教育王國

標題: 亞仔六年級至發現ADD [打印本頁]

作者: littlelamlam 時間: 16-5-21 16:57 標題: 亞仔六年級至發現ADD

因為只係ADD所以一直老師都無話佢嚴重到食藥, 但就困擾我好耐~做功課不斷拖拉遊魂, 常欠, 做事無條理, 最終帶佢去睇私家, 由前2次呈分試考得吾好, 到食左藥後第3次呈分試大躍進, 平均分進步左15分, 中文由D變A, 我不由得不認同他是ADD, 但現在食的concerta 27mg會令他頭痛, 無胃口同失眠, 真令人矛盾啊!

佢剛開始食左3日, 請問副作用會維持幾耐?

作者: tutik 時間: 16-5-21 21:35

回覆 littlelamlam 的帖子

咁請問佢第三次呈分時衣邊隻藥？呀仔食18mg concenta 兩星期，又係副作用(午餐冇胃口、失眠)不继，我在weekday 中段停一日，比佢鬆一鬆，weekend 都停，即過去兩星期食咗八次。
還有呀仔藥物過後有啲皮氣，說話冇禮貌，常提起學校啲不快事，似有啲憂鬱。
我都唔知可以點。

作者: littlelamlam 時間: 16-5-21 21:50 標題: 回覆：tutik 的帖子

之前食ritarina 10mg比佢考試, 而家轉左concerta 27mg, 因為佢夠重同長效會好D, 但又係有頭痛無胃口咁, 不過情緒算穩定既

作者: metrochung 時間: 16-5-21 21:56 標題: 回覆：littlelamlam 的帖子

基本上食藥就有副作用，唔食就冇。 ADHD的藥物多數都會冇胃口的，頭痛失眠就不是個個有。可以叫醫生開D開胃藥，改善中午冇胃口。

作者: tutik 時間: 16-5-22 08:48

本帖最後由 tutik 於 16-5-22 08:54 編輯

如果一食藥考試已經能大躍進的確係執行功能有問題，回想呀仔做數混合+-×÷，抄数字又睇鍇，直式計岩抄答案又寫錯，偶爾唔記得進退位，當然普通的小朋友也會，但小兒一份券出現次數太太多，一科數足以拖底佢整體名次。且被老師吼罵太多、同學排擠已累積負面情緒已到頂點。暫未說服兒子轉校，他對適應新環境冇信心，尤有試藥幫幫佢。
近期瘋狂翻查討論區一些家長分享，發現自己遇到既問題，已經有前人可以惜鏡https://www.douban.com/group/topic/75200691/#!/i!/ckDefault

作者: littlelamlam 時間: 16-5-22 15:35 標題: 回覆：tutik 的帖子

咁你小朋友食左藥幫助大嗎? 我仔都係做卷超大意, 長答變短答, 做事無條理, 一個星期欠幾日功課, 成日吾見野, 做咩都拖拖拉拉, 呢幾年我已筋疲力竭, 雖然藥有副作用, 但如果幫到佢自信心同我勞氣少D都值得一試既

作者: littlelamlam 時間: 16-5-22 15:36 標題: 回覆：tutik 的帖子

你小朋友幾大呢?

作者: Musemusetse 時間: 16-6-23 23:23

食藥對成績幫助大，但放假不要食。我是adhd學生，食完藥很不好受，像變了另一個人似的，沒有靈魂，只會機械式讀書，連分個心去食飯都想發脾氣。

作者: bestwish 時間: 16-6-24 09:50

Musemusetse 發表於 16-6-23 23:23
食藥對成績幫助大，但放假不要食。我是adhd學生，食完藥很不好受，像變了另一個人似的，沒有靈魂，只會機械 ...

唔係食左藥會減少發皮氣咩? 我仔最嚴重係發皮氣, 禁食左藥咪仲大獲?? 即係點?

作者: Musemusetse 時間: 16-6-24 10:31

食左藥，當我好專心甘做緊功課，媽咪叫我食飯，我會好嬲。食完藥周身唔舒服，好想喊，發脾氣，但不一定真的會發。

作者: Musemusetse 時間: 16-6-24 10:34

回覆 bestwish 的帖子

我估每個人對藥物反應唔同，可試藥，真係接受唔到可以唔食既。

作者: littlelamlam 時間: 16-6-24 12:03 標題: 回覆：Musemusetse 的帖子

我都係亞仔要温習考試至食藥, 醫生都話~需要時服, 考完ps1暑期吾食, 比佢食多D野做多D運動

作者: harryaunt 時間: 16-6-24 15:07

我親戚的仔仔比較好彩, 食concerta 27mg, 除左無胃口要配合開胃藥食, 又無其他side effect。佢嘅醫生講, 食藥係唔可以隨便停, 因為又食又唔食，就好似一個學緊車嘅人, 一日有師傅教, 一日又無人教, 表現時好時壞, 其他人對佢嘅評價喜惡每日不同, 會令小朋友好難接受。可以考慮係唔返學嘅日子換藥, 或改食劑量輕一點的。

作者: Musemusetse 時間: 16-6-25 16:21

我食利他能，醫生任我幾點食，不過有上限

作者: harryaunt 時間: 16-6-27 08:19 標題: 回覆：Musemusetse 的帖子

可以分享下你幾大同埋係幾時食嗎?呢到好多家長分享，但係食藥嘅子女分享個案就好少。你嘅親身分享對好多家長好有幫助架。

作者: FiFi618 時間: 16-9-4 08:02 標題: 引用：因為只係ADD所以一直老師都無話佢嚴重到食

原帖由 littlelamlam 於 16-05-21 發表
因為只係ADD所以一直老師都無話佢嚴重到食藥, 但就困擾我好耐~做功課不斷拖拉遊魂, 常欠, 做事無條理, 最終 ...

請問孩子幾年級？

作者: littlelamlam 時間: 16-9-6 08:17 標題: 回覆：FiFi618 的帖子

佢六年級至食, 而家中一了

作者: a_for_apple 時間: 16-9-7 12:18 標題: 引用：我食利他能，醫生任我幾點食，不過有上限

原帖由 Musemusetse 於 16-06-25 發表
我食利他能，醫生任我幾點食，不過有上限

請問你是 add or adhd？幾年級？
如果有得再揀，會食藥嗎？
你覺得父母點對你最好最舒服？
thx for sharing！

作者: metrochung 時間: 16-9-8 14:44 標題: 引用：我親戚的仔仔比較好彩,+食concerta+27mg,+

原帖由 harryaunt 於 16-06-24 發表
我親戚的仔仔比較好彩, 食concerta 27mg, 除左無胃口要配合開胃藥食, 又無其他side effect。佢嘅醫生講, 食 ...

依個醫生係何醫生？

作者: metrochung 時間: 16-9-8 14:53 標題: 引用：我食利他能，醫生任我幾點食，不過有上限

原帖由 Musemusetse 於 16-06-25 發表
我食利他能，醫生任我幾點食，不過有上限

醫生咁講？應該係將會有需要專注的時候食，在有藥力下上堂和做功課。如黃昏的時間食有機會失眠。

作者: harryaunt 時間: 16-9-27 20:34

metrochung 發表於 16-9-8 14:44
依個醫生係何醫生？

唔係丫，佢姓張。

作者: zzzlam 時間: 16-10-12 11:23

仔小六,尋日開始食RITALIN,四小時果隻,佢朝早7:30一次,下午3:15一次,尋日見佢冇哂胃口,好心痛,佢仲話食左藥好頭痛,係學校行樓梯又心跳又暈喎,不過佢就話自己上堂好專心,
點解唔食長效少少果隻RITALIN LA呢?我醫生就咁講,呢隻4小時藥力黎得快去得快,較快排出體外,希望唔會影響到佢午餐同晚餐食量喎,大家點睇?

作者: littlelamlam 時間: 16-10-13 12:01 標題: 引用：仔小六,尋日開始食RITALIN,四小時果隻,佢朝

原帖由 zzzlam 於 16-10-12 發表
仔小六,尋日開始食RITALIN,四小時果隻,佢朝早7:30一次,下午3:15一次,尋日見佢冇哂胃口,好心痛,佢仲話食左藥 ...

你仔食幾多mg? 我仔一開始已食c字頭長效12小時27mg, 佢開頭食同你仔仔一樣, 頭痛, 失眠同無胃口但專注力真的改善了, 不過醫生話係正常反應, 再食就會適應的

果然食左2星期左右副作用減輕了, 不過胃囗都係一般, 所以佢吾食藥時就比多D野佢食,

而家中一老師話在校都吾係太專心, 黎緊11月覆診應起碼要加到36mg至有效了(他高了重了)

作者: littlelamlam 時間: 16-10-13 12:03 標題: 引用：仔小六,尋日開始食RITALIN,四小時果隻,佢朝

原帖由 zzzlam 於 16-10-12 發表
仔小六,尋日開始食RITALIN,四小時果隻,佢朝早7:30一次,下午3:15一次,尋日見佢冇哂胃口,好心痛,佢仲話食左藥 ...

我有朋友仔仔試過ritalin 8小時, 但效果無4小時咁好喎! 如果佢肯在校補藥我諗4小時好D

作者: zzzlam 時間: 16-10-13 16:49

佢尋日係學校LUNCH後覺得好脹,去廁所嘔,噴射式咁

勁心痛
係咪一路重就要一路加藥?定係發現專注力差左先要加

作者: littlelamlam 時間: 16-10-14 07:55 標題: 回覆：zzzlam 的帖子

咁誇張? 佢係咪有感冒果D吾舒服所以嘔, 定真係藥物影響? 你覆診時問下醫生好啵! 老師話佢在校都吾係好專心, 可能藥力吾夠, 因為之前醫生係比左低藥力既佢適應, 但而家佢高左又重左, 藥力應該真係吾夠, 所以覆診應要加藥了

作者: zzzlam 時間: 16-10-14 15:55

佢應該冇病~~我唸佢係藥物影響先嘔,尋日佢話冇嘔,食多左飯,不過都係胃脹,我唸要時間適應。
你地覺唔覺得小朋友食左藥後會有黑眼圈呀?我仔食左幾日就出左黑眼圈,但佢其實訓到,冇失眠的
我覺得自己心理好唔平衡,明明都唸通左要比藥佢食,但一見佢個樣好似好攰咁就勁心痛,又好想停藥,好內疚

作者: littlelamlam 時間: 16-10-14 20:56 標題: 回覆：zzzlam 的帖子

唉~明白你既心情, 你仔仔點睇? 佢肯吾肯食?

我仔係好硬頸咩都迫吾到佢, 之前佢感冒直情話呑吾到藥丸添, 不過adhd既藥佢會肯食, 因為佢覺得幫到佢專注, 佢開初反應强烈我都有豫疑比吾比佢繼續, 但食食下又真係適應左

你要比D時間佢適應, 你仔仔瞓到已經好好(可能睡眠質素吾好所以有黑眼圈), 我仔話夜晚眼光光添~ 不過我一假期就停藥比佢做多D運動食多D野, 希望趁機補番下

作者: do-re-me 時間: 16-10-18 01:51 標題: 引用：佢應該冇病~~我唸佢係藥物影響先嘔,尋日佢

原帖由 zzzlam 於 16-10-14 發表
佢應該冇病~~我唸佢係藥物影響先嘔,尋日佢話冇嘔,食多左飯,不過都係胃脹,我唸要時間適應。
你地覺唔覺得小 ...

可以暫時每日食一粒先，適應左先再加

作者: do-re-me 時間: 16-10-18 02:09 標題: 引用：仔小六,尋日開始食RITALIN,四小時果隻,佢朝

原帖由 zzzlam 於 16-10-12 發表
仔小六,尋日開始食RITALIN,四小時果隻,佢朝早7:30一次,下午3:15一次,尋日見佢冇哂胃口,好心痛,佢仲話食左藥 ...

其實我女初頭副作用都好嚴重，令佢好抗拒食藥，所以我頭4個月只係比佢每每隔2日先食1粒(10mg), 而家適應左就每朝一粒，而家lunch胃口ok，after lunch佢自己決定食唔食(多數唔食)，放學有時食有時唔食。曾經試過食20mg但副作用太大，而效果亦唔見得好好，所以都係食返10mg. 我個醫生話每個人體質唔同，最緊要病人感覺舒服，家長可自行調教，但當然唔可以食多過醫生規定。唔一定體重增加就一定要加藥，藥嘅份量令生活平衡就OK, 而且一般再長大情況又會好d，所以唔洗太擔心

作者: zzzlam 時間: 16-10-18 16:39

回覆 littlelamlam 的帖子

我星期六日唔會比佢食藥,到星期一食,佢好似適應左,冇嘔,同埋食多左飯,仲食到下午茶,我而家先好過D,佢而家都係食10MG半粒,一曰2次

作者: zzzlam 時間: 16-10-18 16:40

佢頭2日食就訓唔著,不過我開左薰衣草精油比佢,佢隔左一陣就訓到,你地小朋友都可以試下

作者: littlelamlam 時間: 16-10-19 11:10 標題: 引用：回覆+littlelamlam+的帖子我星期六日唔會

原帖由 zzzlam 於 16-10-18 發表
回覆 littlelamlam 的帖子

我星期六日唔會比佢食藥,到星期一食,佢好似適應左,冇嘔,同埋食多左飯,仲食到下 ...

好開心你仔適應左, 做媽媽有時都幾心痛~知道D藥幫到佢但見佢瘦晒又無胃口, 唯有整多D佢鐘意既菜式比佢咋

作者: PP媽媽 時間: 16-10-19 15:13 標題: 引用：Quote:原帖由+zzzlam+於+16-10-12+發表仔小

原帖由 do-re-me 於 16-10-18 發表
其實我女初頭副作用都好嚴重，令佢好抗拒食藥，所以我頭4個月只係比佢每每隔2日先食1粒(10mg), 而家適應左 ...

我女都係食ritalin 10mg好快就適應左，而家lunch胃口都正常，但一食20mg就胃口好差同成日作嘔，所以佢完全唔肯轉20,咁我都不想勉強佢，但醫生話佢磅數可以食30. 好似你咁講只要佢舒服同能夠令佢專注D就ok

歡迎光臨教育王國 (/)