

作者: JNF 時間: 16-5-23 12:46 標題: 真心請教安排N班接送選校問題

而家計劃緊報下年N班好苦惱，唔知點安排小朋友半日/全日、邊區同接送安排我同先生都要工作，沒有工人，平日日間由奶奶湊，我地同奶奶住不同地方，車程半小時
初步諗以下可能性:
1. 本區搵全日班，我們接返學但由ee接放學/申請延長放學至我地放工返屋企
擔心情況:
- 全日N班太辛苦
- 早上送返學如果太遲eg 9am之後我地返工遲到
好處:
- 每天不用小朋友由奶奶接回坐車
- 奶奶可以自由
2. 搵奶奶住既區，返全日/半日，我們每天照舊接給奶奶，佢送返學/放學
擔心情況:
- 每天接來接去，同小朋友見面仍然少
- 奶奶全日侯命
好處:
- 不用請ee

3. 本區搵全日班，我們接返學但由奶奶接放學至我地放工返屋企
擔心情況:
- 奶奶要每天坐車到我區，晚上才回家，會累同相處問題
好處:
- 奶奶上午free
- 不用請ee

有人可以分享下會有什麼要考慮同邊個好點?面試老師會考慮呢方面嗎?

作者: adachengwk 時間: 16-5-24 00:45 標題: 回覆：JNF 的帖子

方法1, 幼稚園有d 開好早㗎, 7點都有, 但番全日, ee都冇咩野做
方法2, 我覺得ok, 老人家吾使搭車, 接送方便
方法3, 吾好囉…攪到老人家太夜番屋企...
最後, 你冇講平時係邊道食晚飯, 因為呢樣都要決定揀咩方法, 邊個煮飯比bb 食, 要吾要請工人

作者: JNF 時間: 16-5-24 08:45 標題: 回覆：adachengwk 的帖子

謝謝
唔想請工人
平時BB晚餐係奶奶度食，我地自己煮

作者: L+H 時間: 16-5-24 09:36

本帖最後由 L+H 於 16-5-24 09:37 編輯

你的情形我上兩年都係煩緊，最後都投降請工人，小朋友跟返我地住，返半曰pn，阿媽每曰上下黎咁。

作者: 鳥嘴123 時間: 16-5-24 13:36

如果打都唔請工人
咁就揀近99啦
因為好多時BB返咗學校先發燒或受傷
學校會叫你即刻去接佢返屋企
近99佢可以好快去到
除非你兩公婆份工可以隨時行開啦

作者: JNF 時間: 16-5-24 14:08

回覆鳥嘴123 的帖子

有道理Thanks大家

作者: yeikaki 時間: 16-5-24 15:41

JNF 發表於 16-5-23 12:46
而家計劃緊報下年N班好苦惱，唔知點安排小朋友半日/全日、邊區同接送安排我同先生都要工作，沒有工人，平日 ...

我囡返全日 N 班, 我揀左我公司附近, 同我一齊返工, 放工, 有咩事, 我係可以即刻去個隻

作者: 大埔之友 時間: 16-5-24 21:10 標題: 回覆：真心請教安排N班接送選校問題

太多細節如老人家身體狀況, 各車程等都唔自好難比意見. 分享有朋友A 一早送小朋友去返學, 學校近老人家, 放學留婆婆屋企, 晚上婆婆家食飯一齊返屋企. 朋友B 直頭送個仔去婆婆家住亦在附近返學, 間中晚上一齊食飯但父母自己回家, 週未接走.

作者: (=.=) 時間: 16-5-24 22:58 標題: 回覆：JNF 的帖子

大B？其實你諗得點完美都無用，因為全日N好難考，半日N又可以am 或pm offer, 考左PN先，報多幾間，有咩offer 先諗。其實可以早上校車在你家接，放學送去奶奶度，校車貴D，但有offer 先諗啦

作者: 腸仔豬仔飽 時間: 16-5-26 10:01

yeikaki 發表於 16-5-24 15:41
我囡返全日 N 班, 我揀左我公司附近, 同我一齊返工, 放工, 有咩事, 我係可以即刻去個隻
...

之前淨係諗邊間好, 冇諗到有事家長要去接BB, 咁究竟近屋企好定公司好?
工作同屋企既中間位九龍塘OK? 因本人工作地區向新界, 住九龍...

作者: acfun 時間: 16-5-26 10:39

回覆腸仔豬仔飽的帖子

是但近一邊, 中間位兩頭唔到岸, 個個都辛苦

作者: acfun 時間: 16-5-26 10:43

我同樓主一樣, 同屋企人車程距離仲遠過半小時. 所以我會擇近工作地點或奶奶附近. 巳經要請長輩幫手, 路程上盡量會遷就老人家.

但如樓上JM講全日N班好難考, 所以報名時要大包圍.

作者: 腸仔豬仔飽 時間: 16-5-26 10:52

acfun 發表於 16-5-26 10:39
回覆腸仔豬仔飽的帖子

是但近一邊, 中間位兩頭唔到岸, 個個都辛苦

但有事要去學校接小朋友機率有幾高?
因為返工附近既幼兒園好似一般般, 屋企附近既話, 有突發事又唔會叫工人姐姐去接佢,都係自己接返...
唔知我既諗法OK嗎??

作者: 腸仔豬仔飽 時間: 16-5-26 13:56

回覆腸仔豬仔飽的帖子

其實如果有屋企人幫手接送總好過工人接啦... 工人姐姐都係打份工, 有咩事都佢最多一句對不起我不知道...

作者: yeikaki 時間: 16-5-26 15:33

腸仔豬仔飽發表於 16-5-26 10:01
之前淨係諗邊間好, 冇諗到有事家長要去接BB, 咁究竟近屋企好定公司好?
工作同屋企既中間位九龍塘OK? 因本人 ...

中間位 5 好, 邊個可隨傳隨到就去個度

作者: 腸仔豬仔飽 時間: 16-5-26 16:07

yeikaki 發表於 16-5-26 15:33
中間位 5 好, 邊個可隨傳隨到就去個度

近屋企得工人姐姐可以去到... 有問題嗎?

作者: mama122013 時間: 16-6-30 00:24

我來緊係中間位~~ 近我公司，必要時都可以閃出去一陣，但係最終都要搵個長輩幫手照顧住

長輩樓下本身都有間學校收，但衡量過係近公司那間好D，於是唯有搏一搏

作者: mandy_ng207 時間: 16-6-30 14:05

全日N好難考，除非你現在就放BB去育嬰園等佢直升。
我曾有同一情況，建議一係選奶奶果區，一係坐校車去奶奶家。有時學校早放未必有校車，近奶奶可能仲好。

我結果在BB歲半時搬左去奶奶隔離，將自己間屋出租。至今從無後悔

作者: cpychung 時間: 16-7-2 00:47

對小朋友黎講，全日n其實唔會真係好辛苦，如果屋企真係唔夠人去湊，全日n其實係ok既（但你要考到先得）大部份全日班其實下午係玩同埋訓覺，某程度上係一種半日班＋託兒服務黎....

歡迎光臨教育王國 (/)